السلام عليكم ورحمة الله وبركاته
الصيف قرب![]()
وبما إن جونا حار فأنا عن نفسي أحب أدور دايما على نشاطات ممتعة تبرد علينا حر الصيف ..
استقبلت اولاد أختي يوم السبت وقررت أخذهم فرحلة جميلة، نختار فيها أماكن يستانسون فيها ويجربون شي جديد. وخيارنا كان
صالة تزلج مدينة زايد الرياضية
الصراحة ماجربت التزلج على الجليد من قبل بس لقيت إنها تجربة جميلة والأولاد استانسو فيها
اول ما وصلنا حلبة التزلج انعجبت بمساحتها الأولمبية اللي تعطيكم فرصة انكم تتزلجون بكل راحة مهما كان عدد الزوار، وكان في اثنين باين عليهم انهم محترفين تزلج وجلسنا نتابع حركاتهم المحترفة وتمارينهم الشيقة
بدأنا الإستعداد عشان نتزلج وطلبنا مرافقة مدرب عشان يعلم الأولاد الدروس الأساسية في التزلج، الدروس اللي تعلمناها من المدرب مهمة جدا للمبتدأين ومنها:
التزلج بخط مستقيم وعلى شكل ٨ وطريقة حماية انفسنا عند الوقوع وغيرها من الامور.
وكانت تجربة جدا ممتعة والجميل انه عندهم مخيم ترفيهي للأطفال في الصيف ..
اذا تحبون تجربون بنفسكم تقدرون تستفسرون أكثر على الرقم
4034333 2 971+
أو تشوفون الموقع الإلكتروني
http://www.zsc.ae/ar/13/facilities/z...city-ice-rink//
وفي بعد حلبات تزلج على الجليد في http://www.marinamall.ae/en/entertain/ice-rink/ http://www.alainmall.com/2010/ice-rink.html اذا تحبون اماكن ثانية قريبة عليكم
بعد الغذاء والاستراحة لبعض الوقت في المطعم الموجود فوق فصالة التزلج
قررنا نكمل رحلتنا في مدينة زايد الرياضية ونزور
مركز خليفة الدولي للبولينج
اللي هو مجمع رياضي ضخم وفيه العاب فيديو وبولينج وبلياردو
وأظن هالمكان من اكبر صالات البولينج في أبوظبي وفيها بحدود الأربعين مسار للبولينج
المكان وايد حلو ومرتب وفيه .
مسارات البولينج الكثيرة
صورة لترتيب الصالة والمساحات اللي يقدمها كل مسار
مكان مميز بالفعل
إذا تحبون تحجزون تقدرون تتصلون على هاتف:
٤٦٤۸ ٤۰٣ ٢ ۹۷۱ +
أو تشوفون الموقع الإلكتروني
http://www.zsc.ae/ar/14/facilities/k...owling-center//
وإذا تحبون البولينج ترى في أمكان كثيرة في أبوظبي تقدرون تختارون منها مثل:http://www.afoc.mil.ae/home.htm وhttp://adcountryclub.com/ و طبعا في فروع بالمولات "http://www.bowling-city.com/" على "http://visitabudhabi.ae/ar/What.to.d...habi.Mall.aspx" و"http://visitabudhabi.ae/ar/What.to.d...iyah.Mall.aspx" و"http://www.marinamall.ae/en/entertain/bowling-village/"، بالإضافة إلى الفنادق الجديدة في ابو ظبي والى فرع آخر في "http://visitabudhabi.ae/ar/What.to.d....Ain.Mall.aspx".
البولينج والتزلج ممتعين للكبار والصغار ..
كان يوم ممتع للأولاد واستانسوا وايد ..
ان شاء الله تشاركوني أكثر عن رحلات الممتعة مع اطفالكم
وان شاء الله تكونون استفدتم من تجربتنا
مواضيع عشوائيه ممكن تكون تعجبك اخترناها لك:
- السفر الي دبي
- إعمار العقارية تنظم مسيرة وسط مدينة دبي الإحتفالية احتفاءً بالإنجازات المذهلة
- مسبح خاص لي
- تحذير هام عن فندق ارجان روتانا للشقق الفندقيه في مدينة دبي دبي ميديا سيتي
- تكفووووووووون
- زيارتي لدبي
- استفسار عن شقق أوكس
- مليار دولار استثمارات سياحية بالإمارات خلال سنوات
- اول موضوع لي في منتداكم ابي اخذ رايكم
- استفسار بخصوص تاشيرة الامارات
- دبــي
- مسآعدتكم يآ آهل الخيــــرررررر كل آملي فيكممم
- دبي دبي يااااااااه ما اجملك الفندق اللي بهرني
- احتاج لمساعدة اخواني لأنني متوجه باذن الله الى ابوظبي ؟؟؟؟
- جاي دبي أكتوبر وأبي المساعده لو سمحتوا؟
- دبي وتجربة ساعة تسوق خلال إجازة عيد الاضحى المبارك أكد مديرو مراكز التسوق ومتا
- السفر الى دبي بالاب توب هل فيه مشكله
- مساعدة يالربع تكفون
- رايح دبي واحتاجكم
- ديزني لاند فيدبي
المفضلات