الموضوع: مسافر اندويسيا مساعدة يا اهل الخبره

السلام عليكم .... اخباااركم ياحلوووين

بعض الاستفسارات والمساعده الله يخليكم

طبعا اول مره اروح لاندونيسيا

المهم الله يعطيكم العافيه يا اخوان


انا قريت كثير عن الاشياء اللي ابيها لكن تعبت واحترت

اول شي ابي فندق يكون ممتاز ومرتب ومريح وسعره معقول .. احنا شخصين

ويكون قريب من البحر او مكان سياحي ..... انا رحلتي ماراح تكون طويله

وابي اعرف افضل تاكسي .. والريال كم يساوي في عملتهم والافضل اصرف من السعوديه او من دبي او من اندونيسيا

وببعدد والله نسيت وش ابي هع هع

لكن ابي نصايحكم .. بخصوص مطاعم او اماكن ترفيهيه او اي شي حلوو


لاخلا ولا عدم ومشششكورين مقدما

مواضيع عشوائيه ممكن تكون تعجبك اخترناها لك:

• الله لا يحرمني من مشورتكم
• جدول سياحي
• طلبات الفيزا من المطار
• السواق في جزيرة بالي باقي على رحلتي يومين فقط
• ممكن ترشـــح
• استشـــارهـ ولاتبخلون علي بأرائكم
• برنامج لمدة يوماً
• الرجاء من اهل الخبره المساعده سفر لمدة يوم
• رحلتي بعد ساعه
• استفسارات
• أفضل فنادق خمس نجوم في مدينة سورابايا في اندونيسيا
• الحجز من جاكرتا الى لومبوك
• خبراء جزيرة لومبوك
• دفع المبالغ للهاي واي والدخول لمنطقة انشول
• 萨拉在中国的日记 يوميات سارووونه في الصين 萨拉在中国的日记
• جزيرة لومبوك
• مسافر بعد ايام بالعائله ولا اعرف شي عن العمه
• رحلة سياحية للمدن السياحية
• خبراء ومشرفي وزوار أندونيسيا أرجو المساعدة
• اندونيسا يوم بالي بونشك باندونق

صباحك ورد
اللي تبي تقوله ان رحلتك بتكون مقتصرة على جاكرتا بس ؟؟
علشان نقدر نساعدك

اول شي كم مده الرحلـه ؟

وبعدين انصحك تقراء اكثر في قسم التقارير عن

جاكرتا + الجبـل + بـاندونق + بآلي

وبعدها انت بـ اختيارك تحدد وين تبي اي مناطق ونقدر نفيدك وقتها بـ الاماكن والامور الباقيه

والريآل الواحد يسـاوي 2350

عدد الايام وتاريخها + الميزانيه ؟؟؟

يعطيكم العافيه يا اخوان على المرور ... لا خلا ولا عدم

الرحله مثل ماقلت قصيره مدتها 5 ايام .. عمل ومنها سياحه

وبتكون في جاكرتا فقط .. اذا فيه مدن قريبه من جاكرتا او جزر مدتها ساعه لا مانع من ذلك

التاريخ من يوم الاربعاء القادم 28-9-2011 الى 4-10-2011

وبعد لاهنتم ياليت اعرف كم ياخذون Taxes او الضرائب وانا راجع للسعوديه

5 ايـام !!

عموما دامك قلت جاكرتا

من خلال ردود الاخوان وسؤالي لهم قبل اسافر

كانو يجاوبوني بـ هالفنادق

السكن في جاكرتا :
1- شقق استون راسونا
2- شقق كازابلانكا
3- شقق الباتافيا
- شقق استون مارينا


الضرائب 150 الف روبيه وانت راجع

والفيزا 25 دولار

يعطيك العافيه مستر سعود

ايه 5 ايام من غير الذهاب والعوده واحتمال كبير توصل الى اسبوعين

حسب شغل خويي واذا اعجبنا الجو حتى لو خلص خويي شغله بنجلس

اشكرك على معلوماتك ماقصرت

بخصوص الفيزا انا توني جاي من الصين غريبه ماهي مثل اندونيسيا

رحت لمكتب وسواها لي مايقارب 780 ريال مع رسوم المكتب

اخ سعود فيه جزر قريبه من جاكرتا تنصحنا فيها وتكون هاديه وحلوه

عندك بنتشاك ساعه ونص بالسياره يفضل المبيت بها للاستمتاع بالاجواء البارده والمناظر الخلابه

اذا ماتقدرون تباتون تروحون من الصباح إلى المغرب وتجنبوا الذهاب في السبت والاحد للزحام

جزر قريبه من جاكرتا مادري والله

بس اذكر سواق يقول لي فيه لكن ماحصل لي اني قريت عنها

لكن ترى بـالي وبالطيـاره قريبه

او ان شغلك في جاكرتا وماتقدر تطلع من جاكرتا !!

فيه جزيرة انيره بالقارب 45 دقيقه

حلووه ومرتبه وفيها بعض النشاطات

هلابك اخوي الاخوان كفوا ووفوا مادام رحلتكم عمل فجاكرتا مدينه مزدحمه بيتعبك زحامها وضجيجها وعدم ترتيب شوارعها
الصين بلد شاسع واسع اذا المقارنه مع المدن الاشهر والمناطق السياحيه بالصين فبالتاكيد الصين بتكون افضل من حيث البنيه التحتيه ونظام البلد كاحد الدول المتقدمه حاليا - اذا بتقارنها بالشعب فلا مقارنه بينهم

عموما باختصر عليك بعض الاجابات اللي اري انك دققت ف يالسوال عنها
الفيزا 25 دولار لمده شهر زي ما جاوبك مستر سعود بارك الله فيه تطقها وانت بالمطار ولابد جوازك باقي فيه 6 اشهر علي الاقل صلاحيه انتهاء هذي منتهين منها
ضريبه المغادره 150 الف للشخص زي ما جاوبك ايضا

اذا ماتبيها من المطار تقدر تاخذها من سفارتهم او قنصليتهم بالرياض وجده قيمتها اعلي 45 دولار واستخراجها بيوم دوام ومدتها شهرين
الافضل من المطار وريح راسك

جزر قريبهمن جاكرتا العاصمه الالف جزيره هذا اسمها مجموعه جزر مو بعيده عن جاكرتا ومتفرقه وليس فيها بنيه تحتيه كبيره مجرد تغيير نمط عيش وجو للي مل من جاكرتا والافضل زيارتها لمن رحلته طويله
هذا رابط عنها
http://www.arabtravelersforum.com/travel261072/

افضل ان تقمز بيوم صباح غير سبت واحد وجمعه لمنطقه بونشاك 85 كيلو عن جاكرتا العاصمه تتجه لتمان سفاري فيها حديقه حيوان وعروض تنتهي منها ووتتجه للشلالاتت السبعه ومن ثم تعو د لجاكرتا اذا ما قررتم تمددون الرحله

فندق علي البحر في جاكرتا لايوجد الا فندق وحيد اسمه ميركوري انشول وهو مصنف اربع نجوم مو فخم سعره بين 680 الف و 880 الف بحسب السيزن يطلع وينزل وغالبا ستجده ب 760 في الايام الاعتياديه
قيمه الصرف اليوم الريال = 2320 روبيه يعني قيمه الفندق تقريبا بين 75و95 دولار

اذا تبي فندق فخم تتجه لوسط العاصمه
* ولازم تعرف وين تسكن بجاكرتا لان رحلتك لعمل ماادري وش نوع هلعمل مؤتمر تجاره الخ الافضل ان تبحث عن سكن بقرب مقصدكم لان المدينه تعتبر من اكثر مدن العالم ازدحاما والتنقل فيها مرهق جدا

بارك الله فيكم مستر سعود و عاشق الرياض على مرووركم وتواصلكم

ومعلوماتكم الحلوه والقيمه ريحتوني الله يريحكم

ايضا الشكر موصول للمستشار جاكا ... جاوبت فـ أبدعت .. ايضا اشكرك من القلب على تجاوبك وتفاعلك

كلكم الله يعطيكم العافيه على مرووركم وحضوووركم
لاخلا ولا عدم