مشكور اخوي مودي على الموضوع الحلو واسمحلي اشارك انا كنت طالب في امريكا عام 94 وانتهت دراستي في عام 98 وفي عام 2000 رحت سياحة وصارلي موقف في المطار على الرغم ان سفرتي كانت قبل احداث سبتمبر وكانت امور السعوديين سمن على عسل المشكلة انهم رفضو دخولي وحجزوني في المطار 10 ساعات تخيل وانا ما اعرف السبب وكل ما اسأل احد يقولي بعدين تعرف الصراحة ما اخفيك اني كنت على وشك الأنهيار بسبب اني ما اعرف وش قاعد يصير لأن الوضع بينهم وشوشة بوشوشة انا كنت عادي بالبداية ومتماسك لأني متأكد ان مافية شيء غلط مسوية ولأني ما تعرضت للتفتيش الدقيق يعني اعتبر على حسب القوانين غير مشتبة فية طبعا كل ذا في القوانين السارية قبل سبتمبر المهم بعد جهد جهيد بدأ التحقيق معي ومن نوعية الأسئلة قدرت استشف الموضوع وتذكرت شيء مهم جدا جدا ما سويتة قبل مغادرة امريكا وهو يا طويل العمر. انة كان عندي رقم سوشل سكيورتي وهو عبارة عن كردت هستوري. وهو عبارة عن رقم يطلب في حالة تقديم خدمات ائتمانية يعني الدفع الاجل في جميع الشركات والمراكز والأسواق وكانت علي بعض المطالبات من شركة هواتف وشركة (ديلردز) للأسواق تقريبا 1500 دولار طبعا انا يوم تذكرت هالمعلومة بالتحقيق انتظرت سؤال الغرض من الزيارة فمباشرة قلت ان احد الأسباب ان اسدد مديونات علي لبعض الشركات والي ما قدرت اسددها من السعودية وهنا تنهد الموظف وقال ( فنش) وفهمني ان هذا السبب في توقيفك وانك ما تقدر تغادر امريكا الا بمخالصة من هالشركات لأنك بالبلاك لست قلت ما يصير الا خير. وقالي ان جوابك اعفاك من التوقيف والتحويل للمحكمة تصور وشلون هالموضوع البسيط وش كان بيسوي فيني. انا حمدت الله وشكرتة على الهامة لي باللي قلتة وكيف الله نجاني من ورطة ما يعلم الا هو وش نهايتها.
طبعا انا ما نسيت كلمتة ولا لحظة اني لازم اجيب المخالصة وادفع اللي علي عند الخروج راجعت مكتب السوشل سكيورتي وسحبت برنت على رقمي فية جميع المطالبات وكانت تقريبا في حدود 1500 دولار وسويت (( موني اوردور شيك)) فيها وسددتها لهم وعطوني ايصالات وارسلتها لمكتب الهجرة وانتهت العملية .. طبعا قصتي هذا موجهة لكل انسان كان في امريكا بالماضي وعلية مطالبات وعندة (( سوشل سكيورتي نمبر)) انة في حال رجع لأمريكا قبل عشر سنوات من اخر زيارة لها فراح يكتشفونة سواء برقم الجواز او الأسم اما اذا زادت عن عشر سنين فتسقط المطالبات.. ولكن لأن الوضع الان تغير وصار فية ربط امني بين السفارات والقنصليات ودوائر الهجرة الأمريكية في واشنطن ففية حالات كثيرة ترفض الفيزا للسبب هذا والسفارة ما توضح ان السبب هو مطالبات مالية فالحل في هالحالة هو تغير تهجئة الأسم في الجواز يعني حرف من الأسم الأول وحرفين من اسم العائلة او من اسم الأب وترى بسيطة تغيرة روحو الجوازات وقلهم ان الأسم الأنجليزي غير مطابق وودي اغيرة اهم شيء تدفع 300 ريال.
وهذي قصتي المحزنة في البداية والمفرحة في النهاية وعلى فكرة لا زلت احتفظ الى الان بالسوشل سكيورتي الغير مخصص للعمل ( لأن فية نوع مخصص للعمل) وهو يقدم تسهيلات رهيبة في امريكا لا يتخيلها الأنسان.
الان لا يعطي الا من يملكون حق الأقامة او المواطنين الأمريكين حتى الطلاب صارو ما يعطونهم على حسب معلوماتي.
تحياتي لكم

مواضيع عشوائيه ممكن تكون تعجبك اخترناها لك: