الموضوع: كريم سبله والاخوه مختصين كنداممكن مساعده ضروري

اهلا فيك واشرك على المعلومات الي افادتني كثير كثير:113: واطلب مساعدتك
ادري بطول عليك باستفساراتي بس اتحملني والعرب لبعض:106:
انا افكر ادرس في كندا لمدة 6 شهور ويمكن اكثر على حسب الظروف تقريبا في نصف شهر 2 او نهايته
وعندي
بيبي بيكون عمره يعني سنتين و9 شهور تقريبا وافكر اوديه حظانة انا ابدا ما شفت او قرات في هذا المنتدى
او غيره احد تكلم عن الحظانات بس اذا عندك فكره او تقدر تجيب لي معلومات او اي احد عنده اي فكره عن
حظانات في الداون تاون ربسون ستريت او بندرول اتمنى اني انطق الاسماء صح لان الشقه
المفروشه الي حصلناها في بندرول والكليه الي قاعده اراسلها واتوقع اني راح اعزم وادرس فيها:
واذا
عندك اي معومات عنها خبرني وهى كنديان كوليج وهي في غرب بندرل والشقه المفروشه في روبن ستريت
كم المسافه بينهم بعيده ولا قريبه وسعرها تقريبا 1500 دولار شهريا هل هذا السعر مناسب:upset: واذا
في اسعار اقل ممكن تخبروني وتدلوني بس تكون قريبه من الكليه ومن الداون تاون
وتنصحني اروح شهر 2 ولا بيكون بارد بالنسبه للبيبي:11ld: لاني ما اقدر اروح قبل لان باقي لي
هالمستوى واخلص دراستي وما ابغى اتاخر اكثر عشان لا اروح وتكن بداية روحتي الصيف والعرب يكثروا
هناك

مواضيع عشوائيه ممكن تكون تعجبك اخترناها لك:

• تكفوون الفزعه القيصر وباقي الشباب
• جامعات كندا
• خبراء فانكوفر ابي مساعده الله يجزاكم خير
• تخصص هندسة أتصالات
• استفسار سريع فديت عيونكم
• السكن مع عائلة
• اللي سافروا لكندا سياحة ارجو المساعده؟؟؟؟
• تكفون اتصلوا علي السفارة وقالوا لي ممكن مين عنده حل؟
• افيدوني يا اخواني ولكم كل الشكر
• سؤال عن متطلبات الذهاب كنجستون
• عندما تجمدت شلالات نياجارا قبل حوالي عام
• لكل المسافرين الى كندا
• مونتريال وتورنتو او فانكوفر ساعدوني رجاء
• عاجل
• السلام عليكم
• سؤال عن معهد
• بشرى للمسافرين الى كندا في
• بخصوص الفيزا
• سؤال عن الفيزا وأحوال الطقس
• خبراء كندا يتفضلوون ممكن؟؟؟؟؟؟

اختي نورا 24 ..


ياليت تعطيني المدينه اللي بتسكنين فيها .. واسماء الشوارع بالانجليزي ويكون السبلنق صحيح .. واجيب لك المعلومات اللي تبينها عن موقع شقتكم وقربها من الكلية .. لأني والله ماعندي خبر عن فانكوفر .. بس ببحث لك بالنت ..

وش مواصفات الشقه اللي تبين .. كم غرفه وكم دورة مياه .. وين الموقع المفضل اللي تبين .. بالداون تاون؟؟ قريب من اي شارع ..


وبالنسبه للكلية .. ماشاء الله الكلية لها سمعتها .. بس انا اخاف انه يكون فيها نسبة طلاب عرب كبيره وهذا الشيء اللي انا ماأحبذه .. بس الموقع حقهم يقول نسبة الطلاب العرب عندهم 10 بالميه تقريباً من مجموع الطلاب .. هذا اذا صدقوا .. ومن خلال الموقع بصراحه وصور الكليه احس انها لايعلى عليها .. بس اللي ابيه منك .. وانتي تراسلينهم اعرفي منهم كم اقصى عدد طلاب بالفصل .. اذا كان من 12 وتحت هذا ممتاز .. واذا كان يوصل ال 15 .. ماأنصحك فيه لأني جربت الكلاس ابو 13 و 14 و 15 مافيه فايده ابد .. واسأليهم عن موقعهم .. وبالنسبه لشهر 2 .. راح يكون برد وثلج .. ولو قدرتي تروحين على ابريل راح يكون الجو ممتاز .. يعني بيكون برد لكن مهب مثل شهر 2 (( فبراير )) .. لأني ماتوقع ان البيبي راح يتحمل البرد هذا خصوصاً وهو متعوّد على جو السعوديه !! وراح تبهذلون بالمستشفيات (( لاسمح الله )) لأنها غاليه غاليه غاليه بقووووووه .. والتأمين حق المدرسه انا متأكد ميه بالميه انه ماراح يغطي البيبي .. وبنفس الوقت ماراح يغطّـيك انتي ... يعني لو صار لك شي (( لاسمح الله )) وطلبتي اسعاف .. راح تدفعين كل الرسوم .. بعدين ترسلين فورم لشركة التأمين .. وهم يشوفون وش يدفعون ووش يخلّـون .. ومايغطّـون فلوس الاسعاف ترى .. وبعد شهر يرسلون لك المبلغ مثل ماصار لواحد من اخوياي ..



والله يوفقك .. ويسهل امورك

مشكور اخوي :24:
انا روح اكون في فان كوفر بس اي منطقه والله ما ادري بس الكلية رح تكون فيwest
pender والشقه المفروشه غرفة نوم وحده وحمام واحد ومطبخ وصاله ب1500دولار كندي شهريا في robson street
فما ادري هل هذا السعر مناسب او لا ?
والموقع ممتاز ولا? وبالنسبه للمسافه بين الكليه والشقه بيكون بعيد ولا ?
بالنسه للجيه ما اقدر الامنتصف او نهاية شهر 2 يعني برد واجد يعني كم بتكون درجة الحراره في هذا الشهر? وكيف بيكون في شهر 4 ?
وهل في حظانات في في نفس المنطقه? لان زوجي يقفكر يدرس واذا ما حصلنا حظانه طبعا ما راح يقدر
يدرس:110: فا اتمنى الي عنده خبر يعلمني وبكم الاسعار

هلا بك اختي ...
بالنسبه للشقه اذا كانت مفروشه ومكيفه ومزوده بدفايات ومويه .. وكل شي .. فـ اللي اشوفه ان سعرها مناسب .. والموقع اتوقع انه قريب من الداون تاون مهب بعيد ..
والمسافة انا حاولت احسبها لك عن طريق قوقل .. ولكن ماطلع معي لأني احتاج لعنوان الشقق بالظبط .. وعنوان الكليه ..
عموما أنا جبت لك صوره فضائيه لموقع الكلية ... وشارع ربسون .. وان شاء الله تقرب الصوره في ذهنك وانا اخوك ..
هذي الصورة ..





وهذي صورة للكلية عن قرب .. معليش الصوره مو واضحه لأن الكاميرا الفضائيه مغبره :109:








وفي شهر 2 بيكون في عزّ البرد ودرجة الحراره راح تكون تحت الصفر .. الى شهر نهاية مارس او منتصف ابريل .. فـما أقول الا الله يكون في عونك وانا اخوك ..
وبالنسبة للحضانات أكيد انك راح تحصلين .. ولكن سعرها راح يكون غالي .. وانا متأكد ان المدرسة يقدرون يوفرون لك هالشيء ويساعدونك انك تحصلين شيء رخيص ومناسب .. فحاولي معهم لأن انا ماعندي خلفيه عن الحضانات مع الأسف ..

اتمنى اني افدتك .. واي خدمه حنا حاضرين عزيزتي ..
اخوووووك

:113:
اشكرك وما شاء الله عليك اخوي كريم سبله
اي اكيد افدتني كثير وانشاء الله يكتبه لك في ميزان اعمالك
تحياتي:24:

مساء الخير لكل الاحبة
اولا كل الشكر للقائمين على هذا الصرح فلهم منى كل المحبة.
ثانيا سؤالي موجه لكل من لديه الاجابه:
انا حصلت على دورة من عملي مفتوحة لاي دولة لمدة سنةوقد وقع اخياري على كندا والدورة دورة خاصة بالمصطلحات القانونية law ويهمني بالدرجة الاولى اسم الكلية او المعهد ومكانته العلمية.
سؤال هل كندين كولج يتوفر بها مثل هذه التخصص؟
طريقة القبول هل من الممكن ان احصل على قبول عن طريق موقع الكلية؟
- سوف يكون بصحبتي العائلة وهي زوجتي وثلاثة اطفال 6 سنوات 4سنوات 5شهور ما الطريقة المثلى للحصول على سكن وما السعر التقريبي للشقه بالسهر .
هل يوجد في فانكوفر مدرسة للسعوديين (ابتدائي) وهل هناك نادي للطلبه السعوديين ؟
هل من الممكن الحصول على شقق من الرياض عن طريق النت وما مدى مصداقيتها؟
هل من الافضل ان اصحب الاهل معي من المرة الاولى ام اسبقهم وارتب الامور على الرغم اني ارغب في اصطحابهم معي من اول سفره ؟
علما بأني احمل درجة الماجستير وسبق دراسة اللغة في اوكلاند بنيوزلاندا.
اسف على الاطالة.
محبكم المحامي,,,

الحمد لله ..

حياك الله اختي نورا24 ..

وبالتوفيق يارب في دراستك ..

هلابك اخوي المحامي الأول ..
بالنسبه لكنيدين كولج .. ممكن تشيّـك على موقعهم وتشوف الكورسات اللي يقدمونها ..

ممكن تحصل على قبول بس تدفع رسوم التسجيل تقريباً 100 دولار .. بعدين تدفع لهم فلوس الكورس اذا طلعت الفيزا .. (( لو وافق لك المعهد على هالطريقه ))

الطريقه المثلى للحصول على سكن .. ممكن المعهد او الكلية ترتب لك الشيء هذا .. كلمهم وشوف واشرح لهم وضعك..


بالنسبه للمدرسة الابتدائيه في فانكوفر ماعندي خلفيه عنها .. لكن يوجد نادي طلبة سعوديين في فانكوفر
وهذا موقعهم ..
http://www.saudihouse.org/


وشيك مع الملحقيه وان شاء الله يفيدونك بالسكن أيضاً ..

هذا موقع الملحقيه
http://www.saudibureau.org/arabichome.html


ممكن تحصل شقق عن طريق النت وبالنسبه لمصداقيتها الله اعلم ماحد يقدر يفيدك .. لكن لاتدفع شي عن طريق النت .. الا للملحقيه وبإتصال شخصي .. ولاتدفع المبلغ كامل .. بس عربون :108:
اذا كانت عندك خلفيه عن المدينه ومرتّـب السكن وكل شي ومؤثث ومجهّـز بس يبي من يسكن فيه .. وميزانيتك كويسه .. توكّـل على الله واخذهم معك .. وإلا فلا .. :106:
وبالتوفيق :101:

يعطيك العافية اخوي كريم السبله وعزالله انك اسم على مسمى قمت بالاطلاع على الروابط المرفقة وصراحة اتضحت لي الصورة اكثر .
لك مني كل الشكر والتقدير.:113:
محبك المحامي,,,

حياك الله وانا اخوك ..
حاضرين للطيبين ..