رحت اليوم السفارة
وبالطقاق دخلت
واهانة تقريبا ساعة كاملة انتظر داخل السفارة
ولقيت شخصين مثل حالتي وواحد منهم جوازه دبلوماسي مقدم معي في نفس اليوم

المهم لما كلمتهم وشرحت لهم كل شي جابت الموظفة الملف اللي فيه الطلب والجوازات وقالت : لسى ما وصلنا الرد من كندا ,, ويمكن يكون على الاسبوع الجاي .. تبي تلغي الطلب او تكمل معنا الى الاسبوع الجاي؟

انا : عندي موعد مع السفارة البريطانية الثلاثاء الجاي ويمكن يحتاجون 5 ايام عمل .. يعني يمكن تخلص على يوم الاثنين او الثلاثاء .. فما اقدر ارسلها لكم الثلاثاء عن طريق ارامكس لانها بتوصلكم الاربعاء وبترجعون ترسلونها مرة ثانية وتوصلني يوم الخميس وانا الخميس مسافر وهذي التذاكر وتاريخ المغادرة .. فإذا تعطيني ورقة اقدر ادخل يوم الثلاثاء الى السفارة بدون الحاجة الى ارامكس بكون شاكر لكم


اللبنانية : ما نقدر نخليك تدخل السفارة الا لما يكون عندك جواز دبلوماسي .. لكن بمجرد انك تخلص من السفارة البريطانية حاول ترسلها لنا بالارامكس يمكن يكون الرد وصلنا من كندا

انا : طيب مافي وقت كذا

اللبنانية : هذي الاجراءات الحالية وما اقدر اسوي لك شي


سحبت الجوازات وطلعت على امل ان الفيزا البريطانية تخلص بسرعة
حسبي الله عليهم

المشكلة كان قدامي واحد واسمعها تقول له : اجراءات الفيزا تاخذ من 30 الى 45 يوم اذا كنت اقل من 45 يوم ما اقدر اسوي لك شي ... فهالشخص سحب جوازاته ومشى وقال لها ألغي الطلب

يوم جا دوري قلت لها انا لي 48 يوم وما صار على اي شي


شفتوا كيف يصرفون الناس !!!

الشخص الثالث الدبلوماسي كان متذمر كثير منهم وقال انه مبعوث من جهات حكومية لتمثيل المملكة في مؤتمر في كندا وصارت مراسلات قوية وعلى مستوى عالي بينهم وبين وزير خارجية كندا .. ومع كذا مافي استجابة من جهة الكنديين

مواضيع عشوائيه ممكن تكون تعجبك اخترناها لك: