الموضوع: جاء دوري استفسر

السلام عليكم ورحمة الله وبركاته



اخواني اخواتي والله لكم وحشه واشتقت لكم وللمشاركه معاكم وادري اني قصرت في الفترة الاخيرة


بس عاد تعرفون الاشغال والارتباطات


المهم مالكم في الطويله انا ان شاءالله ومعي اثنين من الشباب نوينا ناخذ لنا جوله في اندونيسيا طبعا انا سبق ان رحت لاندونيسيا مثل مايعرف البعض ومعي واحد ايضا سبق ان راح لها ومعانا واحد جديد مفهي مثل ماكنت اول (هع) يعني مابعد راح بس المشكله الحين ان ولا واحد منا راح بالي وودنا ناخذ فيها جوله لمدة ثلاث ايام طبعا مدة الرحلة كلها (15) يوم وبصراحه الميزانيه المرصوده (4000) ريال لكل شخص ( سكن +مواصلات+مزارات+وتعبئة البطن)
الزبده هل تكفي نروح لبالي ولا بس نخليها بين الجبل وجاكرتا ونروح لنا يوم في باندوق
وهذا ولكم جزيل الشكر

مواضيع عشوائيه ممكن تكون تعجبك اخترناها لك:

• ساعدوني في ترتيب رحلتي
• استفسار عن بالي وبونشاك
• استفسارات باينتنج
• ارجو المساعده والتوجيه
• الى خبراء بالي مع التحيه
• مساعدة في برنامج لمدة ايام لزوجين
• اتمنى مساعدتي لعمل جدول للرحله
• رأيكم ونصائحكم في جدولي
• رحلة لمدة أسبوعين
• رحلتنا بعد يوم ممكن افضل جدول ل ايام اشخاص
• اسكن في هوتيل ولا ما اسكن ؟
• ارجوكم ساعدوني
• اخوكم عريس ورحت لاندونيسيا قبلهل ماليزيا افضل؟
• ابغى اسافر لبلاد الاندومي
• عااااجل
• السفر عن طريق قروب سياحي أين آجدهـ في جده ؟
• طلب بسيط واتمنى ماتردوني
• ناوي على السفر مساعدتكم
• استفسار عن اسعار الفلل في بونشاك
• بخصوص الاسعار مهم

ماسبق لي الذهاب الي بالي
لكن 4000 ريال أعتقد ماتكفي طالما المده 15 يوم

حياك الله اخوي

اتوقع 15 يوم بدون بالي قد لا يكفي هذا المبلغ فما بالك ببالي

اشوف انكم تزودون المبلغ على الاقل 15 الف

بالي اذا بتروحها من غير ممارسة الانشطة البحريه من غوص ورياضيات بحريه .. يمكن اقولك تكفي اذا استثنيت سعر تذاكر بالي من القطه
يعني التذاكر حق بالي خارج القطه ..
فيه من هو اخبر مني ولكني احببت المشاركه بما قد يفيد

يعطيكم الف عافيه حبايبي بالنسبه للمبلغ لا ان شاءالله كافي بحكم اني سافرة قبل والصرف يختلف من شخص لاخر

طيب الاستفسار الثاني افضل شريحة نت هناك ووين احصلها في الجبل وكم سعرها لاني ناوي انزل من المطار على طول للجبل

ياشباب محد عنده علم بشرايح النت هناك ولا كيف

انت رايح لها قبل... يعني تعرف الديرة.. تعرف الباصات وطرقها والدراجات واماكنها والكيري كيري ومساراتها.. والاماكن واسعارها..تكفي ان شاء الله بس خد معاك احتياط

افضل شريحة هيا "سيمباتي" simpati
شريحة جديدة سعرها بين 20 الف روبية لين 50 الف روبية ( و عادتا فيها رصيد حوالي 10 الف روبية )
( و تقدر تشحن رصيد 50الف تاني ) اعتقد يكفي للمكالمة 15 ايام داخل اندونيسيا .

النت شهر تاخد 50 الف روبية
1.2 GB والسرعة 7.2 Mbps

بالنسبة لبالي كلام ثاني
وتسحر بشواطئها وتهمس وتقول ما راح تنساني
وش رايكم شاعر ههه المهم
بالي الصراحه تختلف جدا عن أي مدينة في اندونيسيا
واغلب شيء فيها الشواطئ والالعاب البحرية والتجديف والبراشوت على البحر بالسفينة
وبالنسبة للأسعار تختلف من شخص لآخر
يعني انا نسقت رحلتي عن طريق السائق وحجز لي الطيران والسكن والسائق لمدة 4 أيام 1365 يعني تقريبا 5118 ريال
وكان السكن نظيف بس الاثاث قديم وكان الفندق قريب من شاطئ جمبران ما يفرق الا سور الفندق والاجواء حلوه في ابريل
باذن الله امطار وجو رايق ورذاذ بس اول النهار بعض الاحيان الجو حار
واغلب زوار وسكان بالي استراليين تشوفهم بكثرة لقربها من بالي وهم اكثر ناس يعشقونها
وتحصل بعض العرب لكن بعضهم يدعي انه ما يتكلم عربي
وانت افضل لك تنسق مع سائق سواء من اللي تعاملو معهم الاعضاء او لحظة وصولك مطار بالي
وبعدين تشوف السكن لحظة الوصول وفيه كذا منطقة وشاطئ كلها حيوية مثل شاطئ كوتا
وتحصل المطاعم على الشواطئ والطاولات عليها الشموع وجوها خيال ورايق
وانت لازم تشوف التقارير اللي فيها بالي وتشوف التكلفة وكم ليلة
وبالنسبة للشريحة في بونشاك او تاخذها من المطار
بس السائق اللي متعامل معه ما ينصح اخذ من المطار السعر اغلى من برا
وبرا تحصلها في محلات اللكترونيات او بعض البقالات في الجبل
وان شاءالله اني اكون افدتك ولو بالشيء القليل
والخبراء ما راح يقصرون
دمت بود محبكم / البرنس المسافر

اتذكر احد الاخوان ذكر ان تيليكوم سيل تقدم افضل باقه بيانات في اندونيسيا وشخصيا مااهتم للامر كثيرا فمااقدر افتي فيه الا بقدر معرفتي
اخر مره مثلا اخذت شريحه سمباتي ومعها باكج شهري مفتوح اخناه ب 300الف ان لم اخطيء وطبعا بدون جهاز واي فاي كنا نستخدم جالكسي 3 كواي فاي باستخدام نقطه التوصيل يعني الجهاز التلفون نفسه عباره عن تلفون ومعيد بث للانترنت وكان يفي بالغرض بشكل جيد
مع عيوب بالشبكه طبعا سمباتي انها كانت متقطعه ببعض الاحيان
ولا انسي ان عدم الاهتمام راجع لوجود نت عالي السرعه في الفيلا رونيلا مثلا يعني ممكن تلقي نت مجاني بالفيلا
وعموما النت بتلقاه موجود ومتوفر بقيم مختلفه لا تشيل همه في الجبل مثلا عندك عدة مكاتب مختصه بالنت فيه محل صغير قدام البقاله السعوديه قبلها بشوي خطوات تلقي فيه كاونتر فيه شرائح جوال كثيره ممكن يركبون ويفعلون لك الشريحه

ولاتنسي تمر هلموضوع بتجد فيه اجابات كثيره لطلبك
http://www.arabtravelersforum.com/travel679907/

ورحله موفقه يلغلا

بارك الله فيك اخوي جاكا مع ان الموضوع هذا مغبر هههههههههه
بس صراحه استفدت كثير من الرابط الي حاطه لان فعلاً النت ضروري جداً هناك

تبي الجد توني انتبه انه مغبر شفت اخر الردود وكانت حديثه ما نتبهت لتاريخ الطرح يلله عسي يكون في رفعه فايده لمن يسئل بارك الله فيك

المشاركة الأصلية كتبت بواسطة jaka
http://www.arabtravelersforum.com/tr...5/#post8212495

تبي الجد توني انتبه انه مغبر شفت اخر الردود وكانت حديثه ما نتبهت لتاريخ الطرح يلله عسي يكون في رفعه فايده لمن يسئل بارك الله فيك



ايه بالله ان له فائده واولهم انا وهذي بوسه على جبينك يا عمدتنا والله اني احبكم في الله واتمنا لكم التوفيق في الدنيا والآخرة