الموضوع: ابي مساعدتكم لأني اول مره راح اسافر كندا

السلام عليكم ورحمة الله وبركاته

بصراحه انا اول مره راح اسافر لكندا وتحديدا فانكوفر ابغى اسأل عن الخطوط الالمانيه زينه والا لا لاني حجزت عليها يعني راح اطلع من جده على فراكفورت بعدين على فانكوفر والاجراءات اللي لازم اسويها اول ما اوصل مطار فانكوفروالاجواء هناك كيف راح تكوون لأن بصراحه في ناس خوفوني من الاجواء هناك وكذلك في اجراءات المطار راح تكوون صعبه علما بأن لغتي الانجليزيه مره ضعيفه وحتى جهازي اللاب توب قالولي لاتاخذه معك عشان فيه برامج مو أصليه ويمكن يرجعونك بسببها بصراحه انا متوتر على الاخر ارجوا مساعدتكم رحلتي باقي عليها 17 يووم

مواضيع عشوائيه ممكن تكون تعجبك اخترناها لك:

• أبيي سكن في فانكوفر
• ياشباب السفارة رفضت طلبي مرتين وش الحل
• استرجع ذكرياتك الرائعة في كندا تجول في كندا عبر خدمة
• رأيكم يهمنا
• استفسار مستعجل عن جلب الفيزا من السفارة اذا كنت في دولة اخرى
• متطلبات الفيزا الكندية السياحية عاجل
• كــنــدا فـي ســطـور معلومات مفيدة
• للي مجرب هذا المعهد
• اسالـ الله من ساعدنيـ ونصحنيـ انـ يجعلـ منزله في الفردوسـ الاعلى
• انفلونزا الخنازير اصبح وبآآآء عآآآلمي من الدرجة السادسة والله بديت اخاف
• مونتريــال نياجرا
• عندي سوال تكفون يــآ أخوآن سـآعدوني
• ممكن مشكورا تتفضل هنا
• سؤال ضروري و مهم
• إستفسار هام الفزعة يأهل الفزعة
• الدراسه لكنداا اتمنى القى ردووود
• سؤال عن الكرت المطلوب تعبئته
• سؤالين للي في معهد وسؤال عن تذاكر الملحقيه
• الرجاء المساعدة في معرفة الاسعار والمعيشة في كندا
• كيف الجو في فانكوفر

جهازك خله معك ومايفتشونه ولا شي .. يعني خذه معك داخل الطائره .. وخل اغراضه( البطاريه + الشاحن ) داخل بالشحن
هذا اللي أقدر أفيدك فيه حسب قرائتي ..
سفـره ممتعـه !!

أخوي أنا رحلتي كانت علي الخطوط الألمانية و الحمد الله تيسرت و ما صار أي شيء لي و لله الحمد
و هم حـ يساعدونك إنت إذا وصلت هناكـ بس وري الأمن تذكرتك و هم يدولونك علي البوابة و أما بخصوص الطيارة
المقاعد ما هي وسيعة و لا هي ضيقة و أما أكلهم ها شوي زين و بالتوفيق

اللوفتهانزا من اروع الخطوط في العالم !!

يعني لا تخاف .. ناس تصنع مرسيدس وبي ام واودي وبورش ماينخاف عليهم ماشاء الله

مطار فانكوفر تعاملهم جيدجداً .. بس عليك انك تكون صادق معهم .. وجاوب على قد السؤال أو قل مااعرف انجليزي مره

بالنسبة لجهاز الكمبيوتر المحمول .. أنصحك بعدم التهور

يا إنك تجيب ويندوز أصلي

ولا إذا أنت تحب المغامره فتوكل على الله

لأن التفتيش ( عشوائي )
بالنسبة للشاحن والبطاريه فخذها معك إذا هي أصليه ولا فيه مشاكل نهائياً ان شاء الله

موفق وتوصل بالسلامه

بحول الله أنا مثلك، على الخطوط الألمانية لكني في تاريخ 8/8 السؤال للإخوة في فانكوفر، يحتاج ملابس دافية للي مدة سفرة شهرين من الآن، درجات الحرارة اليومين هذي معقولة ..

درجات الحراره معقوله جداً تميل الى البروده في الليل

وفي أكتوبر الجو يقرص شوي

خذ احتياطك

ألف شكر للجميع والله ييسر إنشاء الله ولا تنسووووووووووووووووودنا من دعواتكم

اذا لغتك الانجليزية مو مرة خل معاك عنوانك في فانكوفر

لان الجوازات يبي يسألونك وين عنوانك ولازم تكون جاهز لكل الاسئلة

فلو تكون ماتعرف العنوان ضروري تكتبه معك في ورقة او يكون معاك عنوان المعهد او الكلية ... الخ

ومثل ماذكروا الاخوان ... التفتيش عشوائي بعض المرات يدققون على البعض والبعض الاخر يمشون
لانهم يشكون في اي شي

وبالنسبة لخطوط ( لفت هانزا ) ممتازة جدا وطياراتهم اير باص جديدة واكلهم ممتاز بس قلهم اني ما اكل لحم او اطلب سمك

والجو صاير يميل للبرودة وبامكانك زيارة موقع ياهو والتحقق من الجو

وفي النهاية بالتوفيق

توصل وترجع بالسلامة

افا عليك اخوي تسأل عن اللوفثانزا ؟؟
انت راكب افضل خطوط بالعالم من وجهة نظري
وكل التوفيق لك برحلتك

البريتيش ايرويز زينة بعد من جدة و عادة الانتظار قليل في لندن

اللفت هانزا انا رحت فيها كندا ثلاث مرات جدا روعه

عيبها انتظارك في فرانكفورت حوول 7 ساعات بس الرجعه سهله ساعتين ونص بالكثير


بالنسبه للابتوب انا مره خذوه مني ورجعوه بعد ساعه تقريبا بس مدري وين ودووه والحمد لله كاان جديد مره تو شاريه

احذر

ريحتوني الله يريحكم دنيا وآخره والف شكر لكل اللي تواصلو معي ويعطيكم ألف عافيه:115:

من توكل على الله فهو حسبه


لاتنسى هذا اخي الحبيب

`~ يارجال ماهنا الا العافية ان شاء الله ..

بس طلبة يرحم والدي والديك خذني معك : ] والله يانا ندمان اني رجعت خخخخخخخخ

حبيبي انا سافرت لفانكوفر عن طريق لندن

بالنسبة لاجراءت المطار سهلة مرة لدرجة انك ما تتوقعها الامور تمشي بشكل عادي جدا انا يوم اروح كاننت لغتي الانجليزية مدري كيف اوصفها لك اتعامل بلغة الاشارة من ضغف لغتي الانجليزية حتى هاي قالي ولا عرفت معناها وسارت الامور طبيعة في لندن وفي مطار فانكوفر
بالتوفيق حبيبي لاكن خذ بالك من البرد ولا تنسى تاخذ ادوية من عندك للحتياط فقط