السلام عليكم ورحمة الله بركاته
لكل اللي عندهم أطفال وبالذات بنات دلوعات صغار ..
أكيد كلكم تعرفون أن البنات الصغار .. يحبون يقلدون أمهاتهم فكل شي …
ويحبون يقلدون أمهاتهم بالذات فاللبس وطريقة التزين ..
ومن الشخصيات الكرتونية اللي تحبها البنات ..
شخصية هيلو كيتي ..
واللي افتتحوا صالون خاص في أبوظبي للأميرات الصغيرات ..
ولأني أعرف أن البنات يحبون هالشي .. أهديت بنت أختي الصغيرة في عيد ميلادها قسيمة لهيلو كيتي سبا عشان تروح تستانس
وحبيت أشارككم هالتقرير السريع عن السبا لاني اعرف ان كل وحدة تحب تقضي بعض الوقت مع بنتها
هلو كيتي سبا
هو من المراكز الجميلة جدا واللي توفر للبنات والأمهات يوم ممتع من العناية والمساج والجمال
ومثل ما تشوفون بالصور السبا مصمم بديكوراته وخدماته اللي كلها فيها من روح ومنتجات هلو كيتي اللي تحبها البنوتات الصغار.
هو مثل عالم صغير يحسون أنفسهم فيه كأنهم اميرات
ويتوفر في السبا خدمات المساج اللي تقدرون تختارون فيها أنواع المرطب اللي تحبونه، وبجو جدا هادئ ومميز .
ومن المساجات الحلوة اللي يقدمها مساج اليدين والقدمين اللي تكون دائما تجربة مميزة للفتيات
وبعد في عندهم خدمة المناكير والبدكير للصغار والكبار طبعا
ومن الأمور اللي تحمست عليها بنت أختي وايد انهم يسوون شعر البنات مثل الفيونكة واللي يكون مثل شخصية هلو كيتي
ما تتخيلون الإبتسامة على وجهها كيف كانت
https://s.yimg.com/qn/up/alfrasha/2/...d37396a0e.jpeg
وبعد تقدر الأم وبنتها انهم ياكلون أحلى وألذ الحلويات والكيكات من هلو كيتي سبا وطبعا هالشي يخلي اليوم مميز أكثر
والحلو بعد أنهم ينظمون فعاليات وإحتفالات لنشر والوعي والترفيه مثل العيد الوطني حملة التوعية بسرطان الثدي وغيرها
فكرة جدا مميزة وان شاء الله كل الأميرات الصغار يستانسون بيوم مميز فيه
إذا تحبون تستفسرون عن الأسعار أو المكان أو أي معلومات أخرى ..
هذا رقمهم
02 447 5210
اضافة من الادارة
شاهد اجمل معلومات عن افضل الفنادق في ابو ظبي
https://www.otlaat.com/best/abu-dhabi-hotels/
والسلام عليكم ورحمة الله وبركاته
مواضيع عشوائيه ممكن تكون تعجبك اخترناها لك:
- توقعات بارتفاع عدد المسافرين الدوليين عبر مطار دبي الدولي إلى مليون مسافر في العام
- مطعم الفنر في الريتز كارلتون أبوظبي
- الرجاآآآآآء الافادهـــ
- شقق فندقية بجوار مول أبوظبي او مارينا مول
- فزعتكم يااهل المنتدىبخصوص الشارقه
- أنا قادم في يوم العيد فأين اصحاب القلوب الرحيمة؟
- ممكن مساعدة اين يوجد محلات شنط تقلد الماركات
- نصيحه لكل مسافر الى الامارات بخصوص اجهزة الصراف الالي
- استفسار عن الغوص في دبي
- بنيان تري الوادي راس الخيمة
- استاجار سيارة؟؟
- احلى شورما في دبي
- طيران الإمارات الرابعة عالمياً بالسعة المقعدية في يوليو
- للنساء فقط الاماكن والاشياء اللي حبيتيها في دبي
- سؤال طريقة حساب الضربية في دبي ؟
- عرب لنك تفضل هنا للاهمية
- ملايين زائر لمراكز التسوق في دبي خلال العيد
- سلام يا عرب
- طلب ياخواني
- تنبيه هام لمن سيسافر بالسياره الى الامارات ،،
رد مع اقتباس
المفضلات