الموضوع: تكفون استفسار عاجل ؟؟؟

السلام عليكم يا جماعة الخير أنا عندي دورة في كندا - إدمنتون في 2009/06/15 لمدة اسبوعين (4 أشخاص)). قدمنا على تأشيرات احنا الأربعة اثنين من الشباب جات جوازاتهم بالتأشيرات حقتهم وأنا وواحد من الشباب جات جوازاتنا بالرفض مع أن الوثايق نفسها. ورحت أنا وزميلي وقدمنا على التأشيرات مرة ثانية الكلام هذا في 2009/05/24 واليوم تاريخ 2009/06/06 اتصلوا علي ان لوحدي وقالوا تعال لنا في السفارة وجيب معك اثباتاتك كلها (سألتهم أي اثباتات) قالوا أي شي - الهوية الوطنية - أو أي اثباتات. بصراحة أنا استغربت الوضع لأن اللي اعرفه أن السفارة الكندية صعب الدخول لها وتعاملهم يا يكون على الفاكس أو البريد الإلكتروني أو بمكاتب البريد مثل Aramex - Dhl ) وأنا محتار والله ومحتاج لمشورتكم. بعدين وش الاثباتات الي يبونها بالضبط.

وشاكر لكم يا اخوان موعدي معهم بكرة 2009/06/07 يقولون قبل الساعة 12 الظهر في السفارة.

أرجو الرد بسرعة تكفون.

مواضيع عشوائيه ممكن تكون تعجبك اخترناها لك:

• ابي احجز من تورنتو للدمام مساعدة وشكرا
• سؤالين للي في معهد وسؤال عن تذاكر الملحقيه
• مخيمات صيفية للأطفال تورونتو
• هل تصلح كندا للسفر كسياحة
• ابشركم اسبوع بعد الرفض الأول وجت الفيزة
• بالله استفسار عن السفارة الكنديه ارجو المساعده
• مونتريال وتورنتو او فانكوفر ساعدوني رجاء
• رسوم الغاء استفسار
• لاتحرمونا من دعواتكموالله ولي التوفيق
• اوتاوا تورنتو فانكوفر نصيحتكم ؟؟
• اخيرا يوم الإثنين رايح فانكوفر
• تذاكر فانكوفر نااار ومافيه بعد
• كم الميزانيه الكافيه لثلاثة اسابيع في كندا للزقرت
• كيف اسجل بالبعثة تكفوون ساعدوني
• تكفون الجمعه طيارتـي ساعدونـي
• برنامج ايام في كندا
• مالي غيركم بعد الله ياليت تفيدوني في كل شئ من ألف إلى الياء
• قرار ولكن يوجد اسئله؟
• باركوا لي الفيزا وصلت أخيرا
• طلب مساعدة في تورنتومونتريال

والله ما عندي اي فكره عن الفيزا .. وبالنسبه لي انا محل اعطيته كل شي وراح للسفارة الكنديه وضبط لي كل شي ..

لا زال الانتظار جاري -- -- -- --

المشاركة الأصلية كتبت بواسطة ajeeb2006
http://www.arabtravelersforum.com/tr...8/#post2987687

السلام عليكم يا جماعة الخير أنا عندي دورة في كندا - إدمنتون في 2009/06/15 لمدة اسبوعين (4 أشخاص)). قدمنا على تأشيرات احنا الأربعة اثنين من الشباب جات جوازاتهم بالتأشيرات حقتهم وأنا وواحد من الشباب جات جوازاتنا بالرفض مع أن الوثايق نفسها. ورحت أنا وزميلي وقدمنا على التأشيرات مرة ثانية الكلام هذا في 2009/05/24 واليوم تاريخ 2009/06/06 اتصلوا علي ان لوحدي وقالوا تعال لنا في السفارة وجيب معك اثباتاتك كلها (سألتهم أي اثباتات) قالوا أي شي - الهوية الوطنية - أو أي اثباتات. بصراحة أنا استغربت الوضع لأن اللي اعرفه أن السفارة الكندية صعب الدخول لها وتعاملهم يا يكون على الفاكس أو البريد الإلكتروني أو بمكاتب البريد مثل Aramex - Dhl ) وأنا محتار والله ومحتاج لمشورتكم. بعدين وش الاثباتات الي يبونها بالضبط.

وشاكر لكم يا اخوان موعدي معهم بكرة 2009/06/07 يقولون قبل الساعة 12 الظهر في السفارة.

أرجو الرد بسرعة تكفون.



مسآآآآآء الخيير اخوي ...:101:

خلك هاااادي ولا ترتبك ولا شئ ...ترى هذا شئ من حقوقهم ومكتوب بالابليكيشن حق الفيزا انه لهم الحق في طلب مقابله شخصيه ... وشكلهم يبون يقابلون معاك(( اتوقع انك ملتزم او عندك لحيه صح ؟؟)) ... خلك هااادي وجاوب على قد السؤال اللي يسألونك اياه ..

يعني لو سألك وقالك وش عندك في كندا .. قله دراسه .. او دوره .. او مقابلة عمل .. بس كذا ..:24:

لا تزود كلام وتسوي لي فيها فاااهم وتزود عليها اني بتعرف على الحضارات اللي عندكم وابي اختلط فيكم :tongue:..:109:

وفاااالك الفيزا ان شاء الله اخوي ...:8888:

تقبل مروري ..
خوآآآآآآطر ...

اولا اتمنى لك التوفيق باذن الله

عادي يمكن بس يبي يشيكوا عليك:106:

ترى عليهم طلعات

خلك هادئ واثق من نفسك مو لدرجة الغرور بس رد على قد السؤال

هذا امتحان بالدنيا فكيف بامتحان الاخره

الله يوفقك ويكتب لك الخير بأذن الله

مشكورين يا أخوان بس

بصراحة يا خواااطر عندي لحية بس عارض خفيف (خليجي) يا دوب نمره واحد أو اثنين ومشكور على الرد

ومشكورة يا وارثة الطيب على الرد وإن شاء الله أخبركم وش صار معي ويارب يوافقون ويستعجلون بالفيزا.

وعسى الله يجملنا.

مشكور خوي IbraHoma

ما تخاف يا صديقي العزيز ..

تراك في بلدك ,, و ما أحد بيقطع راسك ,, ( لا تكون مسوي شي وما علمتنا ) !!!!!

هههههههههههههه

تراي أمزح ,, وفالك الفيزه ,

هلا بالحبايب .... كيفكم إن شاء الله تمام

أعلمكم وش صار معي اليوم في السفارة الكندية.

الأوراق اللي أخذتها معي هي:
1 - صورة بطاقة الأحوال.
2- صورة بطاقة العمل.
3- صورة دفتر العائلة. ( يوم شافوه قالوا : What is this قلت: It's familty card )
4- صورة من خطاب التكليف من العمل.
5- خطاب رسمي تعريفي من مدير الإدارة موجه للسفارة ويضمن فيها رجعتنا بعد الدورة (أهم شيء في الموضوع)
يوم شافوه قالوا هذه أهم ورقة جبتها لنا.
6- التذاكر ذهاب وعودة من الرياض إلى كندا-إدمنتون.

جيناهم اليوم الساعة 9.30 ص 2009/06/07 أنا وصاحبي، طبعاً أنتم عارفين ان السفارة اتصلوا علي انا لوحدي بس وما اتصلوا على صاحبي المهـــــــــم قالوا لي أنت تقدر تدخل زميلك مش ممكن لأنهم طالبينك أنت لوحدك( أخذوا جوالي ودخلت)

رحت الاستقبال وعلمتهم بالسالفة (انكم اتصلتوا علي وطلبتوا مني اثبات هوية)
قالت موظفة الاستقبال: أوكي انتظر في الصالة حتى ينادون اسمك !! والعجيب انه مافيه إلى أنا وحدي بس بصراحة ناس مرتبين ومحترمين في التعامل.
ما أمداني أجلس إلا وهم ينادون باسمي عبر الميكروفون رحت وكلمتهم من ورا الشباك عن طريق سماعة تليفون وكانت وحدة لبنانية. وقلتلها السالفة كيت وكيت وكيت .
قالت : أوكي . بتقدر تتكلم إنجلش؟
قلت : على خفيف احتاج مساعدة...
قالت : خلاص أنا بأكون معك . لأنه في واحد حيجي بده يسألك بعض الأسئلة...
قلت : أنا جاهز.

جاني الأخ وسألني:
س1 : ليش رايح كندا؟
ج1 : ( عندنا دورة تدريبية) في معهد كذا.

س2: ليش هذه الدورة ما أقيمت إلى في كندا بالذات؟
ج2 : قلت لهم لانه مافيه إلا معهدين اللي تقيم هذه الدورة ( واحد في أمريكا والثاني في كندا) المعهد الأمريكي اعتذر لأن عنده ارتباطات و المعهد الكندي وافق ,ارسل لنا الدعوات (Invitations)

س3 : وليش تبون هذه الدورة؟
ج3 : لأنها مهمة وجديدة في السوق وتفيدنا في تخصصنا IT.

س4 : من اللي قرر أنكم تأخذون هذه الدورة؟
ج4 : الإدارة اللي نعمل فيها (إدارة الحاسب).

شافني لكيت في اللغة شوي وسألني.

س5 : دورتكم بالإنجليزي أو بالعربي؟
ج5 : قلت والله بالإنجليزي لكن يوجد مترجم عربي.


قال : Good

قال : التعريف اللي معك واضح أوضح من التعريف اللي أرسلته مع الأبليكيشن. انتظر ربع ساعة في الصاله حتى ننادي باسمك ونعطيك الجواز مع الفيزا.
قلت : What about my colleague زميلي في العمل اللي ما اتصلتوا عليه ( وخبرته بالموضوع انه أنا وزميلي رفضتوا ما عطيتونا الفيز في المره الأولى و قدمنا طلب جديد وقلت له على الرحلة يوم الخميس القادم 2009/06/11.

قال : وش اسم زميلك.
قلت : فلا الفلاني.

قال : خلاص انتظر في الصالة حت ننادي باسمك.
انتظــــــــــــــــــــــــــــــــــــــــــــــ ــــــااااااااااااااااااااااااااااااااااار تقريباً 3 - 5 دقايق.
نادوااااااااااا باسمي ورحت لهم.

جابوا الأبليكيشن حق زميلي وطلع الصورة.
وقال : هذا زميلك.
قلت : yes.

قال : خلاص احنا راح نتصل عليه خلال اليومين القادمة ونطلب منه نفس الأوراق اللي طلبناها منك ونعطيه الجواز والفيزا مناوله مثلك ( بس أنت لازم تخبر زميلك ان السفارة راح تتصل عليه). وأنت الآن انتظر في الصالة حتى ننتهي من الجواز والفيزا حقتك.

انتظرت تقريباً دقيقتين و بعدها نادوا باسمي واعطوني الجواز مع الفيزا

طبعاً كل الكلام والمناقشة اللي بيني وبينهم كانت من ورا قزاز واكلمهم عن طريق السماعة (أشوفهم ويشوفوني)

والحمد على حصولنا على الفيزا وعقبال ما يستلمها صاحبي .

وأي خدمة من إدمنتون أنا حاضر.

وشاكر لأخواني وأخواتي اللي ردوا على الموضوع

والشكر للجميع.