الموضوع: جدول رحله لأمريكا أتمنى المساعده من الخبراء

أتمنى الاقي تجآوب بهالموضوع أكثر من الموضوع الأول

سفرتي ان شاءلله في الصيف
مدتها 26 يوم أو 25 يوم
كان تخطيطي الأول
نيويورك - كاليفورنيا ( سان فرانسيسكو - سان دييغو - لوس انجلوس ) - لاس فيقاس

التخطيط الثاني
نيويورك - فلوريدا ( أورلاندو ) - كاليفورنيا ( لوس انجلوس - سان فرانسيسكو - ) - لاس فيقاس
3 أيأم نيويورك -5 أيأم فلوريدا - سان فرانسيسكو 4 أيام - لوس انجلوس 10 أيأم - لاس فيقاس 3 أيام

اتمنى ذكر ترتيب مناسب لأيأم الخطه الأولى مع ذكر المسافات من و إلى
أو موافقه للخطه الثانيه

وأهم الخطوط الداخليه ( امان - جوده - سعر مناسب )

وسكن مناسب في لوس انجلوس في منطقة الشمال يفضل شقق
او سويت غرفتين وسعرها مناسب جدا .۔

وأيضا سكن مناسب في أورلاندو

ومشكورين .۔

مواضيع عشوائيه ممكن تكون تعجبك اخترناها لك:

• مساعدة من مطار كولومبوس الى مدينة اثينزاوهايو
• طلب اقتراحات ومساعدة بخصوص رحلة عائلية الى امريكا
• الى خبراء أمريكيا مع التحية
• كيفية الخصزل على رخصة دولية؟؟؟
• مطار
• نفسي اروح أمريكا بس ابو العيال متخوف من المصاريف
• اتمنى منكم المساعدة
• الى جميع الأعضاء الكرام
• هل يوجد مطار في ارفاين كالفورنيا ؟؟
• رفض فيزة علاج اتمنى نصيحتكم جزاكم الله خيرا احتاج نصيحتك اخى امباكت
• مشكلة الاطفال المضافون في الجواز
• ساعدوني في خط سيري من واشنطن
• استفسار عن الخطوط التي تنزل في مينابوليس
• خدمة يسيطة من اصحاب الخبرة او اللي عنده علم
• الى كل من قدم على التأشير الرجاء الرد
• متوهقه بترتيب رحلتي
• ابي اشوف مباراة الهلال والغرافة في نيويورك
• طمنوني الله يطمنكم ويوفقكم
• كيف تكون أفضل رحلة من واشنطن إلى فلوريدا
• تهت بين شركات تأجير السيارات ساعدوني بليييز

نصيحة اذا فقط 25 يوم اختاري الشرق ( نيويورك..نياقرا فولز..هرشي..ميامي..اورلاندو) او الغرب( سان فرانسيسكو..لوس انجلس..سان دييغو..لأس فيقاس)
لاتخلطون مدن من الشرق ومدن من الغرب ومدن كثيرة بمدة اقل من شهر......لان المدن كبيرة وكل وحدة تحتاج وقت كافي للاستمتاع فيها وثانيا الطيران من الشرق الي الغرب حوالي 6 ساعات!!!
اذا اول زيارة حاولوا تختارون جهة وركزوا فيها واستمتعوا...والسفرة الثانية روحوا للجهة الاخري

نصيحة اول سفرة خلوها لمدن الغرب ....... طيروا مباشرة مثلا من بلدكم (ترانزيت دبي او من لندن )الي سان فرانسيسكو وبعدين بالسيارة الي سان دييغو ولآس فيقاس ولوس انجلس وتطيرون من لوس انجلس (ترانزيت الي دبي او لندن )الي بلدكم وصدقيني 25 يوم قليلة جداً لتغطية المدن الاربع
طبعا ضروري جداااااا ايجار سيارة
الفنادق بتكون متوسط تكلفة الغرفة لشخصين 200 دولار بالليلة

نيويورك - كاليفورنيا ( سان فرانسيسكو - سان دييغو - لوس انجلوس ) - لاس فيقاس

يعني اخوي اثبت على هذا الترتيب

انا بسافر للخطوط السعوديه
بتكون الدمام - نيويورك .۔
طيب انا وزعت الأيام على هذا الأساس وخبرني راييك .۔

بس اذا ممكن ذكر المسافه من سان فرانسيسكو إلى ( سان دييغو - لاس فيقاس ) بالسياره طبعا
نيويورك 4 أيأم - سان فرانسيسكو 4أيام - سان دييغو 3 أيام - لوس انجلوس 11 يوم - لاس فيقاس 3 ايام

وأقدر اروح من نيويورك إلى شلالات نياجرا ؟
وكم المسافه علشان اوصل لها


واذا ممكن افضل مكتب تأجير سيارات وأسعاره مناسبه
لسيارة تكفي ل6 أشخاص
وأفضل خطوط داخليه

ويعطيك العافيه اخوي

اختي بلاش تطبون نيويورك....بعيدة جدا عن الباقي وراح تضطرون بترجعون لها بالعودة مرة اخري.....تعب وطيران داخلي متعب ..۔
ركزي معاك اللة يحفظج.....تفكرين تروحين شلالات نياقرا بعد !!!! المدة فقط 26 يوم وتبين تروحين 6 مدن!!!!!!
بالسيارة من سان فرانسيسكو الي لوس انجلس 6 ساعات(8 مع التوقف للراحة والأكل و)
من لوس انجلس الي سان دييغو حوالي ساعتين ........سان دييغو الي فيقاس 5 الي 6

اذا مصممة علي توزيعك هذا خليها....نيويورك 4 لأس فيقاس 3 سان دييغو 4 لوس انجلس 9 سان فرانسيسكو 4 نيويورك 1....وهذي 6 محطات يعني 6 مرات تسكرون وتفتحون شناط وتنتقلون من مدينة لأخري!

معليش اختي ندوي على الدخول في الموضوع
اخوي عزيز هل قصدك انه افضل الذهاب الى لوس انجلس وبعدين طيران داخلي الى سان فرانسيسكو والرجعة بعد ذلك الى لوس انجلس عن طريق الطيران ايضاً او الذهاب بالسيارة من لوس انجلس الى سان فراسيسكو ؟؟؟

اخوي عزيز .۔
ليه رجعتي تكون من نيويورك ! ما اقدر اخليها من لوس انجلوس او لاس فيقاس ؟؟
انا للحين ماحجزت التكت بس تخطيطي الروحه من الدمام الى نيويورك والرجعه من لاس فيقاس او اخر محطه بنكون فيها .۔

انا اقول حرام واصله امريكا وبس على كاليفورنيا :/
قلت بنيويورك لو 3 ايام

وبصراحه الحين احترت مو عارفه ارتب الأيأم
لوس انجلوس صايره بالنص بين الكل
ترتيبك صار عكس ترتيبي يعني أبتدي من النهائيه :/
مم مو مشكله
بس آخر استفسارين .۔
اقدر يكون وصولي من مطار ورجوعي من مطار ثاني
يعني وصولي لمطار نيويورك ورجعتي من سان فرانسيسكو

وثاي استفسار .۔
لاس فيقاس تنفع لي كعائله ؟؟
ناس تقول تحسنت وناس تقول كلها بارات و ،،، ؟

فنصيحه لو سمحت

تقدرين تخلين تذكرتك الوصول لنيويورك والعودة من مدينة اخرى..لاكن التذكرة بتصير غالية جدا..( مثال ممكن تطيرين الدمام نيويورك على الخطوط السعودية مثلا ولاكن بالعودة الخطوط السعودية ماتطير من لاس فيقاس او لوس انجلس فلازم ترجعين على شركة طيران اخرى .۔ وبهذى الحالة التذكرة بتصير اغلى)
اذا سالفة سعر التذاكر مو مهمة بالنسبة لج روحى نيويورك ورجعى من لوس انجلس مثلا

فيقاس ممتازة للعائلة

تقولين حرام واصلة امريكا وماروح نيويورك....اقولج حرام توصلين نيويورك وماترحين نياقرا فولز وهرشى وميامى واورلاندو و و كثير من مدن الشرق الحلوة والتى تعتبر قريبة من نيويورك نوعا ما !

اذا هاذى اول سفرة لامريكا خليها بس 4 او 5 مدن بالكثير... علشان ماتتعبون من السفر الداخلى ( سواء بالسيارة او الطيارة) وعلشان تستمتعون بالمدن اللى زايرينها


لوس انجلس ماهى بالنص
الترتيب اللى انا سويتة اذا انتى مصممة على نيويورك وهو (نيويورك 4 لأس فيقاس 3 سان دييغو 4 لوس انجلس 9 سان فرانسيسكو 4 نيويورك 1....).سويتة جذى علشان يكون اسهل عليكم بالسيارة من فيقاس الى سان دييغو الى لوس انجلس الى سان فرانسيسكو.....
وممكن تبتدى بالعكس نفس الشى.......نيويورك...سان فرانسيسكو..لوس انجلس..سان دييغو ..لاس فيقاس..نيويورك

المشاركة الأصلية كتبت بواسطة taker
http://www.arabtravelersforum.com/tr...0/#post6401400

معليش اختي ندوي على الدخول في الموضوع
اخوي عزيز هل قصدك انه افضل الذهاب الى لوس انجلس وبعدين طيران داخلي الى سان فرانسيسكو والرجعة بعد ذلك الى لوس انجلس عن طريق الطيران ايضاً او الذهاب بالسيارة من لوس انجلس الى سان فراسيسكو ؟؟؟



لا اقصد بالسيارة

مره اشغلتك معي اخوي بهالجدول الي كل شوي يتغير رايي منه .۔

طيب يعني معقوله لازم ارجع نيويورك مره ثانيه علشان العوده
الخطوط السعوديه او القطريه مافي لها عوده من مظارات كاليفورنيا ؟
انا ابي نفس الخطوط طبعا روحه رجعه

وبالنسبه للجدول
انا راجعت موضوعك بخصوص الولايه اللي جنب نيويورك وعجبتني هيرشي وولاية قندهار على حسب كلامك هههه
فتخطيط جديد وأتمنى رآييك .۔


نيويورك ( 4 أو 3 أيأم ) - بالسياره إلى هيرشي 3 أيأم ( المسافه ساعتين وربع ) - سان فرانسيسكو 4 - لوس انجلوس 10 - سان دييغو 4 - نيويورك ليله او واشنطن ليله للعوده اذا في مجال اغير من نيويورك رجعه .۔

سؤال اخير .۔
بخصوص الباصات السياحيه اللي من نيويورك الى نياقرا روحه رجعه بنفس اليوم
لك خلفيه عنها ؟
وكيف نظامها

مره شكرا عالتعب اللي سويته بالموضوع .۔
ومشكور على مجهودك

المشاركة الأصلية كتبت بواسطة ندوي المطيري
http://www.arabtravelersforum.com/tr...4/#post6407964

مره اشغلتك معي اخوي بهالجدول الي كل شوي يتغير رايي منه .۔









المشاركة الأصلية كتبت بواسطة ندوي المطيري
http://www.arabtravelersforum.com/tr...4/#post6407964


طيب يعني معقوله لازم ارجع نيويورك مره ثانيه علشان العوده
الخطوط السعوديه او القطريه مافي لها عوده من مظارات كاليفورنيا ؟
انا ابي نفس الخطوط طبعا روحه رجعه
السعودية لا ماعندها من كاليفورنيا.....القطرية ما اعتقد ...۔ الاماراتية عندها...البريطانية عندها

يعنى ممكن تطيرين على الاماراتية مثلا من دبى لنيويورك مباشرة والعودة من لوس انجلس او سان فرانسيسكو مباشرة لدبى
لاكن ارخص تذاكر هى السعودية !!!

وبالنسبه للجدول
انا راجعت موضوعك بخصوص الولايه اللي جنب نيويورك وعجبتني هيرشي وولاية قندهار على حسب كلامك هههه
فتخطيط جديد وأتمنى رآييك .۔


نيويورك ( 4 أو 3 أيأم ) - بالسياره إلى هيرشي 3 أيأم ( المسافه ساعتين وربع ) - سان فرانسيسكو 4 - لوس انجلوس 10 - سان دييغو 4 - نيويورك ليله او واشنطن ليله للعوده اذا في مجال اغير من نيويورك رجعه .۔
جدول معقول...بس تاكدى من مطار هرشى اذا فية مباشر الى سان فرانسيسكو لان هرشى مطارهم صغير....ثانيا السيارة اذا ماجرينها من نيويورك وبتسلمونها فى ولاية اخرى ( هرشى فى ولاية بنسلفانيا) السعر بيصير غالى وايد ....۔ فالافضل ترجعون نيويورك تسلمون السيارة وتطيرون لسان فرانسيسكو
ل اخير .۔
بخصوص الباصات السياحيه اللي من نيويورك الى نياقرا روحه رجعه بنفس اليوم
لك خلفيه عنها ؟
وكيف نظامها
ممكن بس الوقت تقريبا 8 ساعات روحة و8 رجعة يعنى 16 ساعة بالباص!!!! وتحتاجين وقت تقعدين فية تشوفين الشلالات...!!
وفية قطار بعد لاكن نفس الشى وقت طويل
مره شكرا عالتعب اللي سويته بالموضوع .۔
ومشكور على مجهودك




.................................................. ...............

حلو .۔
طيب اخوي المسآفه بين
هرشي إلى نيآجرا كم المسافه ؟
وكيف بخصوص السكن بمنطقة هيرشي ايش افضل الفنادق والشقق وكيف الأسعار ؟
وهي تعتبر تقريبا ريف هادي ؟؟

من هرشي الي نياقرا فولز حوالي 5 ساعات ونص بالسيارة..........هرشي والمدن المحيطة فيها ممكن تعتبرينها ريفية...تصلح ليومين او ثلاثة...فيها فنادق كثيرة...شقق صعبة شوي

خلاص انا حددت جدولي الحمدلله وخلصت .۔
باقي علي احدد السكن وأرتب أيش أبي .۔

بنيويورك أبي بمنطقة التآيم سكوير
يفضل سويت لغرفتين .۔
او اذا سعر مناسب 3 غرف .۔

فندق في هيرشي .۔
وبرضو سعره مناسب
ونياجرا ويكون مطل عالشلال .۔

سان فرانسيسكو + لوس انجلوس + سان دييغو
اذا في أجنحه فندقيه مثل 3 غرف سوا
او أي اقتراحات
يهمني السكن مناسب
وسعره مناسب برضو .۔
قريب من الأماكن السياحيه
ولوس أنجلوس يفضل بالشمال


يعطيكم العافيه

نيويورك..هرشي..نياقرا فولز..سان فرانسيسكو..لوس انجلس..سان دييغو.....................۔ ولآس فيقاس مانتم رايحينلها ؟؟؟

لا يمكن نطلع لها يوم ونرجع من لوس انجلوس
الوالد مآ يبغاها