الموضوع: ممكن خطة سياحية لأمريكا اللى له خبرة لا يبخل علينا

ولد عمي متزوج بداية الصيف وناوي شهر العسل على أمريكا وهو يبغى شخص مجرب
انا قلتلة الحل عندي وانا ابو هندي قلت ما في حل الا اني اكتب الموضوع في منتدى العرب المسافرون ...
ونترقب ردودكم


ملاحظاتّ

1. السفر لمدة شهر بالتمام
2. تحديد كم يوم بالمدينة
2. اجمل المناطق الموجودة بالمدينة


وما تقصرون انشالله وجزاكم الله خير

مواضيع عشوائيه ممكن تكون تعجبك اخترناها لك:

• عاجل رايكم واييد واييد واييد يهمني
• حجم الشنط المسموح بها في مطارات امريكا
• دراسة دبلوم سنة أكاديمية داخل المملكة منحة برنامج تدريبي للغة بكندا
• الاماكن السياحيه في هيوستن
• مساعدة أول مره اسافر أمريكا
• طالع من شيكاغو الى سموكي ماونتن اثناء الطريق هل هناك ما يستحق الزيارة والتوقف؟
• الي خواني واخواتي الخبراء والمميوين البوابه الغاليه
• اريد معلومات عن ولايه فرجينيا
• مواقع هامة لطلاب الدارسين بالخارج
• السلام عليكم
• للي راح السفارة
• عاجل بخصوص التأشيره الامريكيه
• مجموعة استفسارات أهم واحد عن مطار نيويورك في العودة
• يا أهل الخبرة بامريكا فزعتكم
• طلب غريب من السفاره ارجو المساعده
• سؤال بخصوص الفيزا والسياره
• ابغي رياضات بس مالقيت ساعدوني
• الاوضاع الحالية في امريكا..ضرووووري
• من اللي عنده معلومات عن ولاية منيسوتا بأمريكا
• الجو في لوس انجلس و فيقس؟؟؟

اولا مبروك زواج ولد عمك ويارب يرزقه الذريه الصالحه

ثانيا اذا عنده فيزا حق امريكا كل شي سهل اولا ياخذ رحله الكويتيه على نيويورك وانصحه دايركت لا يتغربل في المطارات الاوربيه ينزل نيويورك في فندق حلو انصح فيه هلتون تايم سكوير كل شي يمك ويقدر يقعد في نيويورك اكثر شي اسبوع طبعا يزور البلده من خلال الباص بوطابقين اللي مثل لندن ومكشوف والرحله من الصبح لليل وتكلف عليه تقريبا 30 دولار او اقل شويه يعني يودوك كل الاماكن المشهوره في نيويورك وفي واحد يقرق فوق راسك ويقولك هذا شنو وشنو صار هني وتروح حق تمثال الحريه وتنزل طبعا تاخذ عباره على حسابك التذكره مو ذاك الزود تزور تمثال الحريه وترجع اي باص من اللي يمشون تركب وياه ويوديك للمحطه اللي ياي منها هذا بالنشبه لنيويورك
ومن نيويورك يروح اورلاندو الحلوة ويقدر يسوي شهر عسل عمرة ما ينساه وانصحه يسكن في الانترناشيونال درايف كله فنادق ومطاعم والعاب وكل شي يمك ويبيها اقل شي اسبوعين ومنها يروح لاس فيغاس والرائعه ويقدر يقعد فيها اسبوع وعاد يقدر يرجع اورلاندو او نيويورك ومنها للكويت
اسف للاطاله لكن حبيت ابيض ويهك عن ولد عمك واذا في سؤال تراني بالشوفه

اخوك ناصر كويتي

والله ما قصرت الفيزا جاهزة طبعت الموضوع وعطيتة ولد عمي بالفعل سمع عن اورلاندو وانشالله على كلامة يقول 10 ايام نيويورك
13 اورلاندو
7 لاس فيغاس
بس ما لقى حجز على الكويتية دايركت
اخذ السعودية لندن نيويورك

شكر ما قصر والله يوفقك

مبروك زواج ولد عمك
خلال يومين أو ثلاث أضع برنامج فيمكن ينفعة لأن كثير من الأخوة يسألون نفس الشيئ. بس أبن عمك حجز و خلص. . و علي فكرة متي سفرتة

انصحك اخوي بــجوله مثلي انا رايح بس لمدة 20يوم بعد اسبوعين انشاء الله كالأتي :
8 ليالي أنهايم ( لوس انجيلوس )
4 ليالي ساندييغو
4 ليالي لاس فيغاس
4 ليالي هوليوود ( لوس انجيلوس )
تقدر تضيف عليهم مدينة سان فرانسيسكوا على جوله في جبال الروكيز,,
وعلى فكره اورلاندو حلوه وارخص من ذول بس عيبها جوها ماينطاق
وهذا الجدول اللي انا عامل من بعد استشاره ناس مداومين على هذي المناطق
والف مبروك على عرس ابن عمك مقدما وبالتوفيق

الله يبارك فيكم

خلاص حجز ورحلة تاريخ 19\5 على الخطوط السعودية وبتكون 10 ايام نيويورك
13 اورلاندو
7 لاس فيغاس
حجز من خلال مكاتب عطلات عروض شهر العسل


وما قصرتوا

السلام عليكم

كم سعر التذكره على الخطوط الكويتيه لنيويورك؟؟؟؟؟

أرجوا الإفاده من الإخوه اللي في الكويت