الموضوع: من نيويورك إلى مونتريال تساؤولات كثيره

السلام عليكم ..

اخواني .. حبيت استفسر وياليت تساعدوني .. هذي اول زياره لي لكندا..

أولاً : ماعندنا فالبحرين سفارة كنديه .. لذا قالولي لازم اطرش اوراقي للسفاره في ابوظبي عن طريق ارامكس او الـdhl انا مسافره بتاريخ 1 ابريل لمدة 10 ايام وموعد سفري لنيويورك تاريخ 10 مايو .. لذا بيمديني اسوي الفيزا؟ وشكثر تاخذ؟ وهل الاجرائات معقده ؟ احجز التذكره او انتظر لي حين ماتطلع لي الفيزا لانه في احتمال ماتطلع؟

ثانياً : احسن خطوط طيران من نيويورك الى مونتريال؟

ثالثاً : اهم المناطق اللي لازم اشوفها في مونتريال؟ لأني مااتوقع ارجع كندا مره ثانيه فمابي افوت شي !

رابعاً : الجو فالفتره بين 20 مايو الى 10 يونيو .. شاخذ معاي شتوي ولا صيفي؟

بانتظار ردودكم ..

مواضيع عشوائيه ممكن تكون تعجبك اخترناها لك:

• لأهل ممكن لحظات
• هل يمكنني دخول السعودية و البحرين بدون تاشيرة فيزا
• ممكن مساعدة
• لو سمحتوا أحد يجاوبني عن كندا لي فتره أدور إجابه
• ما رأيك في معهد أسبكت تورونتو لدراسة الانجليزي تكفاااا
• كــنــدا فـي ســطـور معلومات مفيدة
• هل شهرين كافية لتعلم اللغة وما هي الطريقة الصحيحة للاستفادة ؟
• الى عندهم خبره لكندا يدخلون الله يوفقكم
• خياط بتورنتو بالداون تاون
• الى الاخ مجودي ارجو منك الارشاد والمساعدة
• عطووووووووني سعر تذكرة كندا
• استفسار خصوص دعوة الوالدة لكندا
• نصائح ذهبية لكل قادم جديد الى كندا
• هل من معلومات عن مدن و بالنسبة للمعاهد والجامعات؟
• بعض الإستفسارات عن دراسة اللغة الإنجليزية في كنـدا
• بعض الاسأله عن بعض المدن والمعاهدالي عنده معلومات عن القرى والمدن الصغيره في كندا
• وش رايكم بهذي الشقة
• مالي غيركم بعد الله ياليت تفيدوني في كل شئ من ألف إلى الياء
• مساعدة في كندا
• الطريق إلى كوبا

مونتريال اسمع انها حلوة ولا عمري رحتها
لكن تورنتو جنبها اذا رحتي تورنتو لايفوتك الـ CN Tower
وشلالات نياقرا ولا تفوتك Canada's wonderland اكبر ملاهي بكندا
هذولي بتورنتو .. مااعرف عن مونتريال شي غير ان نصهم يتكلمون فرنسي ونصهم انقليزي

mr.english .. شكرا جزيلا على اضافتك انا رايحه لصديقه لي تدرس في مونتريال
وبنروح ويك اند لشلالات نياجرا باذن الله .. وشكراً مره ثانيه

الفيزا عندنا في السعودية تاخذ تقريبا 15 يوم ولاهي معقدة ولا شي بس كملي جميع طلباتهم
احجزي تذاكر من الان افضل ولاتقصينها الا اذا طلعت الفيزا
اما الطيران ماعندي خلفية عنه
االاماكن : الملعب الدولي
2- شارع ساينت كاثرين شارع طويل وكله اسواق
3- مدينة العاب لاغون اذا كنتي من محبي الالعاب
4- مونتريال القديمة old montreal
والاهم انكم تروحون زيارة لمدينة كبيك تبعد عن مونترال ساعتين بالسيارة بس مدينة جميلة واول ماتدخلينها تحسين انك في اوروبا
الله يوفقك

شكراً جزيلاً wooden

انا كان وذي اطلع فيزا كندية من البحرين لكن ما تطلع من هناك؟؟؟؟

لا ماعندنا سفاره كنديه ولا ملحق ولا مكتب مادري ليش قاطعين الاتصال نهائياً ..

منتريال .. زرتها العام مرتين بصراحه المدينه حلوه ورايقة .. يكفيها تقريبا ٤ ايام. بالنسبة للجو في كندا بالفتره الي بتروحين فيها بيكون حلوو و يمكن يكون بالظهر حلو ولكن بالليل يكون بارد شوي ..

انا زيارتي كانت شهر خمسه "ماي" الجو ربيعي يميل للبرد بعض الاحيان ..

بالنسبه لنياجرا فولس و منتريال مسافه .. لو بترحون بالسياره انصحكم توقفون في تورنتو لمده ٤ ايام وبعدها الى نياجرا فولس ..

بالنسبة للطيران افضل شي تشيكين على احد المواقع الي تسوي مقارنه في اكثر من موقع وتحددين السعر والوقت المناسب احس خطوطهم ما تفرق كثير بين بعض.

المشاركة الأصلية كتبت بواسطة OZYEEE
http://www.arabtravelersforum.com/tr...0/#post2764970

لا ماعندنا سفاره كنديه ولا ملحق ولا مكتب مادري ليش قاطعين الاتصال نهائياً ..



انا طلعت فيزا كندا ٢٠٠٥ و اخدت مني اسبوعين من الرياض. لكن الصيف الماضي بيت خالتي و هم ٦ انفار قعدوا لهم يمكن ٥ او ٦ اسابيع يطلعوها فمادري انا اذا الاجراءآت صارت اسوأ و لا كيف.

كان في بالي اني لما ارجع من امريكا اجدد الفيزا من البحرين و اطلع فيزا حق بريطانيا و كندا بس الصراحة طلعت فجييييييييعة. ابغى اروح مونترياااااااال.

و السفارة في ابو ظبي ما تطلع للسعوديين فيزا!!!!!!

انا فكرت اني حتى اروح ديترويت عشان اطلعها بس ما مداني كلش ما في وقت و لا فلوس يا حسرة :110:

يخلوننا نسب في هالجواز المعقد غصب

fms .. شكراً جزيلا على ردك المفيد .. انا كنت حاطه 20 يوم تقريبا بس الظاهر بقللهم ل10 ايام ..
صعب اني اروح تورنتو احنا بنروح نياقرا ويك اند بالطياره ان شاءلله ...

وانا رايحه نفس فترتك .. ب20 مايو باذن الله ..
شكراً جزيلاً ..

نايف .. خرعتني الله يستر! :s

ههههه اسمحي لي بس اتحمست شوي

نصيحه لاتفوتين توروووونتو



فيها مولات ومطاعم عجيبه



السوق اللي في تورونتو احلي من مونترويال بكثيررر


وبعدها تاخذون ferry يوديكم الجزيره التمشي فيها عجيب





واحنا في الخدمه لاي استفسار

وهذي الخريطه للجزيره تبعد تقريبا 10 دقايق عن تورونتو


http://www.toronto.ca/parks/pdf/isla...island_map.pdf

اخوي sager ماقصرت ..
بس انا رايحه ازور صديقتي اللي تدرس اهناك ..
عشان جذي .. مانقدر نغامر ونروح تورنتو .. مالنا غير مونتريال .

ماقصرت وبيض الله ويهك

المشاركة الأصلية كتبت بواسطة OZYEEE
http://www.arabtravelersforum.com/tr...7/#post2768127

اخوي sager ماقصرت ..
بس انا رايحه ازور صديقتي اللي تدرس اهناك ..
عشان جذي .. مانقدر نغامر ونروح تورنتو .. مالنا غير مونتريال .

ماقصرت وبيض الله ويهك



عندش كيبيك سيتي تروحيها فظيعة كانش في اوروبا و في امريكا الشمالية في نفس الوقت. مشوارها ٣ ساعات من مونتريال.

الاخت ozyeeee


عندج تقرير الاخت رندا فيه معلومات جدا مهمه



http://www.arabtravelersforum.com/travel179766/



وعند شلالات نياغرا لاتنسين مطعم red lobester


http://www.redlobster.ca/locator_ve/results_ca.asp

شكرا يا جماعه ..

اخ صقر مشكوووووووووووور ماقصرت .. أطلعت على التقرير .. وماشاءلله شامل لكن كنت ابي صوره اوضح اكثر .. يعني تفاصيل ..
وانا من عشاق رد لوبستر وخبر حلو انه لهم فرع في نياجرا .. شكرا جزيلاً

مرحبا
انا حاليا في مونتريال سافرت من نيويورك علي الخطوط الامريكيه AA سعر التذكره 700 دولار رايح جاي
جيت مونتريال في تاريخ 27\3\2009 وراجع نيويورك بتاريخ 5\4\2009

اليوم 30\9\2009 وخلصت كل مكان ممكن نشاف في مونتريال
بصرحه البلد روعه والشعب جميل وفي اماكن معي مذكوره في الموقع ان شاء الله بسوي تقرير وانزل في كل الرحله
بخصوص استفسارك عن السفر من نيويورك الي مونتريال
ممكن تحجزي عن طريق الانترنت علي الموقع
http://www.expedia.com
تلاقي كل الخطوط
دلتا
امريكاايوويز

وعموما كل ما تجحزي قبل السفر يطلع ارخص


واي شي في مونتريال انا حاليا موجود وفي الخدمه
تحياتي واخلاصي

clifton hill اسم المنطقه الحيويه في شلالات نياجرا


http://www.cliftonhill.com/


هذا السايت جدا مفيد


استفتد منه خلال سفرتي للشلالات

رجل دولي ..
شكرا جزيلا وبانتظار تقريرك على احر من الجمر ..

صقر ..
مااعرف شلون اشكرك
شكرا وجزاك الله خير

اختي العزيزة ... الصيف الماضي كنت في امريكا وطلعت الفيزا الكندية من واشنطن ...نفس اليوم يعطوك إياها

المشاركة الأصلية كتبت بواسطة هتاف الروح
http://www.arabtravelersforum.com/tr...3/#post2779893

اختي العزيزة ... الصيف الماضي كنت في امريكا وطلعت الفيزا الكندية من واشنطن ...نفس اليوم يعطوك إياها



و جوازك من ااي دولة؟

المشاركة الأصلية كتبت بواسطة نايف_نايف
http://www.arabtravelersforum.com/tr...1/#post2783621

و جوازك من ااي دولة؟



عزيزي نايف ... أنا من السلطنة... وصارت لي فرصة إني أزور كندا لما كنت في أمريكا ...فرحت السفارة الكندية في واشنطن وحصلت على الفيزا بنفس اليوم