الموضوع: يمديني استخرج الفيزا و الا صعبة

السلام عليكم
لاهنتوا يالغالي عندي استفسار.
أنا ادرس في بريطانيا وعندي نزلة للرياض شهر وأسبوع في الكرسمس
هل تتوقعون يمديني أخذ موعد. وهل يمديني انهي الإجراءات من الان.

واذا الله كتب وطلعت الفيزا. هل لي مدة معينة أسافر خلالها والا اي أسافر في وقت

وجزاكم ربي كل خير.

مواضيع عشوائيه ممكن تكون تعجبك اخترناها لك:

• مساعدة في أختيار فندق من هذي الفنادق في أورلاندوا
• نداء إلى بنت الصقور وللي عندهم معلومات عن نيوجيرسي ونيويورك
• ساعدوني في تنظيم رحلة سياحية ناجحة
• الطقس شهر ابريل ومايو يونيو في أمريكا
• في احد جرب طيران الامارات الى امريكا ؟
• أستفسارات
• الي قدها يدخل
• أفضل المولات والمراكز التجارية
• سؤال عن صلاحية الفيزا
• كيف الجوء بشهر ابريل في امريكاء؟
• اخواني نرجوا المساعدة في صلاحية الفيزا
• مساعده في منهاتن
• مشرفنا العزيز آمل المساعدة
• الفيزا
• هل يشترط جواز منفصل للأطفال ؟
• استفسار عن مدة صدور الفيزا السياحية من السفارة في الظهران؟
• والله بلشه
• اخوكم الحبوب اموت بالسفر طالب فزعتكم
• شقق قريبه من السفاره
• استفسار بسيط

وعليكم السلام اخوي
اكيد يمديك بس احجز من اللحين الموعد راح يفتح لك الى شهر قدام او اكثر بقليل واختر الموعد بعد وصولك للرياض بيوم افضل علشان يمديهم يرجعون لك جوازك قبل ماترجع بالسلامة ان شاء الله
مدة الفيزا خمس سنوات مفتوحة روح في اي وقت ترغب وحتى لو راحت 5 سنين ولا رحت مافيه مشكلة عندهم ۔
بس اخاف انهم يأخرون اصدار التأشيرة لك لأي سبب ويتعلق الجواز معهم يعني حاول تقول لهم في وقت المقابلة انك رااجع لبريطانيا بعد اسبوعين علشان يستعجلون لك شوي في الجواز لعل وعسى ان شاء الله تمشي امورك ۔
دعواتي لك بالتوفيق

ممكن وقت المقابله يعطونك جوازك واذا جهزت التأشيره يرسلون لك يطلبونه وترسله بالدي اتش ال
بس عطهم خبر انو تحتاجه علشان مايعلقونه عندهم

مع انو الاغلب هالوقت تطلع لهم الفيزا خلال يومين

تيكر

لاهنت يالغالي والله يسلمك من كل شر ومكروة
وجزاك ربي كل خير طمنتني الله يطمنك ويريحيك .۔

تحمست بعد ردك أكثر أني أسعى للحصول عليها .۔

وشكراً على النصيحة.۔

بس لاهنت ممكن اكلف عليك بشي بسيط .۔

كيف الحين

الأول اسدد في البنك الأمريكي

ثمن أعبي الأبلكييشن .۔

أو كيف الألية هل تعبية الأبليكشين مرتبطة بالسداد اللي في البنك او السداد عشان اشتري معرف .۔

وشكراً



___________________________

غادة الرياض

جزاك ربي كل خير .۔ وشكراً على التنبيه .۔

وعسى إن شالله تطلع الفيزا في يومين .۔ الله يسهلها

لكن إذا تأخرت هل أقدر أسحب جوازي من السفارة .۔

وشكراً

المعذرة سؤال مهم جداً نسيته .۔

هل بالأمكان أحجز موعد قبل تعبية النمودج .۔ دخلت الموقع وحست شوي بس ماتبين لي شي .۔

وشكراً

لا لازم تعبي الابلكيشن قبل

*

http://www.arabtravelersforum.com/travel165542/

بتوفيق

هلا أبو عبدالرحمن

لاهنت يالغالي .۔ وجزاك ربي كل خير .۔

الأخوان في المنتدى ماقصروا الله يوفقهم وعلى رأسهم أحمد وامباكت ..لكن الواحد عجاز يروح يحوس وينبش

تشكرات لك على الرابط

المشاركة الأصلية كتبت بواسطة سيرفس15
http://www.arabtravelersforum.com/tr...0/#post6411180


تيكر

لاهنت يالغالي والله يسلمك من كل شر ومكروة
وجزاك ربي كل خير طمنتني الله يطمنك ويريحيك .۔

تحمست بعد ردك أكثر أني أسعى للحصول عليها .۔

وشكراً على النصيحة.۔

بس لاهنت ممكن اكلف عليك بشي بسيط .۔

كيف الحين

الأول اسدد في البنك الأمريكي

ثمن أعبي الأبلكييشن .۔

أو كيف الألية هل تعبية الأبليكشين مرتبطة بالسداد اللي في البنك او السداد عشان اشتري معرف .۔



وشكراً

لاشكر على واجب اخوي وما عملنا الا الواجب
الرسوم حقت البنك الامريكي مايطلبونها منك الا وقت المقابلة بس يعني تقدر قبل المقابلة بساعة تروح تسددها عادي مو لازم اللحين ولا لها اي صلة بالتقديم على الانترنت ۔
اما المعرف اخوي هو المرحلة الثانية بعد تعبئتك للابلكيشن على موقع السفارة ويحتاج فيزا علشان تشري المعرف تقريبا راح يخصمون منك 45 ريال فقط لشراء المعرف وبعدها تفتح لك صفحة المواعيد اختر الموعد اللي يناسبك ۔
وبالنسبة هل انك تقدر تحدد موعد قبل ماتعبي الابلكيشن للأسف لا ماتقدر ابد لانه اول خطوة في تسجيل الموعد هي ادخال رقم الابلكيشن يعني مرتبطين ببعض مامنهم فكة ههههه

والله يوفقك وعادي اسأل اللي تبي تراني سائل اكثر منك قبل مااقدم على الفيزا

طيب ليش ما تطلع فيزا من سفارتهم اللي في بريطانيا يمكن يكون أسهل لك ولا عندهم زحمه لأن البريطانيين ما يحتاجون فيزا لأمريكا

هلا أخوي فيصل

بحثت في الموضوع كثير وسألت أكثر وغالبية من قدم على السفارة الأمريكية في لندن للحصول على فيزا رفض طلبهم .۔

لهذا السبب أخاف أكون من هذه الغالبية .۔

أما من ناحية الزحمة كنت ساكن في فندق قدام السفارة الأمريكية في لندن ولا أذكر أني شفت أحد داخل مبناهم غير وجود بعض الحراسات الأمنية في الخارج

الله جابك يا بورمث

إن شالله هذا اللي بسوية وإن شااله تخلص قبل ،، بس في حالة إنها طولت .۔

كيف سويت معهم .۔

- هل أرسلت لهم مباشرة من بريطانيا أو أرسلت لأحد ثم هو أرسل لهم .۔

- ومن ناحية العنوان هل حطيت عنوانك في السعودية أو في بريطانيا (( لأني حطيت عنواني البريطاني ))

وشكراً للإضافة اللي تهمني مرة .۔

المشاركة الأصلية كتبت بواسطة سيرفس15
http://www.arabtravelersforum.com/tr...2/#post6416652


لاهنت تيكر وجزاك ربي كل خير .۔

زين عطيتنا الضوء الأخضر عشان نغثك بالأسئلة .۔

هههههههه

آخر سؤالين .۔

1- أنا مبتعث عن طريق عملي (( يعني موظف وطالب في نفس الوقت )) في خانة العنوان أحط عنواني في بريطانيا أو في السعودية ۔

انا لو مكانك اضع عنواني الفعلي في السعودية لانه هو الدائم وهو اللي يبغونه اما البريطاني فهو مؤقت ان شاء الله
طبعا فقط علشان ماتعطيهم فرصة لأي تعقيدات بسبب انك ماحطيت عنوانك الأساسي او هذا عنوان مؤقت كيف تضعه لنا ومن هالكلام ۔


2- في خيارات نوع الفيزا
b1-b2 بزنس بيرسونال
b1- سياحة

انقلب رأسي
اللي في المنتدى يقوولون أختر لb1-b2 للفيزا السياحية ،، بينما الصحيح b1 : وش السالفة

يعتمد الإختيار على وضعك هناك
لو إخترت b1b2 احتمال كبير جدا انها تعدي ولا يكون فيها اي سؤال لكن لو وأكرر ( لو ) سئلوك انت اخترت فيزا عمل وشخصية ليش ؟ لو قلت اسياحة راح يسألك ليش ماخترت b1 لوحدها واذا قلت عمل او تجارة او شيء من هذا القبيل احتمال يطلب منك اثباتات اضافية ۔
الأفضل اختر سياحة فقط علشان تفتك من الأسئلة الزائدة منهم او التدقيق الاحتياطي ۔

عن نفسي راح اختار سياحة فقط حتى لو كان عندي عمل شخصي خفيف هناك .

وألف شكر لك يالغالي .۔





الله يحييك وياهلا

كذلك أحد الآعضاء هنا في المنتدى راح لآحد فروع فدكس في لندن وأرسل جوازه للسفاره الآمريكيه في الرياض وبعدها بعدة أيام أتصلوا عليه فدكس اللي في سفاره الرياض يتأكدون من عنوانه في لندن وبالفعل أرسلوا جوازه ووصل لشقته في لندن والحمدلله مشت أموره ، وأنا المفروض أني مثله لو لآ طلبهم بورقه خلو سوابق اللي طالبينها ،،،

تيكر الله يعطيك العافية يالغالي ولا قصرت ،،

كلفت عليك كثير ،، ولاهنت .۔

جزاك ربي كل خير على تجاوبك وتفاعلك معي .۔ إذا الله وفق وتسيرت الأمور تستاهل عزيمة لأنك حرضتني للتقديم وخليتني أتفأل .۔ (( عموما تستاهل عزيمة بدون شي ، بس حلوة العزايم إذا لها مناسبة ))

بورمث ،،

جزاك ربي كل خير ،، من جد إضافتك أفادتني كثير وريحيتني الله ولو أنها حاستك شوي ،، بس أستفدت من تجربتك .۔
لا عدمناك يالغالي والله يوفقك ويسهل أمرك .۔

ترى أجمل شي في بريطانيا أنها حول أوربا يعني شنقن لمدة ست شهور وتأخذ جولة أوربية بأارخص التكاليف خصوصاً بوجود ايزي جت وريانير .۔

بخصوص ورقة السوابق من وين اجيبها وكيف إجراءات الحصول عليها .۔ وإذا لا قدر الله وطلبوها هل أحضرها لهم بنفسي أو يكفي أرسالها ۔ أو هل من الممكن أن أحد يوديها لهم ..

موفق يالغالي ،،

ولك بالمثل إن شاءللهـ ،،

أول شيء دامك بتعزم ليش ما عزمت البرازليين اللي ضربوا سيارتك وتعرفت عليهم ههههه

بخصوص ورقه خلو السوابق بصراحه إلى الآن ما اعرف ليش طلبوها بالضبط يمكن تشابه أسماء الخ

المهم إذا طلبوها منك لآسمح الله ، تروح للسفاره تاخذ منهم خطاب موجه للآدله الجنائيه ، تطلع من السفاره على وزاره الخارجيه تصدقها وتروح تقدمها للآدله الجنائيه موقعهم في الديره تقريباً قريبيين من المحكمه ، ولآزم حضورك تقدمها لهم ويبصمونك وتاخذ معك صوره شخصيه لك وبعد تقريباً 3 أيام تستلم صحيفتك الجنائيه ويكون أستلآمها من مكتب المدير عشان اللي جايين من طرف السفاره مثلي يكون أستلآمها من عند المدير بس ، أنا صراحه شفت طلبات كثيره يعني مو أنا الوحيد وشكلها الطلبات كلها من الآمريكان الله يستر وعلى فكره واحد كان معنا بالمنتدى طالبين منه نفس الطلب ،، المهم بعد ما تستلم الصحيفه ترجع لوزاره الخارجيه مره ثانيه وتصدقها وترسلها للسفاره بالفيديكس ، أنا رجعوها لي السفاره مع الجواز وموجوده عندي الآن ،،

وترى واضح من ردي الآول أن لآزم حضورك مفهومه ، والآ كان ما طلبت أسترجاع لجوازي ورجعت الرياض أنا بنفسي ، كان خليت أي أحد يسويها ،،

وكلآمك صحيح حلو أن بريطانيا قريبه من دول أوروبا ، لكن بصراحه ما أشوف أن أوروبا تستاهل العيش فيها لفترات طويله وصدق من سماها القاره العجوز ، أتوقع أمريكا أفضل حتى كثير من الطلآب حولوا من بريطانيا لآمريكا ...

ههههههههههههههههههههههههه

حلوة حقت البرازليين والله كان ودي أني عازهم بس أخاف يخربونها ويلعبون كورة في الشقة ويكسرون اللمبات .۔

مشاء الله عليك متابع .۔

من ناحية الفيزا الله يسهلها إذا جت بها ونعمت وإذا طولوها بسحب عليهم .۔

والله أنك صادق كثيرين حولوا لأمريكا والسبب الرئيسي الرخص في أمريكا مقارنة مع بريطانيا ۔

مراراً وتكراراً أشكرك يالغالي على تفاعلك وتجاوبك وسعة صدرك .۔

وإذا أنت مستمر حتى الان في بريطانيا كودك تسير علينا في لندن ونحظى بشرف زيارتك .۔

ولك خالص تحياتي ..

ايييه أنا متابع جيد ومرات من كثر ما أشوفك في بعض المواضيع صرت حافظ أسمك تصدق خخ يعني من زمااان أذكر عضويتك من كثر ما أشوفك بس أنت ما تعرفني .۔ أنا يا الغالي بلآد الآعنقليز الحمدلله أفتكينا وخلصنا منها وحالياً أنا في الرياض وبعدين وأنت الصادق أنت اللي شرفنا بشقتنا في أمريكا إذا زرتها بعدين سواءً هونيك أو بالرياض
ولآتشكرني على شيء ما سوينا شيء وأطمنك أكثر ، كثير من اللي قدموا على التأشيره الفترات الماضيه طلعت لهم خلآل كم يوم ماشاءللهـ وأنا أخوي الصغير طلعت له بيوم ماشاءلله وعلى كلآم السفير الآمريكي بأن السعوديين من أكثر الناس في العالم اللي يقدمون على الفيزا الآمريكيه ونسبه الرفض بسيطه جداً وقليله فتطمن ..

دمت بعافيهـ ،،

الله لا يهينك يالغالي كذا تحمسني أسوي تقارير بس أهم أحضى بشرف أعجابك فيها .۔

بعض الأحيان أحس أني أسمي مميز وأني قوي تفلت الولد

والحمدلله على خلاصك من بريطانيا .۔ والله يكتب لك التوفيق والسداد والسعادة حيثما حللت وأرتحلت .۔

لاهنت يالغالي ومشكور مليون وترليون وما قصرت

وبصراحة تشرفت كثير بإضافاتك وتعليقات ۔

ولك كل تحياتي ..

ولك بالمثل إن شاءللهـ

ويا هلآ فيكـ ،،