الموضوع: وينك ياكريم سبلة ولا يهون الجميع

السلام عليكم ورحمته الله وبركاته
أرجو من الإخوة الكرام أن يفيدونني في موضوع وهو أنني بدرس ثلاثة اشهر لغة
وإذا شفت الوضع اوكية كملت ثلاثة اشهر ثانية السوال هنا
ماهي الاجراءت المطلوبة إذا أضفت ثلاثة اشهر ثانية
هل الوضع شوي صعب في تعقيد أو انه به سهولة
هل المعهد يتجاوب مع هذة الحالات ويتساهل معها
وما هو الحل إذا عملت هذه الطريقة
من ناحية زيادة المدة على التأشيرة
إذا به شي ثاني ما ذكرتة أفيدوني جزاكم الله ألف خير
ولكم جزيل الشكر

مواضيع عشوائيه ممكن تكون تعجبك اخترناها لك:

• الله يجزيكم الخير نصيحه
• الإجراءات اللازمة للحصول على الفيزا الكندية
• افيدوني ساعدوني
• عن مذا يفتشون في الكمبيوتر في مطار تورنتو
• عضو جديديأمل مساعدتكم
• ترانزيت الرياضلندنتورنتو
• تعديل الشهادة بكندا
• استفسار عن منطقة الشحن في مطار فانكوفر
• عاجل الى خبراء كندا محتاجكم ضروري
• أطلب مساعدتكم للسياحة في كندا
• من يعرف محل صيانة كمبيوترات جيد في فانكوفر
• فيزا سفر ليا و ل امى
• استفسار عن الهجرة
• تجارب الي رجع من كندا بمولود
• برنامج سياحى لمقاطعة ألبرتا
• كيف تحجز تذكرة طيران الكتورنيا
• يا اهل كندا ممكن مسااعده الله يدخلكم الجنه يارب
• ممكن تقرير عن سينت جون
• رحلة الى كندا بغرض التعليم
• للدراسة بتورنتو

ياهلاا بك ..
لي رجعه .. بإذن الله

هلااا بك مره ثانيه ..
والله انا سمعت كلام عن هالموضوع ..
لكن اللي انا متأكد منه تقريباً (( واللي قالي اياه واحد مسويها ))
انك تاخذ ورقة من المعهد انك بتكمل دراستك .. وتجيب اثبات انك تقدر على المصاريف .. وتوديها مكتب الهجره هنا بكندا .. وهم يمددون لك بالتأشيره ..
هذا الكلام اللي سمعته من واحد مسويها ..

بيني وبينك .. يمكن ماتحتاج تمديد .. لأني انا فيزا زائر .. يعني اكثر شي ممكن تكون 4 شهور ..... وبالمطار عطوني 6 شهور

وفيه واحد معاه فيزا شهور (( فيزا طالب )) ومعطينه 6 شهور وعليها اسبوع او اسبوعين ..

يعني انت وحظك ..

والمعهد يقدر يفيدك فيها اكثر لأن ممكن يكون عندهم طلاب قد سووا كذا .. فنصيحتي لك اسأل المعهد اللي بتدرس عنده ..
ولاتقولي ان معهدك Ef ..

اولا. اشكرك اخوي كريم سبلة على الرد
ثانيا: ياشيخ من كثر مادخلت منتديات توضح الدراسة في كندا عشت الجو هناك وانا مارحت
كل واحد يعطي وجهة نظرة مرة المعهد هذا 100% ومرة هذا المعهد فاشل وبعد وقت طويل
احترت بين ادمنتون وهيالفاكس بعد الدوشة ذي بعدفيها حيرة الله يعين شكلي بطولها وهي قصيره
الزبدة اذا سمعت عن معهد ili في هيالفاكس انه كويس من مصدر دارس به بالله افدني
ياليت تعطيني معهد في ادمنتون معترف به من الملحقية
ثالثا : انت اي معهد دارس به وعشت التجربة المفيدة
رابعا:بعدين انا يمكن ادخل جامعة على حسب الظروف اذا الله اراد يفيد ان ادخل معهد خاص
انا اعرف بتقول ان الدراسة في المعهدالملحق بالجامعة اكاديمية بحتة وتساعدك على الجو الجامعي انا بقول اني بشد نفسي بالمعهد الخاص هل هذا الامر كويس ويساعد اذا دخلت جامعة باذن الله
انا عارف اني خلطت الحابل بالنابل معلية اعذرني واكون شاكر لك اخوي كريم وانا اشهد انك كريم على
اسمك ::x1:
نصيحة اذا اردت ان تبني المستقبل لا تفكر بالماضي وفكر بواقعك لتبني مستقبلك

والله ياخوي مدري وش اقولك ..
في رأيي الشخصي .. ابداً لاتفكر انك تدرس في مناطق اشبه ماتكون ريفيه لأنك ماراح تنبسط وراح تكون مدينه هادئه نوعاً ما .. وبكذا راح تضطر انك تسافر برا المدينه في الاجازات اذا كانت اجازات طويله .. أو تزهق وتكنسل كورسك وترجع لديرتك مثل ماحصل لأحد الشباب ..
وبالنسبه للمعاهد انا ذكرت من قبل في كذا موضوع ان مو ضروري اي معهد يصلح لصاحبك .. يكون يصلح لك !! .. المعهد اللي ادرس فيه حالياً هو EF .. وانا اشوف انه في التدريس حلو .. لكن من ناحية السكن فهو فاشل مليون بالميه من المشاكل اللي واجهتها انا والعرب هناك لأن على قول مديرة المدرسه ان العرب المسلمين لهم طلبات خاصه وصعبه ننفذها .. وزملائي بالمدرسه (( غير العرب )) يشوفون انه ممتاز ومافيه اي مشاكل .. !! يعني شي يحير ..
وانصحك نصيحه بس .. لاتروح الا لمدن كبيره مثل تورنتو وفانكوفر عشان تنبسط .. ولو تجي تورنتو صدقني ماراح تندم ابد وتدعي لي طول العمر ..
بس مافهمت قصدك يكون معترف به من الملحقيه؟ يعني تكون الملحقيه موصيه عليه؟
والله ماعندي خلفيه عنها .. بس شوف المعاهد المعتمده من المجلس البريطاني .. والجمعيه الكنديه للمدارس الخاصه ..
مثل
http://www.eltc.com/


و

http://www.vec.ca/english/5/international-edmonton.cfm


و


وهذي قائمة بالمدارس اللي في ادمنتون

http://www.vec.ca/english/2/language...s-edmonton.cfm




عموماً .. كون المدرسه او المعهد معتمد عن طريق المجلس البريطاني او الجمعيه الكنديه .. مو معناته انه ميه بالميه حلو المعهد .. ممكن يكون سيء وغالي بنفس الوقت .. لأن المجلس البريطاني مايقول للمدرسه لازم توفرون سكن قريب من المدرسه للطلاب .. أو توفرون العوائل اللي يبونها الطلاب .. وهذي لها دور كبير في التأثير على دراستك وانا اخوك .. ماأطول عليك .. بس ماودي اقولك رح المعهد الفلاني وانا ماأدري عنه .. لكن كل المعاهد فيها عيوب ومميزات .. ونصيحتي لك ركز على السكن وجدولك الدراسي مايكون في الصباح .. وركز في طلباتك من المدرسه بخصوص العائله وخلك حرص ودقيق في كل شي تطلبه ولاعليك منهم .. حتى دورة المياه وانتم بكرامه خلك دقيق فيها .. والانترنت .. وغرفتك ومحتوياتها .. عشان ماايتلاعبون معك ..
وبالنسبه للمعهد يفيد اذا كان معتمد .. ويعطي شهادات تويفل .. عموماً .. اذا كان المعهد يعطي شهادات تويفل .. فأكيد انه راح يكون معتمد رسمياً .. ونصيحتي خلك بمعهد تبع كليه او جامعه .. عشان يكون فيه تساهل في موضوع قبولك وتكون معروف تبع الكليه من يوم دخولك المدرسه
والله يوفقك حبيبي ..
وسوري على الاطاله

اخي الغالي : الصمت الطويل

الغالي كريم فعلا كريم وما قصر

بس اللي ودي اقوله اني انا فيزتي -سياحة- ثلاثة شهور ادخل لكندا ثم اذا دخلت الامقريشن هم اللي يحددون مدة بقائك في كندا واعطوني ستة شهور وعيال عمي برضه نفس الشيء علما اننا جئنا باوقات مختلفة يعني مو نفس الضابط اللي حدد مدة بقائي

فانت خذ الفيزا السياحية وراح تكفيك لستة اشهر من دخولك كندا في الغالب

الأمر الاخر وهو المعهد لا تشيل هم
هم ما يصدقون انك بتدغع زود

والجامعه راح يختبرون انجليزيتك ولا يعتمدون على معهد

وشكرا

شكرا لكريم سبلة المشاركة
وشكرا لك يا محمد محسن 111 واشكر مرورك على الموضوع وافادتي به
على الي فهمته ان المطار يعطيك مدة اضافية لك سوا جلست او رحت بغض
النظر على التأشيرة الاولى
ولك جزيل الشكر والعرفان

مشكورررررررررين


ويعطيكم الله العافية على هذا المجهود الرائع


موضوع رائع وجهد مبارك تشكرون عليه


أسأل الله لك التوفيق


اللهم صلي وسلم وبارك على نبينا محمد

جزاكم الله خير الجزاء
ممكن استفسار
كم تبعد تورنتو بدولة كندا عن ديترويت بدولة امريكا
وكم تبعد المسافة بينهما وكيف انتقل عن طريق البر ام الجو
وماهي افضل المعاهد هناك واذا كانت مونتريال افضل في المعاهد افيدونى عن المسافة وعن افضل المعاهد

الله المستعان :101:
موضوع من عام 2006


بس انصحك اخوي تستخدم برنامج google earth
برنامج ممتاز جدا

يحددلك المسافة بين المدن وبين اي مكان تبيه داخل المدينة
واكتب فيه english school او english institute ويحددلك كل مدارس اللغة بالمدينة اللي تبيها وانت اختار المكان المناسب

وفقك الله