الموضوع: سانتا مونيكا ايفرن

ادري وايد سألت و بنفس الموضوع بس لانه موضوع السكن في لوس انجلوس عقدني وايد من كبر المنطقه..
الحين خلاص وصلت حق 3 خيارات تقريبا و بغيت رايكم بالنسبه للفنادق و افضلهم..
الاول: Santa Monica Pico Travelodge في منطقة سانتا مونيكا
الثاني: SpringHill Suites Irvin John Wayne Airport / Orange County في منطقة ارفن
الثالث: Candlewood Suites Orange County/ Irvine East في منطقة ارفن

الفنادق الثلاثه الصراحه عجبوني و الفندق الثالث سعره اقل من الباجين ب300 دولار تقريبا..
انا راح تكون اقامتي لمدة 9 ليالي انشالله و معاي سياره و السكن لشخصين بس مع زوجتي و اهم شي النظافه..

نبي اقتراحاتكم بليز لا تبخلون بالمشاركه لاني انشالله ناوي الليله احجز

__________________

مواضيع عشوائيه ممكن تكون تعجبك اخترناها لك:

• طلب مساعده لأول مره مسافر الى أمريكا
• افضل مدن شرق امريكا
• سؤال للمختصين ضرررووري الله يوسعها عليكم أبغى اعرف عن مدينة كاليفورنيا ؟
• مصيبة غير متوقعة ارجو كل من لة خبرة يفدنى
• سؤال لأهل الخبره بالخطوط السعوديه
• يعني ايه عضويه في فندق
• استفسار عن المنتجعات في اورلاندو
• استفسار بخصوص دخول جهاز اللاب توب
• ديزني بالشتاء
• متوهقة في مواصلات لوس انجلوس
• لفظ الجلاله الله على جبال ويسلر
• متى نشتري تذاكر الرحلة و نجهز باقي الترتيبات؟
• حريق هائل في
• رحلة العمر شهر عسل
• باركوا لي
• عاجل ارجوا المساعده إلى
• بسرعة محتاجكم
• مطلوب شقق مفروشه جنب السفاره
• شباب سعادوني ابي قائمة إرشادات للأولاد كيفية دخول وإقامة في أمريكا
• تغيير اجراءات الفيزا مع بداية السنة؟؟؟؟؟؟؟؟؟

ويييييييييييييينكم يا خبراء..؟

اذا 9 ايام وبس انت وزوجتك ومعاك سيارة نصيحة اسكن في لوس انجلس وليس اورانج كاونتي لان اغلب الاماكن السياحية في لوس انجلس وليس اورانج كاونتي.....ممكن يومين تروح الصبح وترجع بالليل لاورانج كاونتي....يوم لدزني لاند ويوم تمشي بالمولات اللي في اورانج ولزيارة ونيوبورت بيتش....
السكن بلوس انجلس في هوليوود او وستوود او سانتا مونيكا

مشكور اخوي عزيز عالنصيحه الحلوه..
عندك خبر عن هل الفندق Santa Monica Pico Travelodge..؟ لانه كلام الزوار عنه زين و شكله موقعه زين بالسانتا مونيكا و سعره معقول جدا..؟

شنو الفترة من..... الي... اي تاريخ؟ وجم السعر المعقول للفندق؟ علشان ادورلك بالانترنت

شفت الريفيو علي فندق اللي لسانتا مونيكا.....نجمتين لاكن الكل يمدح النظافة والغرف مريحة.......اعتقد معقول جدااااااا

الفتره من 6-9 الى 15-9 و السعر يعني لي 1300 دولار تقريبا..
اهم شي يكون في موقف مجاني للسياره و تلفزون بلازما او فلات سكرين..
ما تقصر اخوي جزاك الله خير

The Ambrose
Jamaica Bay Inn
ايش رايك في هل الفندقين اخوي..؟!
هل عندك فكره عن موقع lastminute.com لاني اول مره اشوفه و الاسعار فيه وايد حلوه و ارخص من باقي المواقع..؟

من الصعب جداً بهذا السعر.....حاولت ماكو شي يسوي.......خلك علي Santa Monica pico

انا انصحك بالسكن في لوس انجلوس بما ان الفترة قصيره ماتسوى عليك المشاوير


لكن اذا حاب تسكن في ارفاين فيه فندق حلو وموقعه حلو

فيه فلات سكرين و الباركنق والفطور مجاني

اللسويت غرفتين ب 290 دولار يوميا بدون التاكس مع التاكس ب 320 على ما اظن ناسية . لكن سويت ابو غرفه او ستوديو ما ادري بكم


وقباله محل بوفيه سلطات وشوربات حلو


نظيف و خدمتهم حلوه


http://www.marriott.com/hotels/trave...orange-county/

marriott residence inn

بالتوفيق


شيكت لك على السعر في التواريخ المحدده .. لشخصين استوديو سرير كوين مع صوفا بيد ب 159 دولار

سويت ابو غرفه ب 179

يعطيكم العافيه شباب ما تقصرون..
اخوي عزيز ما جاوبتني على موقع lastminute.com لاني قاعد اشوف فيه وايد فنادق حلوه و بمواقع حلوه و بارخص من 1300 دولار بعد,,.؟
The Ambrose هذا الفندق بعد حصلته بالموقع بسعر حلو.. هل تتوقع انه زين..؟

ال last minute ما اعرفة. .....خلك علي اللي Santa Monica pico بصراحة شكلة والكلام اللي مكتوب من النزلاء جيد جداااااا

مشكوره اخوي وايد ما تقصر..
ادري ضايقتك و وايد قاعد اسأل بس ما عليه تحملني و كله باجره انشالله..
اخر سؤال لاني اقتنعت من كلامك عن الهوتيل بس توني قاعد اشوف حصلت فنادق وايد بمنطقه هوليوود فنادق نجمتين او 3 نجوم و شكلها نظيف و باسعار رخيصه توصل لي 700 دولار تقريبا و مواقف السياراه عليها رسوم بس مع الرسوم يمكن يطلع علي الفندق 900 دولار مثلا فهل تنصح بهاذي الفنادق اخوي عزيز..؟
The Hotel Hollywood هذا واحد من الفنادق اللي قلت لك..

انا كنت شايفة من قبل بصراحة موزين...اولا لان في منطقة هوليوود فندق نجمتين راح يكون تعبان......والريفيو علية موشي. مايمدحونة وايد مثل اللي لسانتا مونيكا

مشكور وايد اخوي ما تقصر,.,.
جزاك الله الف خير و رحم الله والدينك..

افضل فندق بسانتا مونيكا
لويس سانتا مونيكا 4 نجوم موقعها شي خياااااااااااال

تبي نصيحتي اذا رايح كالفورنيا لاتبعد عن منطقة بيفرلي هيلز وهوليوود لان اهم الاماكن متواجده هناك !!

سانتا مونيكا تسكن فيها يومين او 3 ايام واذا انت حاب اوتيل على الشاطيء المونتاج لاقونا بيش اعجوبة الفنادق بس غالي حبتين لكن سعة الصدر اهم شي