الموضوع: أستفسارات مهمة أرجو الإفادة إخواني الكرام

السلام عليكم ورحمة الله وبركاته

يسعد لي صباح العرب المسافرين في كل أنحاء المعموره أخلص علينا واسئل


الله يعافيكم ودنا أحد يفيدنا عندي كم أستفسار :


1/ ودي أطلع بطاقة فيزا الراجحي مسبقة الدفع عشان حجز الفنادق سمعت أنه لازم تكون الارقام محفوره صح ولا لا ولازم يكون الاسم نفس اللي بالجواز بالضبط صح ؟؟؟؟؟؟؟؟؟


2/ أنا عندي حساب واحد في الراجحي تنصحوني أطلع عليه الفيزا ولا أفتح حساب ثاني وأطلع الفيزا عليه ؟ لانه واحد نصحني قال لاتطلع فيزا على الحساب اللي ينزل فيه راتبك


2/ الحمد لله اليوم أشتريت التذاكر عن طريق النت من خطوطنا الموقرة الخطوط السعودية العرض التشجيعي ب2007 ريال الذهاب يوم 4 أكتوبر والعوده 24 أكتوبر ايش تنصحوني بجدول لهذه الرحلة طبعا المسافرون أنا وزوجتي ؟ وكيف الجو في أكتوبر ؟


هذا اللي في بالي الان وأي استفسارات جديدة حنزلها هنا إن شاء الله ..............


دمتم بود

مواضيع عشوائيه ممكن تكون تعجبك اخترناها لك:

• رحلتي الأولى يا ليت مساعدتي
• لاول مرة الى اندونيسيا
• أقتراحاتكم لعشرة أيام في بونشاك
• ألايفون واستعماله فى جاكرتا
• استفسارات عن بلاد الاندومي
• ارجوا منكم مساعدتي لترتيب الرحله رجاءً
• دلوني في بالي على فندق
• تحيه عطره لكم احبتي ساعدوني جعل مثواكم الجنه
• تقريري : فندق Lumire في جاكرتا
• عاااااااااااجل اجواء اندونيسيا ؟؟؟؟؟
• الاوضاع في اندوسيا
• افدوني باسعار والحجز
• آستفسآر بسيطَ جدآ
• استفسار عن فندق Harris Resort Kuta Beach
• سوال عن الصرف
• محتاجه فزعتكم مررررره ضروري متوهقه
• جدولنا استفسارات عديدة
• لاهل الخبره اريد برنامج
• شهر العسل باندنوسياء احتاج لكم
• من الجبل ضروري

1/ ودي أطلع بطاقة فيزا الراجحي مسبقة الدفع عشان حجز الفنادق سمعت أنه لازم تكون الارقام محفوره صح ولا لا ولازم يكون الاسم نفس اللي بالجواز بالضبط صح ؟؟؟؟؟؟؟؟؟
انا حجزت من بوكنق على بعد اسبوعين ببطاقة الصراف حقت الراجحي(حساب جاري ينزل الراتب فيه) قلت بجرب ومشت معي وارسلت ايميل للفندق عشان اتاكد وطلع الحجز مؤكد ولحد الان ماسحبوا شي والاسم عندي حرف ناقص عن اللي في الجواز وماادري هل تمشي ولا لا
وهذا اللي اقدر افيدك فيه والشباب مايقصروا معك إن شاء الله

حياك الله ياغالي

البطاقة معتمدة وهي نوعين


النوع الاول البيانات مثل بطاقة الصراف وهذا القديم وجت شكاوي كثيرة بخصوص


ان البيانات تنمسح بسرعة فغير البطاقة والبيانات صارت محفورة وهذا النوع الجديد


ماعندك مشكلة البطاقة امنه ومعتمدة في جميع انحاء العالم تقدر حتى تسحب منها


كاش برسوم كل عملية سحب 35 ريال سعودي


الاخ العزيز علي الحربي


لاتخاف حجزك مؤكد لكن نظام بعض الفنادق يسحب المبلغ قبل يومين من وصولك


او بعد ماتسوي تشك اوت يسحب المبلغ من الفيزا


كل فندق له سياسة ونظام خاص فيه وتقدر تتاكد من خدمة العملاء في بوكينج


راح يقولون لك نفس الكلام الي قلته


اخي الكريم بخصوص عدد الايام كم المدة والمدن الي بتزورها؟؟


افضل المدن


جاكرتا - بونشاك - باندونق - جزيرة بالي


وتقدر تاخذلك فرة على التقارير عشان يكون عندك فكرة اكثر عن المناطق


واي استفسار ابشر لكن لاتحرمنا من دعواتك ومبروك مقدما

علي الحربي يعطيك العافية وماقصرت

علي الشهري الله يسعدك دنيا واخره شاكر لك الرد يالغالي

ياهلا والله بالصيدلى راعى الاسئله العلميه ترانى مازلت فاكر تقريرك الجميل

شوف حبيبى بما انى Banking وراح عمرى فى ادق تفاصيل الفيزا والماستر راح اجاوبك على استفسارك بخصوصهم

شوف ياطويل العمر الفيزا لازم تكون ارقامها بارزه ( محفوره ) والى ارقامها مش محفوره تسمى فيزا اليكترون ( بطاقه الصراف ) والاسم لابد ان يكون مطابق للجواز بس فى اندنوسيا زى عندنا ما فيه تدقيق وحتى نادرا يطلبون منك البطاقه ( اوروبا وامريكا يدققون ) بس الافضل انك يوم تقدم على الطلب اكتب السبلنق فى النموذج كما هو مكتوب فى الجواز وريح عمرك

نصيحه اربطها على حسابك حق الراتب وخلى نسبه السداد 100 % ولا تفتح لها حساب مستقل وبعلمك ليش
عشان تفتك من العمولات والغرامات .. لو فتحت لها حساب مستقل وتاخرت عن السداد لسبب او نسيت راح تفرض عليك غرامات وعمولات وتخش فى دوامه مالها اول ولا اخر ( البنوك تفضل الطريقه هاذى اللى ما شى عليها خويك لانها مربحه )

والحل الانسب والافضل واللى اسويه انا ولا فيه بنك اخذ على ريال غير رسوم الاصدار هو .. ادفع بالفيزا قيمه التذكره او الفندق بالنت وبعدها اخش على طول احول المبلغ من من حسابى الجارى للفيزا وارتاح من هم السداد نهايه الشهر طبعا انت بطاقتك مسبقه الدفع حيكون العكس

وافضل حل انك طلعها وسافر ولمن ترجع الغيها .. وريح عمرك

بالنسبه للجدول عاد انت خبير ما يحتاج وخاصه فى بالى

ولكن مبدئيا بعد حذف يومى الذهاب والعوده

1 جاكرتا - 5 الجبل - 3 باندوق - 7 بالى - 3 جاكرتا

على فكره ما توبت من الخطوط بعد قصتهم معك والا مكرها اخاك لابطل

معلومات جداً رائعة
الله يجزاكم خير

هلا والله بخبيرنا حيو مافى زيو شرفتنا والله بمرورك الله يريحك كان موضوع الفيزا مقروشني شوي لكن بعد كلامك طمنتنا إن شاء الله اليومين هذي بطلعها
الجدول اللي وضعته تقريبا نفس جدولي فيه فرق بسيط يعطيك العافيه والله ماقصرت يالغالي شاكر لك المشاركة والرد


وبخصوص خطوطنا الموقرة أرخص شي لقيته وبفرق كبير يعني عندك الاماراتيه بنفس الوقت هذا ب 3900 جنااااااان يارجل جدا غالية قلت الله يعين ناخذ العرض التشجيعي ايش نسوي عاد ولا النية على الاماراتيه ............