اخوي العزيز
يبدو انك مثل وضعي بالضبط
ان شاء الله ناوي اروح الصيف الجاي لامريكا لحالي ومن الآن جالس ارتب الوضع والرحلة وراح اعطيك الخلاصة اللي حصلت عليها ۔
1- تبغى لوس انجلس ( الغرب الامريكي ) لك خيارين بالطيران الأول : السعودية الرياض نيويورك ومن نيويورك طيران داخلي الى لوس انجلس ۔ الثاني : البريطانية او الاماراتية الرياض دبي او لندن وثم لوس انجلس ۔
طبعا الخيار الثاني اغلى بشوي بس الصراحة اريح بينما الخيار الاول ارخص بشرط انك تحجز رخيص على السعودية اما اذا حجزت من ال 4000 ريال وطالع روح على البريطانية او الاماراتية لانك راح تدفع الفرق في الطيران الداخلي ۔
( عن نفسي ان شاء الله ماراح احجز الا آخر شهر 1 ميلادي وقت العروض والتخفيضات للخطوط او اذا حصلت سعر منافس اللحين )
2- الفيزا خلصها بدري لانه كل ماقربت الاجازة راح تكون مواعيد السفارة زحمة واحتمال تتأخر تأشيرتك فاغتنم الفرصة بدري ۔
3- لازم تستأجر سيارة هناك لانه اسعار التكاسي مثل ماقالوا اخواني الكرام نار استأجر وخذ معك جارمن وريح بالك ووفر فلوسك والسيارة هناك متعة كبيرة على حسب ماقرأت ۔
4- حجز الفنادق الصراحة يقف الموضوع على ذوقك وميزانيتك اذا كنت راح تكون اكثر اليوم بالخارج والفندق للنوم فقط مايحتاج تحجز 5 نجوم شف اي خيار اقل ۔
اما بالنسبة للأماكن فالإخوان والأخوات هنا مايقصروا مع أحد راح يفيدوك بإذن الله والتقارير مليانة بس روق عليهم كم يوم وراح تآخذ فكرة كبيرة وتصور كامل ۔
والله يوفقك اخوي وتنتهي امورك على خير
..۔
رد مع اقتباس
المفضلات