السلام عليكم ورحمة الله وبركاته
سألتني أختي قبل أيام عن أحسن http://www.arabtravelersforum.com/travel881396/ اللي تناسب للعائلة لأنها دائما تزور فنادق واطفالها ما يعرفون شو يسون في الفندق والصراحة مش كل الفنادق تكون مناسبة للأطفال
فجلسنا أنا وأختي نحاول نتذكر الفنادق اللي زرناها وأي واجد منهم هو الأنسب للعائلة بأكملها
وحبيت اشارككم هالفنادق اللي لقيتها مناسبة
من الفنادق اللي تنبهرون بالنشاطات اللي تقدمها للأطفال "فندق http://www.arabtravelersforum.com/tr...3/#post8160773" ومع انكم تتوقعون انه مثل هذا الفندق الباهر يحتوي نشاطات للأطفال لكن ما توقعت تكون بهالفخامة.
في نادي الأطفال في الفندق، كل اللي ممكن الأطفال يحتاجوه ، من ملاعب رياضية مصغرة للأطفال مثل التنس الأرضي والطاولة وكرة القدم وغيرها، لنشاطات مائية للأطفال الأكبر عمرا مثل الدراجات المائية والتزلج على الماء والمزالق المائية وغيرها الكثير.
وللأميرات الصغار بعمر السبع سنوات ومافوق يقدرون يستانسون بتجربة صالون الأطفال اللي يقدملهم دلال وعناية كبيرة ويقدرون الأمهات بعد يستانسون مع بناتهم ويشاركونهم هالتجربة مع أطفالها.
هالنشاطات متوفرة للأطفال اللي بين ٥-١٢ سنة
لكن بالنسبة للأطفال اللي تحت الخمس سنوات، ففي الفندق خدمة جليسة الأطفال اللي تعتني بالأطفال خلال فترة غياب الأهل لكن عليكم انكم تطلبون الجليسة قبل بساعتين من المغادرة
وتقدرون بعد تطلبون الألعاب الألكترونية اللي يحبها أطفالكم مثل ال PSP وغيرها.
الحلو بهالفندق انه الأطفال بعمر اقل من ٦ سنوات اقامتهم مجانا واللي بين ٦-١٢ بنصف السعر
لمعلومات أكثر تقدرون تتصلون بالرقم
9000 690 2 971+
https://www.google.com/maps/place/%D...4ef65bd7bd41c8
من الفنادق بعد اللي شفت فيها نشاطات حلوة للأطفال فندق http://www.arabtravelersforum.com/travel897617 اللي مثل ما ذكرت بموضوعي السابق عنه فندق روعة من الخدمة والفخامة لكن الأحلى من هذا انه يقدم للأطفال بين عمر ٤-١٢ سنة اقامة حلوة عشان يستانسون بوقتهم ، البرنامج اللي عندهم برنامج وايد رائع ومناسب لكل الأعمال وفيه يقدر الأهل يختارون يشاركون اطفالهم بالنشاطات طوال اليوم أو اختيار نشاطات معينة يشاركون فيها
المنطقة المخصصة للأطفال جدا آمنة وجميلة وفيها كثير من النشاطات للأطفال واتذكر منظر الأطفال في نشاط عن الطبيعة كان جدا رائع وباين عليهم متخصصين فهالمجال.
وخاصة أنه في طفل صغير طوال وجودي بالمكان يضحك ويركض هههههه
من النشاطات اللي يقدموها ألعاب التركيب والابتكار والألعاب التعليمية والرسم والحناء والأفلام وغيرها وهذه http://www.ritzcarlton.com/en/Proper...ns/Default.htm اللي يقدموها للأطفال.
ويقدمون بعد مخيمات صيفية للأطفال فيها الكثير من النشاطات المسلية واللي يحبون ينمون قدرات الأطفال ويستغلون فترة الصيف
والحلو بعد أنهم يقدمون وجبات للأطفال خلال تواجدهم في منطقة اللعب
هذه المعلومات اللي اعرفها عن الخدمات لكن اذا تحبون اي معلومات اضافية تقدرون تتصلون على هاتف الفندق
9712-818-8145+
https://www.google.com/maps/place/%D...06be004bc69d3f المكان عشان توصلون لها بسهولة
بيتش روتانا بعد من الفنادق اللي عندها عناية خاصة بالأطفال
الجميل في هالفندق انه يوفر يوم رائع للأطفال على الشاطئ عشان يوم يستغلون اشعة الشمس ويلعبون ، وطبعا كل هذا بمتابعة متخصصين بالعناية بالأطفال
اعمار الأطفال اللي يستقبلوهم من ٥-١٢ سنة، لكن هذا الفندق ما يقدم عناية بالأطفال طول اليوم لأنه يستقبلهم فقط من الساعة ٩-٢ ظهرا، ويقدمون نشاطات حلوة للأطفال
بالنسبة للأسعار فحسب ما أذكر ١٥٠ درهم للأعضاء و١٨٠ للزوار والسعر مع الغذاء
واذا تحبون تعرفون معلومات أكثر تقدرون تتصلون على الرقم التالي
6979302 2 (0) 971+
https://www.google.com/maps/place/%D...92a01615d3cb8e
هذه ٣ من الفنادق اللي أذكر انها مناسبة للعائلات
لكن اتمنى انكم تساعدونا اذا جربتم فنادق ثانية من قبل وتناسب العائلات
أخوكم مسافر أبوظبي
مواضيع عشوائيه ممكن تكون تعجبك اخترناها لك:
- استفسار عن طريـق الريـاض الامـارات
- سؤال بخصوص موقع
- وين مكان الجولات البحريه و العاب ملاهي
- ممكن معلومات عن فندق
- لا يفوتكم مهرجان دبي للتسوق
- لو سمحتو أقرب فندق من فندق جميرا بيتش
- تكفون يا أهل الأمارات ودبي خاصة
- انتعاش السياحة الإماراتية مع تزايد أعداد الوافدين
- محطات الوقود في الإمارات ترفع أسعار البنزين بأنواعه فلساً للتر بدءاً من هذه الليلة
- ذهاب وعودة من دبي إلى البحرين ب درهم فقط
- متى افتتاح دبي لاند ؟؟؟؟؟؟؟؟؟؟؟؟؟؟؟
- اطلنطس في العيد
- سبا
- الى خبراء دبي
- ابغى احجز في فندق سيتي ماكس آرائكم فديتكم؟؟؟
- ساعدوني في الاختيار يا خبراء دبي
- البلاك بييري برنامج سياحي
- مساعده في جدول لشهر العسل
- قطاع السياحة والسفر في الامارات الاكثر تطورا بالمنطقة
- بنات دبي الذوق ساعدوني
رد مع اقتباس
المفضلات