السلام عليكم ورحمة الله و بركاتة
أدخل فالموضوع على طول:
أنوي الذهاب إلى كندا في شهر 3 أو 4، ولكني مادري شالسالفه وبصراحة ماسافرت برى الوطن العربي إلا فالصغر مع الوالد من قبل 17 سنة،، عندي مجموعة من الأستفسارات و ثقتي بأهل هالمنتدى كبيرة أنهم يجاوبوني لأني عالله و عليكم ياجماعة الخير...
أخترت كندا بسبب رخص تكاليف المعيشة إذا قارنتها بالدول الأوربية الأخرى و السبب الجوهري الثاني أن أهلها وايد فرندلي حسب ماقريت فالمواضيع الي بهالمنتدى، و السبب الأخير أني فالمستقبل يمكن أهاجر للعمل فيها فقلت يالله يابوحسن خلنا أنشوف هالبلاد تعجبنا ولا شلون.
الــمــهـــم
دايما أسمع الشباب يتكلمون عن فانكوفر فما أدري هل فانكوفر الوجها الصحيحة لي؟؟ آنه ناوي أجلس بكندا شهر كامل تقريبا 25 يوم في قعدتي هذي أبي أشوف كم جامعة و أسأل عن الماستر و تكاليفة + أبي أروح كم مكتب من مكاتب التوظيف أقدم عندهم و أشوف شنو أشتراطات العمل في كندا + أشوف معالم هالمنطقة السياحية. فبليز قولولي هل فانكوفر الوجهه الصحيحة الي بلاقي فيها كل هالسوالف؟؟!؟؟و إذا كانت الوجها الصحيحه أشلون أوصل حق هذي الأمور؟؟!؟؟ ولا تنصحون أروح فانكوفر كم يوم و بعدها أروح منطقة ثانية في نفس السفرة؟؟؟
السؤال الثاني -- الــــــــــســــــــــــــكن!!؟
شفت فالأنترنت عائلات تقدر تسكن معاهم و متوسط الأسعار 700 دولار فالشهر بعضهم يوفرون لك خدمة جيبتك من المطار + غسيل الملابس+ الوجبات اليومية،، فكرت أقعد عند عايله بس قلت آنه يمكن أنتقل من فانكوفر لمكان ثاني فراح أخسر الي دفعته لو ماكملت الشهر!! شرايكم أقعد عند عايله ولا أسكن بشقة؟ و هل الشقق أسعارها معقوله؟ و من وين أعرف الأسعار و أماكن الشقق؟؟ ملاحظة آنه حتى غرفة راح تكفيني ولا حتى بيوت الشباب!!
السؤال الثالث -- المـــــــــواصــــــــــــــــلات
التنقل في فانكوفر شلون؟ و كم أسعار التكاسي أو الترام (اذا كان موجود) مع العلم أني ماعمري ركبت الباصات العمومية و القطارات
السؤال الرابع -- المـــــــرشــــــــــدون الــســــيــــاحيون
هل مكاتب الأرشاد السياحي متوفره هناك؟ و كم أسعارهم تقريبا؟ و شلون نظامهم يومي ولا بالأسبوع؟؟ و من وين أحجز؟
بعد أستفسار هل توجد جمعيات خليجية أو عربية يقدر الواحد يلجئ لهم إذا أحتاجهم، مثل رابطة الشباب البحريني أو القطري الي في بريطانيا؟
السؤال الخامس -- توقـــــــعــــــــــتاتكـــــــــــم!!؟
كم تعتقدون راح تكلفني السفرة (25 يوم) لحالي، مابي رفاهية فالسكن و أبي الأكل الي يسد الجوع بس
شباب و الله أني محتاج لوقفتكم هذي بليز الي يعرف ولو شي واحد يخبرني ولايبخل علي،
و تراني رايح لحالي أي واحد يبي يخاويني حياه الله و بكون كلي سعادةمواضيع عشوائيه ممكن تكون تعجبك اخترناها لك:
- دره في كندا
- استفسار بخصوص تاشيرة الزيارة الي كندا
- الي يعرف امور الفيزه
- هل يمكن عمل التامين الصحي ل كندا من المملكة العربية السعودية
- افضل مدينة في كندا
- الشيك المصدق كيف طريقته
- والله تعبت صدقوني تعبت حتى يوم توفرت الفلوس ماني عارف أخلص أموري
- طلبات مركز الـ بجدة
- السياحة في كندا وامريكا
- الرخصة والبطاقة السعوديه؟؟؟؟
- معلومات شاملة عن كندا دراسة
- اللي عنده خبره في إجراءات القبول لمرحلةالماجستيرالرجاء الدخول خصوصا طلبة سايمون فريزر
- شهر العسل بكندا مع الفنادق
- عن هالي فاكس
- يا خبراء كندا ارجو الرد
- أن شاءالله موضوع سفري الى فانكوفر قريبا
- تعديل الشهادة بكندا
- ساااااااااااااعدوني ممكن
- بخصوص نموذج فيزا الزياره كيف اسوي اذا ماني رايح لاحد او لمعهد؟
- هل 10الف ريال تكفي لمده شهر في تورنتو كندا؟
رد مع اقتباس
المفضلات