الموضوع: من جرب الخطوط السعوديه من الرياض الى نيويورك ؟

من جرب الخطوط السعوديه من الرياض الى نيويورك ؟ وش رايكم فيها خصوصا انو الرحله طوييله ومتعبه ؟

مواضيع عشوائيه ممكن تكون تعجبك اخترناها لك:

• احد جرب الخطوط الجوية الكويتية الي نيويورك
• فندق ؟
• مسافرلها على متن الخطوط الجوية الامريكية من منطلق أمرهم شورى بينهم
• احسن سكن بسافر الى امريكا ولاية بوسطن
• احتاج مشورتكم في توزيع الايام
• لخبراء امريكا اريد ان استفسر عن رحلتي ؟
• ارجو المساعدة
• ساعدوني بسرعة
• استفسار لو سمحتو ممكن
• منتجعات لوس انجلوس
• الي خبراء واشنطن دي سي
• اورلاندو في ديسمبر و يناير ؟؟
• تغير السفارة من الظهران للرياض لان الموعد بعييييد
• هلا باهل الخبرة
• رحله الى كاليفورنيا نصائح مطلوبه من أهل الخبره
• تجربة سيده سعوديه مع الرخصه الامريكيه
• هل أوراقي كامله ؟؟
• تقرير حديث تراجع أعداد السياح في أميركا
• استفسار
• استفسار بخصوص التفتيش في المطار

كماا سمعنا ان الخطوط السعودية في الرحلات الطويلة عالية المستوى

لكن نبي واحد جرب هالرحلة بالذااات

جيده جداً وتمشي الحال وزيادة ( واللي يميزها ان الرحلة دايركت ) ,


موفقين , , ,

المقاعد : نفس مقاعد الداخلية

الخدمة : مقبولة

الوجبات : وجبتين + مره واحدة عصيرات

الترفية : اقل من عادي

الميزات : خط دايركت يعتبر الاسرع بين الخطوط الثانية

واذا بتحجزي خوذي افق او اولى افضل من السياحية زحمة وازعاج

المشاركة الأصلية كتبت بواسطة وسيـم
http://www.arabtravelersforum.com/tr...8/#post5845458

المقاعد : نفس مقاعد الداخلية

الخدمة : مقبولة

الوجبات : وجبتين + مره واحدة عصيرات

الترفية : اقل من عادي

الميزات : خط دايركت يعتبر الاسرع بين الخطوط الثانية

واذا بتحجزي خوذي افق او اولى افضل من السياحية زحمة وازعاج






ترى مو كل الناس تقدر تركب أفق ولا أولى ..

اي والله اخوي الميكادو صدقت

انا كذلك عندي حجز على السعودية الى نيويورك ومتردد اقص والا ما اقص التذكرة مع انها مسترجعة

قص وتوكل على الله
انت مأخذهم ب3500
لو حاب تغير بتاخذ الإماراتية ب7500 للواحد
يعني أغلى من تذكرتك انت وزوجتك بـ500 ريال*

الصراحه احبطتوني من ناحية الخطوط

انا جربتها

الاولى 5 مرات

والافق مره


سياحي ماجربتها


اقولك انها ممتازه


المقعد ليس بفخامة الاماراتيه

لكن ميزتها

لاخمور

ويوجد مصلى في الخلف


السياحيه

نفس مقعد الجامبو العادي

أنا جربت الخطوط السعوديه وميزتها أولا وهو الأهم رخص تكلفتها .... مقارنه مع جميع خطوط الطيران إضافه لإمكانية ترقية الحجز بحدود خمسمائة ريال والدرجه الاولى قد تتوفر في بعض المواسم دون سبعة الاف ريال....
وثانيا كميزه لها لاتقل عن الاولى وهي رحلتها مباشره... تبقى مسأءلة السناكس والعصيرات متوفرة في جميع خطوط الطيران ولا فرق بها جميعها حسب تجربتي

عيوبها مقاعد الدرجه السياحيه صغيرة وقت تختلف المقاعد عن اللي حجزتها بالنت ... كذلك في حالة التتابع مع طيران داخلي قد تتعرض الرحله الداخليه للتاخير وللأسف هالشئ مزعج كثير بعد طيران دولي خصوصا لو كان الطيران الدولي بعد تتابع طيران داخلي


لو تسألني عن خياري لو توفر لي كذا حجز على اي خطوط أختار ... أجاوبك السعوديه ... والشئ اللي يجبرني على إختيار خلاف الخطوط السعوديه هو فقط فارق التوقيت وكذلك السعر لو توفر عرض بسعر أقل على أي خطوط طيران دوليه آخرى

بيني وبينكم

امس انا كنت في مكتب سياحي قال لي اساسا الذهاب الى امريكا متعب واللي بينزل على نيويورك ارخص شي له السعودية لا ومسترجع كمااان

اقول لك اختي روز ... توكلي على الله وروحي السعودية وانتي مغمضة الا اذا فيك شدة زيادة 2000 ريال روحي القطرية تراها مرررة ممتازة

ليش ما تجرب الامارتية
ما راح تندم صدقني

يا اخي غالية من جد

5500 ريال وانا محصل السعودية 3355 ريال شوف الفرق !!!!!

اضف الى ذلك الترانزيت 6 ساعات والله تعب وهدددة حيل

أنا متردد بين الخطوط السعودية و البريطانية ..
أشوف الإماراتية غالية حيل ..

المشكلة الكبرى إن السياحية في السعودية نفس الداخلية فهي غير مريحة البتة بينما البريطانية افضل نسبياً من ناحية السعة

مدري فيه أحد جرب يطلع بالسعودية سياحي, خصوصاً إني فكرت أحجز أفق بس قفزن إلى 10,000 للفرد و هذا كثير جدا على السعودية

المشاركة الأصلية كتبت بواسطة emirates air
http://www.arabtravelersforum.com/tr...4/#post5850874

ليش ما تجرب الامارتية
ما راح تندم صدقني





الاماراتيه
عندها رحله مباشره هيوستن 17 سا عه

اذا مدينتك قريبه خذها

توفر عليك رحله داخليه

انا توني راجع وتقييمي للرحلة ممتاز

1- المقاعد حسيت انها اكبر من الداخلية
2- تعامل المضيفين والمضيفات ممتاز جداً
3- الوجبات يعطونكم عشاء بعد الإقلاع وفطور قبل الوصول بساعتين وبينهم فيه وجبات خفيفه سناك بس لازم تطلبونها يعني مايدورون اللي يبي يعلمهم. الغريبة انهم في الرجعة قدموا لنا قهوة وتمر زينا زي الأولى
4- نظام الترفيه ممتاز جداً انواع الأفلام والمسرحيات الأجنبية والعربية والأطفال بعد هذا غير الألعاب. وأصلاً وجود اللاب توب والايباد يغني عن اي نظام ترفيه.
5- كل مقعد قدامه جنب الشاشه مخرج يو اس بي للي يبي يشحن جواله او كمبيوتره
6- والمهم جداً انهم يعطون كل راكب له شنطتين 30 كيلو كل واحده فيهم
7- لأنها السعودية ماكان فيه احد حوالينا يأذينا بريحة البيرة الي يشربها مثلاً
8- ولأنها دايركت قهي بنظري احسن لأن اصلاً معظم الوقت راح تنامون فيه لأنه وقت نوم والرحلة تقلع في المسا

وأي استفسار ثاني حاضرين

اخوي بوعنوود الصراحة بردت قلبي

بس ابي اسأل في شاحن للاب توب ... اذا بغيت استعمله في افلام مسلية واخشى انه يطفي وتفضى البطارية

ومشكور وما قصرت

المشاركة الأصلية كتبت بواسطة الميكادو
http://www.arabtravelersforum.com/tr...0/#post5846340



ترى مو كل الناس تقدر تركب أفق ولا أولى ..




أخوي انا ماجربت الطيارة الخاصة عشان احكم عليها أحسن واحسن زيك

لكن الأخت تسأل عن الخطوط السعودية بدون تحديد الدرجة وانا أعطيتها رأيي من واقع تجربتي الشخصية

واذا أنا أو انت مانقدر على الأفق والأولى أجل ليه دايم تكون فل ؟!

وانا أقصد اذا بتطلع ع الخطوط السعودية يفضل تحجز على الافق

لان السياحي مقاعدها ضيقة والخدمة عادية وازعاج اطفال والمضيفين مايضبطوا النظام

واذا تبي تسافر على الدرجة السياحية ومايهمك الترازيت الأفضل تحجز على الاماراتية او القطرية

واكرر هذا رأيي الخاص وممكن يتفق او يختلف عليه غيري

تحياتي لك

والله اخوي انا توني واصل امريكا قبل اسبوعين بالضبط على الخطوط السعودية من الرياض
بصراحة عكس ما توقعت وماسمعت
المقاعد مررريحه وفخمة وواسعة وعكس الداخلية
والخدمة افضل بكثير من الداخليه
والواجبات منيو طبعا تختار منه الاكل الي يناسبك لك وجبتين وفيه بوفيه فالخلف لو احتجت شي تروح تاخذ الي تبي
والترفيه جيد جدددا جميع انواع الترفيه
يعني بمقارنه الداخلي عااااال العااااال وممتاززز
والاهم انهااااا دايركت
انا بالنسبة لي صراحة ماحسينا بتعب و معي طفل كذلك
*

عن اذن صاحب الموضوع عندي استفسار

هل يوجد انترنت في الطياره ؟؟؟

المشاركة الأصلية كتبت بواسطة النصراوي العالمي
http://www.arabtravelersforum.com/tr...8/#post5857708

اخوي بوعنوود الصراحة بردت قلبي

بس ابي اسأل في شاحن للاب توب ... اذا بغيت استعمله في افلام مسلية واخشى انه يطفي وتفضى البطارية

ومشكور وما قصرت



اللي فيه مخرج يو اس بي فلازم يكون الشاحن يو اس بي

المشاركة الأصلية كتبت بواسطة النسر2
http://www.arabtravelersforum.com/tr...6/#post5865406

والله اخوي انا توني واصل امريكا قبل اسبوعين بالضبط على الخطوط السعودية من الرياض
بصراحة عكس ما توقعت وماسمعت
المقاعد مررريحه وفخمة وواسعة وعكس الداخلية
والخدمة افضل بكثير من الداخليه
والواجبات منيو طبعا تختار منه الاكل الي يناسبك لك وجبتين وفيه بوفيه فالخلف لو احتجت شي تروح تاخذ الي تبي
والترفيه جيد جدددا جميع انواع الترفيه
يعني بمقارنه الداخلي عااااال العااااال وممتاززز
والاهم انهااااا دايركت
انا بالنسبة لي صراحة ماحسينا بتعب و معي طفل كذلك
*



النسر من كل ماذكرته يتضخ الدرجه الي انت حاجز عليها .... درجه أولى أو دجة رجال أعمال....
جسب تجربتي بالأفق والسياحيه لاتوجد جميع ماذكرته انت من خدمات سوى إنها دايركت ....

المشاركة الأصلية كتبت بواسطة رحال عازب
http://www.arabtravelersforum.com/tr...0/#post5868750

النسر من كل ماذكرته يتضخ الدرجه الي انت حاجز عليها .... درجه أولى أو دجة رجال أعمال....
جسب تجربتي بالأفق والسياحيه لاتوجد جميع ماذكرته انت من خدمات سوى إنها دايركت ....



كلام الأخ صحيح كل الخدمات هذي موجودة.

مشكورين ماقصرتوا افدتوني كثير .
حجزنا الخطوط السعوديه ربي يسهل يارب

انا ما جربت الا السياحية ..
المقاعد : سيئة
الوجبات : عادية و مافيه الا ثنتين و السناك انتي تروحين تتطلبينه و مافيه تسخين .. يعني يا فاكهة او ساندوتش جبن مثلج
الترفيه : اقل من عادي .. كل الموجود فلم واحد اسمه فلم الشهر و مسلسل اطفال و الكاميرا الخفية
الخدمة : عادية
السعر : جيد
ميزه حلوة : المصلى - دايركت
المواعيد : مضبوطه ( على غير عادة )

الامارتية تتفوق في نقطة الترفيه .. فيه اكثر من 150 فلم و مسلسل و السناك حار او على الاقل مقبول
يعيبها : عدم وجود مصلى - الترانزيت - سعرها احيانا -

المشاركة الأصلية كتبت بواسطة قطعة سكر
http://www.arabtravelersforum.com/tr...6/#post5894056

الترفيه : اقل من عادي .. كل الموجود فلم واحد اسمه فلم الشهر و مسلسل اطفال و الكاميرا الخفية
-



الظاهر الكلام هذا يمكن قبل 10 سنين

نظام الترفيه تطور في الخطوط السعودية و اضافوا افلام برامج كثيرة و منوعة

ليس بالتأكيد مثل الاماراتية لكن ليس بالسوء اللي ذكرت