الموضوع: استفسار بسيط الله يعافيكم

السلام عليكم ورحمة الله وبركاتة

اخواني اعضاء المنتدى الكرام اسعد الله اوقاتكم بكل خير .

انا عندي برنامج صغير اتمنى انكم تعطوني ملاحظاتكم علية من واقع خبرتكم لاني اول مره اسافر اندنوسيا .

المسافرون : شخصين وطفل .
الطفل سنة ونص .
المدة : 14 يوم
الفتره : 3 /9 الى 17/9 /2012


الخطوط المقترحه :

الخطوط السعودية مباشر .

الخطوط القطرية الانتظار ساعتين في قطر .

خطة الرحلة :

2 ايام جاكرتا . فندق

4 ايام بوشناك . فندق اول فلة

4 ايام بالي شالية بمسبح

3 ايام جاكرتا . فندق في وسط البلد عشان التسوق .


الميزانية بدون التذاكر 12000 ريال .

الخطوط الداخلية جاكرتا بالي جاكرتا .

هل فيه مطار ببوشناك ولا لازم ارجع لجاكرتا عشان اطلع لبالي .


الاستفسارات هي :

الخطوط ايش اختار القطرية ولا السعودية مع ان القطرية ارخص تقريبا ألفين ريال .

افضل الفنادق والفلل بهذه الميزانية .

هل البرنامج مناسب ام لا ؟

هل وقت السفر مناسب ؟
ايش اخذ معاي للرحلة من اكل مهم وملابس ؟

وش تنصحوني فيه يا اخوان .


شاكر لكم اخواني مقدما .

مواضيع عشوائيه ممكن تكون تعجبك اخترناها لك:

• من البحرين الحبيبة الى شنغهاي الجميلة
• كيف أسجل جوازي بالسفارة و أنا في بالي
• سوالق في جبل بونشاك طيب جدا
• ننوي السفر الى ماليزيا و منها الى هونج كونج
• مباراة العالمي في جاكرتا
• سؤال من لديه المعلومة الاكيدة يفيدني
• مساعدة و استفسار لخبراء بالي و لومبوك
• تأشيرة الدخول لاندونيسيا للسعوديين القادمين من ماليزيا
• صحيح الي سمعته
• سعر السواقين في اندونيسيا
• ساعدوني يا اهل الخبره ضروري
• الرحلات الداخليه
• مساعده في تحديد وجهه
• استفسارات خالد
• تكفون يا اهل الخبره رتبوها ليباليأخر أسئلتي للسفره
• تكفون ساعدوني بشهر عسلي في اندونيسيا
• ارجوا مساعدتي ابي فندق في حدود 300 في جزيرة بالي
• استفسارتي من اندونيسيا
• سؤال إلى عشاق وخبراء العمة
• ارجو المساعدة

وعليكم السلام ورحمة الله وبركاته

حياك الله ياغالي

لايوجد مطار في بونشاك لازم تروح جاكرتا عشان تطلع طيران الى بالي

اختر القطرية بدون اي تردد ماهي فارقة ساعتين وبتروح بسرعة وثاني شي خطوط تهتم فيك وتقدرك كشخص

السعودية الله بالخير وما اسافر فيها لو التذكرة بـ 500 ريال هههههه

فنادق جاكرتا يفيدونك فيها الاخوان اكثر مني لأني ماجربت فنادق كثيرة

اما شاليهات بالي حددلي ميزانية السكن الي تقدر عليها كل يوم

والميزانية اذا بتكسن في شاليهات تحتاج تزيدها شوي

نعم برنامجك مناسب ولو تشيل يوم من جاكرتا وتظيفة في الجبل او بالي افضل لأن 3 ايام للتسوق اشوفها كثيرة

خذ معك ملابس سبورت كثيرة برمودا وحذاء وانت بكرامة مريح للمشي ويفضل صندل

خل المدام اذا بتروح معك تأخذلها 3 عبايات ونفس الشي صندل مريح

الاكل خذلك شنطة صغيره معلبات منوعة من تونة الى جبن الى قشطة الخ ...

انصحك اهم شي بخصوص المبلغ انك تحطة في الجبل في مكتب ايداع عشان تتجنب السرقة

وتودع شوية من المبلغ في بطاقات الصراف الافضل تأخذ بطاقتين سواء بطاقة عادية او فيزا

المكاسره ثم المكاسره ثم المكاسره هههههه طلع ريحتهم بتنزيل السعر دائماً حتى لو السعر مناسب لك

انتبه من التعامل مع اي شخص غير السواق

رحلة موفقة ولاتحرمنا من دعواتك

نسيت شغلة مهمة

اصرف قبل سفرك مبلغ 1000 ريال سعودي الى دولار عشان تدفع في مطار جاكرتا الفيزا وتشك ان الفندق

طبعاً ويكون معك اصلن مبلغ ريال بسيط عشان تشتريلك كم شغلة من الدوحة اكل او شرب او غيره

هلابك اخوي على القطرية زينه بس اوقاتها سيئه جدا كل رحلاتها تطلع الفجر وهذا اللي محيرني .
اما بالنسبة للسفر الى بالي قريت انه موجود مطار في بندوق وعنده رحلات لبالي .

انا محدد 600 ريال في اليوم للشاليهات واما الفنادق 250 ريال والفلة بالجبل ما ادري هل احتاج فلة ولا فندق مع اني افضل الفندق لان فيه كل شي حتى بالي راح اخذ في مجمع مع الفطور افضل .

هل ااحجز من النت ولا اروح هناك واحجز .

اما بالنسبة للكاش انا ما اشيل كاش كل فلوسي فيزا ومع اكثر من بطاقة .

اما المكاسر فا انا ابو المكاسر كله ههههههههههههههه
.
شاكر لك مرورك وتعقيبك اخوي علي