الموضوع: لأصحاب الخبرة مساعدة

السلام عليكم ورحمه الله وبركاته

اتمنى للجميع الصحه والعافية وقضاء أوقات سعيدة مع من يحب وفي اي بلد يشتاق

ما أحب اطول عليك بالكلام بس عندي رحله عائلية مع زوجتي لمدة 7 أيام حبينا نقضيها بالإمارات الحبيبه و راح تكون أو زيارة لي هناك ..

اتمنى من أصحاب الخبرة والمعرفه بالمنطقه يعطون الاماكن السياحية الجميله االلتي تستحق الزيارة (أخوكم مايبي يتوهق مع المدام )
بتعبكم بس تحملوا ياليت اللي يعرف الاماكن زين يفيدني وتقبلوا تحياتي
طبعا الزياره راح تكون لـ أبو ظبي ، دبي ، الشارقه وإذا فيه اماكن ثانيه لا تبخلوا اسدحوها

مواضيع عشوائيه ممكن تكون تعجبك اخترناها لك:

• السوق الليلي في شارع الرقه
• إستفسار عن الألعاب الترفيهية في فندق أطلنطس
• تكفون يا أخوان أرجو المساعدة رشحولي واحد من هالفنادق
• تخطيط رحلة إلى دبي
• لزوار أبو ظبي فقط الي وياه العيال فقط
• انطلاق معرض “القرش قادم” بدبي أكواريوم
• رحلة عمل و سياحه ممكن المساعده
• جايك يالامارات
• دبي واستفسارات اللي عنده خبره يدخل الله لايهينه
• ۞ موعد مهرجان صيف دبي وعالم مدهش ۞
• مترو دبي تاكسي سيارة ايجار ؟؟ ايهم افضل؟
• حجزت فى هذا الفندق
• هيرشي العالمية تفتتح أول متاجرها للشوكولا في الشرق الأوسط في دبي
• تأجير السيارات في دبي
• طلب ايجار
• الله يوفقكم ساعدوني أبدعيلكم
• هل فيه رحلات من المدينة الى دبي مباشره
• ياساتر اتلنتس
• مليون سعودي و مليار دولار في الامارت عام م
• طلبتكم يـابنات زايـــد الله يرحمه

يا هلا فيك اخوي بين اهلك واخوانك
انت تامرني أمر
وفالك ما يخيب
ومستعد اقابلك واوديك الإمارات كلها لكن دام المدام معاك فبخبرك عن المناطق

اول شي بخصوص دبي
فيها اماكن كثيره بذكر لك افضلها
عندك طبعا وبكل تأكيد دبي مول فيه تشاهد
النافوره الراقصه
تبدأ كل نص ساعه
من اول ما تغيب الشمس تبدأ
مثلا لو بدأت الساعه 7 العرض الجاي يكون 7 ونص ... وهلم جراً
تستطيع مشاهدتها من في عدة اماكن ولكن لو واجهت زحمه وما قدرت تشوفها
روح سوق البحار المقابل لدبي مول ويربط بينه وبين دبي مول جسر بجانب النافوره
او روح مطعم فرايديز فالطابق الثالث او الثاني اذا ما خاب ظني
هناك تستطيع مشاهدة النافوره بكل راحه وبدون زحمه وانت تاكل بنفس الوقت(سلامي على الجو)

ايضا في دبي مول قسم الماركات(لا تروح هناك كل شي سعره من سعر لكزس وكاله)
لكن في هناك كوفي ارماني حلو وممتاز واسعاره جميله
وايضا حطوا ديناصور حقيقي بتحصله في المول
وعندك منطقة الألعاب لو معك صغاريه
وفي منطقة التزلج على الجليد لو تحب تتكسر من كثر ما تطيح(اسأل مجرب)
وفي اكبر حوض اسماك في العالم وجنبه اكبر مطعم كب كيك في العالم اسمه كب كيك فاكتوري
وفي سوق الذهب في المول
وفي الشلال
(انصحك جنب الشلال في كوفي اسمه 1882 قسم بالله جوه رومانسي لأبعد الحدود تسمع صوت الماي والجو مافي احلى منه موجود في الطابق الثاني)
وفي منطقة الغروف او القرية انا شخصيا احب هذي المنطقه
واي اشيا كثيره غيرها بالمول

ايضا في دبي
تحصل ال ميركل جاردن
(حديقه فيها 45 مليون ورده)"مكان رومانسي"
وفي ايضا الفيستفال مول
(يميز هذا المول وجوده على الخور وفيه مطعم اسمه مطعم الفنر لو حاب تجرب الاكلات الإماراتيه القديمه والاجواء الكلاسيكيه)
وفي مردف مول ( يصلح للتسوق واسعاره جميله)
وخذلك لفه في الجي بي آر
(جميرا بيتش ريزدنس)
وجميرا

طبعا في اماكن غيرها بس احس اني تكلمت وايد وثقلت عليك
لو تبي معلومات اكثر ما عليك إلا انك ترفع يدك وتطلب ^_^

تعااااال بخصوص ابوظبي سوري نسيت
يمديك يوم واحد تلف فيها ابوظبي
لأنه ابوظبي حكوميه اكثر من انها سياحيه لكن هذا ما يمنع وجود اماكن سياحيه فيها
مثلا شنغريلا
وعندك الكورنيش
والمارينا مول
لكن انا اشوف يمديك عليها يوم او يومين
طبعا الشارقه اماره العلم
لو تحب العلم روح هناك (لكن فيها زحمه)
اكثر الشوارع ازدحام هي امارة الشارقه
بسبب رخص المعيشه وقربها من دبي وكل الوافدين ساكنين فيها
عجمان وام القيوين لا تروح لهم مافيهم شي كلها بيتين ونخله
رأس الخيمه منطقة هادئة وفيها اماكن جميله
يمديك عليها يوم كامل تلفها لف
لو حاب تشتري مقاضي البيت روح السوق الكويتي او سوق المعيريض
فيها يبيعوا الثياب بأرخص الاسعار
ولكن بشكل عام الأسعار بين دبي ورأس الخيمه مختلفه اختلاف تام
تيشيرت في دبي يكون ب 700 درهم تحصله في رأس الخيمه ب 60 درهم


شي أخير بخصوص المقاضي
السوق الصيني والقرية العالميه في دبي اسعارهم ممتازه ايضا تقدر تقارنها بنفس الأسعار في اماره رأس الخيمه

ماقصرت بالعكس لا ثقلت ولا شي اي شي تحس انه حلو ويصلح ما عليك إلا إنك تسدح الموقع هنا

وعليكم السلام ورحمة الله وبركاته

أخوي مجود القصيم يا هلا فيك باي وقت في أبوظبي

أقدر ان شاء الله اساعدك في الأماكن في أبوظبي وان شاء الله أخواني يساعدونكم في أماكن الشارقة ودبي

بالنسبة لأبوظبي وبما إن رحلتك عائلية أظن من اهم الأماكن اللي عليكم تزوروها كرحلتكم الأولى لأبوظبي
هي
http://www.arabtravelersforum.com/travel878437/
http://www.arabtravelersforum.com/travel876385/
http://www.arabtravelersforum.com/travel878213/
http://www.arabtravelersforum.com/travel884194/
http://www.arabtravelersforum.com/travel879701/
http://www.arabtravelersforum.com/travel878901/
http://www.arabtravelersforum.com/travel895702

هذه كمناطق رئيسية لرحلات العائلة والكثير غيرها لكن تعتمد على اللي تحبون تزورونه في أبوظبي من رحلات سفاري لأماكن ترفيه لفعاليات قائمة في الوقت اللي تشرفونا فيه ممكن اساعدك أكثر اذا تعرفون وقت الزيارة بالظبط

وتقدر تلقى معلومات وتفاصيل أكثر فhttp://www.arabtravelersforum.com/travelarab311/

إذا محتاج معلومات أو تفاصيل أكثر عن أبوظبي .. تفضل http://www.arabtravelersforum.com/travelarab313/ وأنا فالخدمة

ان شاء الله اكون افدتك أخوي
بالسلامة