الموضوع: وش أجيب معي لكندا؟ جالس سنة،انتظر مشاركة الجميع

السلام عليكم
أنا بمشئة الله طالع لفانكوفر بعد اسبوعين وبجلس سنه اذا الله سهل، ومعي الزوجة والاطفال.
والفتره الحاليه قاعد أرتب الأغراض ، وش توقعون احتاج آخذه من هنا وغير متوفر هناك أو سعره غالي هناك.
انا الآن مرتب الملابس الصيفية والشتوية وأغراض المطبخ مع القهوة والهيل والتمر واللاب توب وأغراض الدراسه لي وللابناء ، هل فيه شي ناقص؟
والمدام تسألني هل جميع المواد الغذائية لزوم الطبخ واعداد حلويات رمضان والموائد الشهية اللي متعودين عليه في السعودية موجودة هناك والا لا، تخاف انها تتوهق هناك ما تقدر تطبخ:101: وهي بيني وبينكم حريفة طبخ قولوا ما شاء الله ، تبغى تشوف اذا أغراضها غير متوفره هناك تجيبها من هنا حفظاً لماء الوجه.
بودي الجميع يشارك لتعم الفائدة للجميع ، تحياتي لكم،،،،،،،،

مواضيع عشوائيه ممكن تكون تعجبك اخترناها لك:

• أستفسار
• أستفسار ضروري الله لايهينكم
• سؤال حول عقد عمل عن طريق النت
• كم تاخذ و تطلع الفيزا و ما هي متطلباتها ؟
• السكن في فانكوفرضروري
• ياليت احد يفيدنا عن معاهد كندا
• بخصوص كشف الحساب هل سيرفض الطلب ام لا بحسب خبرتكم
• ما سطرته كاميرتي في
• أسئلة إلى خبير كندا
• ممكن تساعدوني في سفري لو سمحتوا يا اخوان
• فيزا شنقن
• التأمين المادى
• أي طيران أفضل؟
• استفسار القياده من امريكا الى كندا
• احتياجات طفلتي في كندا
• استفسار عن كنداااا
• الجوال
• استفسار بخوص المهنة ،، عاطل
• مونتريال اوكوبيك او اوتاوا او تورونتو؟؟؟
• الـلـي يـبـي يـتـقـهـوا يـقـلـط؟

هلا اخوي
انا ما راح افيدك الا بشي واحد

لاني رحت عزابي وما عندي سالفه

بس انصحك بشين الاول خذ ادويتك كلهاااا لان هناك ما يصرف لك دواء الا من االدكتور يعني مو زينا
وسولي لك تامين صحي

هذا اللي افيدك فيه واي استفسار ثاني انا حاضر

brother .. try to bring as many stuff as you can

everything is expensive & not as qualified as we have back home

I advise you to bring every single thing you can ..

la tkhally shay ella we tjeebah .. tara el ashya2 hena fashlah .. mo methel elly 3endana


sorry but i don't have arabic dude..


have a safe trip

وعليكم السلام
ماشاءالله تبارك الله راح تنبسط ان شاءالله في فانكوفر .. مدينة المطر
نصيحة انه تخلي معظم الملابس شتويه .. لانه معظم الوقت الجو بارد
في هالشهر الي يعتبر عز الصيف الجو يكون برراااد في الليل يعني تلبس ربيعي مو شتوي ، راح تحتاجون مظلات أو جاكيتات مطر ، بس تقدر تشتريها من هنا
عندي نصيحه لزوجتك .. ترا الملابس هنا فاشله جدا ما تقارن باللي عندنا
اغلى من عندنا واشين فتجيب الي يكفيها ، وبالنسبه للحجابات تجيب معاها الي يكفيها لسنه لانو هنا مافيه
و التمر كثرررر منه نصيييحه ، لانه حتى لو زاد عليك تلقى السعوديين الي هنا كثاااار وكلهم يتمنون التمر
بالنسبه للطبخ ، اعتقد معظم الاشياء متوفره ، يعني ممكن تجيب معاها القهوه العربيه او التركيه والهيل والبهارات الي تحتاجها و زعتر ونعناع مجفف ونعناع المدينه مجفف و الي منو من الاشياء الي متعودين عليها ، ايه ..و جيبوا معاكم حافظات الي تحفظ الاكل ساخن لانو هنا مافيه ، وترامس(زمزميات) موجوده بس الي من السعوديه احسن من الي هنا وبالنسبه للمواعين .. اعتقد كل شي موجود الا الدله اذا بتستخدمونها والفناجيل وبيالات شاي والابريق حق الشاي والابريق الي تغلى فيه القهوه ، هذي الأشياء بالدرجه الاولى

واذا تحتاجون مساعده انا حاضره اقدر اسأل لكم الناس الي هنا

لاتقهروني تكفون تراني مشتهي كبسه مليت من المطاعم بشكل كبيييييييييييييييييييييييييييييييييييييييييييييييي ر

المهم اول واخر نصيحه اذا كان السبب للزياره هو دراسه انجليزي جب معك احسن مترجم الكتروني من اطلس واغلى وااحد تراه مههههههههمحتى لو انك تعرف عيالك بيحتاجونه وجب اكثر من واحد احتياط والله انا ماشعرت باهميته الا يوم جيت هنا والادويه هنا غاليه وماتصرف الابوصفه والكشف بس ب80
الى 100 دولار يعني جب مضادات والباقي مثل الملابس وغيره تلاقاه هنا ماتستاهل تكثر وتوصل بالسلامه
والي تبي حنا حاضرين

^
^
احضر في النادي السعودي تراهم مرات يسوون عزايم ويجيبون كل ما لذ وطاب من الاكل السعودي
d:
ويعزمون الي يحضرون في النادي من الطلاب الشباب الي جاين بدون اهاليهم في العزايم او في النشاطات الي يسوونها
خاصة اذا بتحضر العيد هنا احسن تروح تتعرف على الناس الي هناك .. بتنبسط معاهم اكثر
وبالتوفيق في دراستك

خذ احتياطك لأن فانكوفر غاليه... والي قابلناهم هناك كانو يقولون إنها قاعده تغلى عشان الأولمبيات في 2010

لا تنسى تاخذ قرأن وسجادة صلاة ...الله يحفظكم

كثر الملابس وأغراض الطبخ ووو و و
تراها غالية

تروح وترد بالسلامه يارب وان شاء الله ربي يوفقكم

انا نصيحتي هي شراء الملابس من السعوديه لانها هنا والله غاليه وماتستاهل
حبيبي هذي نصيحت اخو لاخوه . انا الان في فانكوفر وعارف الاسعار زين .
بعدين زي ماقالو الشباب جب معك التمر المكنوز السكري والخلاص وغيره لانه صعب تحصل هنا وهذا ان حصلت بتلقاه غالي مره بس التمر اللي ماكنز بتلقاه عند الايرانيين في كندا
والشئ الاخير الملابس خلي اغلبها ربيعي يعني تي شيرت وتخلي معك مثلا كوت خفيف لانه الجو في النهار حلو وفي الليل شوي بارد وهذا في الصيف بس في الشتاء يقولون بارد ومطر يعني جب معك مظله مطر وجاكيت حق المطر لك ولعيالك.
اتمنى لك سفرا ممتعا .

غالية الملابس والحاجات الضرورية
كل شي غاااااااااااااااااااااااااااااالي الله يعز السعودية

مثل ماقالوا الشباب اللي تقوى تجيبه معك لاتخليه كثر واتعب بالمطار ولا تتعب بعد وتخشر
كثر وراح تدعي لي

بسم الله الرحمن الرحيم

إليك ياأخي الكريم بعض الحاجيات الضرورية جدا والتي ستدوخ حتى تجدها هناك:
-أطلس - لن تجده هناك
-أفياش (تحول من دائري ooلمستطيل ll)ممكن تلقاها ب 15 دولار
- قد ما تقدر من الملابس لأن ملابسهم ثلاثة اضعاف سعر الملابس في السعودية ويمكن أكثر،(ملاحظة ترا الناس ذوووووووووق يعني لاتبخل على نفسك)
-جكيتات واحد برودة متوسطة ، وجهز واحد لدرجات برودة عالية 30 درجة تحت الصفر
- ماكينة حلاقة وأمواس تحديد( تقدر تاخذ مكينة متعددة الوظائف- تحديد تقصير تنعيم)
-سلملي على القهوة والتمر(حلالاه لو انها عندي الحين)
-خذ معك قد ماتقدر فلوس ترا الديرة غالية جدا
- كاميرا ومايك للماسنجر
-كاميرا تصوير ديجتال ( خفيفة وسريعة الاستخدام)

وإنشاء الله إذا تذكرت شي أضيفه عاجلا
**ملاحظة ( اتوقع مسموح لك ستين كيلو عفش) ياليت لو تسأل أحسن

أبشركم وصلت قبل يومين لفانكوفر ، والامور زينة ولله الحمد ، وتقريباً جبت معي أهم الأشياء ، واستفدت منكم كثيراً ، لكم مني الدعاء.