السلام عليكم ورحمة الله وبركاته
أخواني محبين الرياضة…
أعتقد كلكم تعرفون رياضة الكارتينج اللي صارت من الرياضات المحببة للكثير من شباب اليوم، واللي تفتح لكم المجال لشعور الاثارة والحماس لكن بجو أقل خطورة من سباقات السيارات، لهالسبب هي رياضة لجميع الاعمار.
ومع اقبال الشباب على هالرياضة وحرصهم على تجربتها دائما، وصل البعض منهم لحد الاحتراف، وبما انه هناك محترفين هذا يعني بطولات محلية وعالمية للكارتنج
يا محبي الكارتينج تعرفون وين أكبر مسار للكارتينج في الشرط الاوسط؟
شو بتقولون لو قلتلكم انه هالمسار هو نادي العين للهواة! أكيد هالشي يفرح كل شخص يحب يثبت جدارته في هالرياضة
مسار العين للسباقات محضر باحدث التقنيات ومتخصص فالفعاليات والسباقات المختلفة عشان يوفر تجربة رائعة للمتسابقين من كل الاعمار.
تقدرون تجربون الحلبة، كتجربة فردية وتتدربون على مهارتكم في التسابق، سواء كنتم مبتدأين او محترفين.
فمسار الكارتنج هذا صمم خصيصا لكم، عشان تختبرون مهاراتكم وتقدرون تطورون قيادتكم، فكل سيارة كارتينج للكبار مزودة بأجهزة ومقاييس تحسبلكم وقتكم لاكمال المسار ومعلومات أخرى تفيدكم عشان تطورون مهاراتكم بالقيادة.
وتوفر الحلبة بعد مساحة لبيع وشراء سيارات الكارتينج للي يحب يمتلك سيارته الخاصة بالإضافة لخدمة الصيانة والدعم الفني للمتسابقين وسياراتهم.
وبما ان المسار للحلبة مسار بمميزات عالمية، فهو يستضيف الكثير من الفعاليات العالمية مثل نهائيات جائزة تحدي روتاكس ماكس تجالينج – وهو الحدث السنوي الأكبر على قائمة الكارتنج العالمية، وهي البطولة الرسمية في الامارات، واللي ينظمها نادي مسار العين للكارتينج.
شو عنكم؟ تملكون المهارة عشان تكسرون الرقم القياسي؟ تقدرون تدخلون على http://www.alainraceway.com/ عشان تتعرفون على اللي حصل على أسرع وقت خلال الشهر الماضي وعشان تحضرون نفسكم وتتمرنون عشان هذا الرقم، وتكونون إنتوا أصحاب اللقب
والحلو بعد أنكم تقدرون تحجزون الحلبة لكم ولأصدقائكم بمناسبات معينة وفعاليات أو احتفالات أو حتى أعياد ميلاد عشان تستانسون بالحلبة لكم وحدكم خلال هالمدة . واذا كنتوا تحبون تشاركون في الفعاليات والسباقات كشركات، الحلبة بعد توفر لكم فرصة تصميم سياراتكم الخاصة وتوفرلكم كل احتياجات السباق اللي تحتاجونها.
أسعار القيادة في الحلبة لمدة ١٥ دقيقة ١٢٠ درهم
اما للأعضاء فهي ١١٠ درهم لمدة ١٥ دقيقة
وللأعضاء المميزين ١٠٠ درهم لمدة ١٥ دقيقة
وتقدرون بعد تحصلون على دروس خصوصية إذا تحبون تطورون قيادتكم من قبل المدربين المحترفين بسعر يبدأ من ٤٠٠ درهم.
بس لا تنسون تحجزون قبل ما تسيرون عشان تضمنون توفر السيارات المناسبة لكم، وتقدرون تحجزون من موقعهم http://www.alainraceway.com/
وهذه خريطة http://www.alainraceway.com/brochure...cation-Map.pdf
ان شاء الله يكون موضوعي حمسكم ونشوفكم من محققي الرقم القياسي فالمسار
والسلام عليكم ورحمة الله وبركاته
مواضيع عشوائيه ممكن تكون تعجبك اخترناها لك:
- افتتاح فندق “جراند إكسلسيور ـ البرشاء” في دبي
- هل يسمحون بدخولها الى الطائرة
- اطفالي و سنوات وين اسكن واي الاماكن ازور بدبي
- القصيم الشارقة من معنا ؟؟؟
- السفر من البحرين للامارات للسعودين
- فلاي دبي تطلق خدمتين جديدتين إلى مدينتي أبها وعشق آباد
- ابي رايكم شهر عسل في دبي
- ذا دستركت التسوق الفاخر بأبوظبي بالصور
- مهرجان صيف أبوظبي يونيو إلى اغسطس
- ارغب في شراء شقة او استديو في دبي او عجمان
- تجربتي مع شركة السفير للتاجير السيارات بدبي
- منتجع أتلانتس النخلة وترحيب خاص بالسعوديين
- ودي ببرنامج ل ايام في دبي
- مسافر 5 ايام في دبي ما اخبار الوضع في الامارات
- أوباجي ميدي سبا يفتتح فرعاً في دبي مول
- وين القى المقاهي الرياضيه في دبي
- سؤال بخصوص اجازه الامارات
- ماهي اشهر وافضل مطاعم بمدينة دبي
- لمن ذهب للامارات مع عائلته وسكن بشقة مفروشة
- فندق سيتي ماكس برشا؟
رد مع اقتباس
المفضلات