الموضوع: ابي جدول يوم سياحي لزيارة ابوظبي

وعليكم السلام ورحمة الله وبركاته

عندك بعض الاماكن اللي اشوفها حلوة وتستحق الزيارة

1- عالم فراري

2- حديقة ياس المائية

3- جامع الشيخ زايد الكبير

4- سوق قرية البري " ممكن زيارته وزيارة الجامع وهما ع مقربة من بعض"
في سوق قرية البري ممكن تركب القوارب في جولة داخل قناة مائية داخل الفندق نفسه
وهي مجانية تبدأ من الساعة 4 عصراً حتى الساعة 11 ليلاً أن لم يتغير الوقت
المواقف في السوق بـ 20 درهم وممكن انك ما تدفع رسوم الموقف اذا
اشتريت من السوق بقيمة لا تقل عن 20 درهم مثلا تشتري من باسكن روبنز
وتخلي البائع يختم ع تذكرة الموقف ...

5- الكاسر "كورنيش"

6-غاليريا مول في جزيرة المارية " مول حديث"

في مكان روعة من فترة بسيطة تم افتتاحه هو عبارة عن
مجموعة مطاعم وكوفيات ع اطلالة ع البحر بس نسيت اسمه
ياريت حد يفيدنا بخصوصه ..

ابوظبي مول ومارينا مول والمشرف مول والوحدة مول والخالدية مول
كلها مولات ما فيها اي شي مميز من وجهة نظري" خل التسوق في
مولات دبي فقط مثلا مردف رووعة للمشتريات ..

حاولت قدر المستطاع اني اساعدك

وان شاء الله اكون افدتك ولو شوي

دمت بحفظ الرحمن

::::::::::::::::::::::::::::::::::::::::::::

بعد ما كتبت الرد في الاعلى رجعت اقرأ كلامك شفت اني غلطانة
انت تبي اماكن في دبي ..... ولك ذلك "ما بمسح اللي فوق يمكن يفيد حد"

دبي مول " فيه كيدزانيا"

مول الإمارات "فيه سكي دبي"

تقدر تاخذ لفة في جزيرة النخلة وتقدر تدخل الفنادق جولة بسيطة فيها ..

الحديقة المائية وايلد وادي

سوق مدينة جميرا وهذا تقرير الاخ وليد عنبه جزاه الله خير
http://www.arabtravelersforum.com/travel913577/

خور دبي وركوب العبرة ذهاباً لسوق القديم

تكثر الاماكن اخوي ...


هنا برنامج سياحي للعوائل طرحه الاخ موعودموعود جزاه الله خير... بيفيدك بأذن الله
http://www.arabtravelersforum.com/travel769499/


ابحث في المنتدى نفسه وستجد الكثير من التقارير المفيدة