الموضوع: استفسار عن التأشيرة وعن الحجاب في كندا

مرحبا اخواني واخواتي

عندي كم استفسار ومو قادره اتحرك فعليا غير لما اخوي الباخص او واحد من النشامى فيكم يعطيني اجابه او رد شافي عليه تكفون

اولا - بخصوص الفيزا طلبوا مننا حجز الفندق والتذاكر واحنا مو ناويين نسكن فندق في تورنتو لانه اختي عايشه هناك للدراسه مع زوجها من سنه وراح نقعد عندهم لبعض الوقت وماادري كيف احل المشكله هذي ؟
واذا احد يعرف مكتب في جده يطلع الفيز ويقوم بكل شيء واحنا ندفع له مافيه مانع عطونا اسمه ولكم دعائي

ثانيا- انا سمعت انه فيه مضايقات لبعض المتحجبات طيب انا مو متحجبه بس انا منقبه بالكامل وجاتني حاله نفسيه يوم كنت في المانيا بنقابي الكامل وانواع المشاكل هل سوف اواجه هذاالوضع في كندا ؟؟؟؟

ثالثا- الي سمعته من الكل انه كندا طبيعه فقط واحنا معانا طفلين يعني ياليت الباخص او احد الاخوان يقدر يفيدنا في برنامج خاص يشمل كل انواع الترفيه للاطفال غير الطبيعه مثل ملاهي الاطفال او فعاليات ثانيه يعني برنامج متكامل

رابعا- اذا عندكم اسماء مطاعم عربيه اكتبوها لنا لاني ناويه اروح اتمشى مو اطبخ :110:
والمشكله الي معايا مايعترفون بالوجبات السريعه يعني لازم رز ومشاوي والذي منه بليز اي رقم مطعم معروف وطيب اكتبوه


ولكم ودي ووردي ودعائي بالجنه

مواضيع عشوائيه ممكن تكون تعجبك اخترناها لك:

• طلب من اهل الخبرة
• كيف استطيع السفرالى كندا
• تكفون ابي شركة شحن من فانكوفر الى السعوديه
• يا ايها الشعب العظيم
• الدولار الكندي ريال سعودي
• يا أهل الأرض
• اريد معلومات عن مدينة مانيتوبا
• طيران الامارات اقامة مجانية في دبي 9 ساعات
• احتاج المساعدة من الرياض لكندا
• فلل مؤثثة للاستئجار فانكورفر
• الي مع ولدي يقول على خطوط الآتحـآد
• أنوي رحله سياحيه عائليه الى كندا ممكن جدول بأجمل المناطق في كندا ؟
• استفسار عن فيزا للزوجة والله تعبت
• سأعتمد على الباصات في التنقل، لكني لا أفقه فيها شيئا
• ذهاب الي كندا لاخذ اللغه
• تم إنتقال منتدى التعليم والدراسة في كندا
• يا اعضاء المنتدى
• كشف حساب لفيزا السائح ؟؟
• سؤالالفيزا السياحية عادي اجلس شهور
• ابي ردود سريعه اذا ممكن ؟؟

اول شي صراحة عجبني اسمك تأشيرة
بعدين انا بفيدك باللي اقدر عليه
بخصوص الفيزا اظن انه لازم رسالة من الناس اللي بتروحون لهم عموما اتصلي على السفارة واسئليهم
انا ماشفت الا متحجبات وعادي الامر ولا شي لا تشيلين هم
واذا رايحين لتورنتو هناك مدينة العاب ناسب اسمها كبيرة وفيه اماكن كثيرة للأطفال
واتمنى الاخوان يساعدونك

تأشيره ..

خلي اختك تسوي لك خطاب دعوه لزيارتها .. وتكتب عنوانها وكل شيء بالورقه .. ولو قدرت تحصل ورقه رسميه يكون ممتاز ..

ومايحتاج حجز ولا شي اذا حصلتي دعوه من اختك ((( هذا اذا اختك تبيك ))

ههههههه امزح ..

وبالنسبه للحجاب في كندا (( تورنتو )) .. يومياً اشوف محجبات .. تقريباً كل مره اطلع فيها واجي اشوف محجبه .. وبصراحه انا من النوع اللي يدقق في المحجبات ونظرات الناس اللي حولها .. والله مابعد شفت احد يناظرهن بطريقه غريبه .. بالعكس مايلتفتون لهن والله .. لاتحتارين بهالموضووووع ابد .. اخذيها مني .. كندا فيها محجبات كثير وبمنطقتي اللي انا فيها (( تورنتو )) اشوفهن كل ابو دايم ..


وبالنسبه للبرنامج .. ان شاء الله اخوي الباخص يرتب لك برنامج مناسب .. وبالنسبه لمدينة الالعاب الكبيره في تورنتو اسمها وندر لاند wonder land ..

wooden

يعطيك الف عافيه اخوي وكلك ذووق ماقصرت
وترا اسمي هذا مقتبس من مصايب التأشيره الي حايسين فيها
بس مشي حالك ان شاء الله ربنا يفرجها

ودي ووردي

كريم اهلين فيك اخي الكريم

طيب انتهينا من موضوع الورقه والمحجبات وملاهي الاطفال

وين اسماء المطاعم العربيه يعني ولا ماتاكلون ..؟؟

خاصه انتم الشباب الي طالعين لوحدكم ولا تقلي ماكدونالدز وغيره

ترا نفسي قفلت منه من كثر مااكلته السنه الي فاتت

يالله خليك كريم على اسمك وروح لفلف شويه في المدينه الي انت فيها وطلع لي
اسماء مطاعم عربيه عليها القيمه

وماقصرت اخوي الله يخليك ذخر لاخوانك يارب

الاخت تأشيره
من ناحية حجز السكن كل السفارات تطلب الشي هذاوالامر بسيط احجزي في اي فندق عن طريق النت بس لازم يكون معك بطاقة فيزه وأول ماتطلع الفيزة الغي حجز السكن ( لازم قبل موعد السكن بأربع وعشرين ساعه ) وكذا ماتخسرين اي ريال ,,, اتمنى لكي سفره ممتعه والسلام .

اما انا ما انتهيت ...على الاقل بالنسبة للحجاب اختي العزيزة هذا أمر مفروغ منه ودائما نقول للأخوات انه امر يجب ان نعتز به فهو عقيدة وطاعة للخالق قبل أن يكون موروث اجتماعي ان جاز التعبير
اضيفي الى ذلك أن كل شعوب الارض تتميز نسائهم حسب معتقداتهم وعاداتهم .
كل ما في الامر ان بعض الاوربيين والغربيين يستغربون ويتساءلون لماذا هذه المرأة تغطي وجهها !
وقد تكون الاجابة على تساؤلهم سبباً لهدايتهم ....والله الموفق.

بصراحه استفساراتك كانت شاغلتني
لان سفرتي لكندا بعد شهر ولا سويت شئ

واستفدت كثير من جوابات الاخوان
وجزاكم الله الف خير

تحياتي
جولي

هلااا اختي تأشيره ..

هدي اعصابك شوي ترى الدعوه مو هوااش .. وانتي استفسرتي وانا رديت على استفسارك ..

وللمعلوميه انا ماآكل من ماكدونالدز ولا كنتاكي ولا برجر كنج لأنها مو حلال .. خير شر ...

عموماً المطاعم العربيه بكل مكان ..

مثلاً فيه مندي عربي .. جنب ساحة دنداس ..

وفيه مطاعم ايرانيه في محطة ويلزلي .. تطلعين بالصب وي لويلزلي .. جنب المحطه .. واحد اسمه درويش امتداد شارع ويلزلي .. والثاني ناسي اسمه والله .. وفي محطة فنش في اقصى الشمال .. تطلعين من الصب وي .. وتركبين باص رقم 53 .. وبعد محطتين تشوفين مطاعم ايرانيه كثير .. بلك كامل كله مطاعم ايرانيه ..

وتوصلين بالسلامه

فايز

الف شكر اخي الكريم على توضيحك بس احس الطريقه هذي بلشه




دهميد
اعلم اخي الكريم علم اليقين اني افتخر بحجابي واعتز به ولكني ذقت الامرين في المانيا لاني منقبه بالكامل
وسؤالي من باب العلم بالشيء لانها اول مره اسافر كندا فقط
غير كذا حط في بطنك بطيخه صيفي وشاكره لك اخي نصيحتك وغيرتك



جولي

ان شاء الله توصلي بالسلامه يارب


كريم
بجد انت اسم على مسمى ومشكور وماقصرت وكل المطاعم الي قلت عليها سجلتها في النوتس عندي
وصارت من الضروريات
ثاااااااانكس خيو سو متش وموفق يارب

اختي تأشيرة

الشباب ما قصروا بس للتأكيد

المحجبات اشوفهم يوميا ويركبون في الباص ولا احد يلتفتلهم وشفت بعضهم بالحجاب الكامل مغطية وجهها في سوق سكوير ون ولا احد التفت لها .

بالنسبة للسكن زي ما قال اخوي كريم تقدر اختك ترسل لك دعوة وتعطينها السفارة

وبالنسبة للمطاعم برجر كنج وماكدونالد وغيرهم تحصلين عندهم بيف اما المطاعم العربية ففيه مطعم رااائع وله عدة فروع اسمه المدينه وراح تلقين مطاعم عربية كثيرة في تورونتو وفيه اكثر من واحد على اليونق ستريت

وبالنسبة للاطفال تقدرين تشترين تذكرة السيزون باص مرة وحده لمدينة الووندر لاند وبكذا تقدرون تروحن للملاهي خلال فترة الصيف لو تبين الف مرة و اللعب حتى تتعب وفيه مدن الاعاب اخرى راائعه مثل المارين لاند وغيرها

محمد محسن ماشاءالله عليك اخي انت كذا:24:

كفيت وفيت حقيقه


وبالنسبه للسكن انا اختي عايشه في مدينه اتاوا يعني اذا رحنا تورنتو كلها كم يوم بس

بس برضه مايمنع انه الواحد يبحث ويستفسر

يعطيك الف عافيه

بالنسبة للمطاعم في كندا احذروا منها فذبائحها غير مزكاة.

وبحسب خبرتي المتواضعة في تورونتو 2004 :

يوجد منطقة عربية بها كثير من المطاعم وسوبرماركتات.
وطيقة الذهاب اليها سهلة : محطة اقلنتون تأخد الباص رقم 54 وانتظر ربع ساعة واول ما تشوف لوحة عربية معناتها انك وصلت,,, هناك مطعم لمن يريد اكل الكبسة والمطبي وهناك ايضا قهاوي عربية هناك مطعم الواحة و مشويات الضيعة و امبراطور الشاورما(جربوه ممتاز مع زيادة الشطة) ووووو
هناك مساجد ايضاً.

بالنسبة للمطاعم في شارع يونق فهناك مطعم فلافل هاوس ولكن ذبائحه حرام على ذمة شخص فلسطيني يعمل معه. ولكن امشي شوي الى الداون تاون وفيه مطعم ايراني ممتاز ولكن الديكور خذ عليه شوي.

بالنسبة للطلاب فهنام مطعم قريب جدا من مدرسة ايلاك وهو بالضبط عند محطة السب واي (يونق بلور) في مطعم بيتزا بيتزا على الكورنة بعده في لفة على اليمين هناك بوفيه صغيرة ولكن ممتازة ورخيصة(لبنانية) اطلب عندهم صحن شاورما مع الرز ب 5 دولار فقط وجبوا فلافله روعة.

على العموم اي سؤال عن تورنتو انا حاضر

المشاركة الأصلية كتبت بواسطة محمد محسن111


اختي تأشيرة
الشباب ما قصروا بس للتأكيد
المحجبات اشوفهم يوميا ويركبون في الباص ولا احد يلتفتلهم وشفت بعضهم بالحجاب الكامل مغطية وجهها في سوق سكوير ون ولا احد التفت لها .



أنا ناويه أتنقب إن شاء الله لأني رايحه إن شاء الله (تورنتو-فانكوفر - مونتريال) وخايفه إن النظرات تكثر علي والمضايقات...

فهل نسبة المنقبات جيده.. وكيف يلبسون أسود ولا ملون... يتنقبون بزي نقابنا العادي ولا لثام ياليت توضحونلي لأني أبي أسوي زي الناس عشان مايستنكروني

اختي ام منصور ..

لاتقلدين الناس ..

والنقاب هنا شفت عبايتين سود ووحده رماديه ..

وكلهم نقاب عادي
وصدقيني الناس هنا ماتنظر لك نظرة استغراب ولاهم يحزنون بالعكس ..

والله ينبهرون من اللبس هذا ..

واسمعي كلام ربك قبل تسمعين كلامي .. وخلك واثقه من نفسك وثقتك بالله كبيره انك تعملين الشيء هذا لوجه الله .. ولاتخشين الناس ..

وربي راح ييسّـر امورك اختي

الله يوفقك