الموضوع: سؤال عن كندا

اخواني بغيت تساعدوني في هذه المهمة و هي بغيت منكم شرح ما عليكم امر شرح عن الاجراءات و وين اروح اول شي في المطارات حتى اوصل مطار تورنتو و اطلع منه علما بأن الرحلة رح تكون (دبي -لندن و بعدين لندن- تورنتو ) يعني بغيت تخبروني وش اسوي يوم اوصل الى مطار هيثرو في لندن و كيف اغير الطائرة و وش اسوي اول شي يوم اوصل لين مطار تورنتو يعني بغيت تساعدوني لأني خايف من هالشغلة وشكرا لكم

اتمنى ان تساعدوني

و مشكورين ما تقصروا

مواضيع عشوائيه ممكن تكون تعجبك اخترناها لك:

• مونت فيرنون اجمل ما في امريكا
• الابتعاث والمرحله الخامسه سؤال
• القبلة
• هل تصلح كندا للسفر كسياحة
• الاماكن السياحية في كندا عاجل
• فردركتون هل تعرفها إذا تعال
• هل يدلني احدكم على جامعة بكندا بها دراسة ماجستير ترجمة عربي انجليزي
• مابيــن حجوزات الطيران الإتصالات السعودية وسوريا حتى اصل لـفانكوفر
• نصائح عامة وسريعة موضوع عام
• استفسارين محتاجين اجابه باسرع وقت
• التكاليف الشامله للسفر لكندا
• المطاعم الحلال في تورنتو
• استـفسـار بخصوص الفيـزا سياحية أم طالـب
• ماهي متطلبات الفيزا الدراسية بكندا ؟
• استفسار
• كيف احصل على منحه لدراسه الطب فى كندا
• والله محتار واتمنا مساعدتي تكفوووون
• ايش أفضل تعليم انجليزي كندا بريطانيا
• فائدة الطفل المجنس لابويه
• مساعدتي في ايجاد مهعد في فانكوفر

وين الشباب و الله مستعجل

المطارات كنت اول اخاف اضيع فيها
بس الحيين ماتضيع المطارات
بالعكس كل شيء واضح فيها
احسن مافي المطارات هناك متعاونين جدا
عادي اول ماتنزل لمطار هثروو
اقرب مكان تقص فيه البوردنق اسال عن رحلتك وعلمهم على اي خطوط بتروح
واسال عن مكان قص البوردنق حقها واي بوابه وعن وقتها
بعدين كل شيء بيصير واضح
على العمووم الله يعينك ورحله موفقه ان شاء الله

شدعوه يا شباب معقولة ما حد هني سافر على كندا و يعرف وش الاجراءات و وين السير الشخص في المطار ؟؟؟؟؟؟؟؟؟؟

مشكورة اخت مرومه و ياريت لو احد يخبرنا اكثر

عليك بموقع http://www.naditornto.comوالسلام

مشكور يالطيب ما قصرت و الحين بشوف الموقع

وشكرا لك

الغالي طبعا انت يكون عندك 2 بوردنج تكت وحده خذوها لما طلعت الطايره في دبي
والثانية لما توصل مطار هيثرو شوف شاشات التلفزيون الي هناك وشوف رقم الرحلة الي مكتوبه على البرودنج تكت الثانية والطيران الي بتروح فيه على الشاشة بتحصل موعد الاقلاع والتيرمنال والبوابة التي لازم تتجه اليها
اذا كان فترة الترانزيت طويلة يمكن موعد الاقلاع ما بتحصله في الشاشة غير قبل ساعتين تقريبا من موعد اقلاعها
ثم تتجه الى البوابة للانتظار الى ان يتم الصعود للطايره واذا حبيت تتمشى في السوق الحره تراه كبير وحلو

مشكور لك اخوي No Fear و لكن ممكن توضح لي وش هو التيرمنال ؟؟؟؟ وممكن تخبرني وش معناة موعد الاقلاع في الانجليزي ؟؟؟
ومشكور لك

مطار هيثرو مقسم الى 4 تيرمنال كل قسم عباره عن مطار منفصل
بما انك مسافر على الطيران البريطاني سوف تكون على تريمنال رقم 4
لما توصل المطار اتبع الوائح الي توجهك الى "connection Terminal 4"
الى ان تصل نقطة التفتيش وثم تدخل السوق الحره وستجد هناك شاشات ومواعيد الرحلات

المشاركة الأصلية كتبت بواسطة No FeaR


مطار هيثرو مقسم الى 4 تيرمنال كل قسم عباره عن مطار منفصل
بما انك مسافر على الطيران البريطاني سوف تكون على تريمنال رقم 4
لما توصل المطار اتبع الوائح الي توجهك الى "connection Terminal 4"
الى ان تصل نقطة التفتيش وثم تدخل السوق الحره وستجد هناك شاشات ومواعيد الرحلات




زي ماقالك اخوي نو فار انتبه تمشي وتصف مع العالم زي ماصار معي وتروح عليك الرحلة لان الاغلبية راح تدخل لندن وخاصة اذا الوقت بين الوصول والاقلاع قصير انتبه للوحه مسندوده على عمود بلارض
connection Terminal 4"
وانا مازلت في تورنتو لو حبيت اي شي وبالتوفيق