الموضوع: رحلتي الي امريكا وبالاخص الى اوهايو

اود ان اكتب لكم عن تجربتي في السفر الى اوهايو

بعد ماكنت متعوده اصيف كل سنه في أوربا وفجأة ومن غير سابق انذار
ابوي قرر يرسلني لاستكمال دراستي هناك وطبعا عرض علي الفكره وكنت رافضه بالاول لاني توني كنت
متخرجه من الثانويه ونسبتي قويه والحمد الله ودرست في جامعة الكويت ولكن كانت الدنيا ماخذتني بكل
معاني الكلمه ما افكر غير باللبس والكشخه ....

ماطول عليكم ارسل ابوي اوراقي التعليم العالي ولكن للاسف لم يقبلوني ولكن ذهبت على نفقتي الخاصه وبديت اجهز اوراقي للسفر واغراضي وانا في بالي اني بروح هناك يوم ولا اثنين واذا ماعجبني الوضع بارجع على اول طياره واجهز اغراضي وانا مادري وشنو ناطرني هناك

على فكره انا عمري ماسفرت امريكا كنت اسافر مع اهلى مثل ماقلت لكم اوربا لكن امريكا عمري ماشفتها
ولاتخيلتها .

المهم جا يوم السفره كانت رحلتي الصبح الساعه 8 ودوني اخواني وخواتي والوالد والوالده المطار
لله يحفظهم .

ودعت اهلي للمره الاولى في حياتي

كلها وكان اصعب يوم في حياتي ورحت وتوجهت عل الطياره وركبت وانا التلفت عليهم وماقمت اقدر
اشوفهم من دموعي اللي ملت عيني . المهم ركبنت الطياره وقعدت اطالع من الشباك واودع الكويت واهلي
وشريط ذكرياتي كله مر علي وانا قاعده اطالع من الشباك كانت طيارتي من الكويت الي امستردام وبعدين
شيكاغو انا كنت متعوده على سفر 6-7-8 ساعات لكن مو 16 ساعه على كرسي واحد والله قعدت احتري
الوقت الحين نوصل شوي نوصل ماكو .

لا ومن حسن حظي ماكان احد قاعد حولي والطياره كلها هنود
والوضع كأنه في باص مو طياره

خليكم معاي في الحلقه الجايه اقولكم عن اول ماوصلت امريكا وشنو صارلي

مواضيع عشوائيه ممكن تكون تعجبك اخترناها لك:

• ما هي افضل الفنادق بمطار واشنطن دلس؟؟
• هام للاخت بنت الصقور
• واشنطن ضروري
• استفسار لاول سفر الى امريكا اخوانى رجاء المساعدة
• زوجتي حامل واحتاج الى ارائكم
• كذا اموري اوكي؟؟
• تذكرة بمعلومات جواز قديم
• فضلا وليس امرا ارجو افادتي
• تقريري عن بلاد العم سام لوس أنجليسسان ديجولاس فيجاس
• مساعده الله عافيكم خاصه باورلاندو وياليت الخبيرين
• افيدوني بسرعه مابقى على سفرتي شي
• رحلة بريه من الشرق الى الغرب
• الله لايهنيكم
• استفسار عن سؤال رقم في نموذج
• اريد منكم ان تعطوني ماهي الطرق لكي اهاجر الى الولايات المتحدة
• تم الرفض واستلام
• بفتح حساب بنكي و ما عندي سوشيال نمبر
• مهم جدا ً
• صور صقيع هيوستن الجمعه ٤ فبراير
• كم المسافة بين واشنطن ونيويورك؟؟

ناطرينك
بس إذا سمحت صغري الخط
ترى أعضاء المنتدى شباب مو شياب

جيد الى الان...............قولي لنا كيفية تعاملهم بالاخص مسلمين وعرب من جميع النواحي.

أختي fw_kw


بداية فيها جذب و فيها تشويق و ما زال الفضول يسبقني للتعرف على فصول هذه الرحلة ،،،

ليتك تذكرين لنا التاريخ او الوقت لان مبين عليها قديمة شوي

و ياليت ما تنسيننا من الصور اذا أمكن و من التفاصيل المملة

وتقبلي تحيات

أخوك

كبيان

الأخت fw_kw

بداية جميله

وفي إنتظار باقي التفاصيل

السلام عليكم ورحمة الله وبركاته ماقدرت اتأخر عنكم ورجعت لكم باسرع من البرق احب استعرض معاكم ايام غربتي
بعد مانزلت للفندق ودخلت غرفتي دقيت على اهلي ابيهم يردون علي ماكو احد وتميت ادق عليهم ولما رد على ابوي واول ماكلمني قعدت ابكي واعاتبه على قراره ومشورته اللي ودتني ورا الشمس
وقال كلمه والله انها ليومكم هذا ترن في اذني قالي:" يبا الدنيا صعبه ولازم الواحد يحفر بالصخر عشان يقدر عيش عزيز فيها واذا انا ماسويت فيك جذي باكر الدنيا تسوي فيك اكثر تحملي وصبري والله كريم "
سكرت التلفون منه وقمت صليتلي ركعتين شكرت لله على اني وصلت لبر الامان بعد هذي الرحله الطويله والصعبه
قمت ثاني يوم من النوم من الساعه 7 الصبح ليش ما ادري معني مانمت الا الساعه 2
كلمت الفندق تحت عن الجامعه وين تكون واقرب شقق للايجار هناك وقالولي شوفي اليلو بيج دفتر العناوين
والحمد الله شفته ولا في اكثر من مجمع سكني راقي قريب من الجامعه طلبت تاكسي ورحت اشوفهم شفت اول واحد وكان اسمه كانتري كلب country club ووايد عجبني واهم شي كان فيه انه منور طبعا كان في النهار انا رايحه لكن شيكت عل اعمدت الاناره هناك كان المجمع وايد راقي وحلو واجاراته مناسبه
الشقه غرفه وحدا صاله وحمام ومطبخ 600$
الشقه 2غرفه 2 حمام وصاله ومطبخ 750$
جم .حمام سباحه ..........الخ
لكن للاسف ماكان عندهم شقق فاضيه
رحت للمجمع الثاني وكان جنبه اسمه انفر وست وهم المجمع الثاني كان راقي وايد واجدد من الاول
واسعاره كانت اغلي طبعا من الاول
وكان ليما الحين ماخلص من البنيان (كانو يبنونه)
سئلتهم عن اجار شقه قالولي ماعندنا غير وحده وكان اجارها 950$ +ديبوزت 950$
2 غرفة نوم 2 حمام صاله ومطبخ وغرفت غسيل ملابس وكراج سياره قالت واوكي
يالله ااجر قدمت ابليكيشن وردو علي ثاني يوم بالموافقه
طبعا هذا كلا كان قبل الاعمال الاهرابيه وتشويه صورة العرب كانو قمه بالمعامله الانسانيه الراقيه و ردا علي الاخ الفاضل مهاجر 3553 راح اقولك بكل تفصيل عن معاملتهم معانا قبل وبعد الاعمال الاهرابيه
اتركم مع الصور

هذي صورة المجمع من الخارج

هذا كراج السياره
المطبخ

الصاله

وانشاء الله تحوز على اعجابكم وخلوني اقولكم عن اول ايامي في الغربه بالحلقه الجايه

... سرد جميل و إسلوب رائع ...
اتمنى مواصلت إبداعاتك ....

الحقيقه سردج للقصه وايد خفيف وسهل وممتع كملي الله يوفقج وينجحج
بس ليش العناد فيكم بنات الكويت الريال يبي ينفعج وانتي معانده على الاقل يشيل الجناط ويتصل في تكسي ويسوي لج حجز بس شقول عنادكم شي عجيب انا حصلي كذا موقف مع البنات وخصوصا الخليجيات ابي اساعدهم لله ومعاي اهلي يعاندون وشكلهم دايخين بس شسوي مايبون المساعده
المهم كملي وشربي سفن اب وانتقي تروقين

اتشكرك يا اخ جوليانو علي رقة اسلوبك


اخ na9erq8
والله انا انحرج من احد يساعدني وماحب اثقل على احد

ما شاء الله عليك تبارك الرحمن ،،،

أحب السفر للمجهول و أعتقد رحلتي لأثيوبيا و الصومال بالنسبة لرحلتك و لاشي كون انك مره مو رجال و أعتمدتي على نفسك بكل شي و غربة دائمة ،،،

الله يعينني على الشباب قلت بكمل لهم رحلتي و طنشتهم و انا أتابعك ،،،


و أتوقع لهذا الموضوع اذا أستمر على النهج هذا أنه يكون من المواضيع المتميزة

تمنياتي لك بالتوفيق و عدم التأخر علينا

كبيان

استاذي الفاضل كبيان اشكرك علي حسن ظنك فيني وفي اسلوبي المتواضع انا اعتبر نفسي كلمه في موسوعة كبيان

وارجوك كمل مع الشباب عشان لايكرهوني

السلام عليكم ورحمة الله وبركاته ،،،،،
ماشاء الله عليك اختي رحله وذكريات كانت جيده ولاتنسي الفضل لله ثم يرجع لوالديك وتذكري عندما وصلتي للفندق اتصلتي به وماذا قال لك ؟؟ وأنا أتفق مع والدك في هذه الحكمة بس تمنيت أنه اتى معك في هذه الرحله من البداية ....:surf

... فعلا الغربة تعلم النفس أشياء ما كانت تتخيل يوم من الأيام انها تعيشها ..
.. و اصلي إبداعاتك نحن معك ...

اولا احب اسجل اعجابي بالشجاعه اللي عندج ومستغرب من والدج الله يهديه شلون يوديج بالطريقه هذي بس تدرين هذي احسن طريقه تعتمدين على نفسج وفعلا نحجت خطه والدج الله يخليه لج وفعلا مت من الظحك على الطلاب اللي معاج في الكلاس ياحبهم للحش صرنا اكثر من الحريم بالحش ولا اشكره بعد يطل بويهج ويقول ياخوفي لو فاهمتنا والله قويه حيييييييييل بس ودي اعرف شنو شعوره يوم قلتي انج كويتيه اعتقد وده الارض تنشق وتبلعه مو
كملي والله اسلوبج السهل الممتنع حده خفيف وبسرعه ينبلع حشا شارب سفن اب بارد

اشكركم اخواني على هذا الاطراء الجميل وحسن التواصل و الله انتو معطيني دفعه قويه لاكمل موضوعي ولو اني ماني شايفه فيه اي نوع من التشويق:109:

أختي fw-kw فعلا أسلوب شيق وجميل الله يعطيج العافيه بس ما قلتيلنا مكتب الثقافه الكويتي ما سوو شي معاج يعني ما ساعدوج بشي وبمريكا لا زم تروحين لهم ولا لأ ؟ لأن في دكتوره بالمكتب أراسلها تقولي أحنا نساعدك بكل شي وأنا شاك حتى أن ما تشوفين المبنى وين صاير. واخيرا أنا ما ودي أعطلج عن موضوعج الشيق ولو عندي أستفسارات عن الدراسه هناك .
ألف شكرااااا

اكمل لكم قصتي بغربتي
تميت اداوم بالمعهد والله من يوم اللي صارلي اول يوم مع الشباب وهم ولاكلمه معاي اذا واحد فيهم شافني بممر يروح من ممر ثاني .كان معاي بنات خليجيات بالمعهد لكن كانو بكلاسات ثانيه انا عرفت انهم خليجيات بس ماحبيت احتك فيهم كانو غير عن طبعي وبعدين انا فرحانه بشكلي ان مايبين علي اني كويتيه او خليجيه ويمكن حتي اهم ماكانو يعرفون اني خليجيه
المهم دارت الايام وفكرت اشتري سياره انا ليما الحين ماعندي احد ولا اعرف احد تعرفت على وحده كانت ساكنه جنبي وطلعت ظربه شيئ لايستحق الذكر فتميت عايشه بروحي
احنا الحين تقريبا شهر 10 اكتوبر وفكرة السياره خلاص سيطرة على مخي ولازم مت من التكاسي والباصات وطبعا الباصات محد يركبها غير العبيد كلنا عبيد الرحمن
وفعلا اشتريت سياره قمت اروح من البيت المعهد البيت السوبرماركت وشويش شوي قمت ابعد الدرب شوي وصلت الى المول وبس عندي 4 مشواير ماكو غيرهم
اذكر اول مادخل علينا الشتاء طبعا شتائنا كان قارص طحت مريضه ولا اقدر اتحرك من الفراش بالمره نهائيا وبالصدفه امي دقت علي تلفون وكلمتها والصوت عساه يطلع ودرت اني تعبانه وقالت لابوي قام ابوي كلمني وقالي اتصلي الحين على 911 قلت له لا اتحمل ليما الصبح قام واصر علي اني اتصل ومن الحاح منه اتصلت ومن الخرعه والله اني صحيت من المرض قالولي عطينا العنوان وعطيتهم والله ماهي الا يمكن 5 او 10 دقايق بالكثير الا وصوت الاسعاف والنجده والمطافي بره البيت وانا من الخرعه لبست فوق البجامه كوت وطلعت بره اشوف العفسه ولا جاني ظابط الشرطه قبل مايتكلم قلت له العنوان واسمي
قالي شنو صاير قلته ابي اساعف توديني المستشفي قعد يطالعني وكأنه مومصدق انتي مريضه وطالعه بر تنطرين الاسعاف والله ماينلام لو انا مكانه كان مشيت
المهم خذتني الاسعاف ودتني المستشفى طبعا قبل ما تسوي اي شي تروح تدفع عن طريق الانشورنس
وانا ماعندي انشورنس لاني على نفقتي الخاصه مو على السفاره . طبعا انا كان فيني انفلونزا دفعت علاج بقيمة عمليه جراحيه لا ودفعوني حتى تكاليف طلعت الاسعاف ونقلي فيها
تميت عندهم بالمستشفى قريب اليوم تقريبا ولاحظو اني طالعه من البيت ببيجاما وكوت والحمد الله اني مانسيت بوكي(محفظتي) بعد ماخلصت علاج دقيت على تاكسي. طبعا انا بس حطوني على الفراش مال المستشفى وقعدت ابكي انهرت والبكي والدكاتره يسكتوني والممرضات وعبالهم اني ابكي من التعب والمرض اللي فيني وانا بالحقيقه كنت ابكي على نفسي والله انكسر خاطري على نفسي وانا بروحي بمستشفى ما اعرف فيها احد ولا احد معاي من اهلي والله طرى علي وضعي بمستشفيات الكويت لما كنت اروح كنت ادخل على طول على الاستشاري ولا انطر دور ولا اكلم احد ولا احد يكلمني وشغلي كلا ماشي على ارض من ورد
هذي مجموعه من صور الجامعه والجو

هذا الجو



هذي الساعه اللي بالجامعه وتعتبر نصب تذكاري ومميز للجامعه



هذا مبنى بالجامعه اسمه الاي هاووس

مبني الانجينير الهندسه وطبعا هذا اكشخ مكان بالجامعه اجدد مبنى

هذا مبني ثاني للجامعه اكثر مواد الاداب يدرسونها هني

خليكم معاي لاكمل لكم ايام الصمت في غربتي

... الحمد لله على سلامتك ... عسى ما حطوج ببرنامج 911 .. ترى فضيحه بعدين ... هههه
احنا معاج لين تخلصين ........
.. و شكرا

اسلوب رائع

وتقرير اروع

واصلي ابداعك

نحن بأنتظارك

اكومش انا تحت امرك تفضل اسئل اي سئوال عن هناك وبالنسبه للمكتب مال السفاره مادري عنه ولا سولي ولا شي ولاحتى درو اني رايحه هناك انا قدمت على الابليكيشن مال الجامعه من الكويت الا ان والدي سأل بالجامعات المعترف فيها اوهايو وطلعت الجامعه اللي رحت لها من ظمنهم
بتظار اسئلتك

لا يمكن أن يتخيل المرء نفسه خارج منزله لعدة ايام فكيف بشخص يسافر خارج وطنه لسنوات و لوحده،،،


ضربتي لنا أمثلة في تجاربك لا نستطيع الا أن نستفيد منها في تجاربنا القادمة في هذه الحياة ،،،

لا أخطئ والدك بسماحه لك بالذهاب لوحدك ولكن ربما ثقته بقوتك هي من دفعته الى العمل بتسفيرك لوحدك و الأعتماد على نفسك ،،،


و أسئلك سؤال أرجو أن تجيبيه حين فراغك ،،،

لو لم تذهبي لوحدك و تعتمدي على نفسك هل كنتي ستتعلمين دروساً من الاعتماد على النفس و مجاراة الحياة ؟ ربما تقولي كنت صغيرة ذلك الوقت ولكن لو أفترضنا ذلك ولم تتعلمي في ذلك الوقت ،،، اذاً متى ستتعلمين !


ما أخذتي نصائح قبل روحتك بأنك تتصلين على السفارة أو على أحد من المعارف في ذيك الديار و الا طلعتي كذا؟


كنت أتمنى أن تصوري لنا وجه الطلبه الذين تحدثوا و علقوا عليك ؟


كنتي متحفظة على بعض الكتابات حتى لا يمل منها القارئ عن تلك الاحاسيس و الهموم التي عانيتي منها في غربتك ،،، لا أرى ما يمنع أن تكتبي لأن هذا الموضوع مخصص لك و مخصص للكتابة عما يريده صاحب الموضوع فليتك تسترسلين بكل ما تجود به نفسك




بيني و بينك تعاطفت معك على قصة المستشفى تذكرت موقف صار لي قبل عندما كانوا يحذروني الناس من السفر لحالي لدول مجهولة ،،،،


واصلي أختي فكلنا شوق للمتابعة ،،،

كبيان

والله يا استاذي الفاضل كيبان
معاك حق باللي تقوله والله انيي تعلمت شيئ ماكنت ممكن اتعلمه لوقريت كتب الدنيا كلها وبعدين بالعكس انا موقويه بالدرجه اللي انت متوقعها لكن ابوي قسى علي بعض الشيئ عشان يعلمني الدنيا وشلون ماشيه كان دايما يقول اليوم معاكم وموفر لكم كل شي باكر شنو راح تسون من بعدي بخليلكم فلوس وحلال لكن هالفلوس بتخلص لو ماعرفتو شلون تزيدونها بفكركم وبما انني اكبر اخوتي فتعمد ان يقسي على لانه يقول "يبا انتي من بعدي في هالدنيا" فزرع فيني فكرة اني انا مسئوله عن اخوتي وامي ولم يعتمد علي احد غيري
ومن جانب اخر السفر يعتبر مدرسه والذكي يعرف شلون يدرس ويتعلم فيها. ومشوار الالف ميل يبدا بخطوه (مقولة الوالده)
السفر بقصد الدراسه يعتبر من اصعب واقسي السفرات لانك رايح هناك وماتدري شنو ناطرك واعتبره كذلك امتحان صعب في تحمل اعباء الدنيا وخصوصا لما تكون انسان فتحت عينك على الحب والدلال وفجأه تنحرم منه وكأن احد خذاك من فوق ورماك على ارض قاحله وجافه
وللامانه لم اكلم السفاره في بداية سفرتي اصلا ولا خطر في بالي ان في احد ممكن يكون مسؤل عني اويقدر يساعدني ومن سوء الحظ ما اعرف ولا احد قريب لي درس هناك في قرايب لي هناك لكن مو قرايب من الدرجه الاولى واكثرهم شباب فالوضع الطبيعي ابوي ماراح يوصي شباب علي

اختي fw_kw

اود اعرف اي مدينة في ولايه اوهايو متعريف كيف المعيشة والاسعار في كليفلاند


ولكي جزيل الشكر

الاخت ف\ دبليو .... انا بصراحه احس انه حلم !! وليس حقيقه ... بعدين فيه تناقض ...
1- قلتى كل الطياره هنود !! بعدين فى المطار تقوليين طلبه .. واللى جاكى فى الطياره معه زوجته كويتى
وطلب مساعدتك فى الحقائب !
2- تقوليين انك جايبه 475 فى التوفل فى الكويت ! بينما كنتى تشتكين من عدم قدرتك من شراء لحاف
للنوم .. وغيره ولا تقدرين تكلمين صاحب التاكسى .....
بعدين الا الان ما عرفنا ... هل المدينه كولمبس ! او سنسناتى او ديتون !! واسم الجامعه .. بس الصور حلوه والله!
الله يعطيس العافيه ... كملى ... :109:

ردا على الاخ سنترال بارك
1-يعني انا لما اقول الطياره كلها هنود في تعبير مجازي للحدث وليس بالضروره تكون كلها هنود ولكن عدد الهنود فيها اكثر بوايد من عدد الكويتين
2-انا لما كنت بالمطار ماكنت عارفه اتصل بالتلفون لان كان لازم الاتصال منه بعملات معدنيه وليس لضعف اللغه عندي وحتى لما كنت ما اقدر اشتريلي لحاف كنت اتكلم انجليزي لكن مادري شلون اروح او من وين اشتري
وبالنسبه للمنطقه راح اذكرها بعدين انشاء الله
شاكره لك حسن متابعتك

الحقيقه على قد ما كنت فرحان مع قصتج ضاق خلقي بخير وفاه جدتج الله يرحمها ويسكنها الجنه
عظم الله اجرج وتحملي هذي سنه الحياه

ولله ما عطى ولله ما اخذ

... احسن الله عزاك ..
صراحة موقف صعب على ابوك .. و أنا متأكد انه متردد .. يبلغك وإلا ما يبلغك ..حطي نفسك مكانه راح تتصرفين بنفس التصرف ..
على العموم .. انا مستعجل اعرف وين بتوصل القصة .. لأنها فعلا ..( من كفاح الحياة ) ..

احب اوريكم الشتاء في اوهايو
هذه بعض الصور وانشاء الله تحوز على اعجابكم والبقيه في الحلقات القادمه

تمنيت أني لم أقراء موضوعك من البداية تمنيت أني لم أدخل ساحة أمريكا

فأنا في الغالب أكون لاهي بين آسيا و أفريقيا و بعض من النمسا و سويسرا لكن الحين من جد تحسفت


متعود أني قبل أي رحلة تتعدى ال5 ساعات و خصوصاً اللي فيها وقفات في بعض المطارات أني أدخل الأقسام اللي مو متعود أدخلها و أطبع منها قصص الرحالة اللي معنا في المنتدى و أكتب الردود على جنب و اول ما القى نت أبيضهم و ابعثهم للعضو

وقصتك هذي رغم أنها تفقد أهم الأركان الا وهي الصور لكن من جد الواحد يتعب عشان يخلص من هذي الكلمة ويبحق الكلمة اللي بعدها من جد لو أنتبهتي لأسلوبك و استشرتي فيها أحد الكتاب صدقيني عن طريقها ممكن تألفين كتاب بعنوان : مذكرات طالبة خليجية في الغربة ،،،


و مذكراتك هذي من الأشياء اللي أقتنيها في السفر حتى لو أكون مسافر بين مدينة و مدينة عن طريق البر راح يكون الذهاب ممتع لكن العودة دائماً متعبه فإن لم أقضيها على اللاب توب و تنقية الصور و أختيارها و الا قرأت ما تجود به نفسي ،،،


* ملاحظة بخصوص الصور :

لو كانت الصور من تصويرك فأفضل وضع أسمك عليها منعاً للاستعارة


تحياتي

كبيان

السلام عليكم ورحمة الله وبركاتة

اختى الكريمه ....fw_kw

ان اسلوبك في سردك للغربة بهذه الطريقة....وبما انك اكبر العائلة ....وتحملك لها والدراسة والرحلات ... صحيح انك قد تعاملتى مع المجهول...وهو الذي يصنع من الانسان شئ هو لا يتوقع ان يكونه...مع ما ئلمنا من بعض الامور والصدمات التى حصلت عند عودتك....ولكن هذه الذكريات هي دافع للبقاء نحو الافضل دائما.....

وانا مع ملاحظة اخوي كبيان ...حول تسجيل اسمك بالصور كي تبقى الحقوق...

مع التحية والتقدير.....وتسجيل متابعه للموضوع

اخوك
عبدالعزيز

استاذي الفاضل كبيان
انا لو اكتب اواالف كتاب عن مذكرات طالبه خليجيه بالغربه وقرأوه الناس محد راح يفكر يرسل عياله للخارج ولاحتى البنات انفسهم مارح يرضون انهم يروحون يدرسون بالخارج لان راح يكون فيها وايد ترهيب بالغربه
وهذه الاحداث اللي انا قاعده اقصها عليكم عمرها تقريبا 9 سنوات انا من 1997 وانا بامريكا وسامحوني ااذا كنت بخلت عليكم بسرد احداث وايد صارت لي هناك لانها ماتحضرني في الوقت الحالي
وبالنسبه لافتقار موضوعي بالصور فالسبب يرجع الى انني سافرت بقصد الدراسه وليس بقصد السياحه والتسليه والاستكشاف وكانت في هذيك الايام كاميرات الدجيتل غير متوفره مقارنة بهذا الوقت والى جانب هذا انا ما اقدر احط صوري الخاصه فيني لانكم عارفين المنتدي الكل ممكن يدخله

وبالنسبه لاسلوبي استبيحكم العذر لاني انا اعترف بان لغتي العربيه ركيكه واسلوبي ضعيف بالكتابه

وممكن تفسر لي اكثر موضع انك تحسف انك دخلت ساحة امريكا . هل صدر مني شيئ ازعجك او ازعج احد من ادارة المنتدي او كان موضوعي خارج نطاق مواضيع المنتدي. ولو كان استبحكم العذر ولكم مني وعد بعد تشوفون كتاباتي

اختي fw kw

قصه مؤثره تاثرت فيها بصراحه

بس ما قلتي لنا اي مدينه هذي لاني ناوي اروح توليدوو وعنوان الموضوع شدني

ياليت توضحين شنو فيها المدينه من اماكن ؟

الله يخليك وماقصرتي على السرد الجميل الخفيف الممتع بالقراءه

الاخت الغاليه اف دبليو كي دبليو ،،،

شكرا لكي على هذه المتعة والسرد القصصي لمغامراتك في الغربه ...

ولكن اختي الغاليه أعتقد انك قسيتي نوعا ما على حبيبتنا توليدو او طليطلة كما هو اسمها العربي

انا الان اكتب لك هذا الرد من أرض توليدو الرائعة،، اعتقد أنك تحاملت كثيرا على توليدو وبالتالي

اوهايو ومن ثم الولايات المتحده ككل...

اولا ياعزيزتي انتي سافرتي قبل الاحداث، اي ان الوضع افضل بكثير مما هو عليه الان..

ثانيا وهو المهم،، ان جميع الصعوبات والمشاكل التي حدثت لكي في الغربه كما تسمينها هي مع كامل

احترامي لكي بسببك انتي وبسبب والدك حفظه الله واما المدينة توليدو فهي لاتتحمل تبعات مشاكلك...

اعجبتني كثيرا شجاعتك وتدبيرك لامورك ولكن صدقيني حفظ الله لك اباكي أنه لولا مالك الوفير والجاهز

في اي وقت لما عرفتي ابدا واستحال عليك تدبير امرك من دون مساعدة...

شيء اخر،،، أحب ان الفت نظر المتابعين الى الجانب الجيد والايجابي من اوهايو وخصوصا مدينة اختنا

والتي اعيش انا بها الان وهو توليدو،،

توليدو هذه التي تقول اختنا المتعودة على اوروبا انها مظلمة وفقيره،، احب ان اقول انها واراهن على هذا

انظف واجمل واكثر تنظيما من اي مدينة عربية ..

توليدو بحق هي المدينة المثلى للدارسه.... لقد زرت كثيرا من انحاء امريكا وحمدت ربي ان اختار لي ان

اكون في هذه المدينة الهادئة،، حيث كل شيء متوفر ولا ازعاج ولا صخب المدن الكبرى ولا زحمات ولا غلى

في الاسعار،،

وأزيدكم من الشعر بيتا ،، مدينة مما زادها روعة كثرة الجاليات العربيه فيها وخصوصا اللبنانية حيث وفروا

لنا اللحم الحلال والجبن السعودي والخبز العربي والبهارات وجميع مايخطر على بالك من التموينات

والاصناف الاسلامية والحلال طبعا....

توليدو لاتبعد سوى اقل من ساعه عن ديترويت (مدينة العرب) حيث المقاهي والمطاعم العربيه الى درجة
ان مقاطعة ديربون في ديترويت تدخلها وكانك في بيروت او دمشق حتى مكتب البوليس كتب عليه بالعربي
شرطه ،ن واللوحات العربيه في كل مكان والحلاقين والخياطين والاطباء العرب والمطاعم مثل العجمي وشاتيلا والكباب العراقي والملاحم الاسلاميه والكثير الكثير .....

توليدو هذه المدينة الرائعة قريبه من شيكاغو وقريبة من كندا وليست بعيده عن نيويورك ،، مكانها رائع
واستراتيجي،،

في الشتاء بارده ولكن بردها الطف وانعم واروع وادفء من برد بلادنا الجاف الصحراوي،، الخضرة في
كل مكان،، جميع المطاعم من الى متوفره،،

مدينة احببت ان تعرفوا الجانب الرائع منها ،،، هذا فقط عنها هي ولم اكلمكم حتى الان عن جامعتها العريقه

.............................................. تحياتي لكم

اخ معانق الدموع
توليدو منطقه فقيره وعاديه . فيها جامعه توليدو وفيها جامعه ثانيه اسمها اونز وهذي الجامعه او ممكن تقول معهد تقدر تدرس فيها سنتين وتاخذ دبلوم وفيها كولج ثانيه اسمها ديفز اذا انت سعودي معترف فيها عند سفارتكم بس اذا كويتي سفارة الكويت ماتعترف فيها وانا على ما اعتقد انك سعودي
وشنو نوع الدراسه اللي انت ناوي تدرسها عشان اقدر افيدك اكثر
وطبعا تتعتبر توليدو من المناطق الرخيصه مقارنه بامريكا يعني مثلا تقدر تحصل بيت 900$ ويكون جديد المبني

والله يا فارس تميم
اذا انت تدرو العرب فاكيد توليدو محط راس العرب بما انها قريبه من دترويت ودربون
ولكن ليست بمستوي الدول الاوربيه لانها بليل تجيب القامت . وانا معاك برايكك انها مدينه دراسيه بالدرجه الاولى لان مافيها غير الجامعه
ولو انك تبي تدرو على الجاليات العربيه تراها وللله الحمد منتشر على امريكا كلها و هم بعد بالعالم الاوربي وتقدر تحصل المراكز الاسلاميه بكل مكان حتى بعد مشاكل سبتمبر
ووبذلك تقدر تحصل الاكل الحلال في اي مكان في امريكا وليس بالتحديد بتوليدو
الله يهنيك بتوليدو ولاتشوف عيوبها ولعلمك انا ماطولت بتوليدو غير منطقتي بعد سنه

شكرا لك،، وعلى فكره للفائده،، البيت اللي يسكن فيه الواحد ب 900 دولا بالشهر هذا افخم شي موجود

وبكل صراحه يعني هو لعيال النعمه يعني اللي ماهو معتمد على راتب الحكومة،ن لكن اذا تبغى انا ساكن بشقه

نظيفه وحلووه مره وقريبه من الجامعه انا وواحد ب560 دولار يعني الواحد تطلع عليه ب 280 دولار شهريا

وصلى الله وسلم،،

اود ان اعرض لكم بعض صور الخريف في اوهايو

صور الخريف روعه واكثر من روعه واللون عجيب الله يعطيج العافيه

متابعين كملي الله يحفظج

المــــــــــــــــــدينة الله يحفظـــــــــــــــــــــــــــك

والله شوقتينا
انا جاني قبول في اوهايو
كليفلاند

المشاركة الأصلية كتبت بواسطة fw_kw


اخ معانق الدموع
توليدو منطقه فقيره وعاديه . فيها جامعه توليدو وفيها جامعه ثانيه اسمها اونز وهذي الجامعه او ممكن تقول معهد تقدر تدرس فيها سنتين وتاخذ دبلوم وفيها كولج ثانيه اسمها ديفز اذا انت سعودي معترف فيها عند سفارتكم بس اذا كويتي سفارة الكويت ماتعترف فيها وانا على ما اعتقد انك سعودي
وشنو نوع الدراسه اللي انت ناوي تدرسها عشان اقدر افيدك اكثر
وطبعا تتعتبر توليدو من المناطق الرخيصه مقارنه بامريكا يعني مثلا تقدر تحصل بيت 900$ ويكون جديد المبني



يعطيك العافيه اختي

انا والله ناوي ادرس صيدله انشالله وقالوا لي عن هالجامعه انه فيها صيدله وجامعه معترف فيها

وحبيت اسال عنها وودي اسكن مع عايله اول سنه على شان اللغه هل توجد عائلات في هذه المدينه للسكن ام لا
وابي ادرس بجامعة توليدو
وبعدين المدينه يعني مررره مافيها اماكن سياحيه على الاخر

المشاركة الأصلية كتبت بواسطة فارس تميم


شكرا لك،، وعلى فكره للفائده،، البيت اللي يسكن فيه الواحد ب 900 دولا بالشهر هذا افخم شي موجود
وبكل صراحه يعني هو لعيال النعمه يعني اللي ماهو معتمد على راتب الحكومة،ن لكن اذا تبغى انا ساكن بشقه
نظيفه وحلووه مره وقريبه من الجامعه انا وواحد ب560 دولار يعني الواحد تطلع عليه ب 280 دولار شهريا
وصلى الله وسلم،،




اخوي فارس تميم يعطيك العافيه

اخوي حاولت ارسلك رساله خاصه بس رافض يرسل ماني عارف ليش مسكت معاه مايرسل :109:

المهم الله لايهينك لو ترسل لي رساله خاصه كاتب فيها ايميلك ابي استفيد منك بحكم انك هناك حاليا وبكون شاكر لك حبيبي :101:

السلام عليكم ورحمة الله وبركاته

بعد ما انتهت اجازة الكرسيمس وانا الان على وشك الاقلاع من الكويت متجه الى شيكاغو .وانا جالسه افكر واودع ديرتي الغاليه الكويت من خلال الشباك الطائره ومن حسن حظي ان محد جالس جنبي والكرسي فاضي . بعد ساعه من الاقلاع جاتني بنت وشكلها كويتيه وقالت لي ممكن اقعد جنبك قلت لها تفضلي وتمت تكلمني وتسألني عن سبب سفر الى امريكا وقعد اقص لها قصتي وعرفتها بنفسي اكثر وهي بعد عرفتني بنفسها وبالصدفه طلعت متوجه الى اوهايو وبنفس المنطقه اللي انا فيها وسبحان الله وكأن القدر جمعني بهم مرة اخرى لانها كانت نفس الشخصيه اللي كانت مع زوجها يوم اول ماسفرت من شيكاغو الى اوهايو
فجلسنا نتبادل الكلام وهونت على فراق اهلي تميت معاها طول مدة الرحله واول ماوصلنا الى اوهايو الحت علي بان توصلني الى منزلي هي وزوجها تم ذلك

مشت الامور ولله الحمد على احسن حال بعد مارجعت امريكا وبدأت بالدراسه واكتشفت ان الجامعه من كثر العرب اللي كانو فيها كانها جامعه في دوله عربيه او خليجيه بالتحديد

استمرت علاقتي مع هذه السيده المحترمه القديره والتي اكن لها حب وتقدير من كل اعماق قلبي لمواقفها النبيله معي
وفي يوم من الايام قالت لي يوجد هنا مركز اسلامي اتريدين الذهاب اليه فرحبت بالفكره لاني بحاجه لان اسئل احد عن مواقيت الصلاة. ذهبت الى المسجد وتعرفت على الجاليه العربيه هناك واخذت منهم مواقيت الصلاة
وجرت الايام والسنين وكاني اراها الان في عيني بسرعه حتي يوم 11/9 وكنت في الجامعه في احد الكلاسات الصباحيه والا بدكتور المادة دخل علينا الكلاس وهو يبكي ويقول لنا الحدث ويجب علينا الخروج فورا من الجامعه والتوجه الى البيت لمشاهد الاحداث على التلفاز
وبالفعل حصل ذلك وجلست اشاهد الاحداث على التلفاز وكلمت اهلى وطمنتهم على اني بخير وان الاحداث بعيده عني . بعد يوم من الحدث كلمتني صاحبتي وقالت لي ان لازم مانطلع من البيت وهذا تنويه من المسجد
هنا انا حسيت بالخوف والرهبه حسيت ان السالفه من صدق
بعدها قالت لي ان اكثر الكويتين الشباب قاعدين يسون اوراقهم ويوقفون قيدهم وبيردون الكويت وحتي باقي الخلجين كذلك .كلمت ابوي وقالت له باللي صار ان مافي احد بيقعد والكل راجع ديرته .طبعا كنا تونا ابتدينا الكورس لنا يمكن اسبوعين او3 وانا طبعا دفعة لهم التوشن مصاريف الجامعه بالكامل من قبل ما ابدا بالدوام
رحت لقسم التسجيل اقولهم اني راجعه الكويت وبوقف قيدي قالو انتي مو قريت القوانين وقعتي عليها خلاص مانقدر نرجع لك القيمه بالكامل ورجعو لي جزء قليل من القيمه
كلمت ابوي وقلت له اللي صار وقالي خلاص تنزلين الكويت على اول طياره وبالفعل عمل لي حجز من الكويت وعطاني رقم الحجز وكلمت الخطوط وارسلولي التذكره من خلال البريد السريع في نفس يو السفر وفعلا رحت المطار اللي في منطقتي


خليكم معاي بالحلقه الجايه اقولكم شنو صارلي لما رحت المطار وليش ممنوعه من السفر

الله يستر ممنوعه من السفر وفي امريكا لا بالله راحت فيها البنت

الله يجازي اللي كان السبب

كملي اختي متابعين

الاخ معانق الدموع
جامعة الصيدلة في توليدو وايد قويه وزينه والدراسه فيها وايد وايد وايد زينه وقويه وفي عرب وايد في الجامعه من الجاليات العربيه نتخصص الصيدله وانا اذكر ان كان في سعودين وايد تخرجو من الصيدله عندنا يعني لو الدراسه مو قويه كان محد كمل
وبالنسبه للويك اند تقدر تروح دترويت . فيها مطاعم ومقاهي عربيه وايد
بس انا بالنسبه لي ماحبتها لانه ماتنفع حق بنت تبعد دترويت عن توليدو نص ساعه بالسياره
وتقدر تروح اناربرا هذي منطقه صغيره بس حلوه وفيها مطعم ايطالي يرد الروح وحتى الداون تاون مالها حلو علي الاستايل الاوربي والجامعه اللي فيها من التوب 10وحد من احسن 10 جامعات بامريكا
تقدر تروح كليف لاند . فيها سكس فلاقز , سيدربوينت , سي ورد , سفاري وتبعد تقريبا ساعه الاربع بالسياره
وتوليدو نفسها فيها مول وفيها حدايق لتمشي وتقدر تاخذ راحتك فيها لانها وايد امان بعكس كليف لاند والمناطق الثانيه في اوهايو
وعلى فكره انا وايد حبيت السنو والبرد بتوليدو . كنت اتخيل الارض بعرس لما ينزل السنو ويغطي الارض وخصوصا في الليل والله يدخل شعور في قلبك وكأن الدنيا تتحتفل بعرس لان كل ماحولك ابيض ويلمع
واذا في عندك اسئله ثانيه انا تحت امرك

وبالنسبه لافتقار موضوعي بالصور فالسبب يرجع الى انني سافرت بقصد الدراسه وليس بقصد السياحه والتسليه والاستكشاف وكانت في هذيك الايام كاميرات الدجيتل غير متوفره مقارنة بهذا الوقت والى جانب هذا انا ما اقدر احط صوري الخاصه فيني لانكم عارفين المنتدي الكل ممكن يدخله




يالغالية حنا ماقصدنا صور وجهك لا نقصد صور المناظر اللي من تصوير كاميرتك لازم تكتبين عليها أسمك أفضل من ان يجي واحد و يحطها في منتدى ثاني بأسمه ،،، يعني حفظ لحقوقك ...









وبالنسبه لاسلوبي استبيحكم العذر لاني انا اعترف بان لغتي العربيه ركيكه واسلوبي ضعيف بالكتابه
وممكن تفسر لي اكثر موضع انك تحسف انك دخلت ساحة امريكا . هل صدر مني شيئ ازعجك او ازعج احد من ادارة المنتدي او كان موضوعي خارج نطاق مواضيع المنتدي.




لا يا بعد أهلي الموضوع و مافيه ان مثل هذه القصص اللي فيها جذب و اللي ما تتنباء أيس اللي بيصير في الجزء اللي بعده هي اللي تخليني أبي أقراء الموضوع كامل مرة و حدة يعني مو أجزاء و زي هذي الكتابات أحب أني أطبعها و اقراها بالطيارة على رواق ،،،

بالعكس الغلط ما يجي منك الا يمكن أنا اللي غلطت بتوصيل المعلومة ،،،









خليكم معاي بالحلقه الجايه اقولكم شنو صارلي لما رحت المطار وليش ممنوعه من السفر



أفا ليه ممنوعة من السفر ،،،

لا تتأخرين و بنتظر أن شاء الله أجي يوم الخميس او السبت والقى جزء

تحياتي

كبيان

ننتظرك اختك fw_kw واتمنى ان تجوبي على استفسارات

وش رايك في الجامعة وكروسات عندهم هل هي صعبه او لا

واجواء مدينه هل هي تساعد في سكن

وما الفرق في الاحداث الي صارت بعد

ونحن بنتظار

المشاركة الأصلية كتبت بواسطة fw_kw

الاخ معانق الدموع
جامعة الصيدلة في توليدو وايد قويه وزينه والدراسه فيها وايد وايد وايد زينه وقويه وفي عرب وايد في الجامعه من الجاليات العربيه نتخصص الصيدله وانا اذكر ان كان في سعودين وايد تخرجو من الصيدله عندنا يعني لو الدراسه مو قويه كان محد كمل
وبالنسبه للويك اند تقدر تروح دترويت . فيها مطاعم ومقاهي عربيه وايد
بس انا بالنسبه لي ماحبتها لانه ماتنفع حق بنت تبعد دترويت عن توليدو نص ساعه بالسياره
وتقدر تروح اناربرا هذي منطقه صغيره بس حلوه وفيها مطعم ايطالي يرد الروح وحتى الداون تاون مالها حلو علي الاستايل الاوربي والجامعه اللي فيها من التوب 10وحد من احسن 10 جامعات بامريكا
تقدر تروح كليف لاند . فيها سكس فلاقز , سيدربوينت , سي ورد , سفاري وتبعد تقريبا ساعه الاربع بالسياره
وتوليدو نفسها فيها مول وفيها حدايق لتمشي وتقدر تاخذ راحتك فيها لانها وايد امان بعكس كليف لاند والمناطق الثانيه في اوهايو
وعلى فكره انا وايد حبيت السنو والبرد بتوليدو . كنت اتخيل الارض بعرس لما ينزل السنو ويغطي الارض وخصوصا في الليل والله يدخل شعور في قلبك وكأن الدنيا تتحتفل بعرس لان كل ماحولك ابيض ويلمع
واذا في عندك اسئله ثانيه انا تحت امرك

مشكوره اختي كفيتي ووفيتي والله ماقصرتي معاي

بس احب اضيف على كلامي

هل استطيع السكن مع العائلات هناك ؟ لو نعم كيف يتم الاتفاق معهم عن طريق المعهد ولا كيف ومتى من هنا عن طريق الايميل او لمن اوصل ؟
وبالنسبه للناس كيف تعاملهم هل هم حقودين وعنصريين ام متعاطفين ومتساعدين ؟


وشوقتينا لاحداثك وياليت انك ماتطولين علينا

والله يجازي اصحاب العقول الدنيئه الي ما خلونا بحالنا لابديرتنا ولابره كله عامين علينا

الله المستعان بس

ننتظرك بفااارغ الصبر

... الله يستر .. منعوك من السفر ...!!
هذي سالفة قووووية ...
يالله قولي شنو صااااار ...؟؟؟؟

اخ معانق الدموع - الله يبعد عنك الدموع وخليك دايما ربي بدموع الفرح
بالنسبه لسكن مع عائله يكون بيتدبير من المعهد هم يدورنو لك على عايله او السفاره اللي انت تابع لها او المكتب الثقافي التابع له
وبالنسبه لناس هناك وايد حبوبين ومتعاونين ومتفهمين الى حد ما خليني اقولك موقف صار لي يوم الضربه بالتحديد
كنت طالعه من البيت وحدي ميته من الخوف بس كنت لازم اروح السوبر ماركت عشان عندي اشياء ناقصتني . الساعه كانت يمكن 8 تقريبا في اللليل مريت محطة البانزين عشان احط بانزين لسيارتي ولا واحد قاعد يطالعني من بعيد من داخل سيارته انا تجاهلت الوضع وكملت قاعده اشوف مكينة البانزين
ومن خلالها اشوفه من غير مايحس قام طلع التلفون وقعد يتكلم فيه ويطالعني ولا شال عينه مني والله ان الشرار طالع من عينه المحطه مافيها ولا احد وفي منطقه مقطوعه تقريبا لاني كنت رايحه ماير
Maijer تم يطالعني وفجاه اول ماخلصت من تعبئئه البانزين والتفت وراي عشان ارجع الهوز ولا هو بظهري الطول دبل طولي العرض ما ابين من وراه وقف وراي ظلم علي عبد كلنا عبيد الرحمن
قالي انتي في جامعة اوهايو قالته: نعم. طبعا انا مافهمت شنو قاعد يقول من الخرعه رد سألني انت بجامعه اوهايو من غير تفكير قلتله اي. كان يقولي عرفتيني قلت له لا منو انت طبعا انا الحين حتى بكي بكيت من الخرعه كان يضحك اهو ضحك انا كأن احد كب علي ماء بارد قالت له انا ماعرفتك رد سألني انتي مو بجامعه اوهايو هني استوعبت قلت له لا انا توليدو يونفرستي قال انا لاعب معاك كرة سله رديت شفته قلت له انا لا انت غلطان وقعد يتذكر المبارات اللي صارت من مادري كم سنه قلت لا لا لا مو انا وبعدين شوف طولي بالذمه اصلح العب كرة سله ولأ لا ضحك واقتنع ان موانا اللي في باله والحمد الله مشت الامور


نفس ماقلت لك الناس عندهم شوية حساسيه لكن الاغلبيه فاهمين منو ورا هذي الاحداث وعارفين ان المسلمين مايقدررون يذبحون قطة لان دينا سمح

Mr.Sa
بصراحه الوضع وايد تغير قبل وبعد الاحداث لكن مولدرجه انك ماتقدر تعيش هناك

يعني اذا تبي تاجر مكان يطلعون روحك عشان يرضون ويمكن مايرضون يعني انا في سنة 1997 لما اول مارحت طلبت ااجر في مكان فخم بالنسبه للمنطقه ماطلبو مني غير ادفع ديبوزت واجار وبعض الاثباتات

الحن مايأجرون الا اذا عندك سوشل سكيورتي نمبر او واحد يكون عند سوشل ويكفلك وبشرط يكون تاريخه في امريكا زين ومافي اي مشاكل وطبعا السوشل مايعطونه لاي احد

او تجيب لهم ضمان مالي بقيمة 30الف$ يكون باسمك او باسم والدك
هذا طبعا في بعض الاماكن وليس الاغلبيه ولكن بطبيعة الحال الوضع هناك امان ومافي جرائم ومشاكل واللي يبعد عن المشاكل المشاكل تبعد عنه
وايد يحترمون الناس اللي متمسكين بدينهم ويصلون وانا لاحظة هذا الشي هناك يحبون المسلمين الماحفظين علي صلاتهم ويكرهون المسلمين اللي عندهم خرابيط وشرب وعربده والله ويحطون دوبهم من دوبهم

الاخت fw_kw
اولا عظم الله اجرا في جدتك ولوهي متاخره حيييييييييييييييييييييييييل
ثانيا صراحه خليتيني اقرا الموضوع من الالف الى الياء وكنت اظنه سفره سياحيه وكم صورة على كم موقف مضحك
ولكن طلعت قصة حزينه لفتاه ،مع اني عتبان على والدك انه كيف يرسلك لهناك لوحدك انتي مهما كنت بنت وما تقدرين تدبرين نفسك مثل الشباب والدليل على هالشي قصتك لما رحتي للسوبر ماركت وانتي تعبين بنزين والعبد يناظرك كيف كان شعورك انقول الله ستر ورحم انه طلع مشبه وعدت على خير ولكن تخيلي الامر لو كان مختلف ما اقول إلا الله يعينك على الغربه وانا اندمجتمع القصه او معاناتك حتى قمت اتخليك وانتي قاعده ببيتك بوحك وما حولك احد وتبكين
ولما جووك 911 واخذوك للمستشفى وكيف شكلك صاير
ويوم جبتي كبت للتلفزيون يعني كني اشوف فلم قدام عيني

ولكن حبيت انقل لك هذا الحديث الشريف(‏حدثنا ‏ ‏أبو بكر بن أبي شيبة ‏ ‏وعلي بن محمد ‏ ‏قالا حدثنا ‏ ‏أبو معاوية ‏ ‏عن ‏ ‏الأعمش ‏ ‏عن ‏ ‏أبي صالح ‏ ‏عن ‏ ‏أبي هريرة ‏ ‏قال ‏
‏قال رسول الله ‏ ‏صلى الله عليه وسلم ‏ ‏من ‏ ‏نفس ‏ ‏عن مسلم ‏ ‏كربة ‏ ‏من ‏ ‏كرب ‏ ‏الدنيا ‏ ‏نفس ‏ ‏الله عنه ‏ ‏كربة ‏ ‏من ‏ ‏كرب ‏ ‏يوم القيامة ومن ستر مسلما ستره الله في الدنيا والآخرة ومن يسر على معسر يسر الله عليه في الدنيا والآخرة والله في عون العبد ما كان العبد في عون أخيه ومن سلك طريقا ‏‏ يلتمس ‏ ‏فيه علما سهل الله له به طريقا إلى الجنة وما اجتمع قوم في بيت من بيوت الله يتلون كتاب الله ويتدارسونه بينهم إلا ‏ ‏حفتهم ‏ ‏الملائكة ونزلت عليهم السكينة وغشيتهم الرحمة وذكرهم الله فيمن عنده ومن أبطأ به عمله لم يسرع به نسبه
) ‏
وان شاء الله يكون في هذا الحديث دافع لك وانك في طريق لطلب العلم وان شاء الله يسهلك به طريقا للجنه ومن يحفظ الله بالرخاء يحفظه بالشده كمافي الحديث (( ‏حدثنا ‏ ‏عبد الله بن يزيد ‏ ‏حدثنا ‏ ‏كهمس بن الحسن ‏ ‏عن ‏ ‏الحجاج بن الفرافصة ‏ ‏قال ‏ ‏أبو عبد الرحمن ‏ ‏هو ‏ ‏عبد الله بن يزيد ‏ ‏وأنا قد رأيته في طريق فسلم علي وأنا صبي ‏ ‏رفعه إلى ‏ ‏ابن عباس ‏ ‏أو أسنده إلى ‏ ‏ابن عباس ‏ ‏قال وحدثني ‏ ‏همام بن يحيى أبو عبد الله ‏ ‏صاحب ‏ ‏البصري ‏ ‏أسنده إلى ‏ ‏ابن عباس ‏ ‏وحدثني ‏ ‏عبد الله بن لهيعة ‏‏ ونافع بن يزيد ‏ ‏المصريان ‏ ‏عن ‏ ‏قيس بن الحجاج ‏ ‏عن ‏ ‏حنش الصنعاني ‏ ‏عن ‏ ‏ابن عباس ‏ ‏ولا أحفظ حديث بعضهم عن بعض ‏ ‏أنه قال ‏
‏كنت ‏ ‏رديف ‏ ‏النبي ‏ ‏صلى الله عليه وسلم ‏ ‏فقال يا غلام ‏ ‏أو يا ‏ ‏غليم ‏ ‏ألا أعلمك كلمات ينفعك الله بهن فقلت بلى فقال ‏ ‏احفظ الله يحفظك احفظ الله تجده أمامك تعرف إليه في الرخاء يعرفك في الشدة وإذا سألت فاسأل الله وإذا استعنت فاستعن بالله قد جف القلم بما هو ‏ ‏كائن ‏ ‏فلو أن الخلق كلهم جميعا أرادوا أن ينفعوك بشيء لم يكتبه الله عليك لم يقدروا عليه وإن أرادوا أن يضروك بشيء لم يكتبه الله عليك لم يقدروا عليه واعلم أن في الصبر على ما تكره خيرا كثيرا وأن النصر مع الصبر وأن الفرج مع الكرب ‏ ‏وأن مع العسر يسرا ))

فتصبري اخيه و احفظي الله

وانا بانتظار بقية القصه على احر من الجمر


اخوكم




ابو عشوان

يعطيك العافيه على ردك السريع والرائع ومنتظرني تكلمت

التقرير وسلمت يديك

تحيه وسلام ........... مشكوره على المواصله .... واخيرا عرفت انها توليدو !

المشاركة الأصلية كتبت بواسطة fw_kw

اخ معانق الدموع - الله يبعد عنك الدموع وخليك دايما ربي بدموع الفرح
بالنسبه لسكن مع عائله يكون بيتدبير من المعهد هم يدورنو لك على عايله او السفاره اللي انت تابع لها او المكتب الثقافي التابع له
وبالنسبه لناس هناك وايد حبوبين ومتعاونين ومتفهمين الى حد ما خليني اقولك موقف صار لي يوم الضربه بالتحديد
كنت طالعه من البيت وحدي ميته من الخوف بس كنت لازم اروح السوبر ماركت عشان عندي اشياء ناقصتني . الساعه كانت يمكن 8 تقريبا في اللليل مريت محطة البانزين عشان احط بانزين لسيارتي ولا واحد قاعد يطالعني من بعيد من داخل سيارته انا تجاهلت الوضع وكملت قاعده اشوف مكينة البانزين
ومن خلالها اشوفه من غير مايحس قام طلع التلفون وقعد يتكلم فيه ويطالعني ولا شال عينه مني والله ان الشرار طالع من عينه المحطه مافيها ولا احد وفي منطقه مقطوعه تقريبا لاني كنت رايحه ماير
Maijer تم يطالعني وفجاه اول ماخلصت من تعبئئه البانزين والتفت وراي عشان ارجع الهوز ولا هو بظهري الطول دبل طولي العرض ما ابين من وراه وقف وراي ظلم علي عبد كلنا عبيد الرحمن
قالي انتي في جامعة اوهايو قالته: نعم. طبعا انا مافهمت شنو قاعد يقول من الخرعه رد سألني انت بجامعه اوهايو من غير تفكير قلتله اي. كان يقولي عرفتيني قلت له لا منو انت طبعا انا الحين حتى بكي بكيت من الخرعه كان يضحك اهو ضحك انا كأن احد كب علي ماء بارد قالت له انا ماعرفتك رد سألني انتي مو بجامعه اوهايو هني استوعبت قلت له لا انا توليدو يونفرستي قال انا لاعب معاك كرة سله رديت شفته قلت له انا لا انت غلطان وقعد يتذكر المبارات اللي صارت من مادري كم سنه قلت لا لا لا مو انا وبعدين شوف طولي بالذمه اصلح العب كرة سله ولأ لا ضحك واقتنع ان موانا اللي في باله والحمد الله مشت الامور
نفس ماقلت لك الناس عندهم شوية حساسيه لكن الاغلبيه فاهمين منو ورا هذي الاحداث وعارفين ان المسلمين مايقدررون يذبحون قطة لان دينا سمح

مشكوره اختي ويعطيك الف عافيه وماقصرتي على المعلوماات الي ذكرتيها

والله يوفقك انشالله دنيا واخره




اخوي ابو عشوااان

اشكرك كلى ردك الجميل الرائع ومافي احلى واجمل واقوى من التحفيز بكلام الله ورسوله صلى الله عليه وسلم

اشكرك اخ ابو عشوان على شعورك الطيب والجميل وكذالك اشكرك على كلامك المحفز والله ماكو احلى من ان الواحد يتذكر نعم الله عليه ويشكره وكذلك قال الرسول صلى الله عليه وسلم اطلبو العلو ولوكان بالصين
تدري ياخ ابو عشوان هذا الحديث منو قاله لي ؟
قال لي محاسب بالسوبرماكت لما فتحت بوكي ( محفظتي ) ابي اطلع فلوس عشان احاسبه شاف صورت ابوي وقالي انتي عربيه قالتله اي قالي شنو تسوين هني قلت له ادرس قالي اي انت عندكم حديث او مقوله تقول اطلبو العلم ولو كان بالصين انا ماكنت سامعه في هذا الحديث فبحثت عنه وسبحان الله لقيته من قول الرسول
فسبحان الله منو كان يتوقع ان احد ممكن يروح امريكا ولا الصين في زمن الرسول صلى الله عليه وسلم
اشكرك على حسن المتابعه

السلام
كيفك اختي fw_kw
حبيت اصحح لك بعض المعلومات اللي قلتيها

[





المشاركة الأصلية كتبت بواسطة fw_kw

وكذلك قال الرسول صلى الله عليه وسلم اطلبو العلو ولوكان بالصين

وهذا الكلام خطأ لان الرسول عليه الصلاة والسلام لم يقله
بل هذا اثر او مقوله واذا كان حديث فهو موضوع او متروك

حبيت اوضح لك الامر فقط وبانتظار تكملة قصتك

و السلام



اخوكم




ابو عشوان

السلام
الحمد لله على السلامه اختي وعدت على خير
اجل كل هل الاسئله علشان تشابه اسماء الله يعينك
ولكن كلامك هذا

انا باللحظه حسيت اني غلطت يوم اروح للمسجد يمكن هذا شيئ خلاهم يشتبهون فيني والله اني قعدت اذكر كل شي خير انا سويته بامريكا واقول لنفسي يمكن ماكنو يبونا نسوي اعمال خيريه اسلاميه في ديرتهم

لا مو غلط انك رحتي للمسجد الغلط انك ما تروحين
والغلط الاكبر انا ما نذكر الله سبحانه الا بوقت الشدة او الضيقه وانا ما اوجه الكلام لك انت خصيصا ولكن لنا كلنا وانا اولكم

عموما زي ما رجعتي و كتبتي كمالت القصه على احر من الجمر انا بانتظار البقيه على احر من الجمر ايضا


و السلام




اخوكم




ابو عشوان

هذه مجموعه من صور اوهايو

ياسلام

افضل موضوع قريته في العرب المسافرون بدون اي مجاملة

اشكرك اخ المفجر على هذا الاطراء الجميل وكذلك على حسن متابعتك
وهذي شهاده انا اعتز فيها وايد