اخى سيف الشمال

راح اقلك وش سالفه الجبل بالظبط الجبل يعتبر مصيف لاهل جاكرتا وذلك لقربه منها زى جده والطائف عندنا والمشكله تكمن فى ان الخط من بدايه منطقه الجبل ضيق جدا جدا جدا والخط رايح جاى مش سريع .. والضغط عليه يصير رهيب جدا خاصه اذا علمنا ان سكان جاكرتا يفوقون سكان المملكه والطامه الكبرى ان الجبل مافيه الا خط واحد الى هاذا الخط .. ولك ان تتخيل لو تعطل باص ( وياكثر الباصات ايام الاجازات ) او سياره .. اظافه الى ان طريق الجبل مليان بالمحلات والمطاعم ولمن يجى واحد داق ريوس بعد ما ياخذ شغلته لازم الخط يوقف عشانه .. وراح تلقا سيكيروتيه عن اغلب المحلات شغلته يوقف الخط عشان زباين المحلات يقدروا يدخلوا فى الطريق
المشوار فى الايام العاديه ساعه الا ساعه ونصف اما خلام الوكي اند يرتفع الا 6 او 8 ساعات اذا ماكان اكثر
انا فى مره رجعت من بالى يوم السبت 5 العصر وقررت اطلع للجبل على اعتبار ان العالم خلاص طلعت وقلت ما راح الاقى زحمه .. وتخيل انى وصلت الساعه 12 فى الليل للجبل
وفي يوم احد ( اسميه الاحد الاسود ) كنت فى الجبل نازل من منطقه البارشوت الى منطقه البقاله السعوديه لانى كنت مغير فيلا .. وتخيل انى جلست من 4 العصر الى 12 فى الليل لقطع مسافه 14 كيلوا فقط بعد ما اطريت اترك التاكسى واركب دباب انا والعفش

وانا بصراحه اقترحت عليك انك تمشى يوم الجمعه بعد ان فكرت فى مشكلتك بتمعن ومن جميع النواحى ولقيت انها هى الفكره المناسبه حتى فكرت انك تمشى الصبح من الجبل وجدتها غير صائبه من وجه نظرى للاسباب التاليه

اولا انت رحلتك من جاكرتا يوم السبت الساعه 1 الظهر .. ولو مشيت الصبح الساعه 6 قبل الزحمه راح توصل بدرى لجاكرتا وصعبه انك تروح للمطار لانك راح تضطر انك تنتظر الرحله ل 5 ساعات .. ولو رحت لاحد المولات عشان تضيع بعض الوقت عفشك وش تسوى فيه .. ولو قلنا انك راح تدفع للسائق مبلغ اظافى عشان يجلس معكم الى الساعه 11 وتخلون عفشكم معه فى السياره .. طيب وصلتم لبالى واستلمتم غرفتكم قول على الساعه 4 العصر .. صدقنى اول ما تخشون الغرفه بعد البهذله هاذى كلها من سفر لجاكرتا الى لفلفه فى المول الى المطار وشيله عفش وتفتيش راح تحطون روسكم ونوووووووم .. وبتصحون على10 فى الليل وانتم لسا ما زبطبتم برنامجكم ل ثانى يوم وبرنامج نومكم تلخبط على الاخر

بينما لو مشيتم يوم الجمعه المغرب سواء مع السائق الى بيمشيكم فى الجمعه او مع اى سائق اخر وراح تحصل بالراحه لانهم واجد ورحتم وحجزتم فندق فى جاكرتا ( الفله يوم الجمه ماراح تدفع له وراح تدفع قيمتها للفندق ) ونزلتم عفشكم ورحتم تعشيتم فى مطعم الجزيره واخذتم لكم جوله بسيطه وبعدها تنامون قل على 12 فى الليل راح تصحون على 9 الصبح وانتم فرش تطلعون على 10 للمطار والساعه 4 العصر وانتم مستلمين فندقكم فى بالى .. بعدها تطلعون لشاطى كوتا تشوفون الغروب وبعدها جوله فى كوتا وتشوفن لكم حجز عن طريق احد الشركات لاى برنامج لثانى يوم وخلنا نقول التجديف وبعدها تتعشون وترجعون للفندق للنوم على الساعه 10 .. يعنى رتبت جدولك لثانى يوم وحافظت على جدول نومك واستفدت من يومك بانك زرت كوتا وتمشيت فيها عشان تتفرغ بقيه الايام لاماكن اخرى مثلا

يعنى بالمختصر سفركم صباح السبت تعب وبهذله ومغامره لانه ممكن تروح عليكم فلوس رحله بالى واجره اول ليله فيها
بينما سفرك يوم الجمعه فيه راحه وترتيب ومحافظه على ان الرحله تكون ناجه وما فيها اى شى ممكن يكدر صفوكم

مواضيع عشوائيه ممكن تكون تعجبك اخترناها لك: