الموضوع: اول مره اسافر فيها لامريكا واطلب المساعده بخصوص التذاكر للعوده للسعوديه

السلام عليكم ورحمة الله وبركاته
اخواني هذي اول مره اروح فيها لامريكا
(بالاصح ثاني مره لاني ولدت فيها بس مااذكر شي)

وابغ ارجع للسعوديه .. مدينة تبوك ..

ماهي ارخص خطوط اقدر ارجع عليها

علما اني بروح السعوديه وارجع

من تاريخ 13 مارسMarch الى 6 جون June

من مدينة سبرينق فيلد بولاية ميزوري .. الى السعوديه تبوك
springfield .. missouri saudia arabia

مو مهم جدااا اني اوصل تبوك المهم اني مكيف اوصل السعوديه عبر خطوط رخيصه
وشكرا لكم واتمنى مساعدتي ..

مواضيع عشوائيه ممكن تكون تعجبك اخترناها لك:

• سؤال عاجل عن الفيزا والأردن
• محتاج مواصلات
• فلل كاليفورنيا
• من فيزة سياحية لطالب كيييف؟
• هل المجمعات السكنية الامريكية امنه ؟
• رحلتي إلى سان فرانسسكو
• معلومات عن اوماها نبراسكا؟
• من يفيدني عن رحله الى واشنطن عبر الخطوط السعوديه
• سـؤال ××
• استفسار عن فنادق نييورك لمن لديه معلومات
• اريد معلومات عن مدينة سنسناتي اوهايو لو سمحتواا
• العسكريين
• كيف اطلب جوازي من القنصلية
• خطاب العلاج ولكن
• بنت الصقور والرصاصي واهل الخبره
• قدمت على فيزا لأمريكا ورفضوها
• الولايات المتحدة الامريكية في صيف
• تكفون يااخوان عندي علاج لبنتي بسنسناتي وأبي مساعدتكم
• انا في الوودبيري واريد الذهاب الى اتلانتك سيتي
• مبلغ الفيزا السياحيه الامريكيه

ممكن تفيدوني ايش ارخص خطوط

وكيفية الحجز عبر الانرنت

وللعلم اول مره بحجز بالانترنت ادفع وانا متطمن ولا كيف ..

وشكرااا لكم ..

اخوي مالك بالنسبة لقضية الدفع مفروض انك تشيك على حسابك دايم وعلى عملياتك وباستمرار وهذا عن طريق الانترنت وقبل هذا كله لازم يكون جهازك نظيف من ملفات التجسس والشغلات هاذي عشان تدخل حسابك وانت متطمن اما بخصوص الحجز فتقدر عن طريق النت
http://www.msn.com

من هالموقع ممكن تشيك على الاسعار مع اني اتوقع البريطانية اسعارها ممتازة والخطوط اصلا حلوة ومريحة وسلامتك


موفق يالغالي

اخوي اشكرك على ردك

وكيف طريقته المسن ؟؟

يعني احجز على الارخص .. طيب اية خطوووط ؟؟!!!!

وبعدين انا انجليزيتي من جنبها لاني جاي ادرس انجليزي وماصار لي شهرين ,,

المهم على اي رايط احجز وكيف اعرف اي خطوووط ..

وكم السعر المعقووول (ذهاب وعوده)

والله يعطيك الف عااافية ,,

اخوووي عرفت للمسن الحين

هل هو اامن اني ادفع ؟؟

وكيف اضمن تذكرتي توصل ,,

وبعدين اخووووي لازم اجلس يوم كامل في لندن ايش اسوي بالضبط

يعني بالمطار ولا اسكن على حسابي ولا كيف

معليش لاتواخذني اول مره ,,

اخوي مالك ممكن تشوف اليوم اللي بعده ممكن ماتحتاج توقف بلندن
اما قضية الدفع مثل ماقلت لك اول شي لازم يكون جهازك محمي ونظيف وفيه اكثر من برنامج تضمن لك جهاز نظيف ان شاء الله وثاني شي لازم تشيك على العمليات اللي تصير على حسابك اول باول

وسلامتك

اخوي مالك انت مسافر بكرة ؟؟؟

لا يالغااالي انا بسافرب في الصيف ان شاء الله ,,,

والله يعطيك الف عافية ويسلم لي قلبك انك ساعدتني ,,

اخوي افضل حل لك اما طيران bmi البريطانية او اللوفتهانزا الالمانية لان طيران البريطاني مايجي للسعودية.
وانا افضل لك اللوفتهانزا لان كثير من الناس جربوها.
بالنسبة للحجز من النت ما انصحك فيه لانه غالي فهو يعطيك اغلى سعر....فحاول تحجز من مكتب سياحة افضل ولا تدفع وتتعب نفسك من المخاطر...خل احد اقاربك يحجزلك من السعودية عبر مكتب سفر وسياحةوصلى الله وبارك.

تحياتي.

مالك اذا انت لسى ما مشيت اصبر ارجع انا وياك انت تنزل على تبوك وانا انزل على الرياض خخخخخخخ

شف حاول تشيك على الخطوط الاردنيه ترها اسعارها حلوة ولا اقول لك راسلني على الخاص اعطيك رقم رجال يسنعك وراح يعطيك اقل سعر بتوفيق حبيبي وسلم على الحبايب ان رحت .

مااقدر ارسل رساله خاصه لان مشاركاتي قليله جدااااا

اخوي الخطوط الااردنيه مااقدر احجز عن طريق النت ..

وبعدين انا هنا مااعندي سياره ماصار لي شهرين

ومافي مكتب خطوط اردنيه هنــاا ,,

يعني اشوف ان مالها الا عن طريق النت ..

وكيف يحجزولي اهلي ويرسلوا التذاكر ..

وان حجزوا انا اللي لازم اشتري التذاكر ومالي غير النت ..

والله يعطيكم الف الف الف الف عاااافية .. والله يحفظكم يااارب ,,

اعتــــذر من االاخوة المشرفين ولكن الرجال ما يقدر يراسلني على الخاص فلذالك مضطر
اكتب ايميلي وللضرورة احكام

اخوي مالك هذا ايميلي راسلني وما يصير الا كل خير باذن واحد احد

mailto:[email protected]

اخوووي مالك
ترى لايفوتك في عرض على الخطوط السعوديه
وفي التاريخ حقك من امريكا الى جده ذهاب وعوده
سعر التذكره بي 750 دولار رايح جاي يابلاش
اتصل على مكتب الخطوط السعوديه في واشنطن واطلب منهم تذكره وحجز وراح يرسلون لك التذكره على بريدك في مدينتك والدفع راح يكون عن طريق التلفون بس عطهم معلومات الكريدت كارد وخلاص