الموضوع: ابي السفر الي نيويورك و لوس انجلوس امريكا

هل تم حجز الطيران الدولي؟ اذا تم ماهو خط سير الطيران ؟

مابعد بس خط السير راح يكون دمام بحرين لندن بعدين نيورك ومن نيورك الى لوس

وايد متاخرين باقى شهر فقط وما حجزتوا ....انشاء اللة طلعتوا فيز من السفارة ..

نصيحة طيران من البحرين وترانزيت لندن فقط ومن لندن مباشرة الى سان فرانسيسكو وتقعدون جم يوم وتاجرون سيارة الى لوس انجلس واورانج كاونتى وسان دييغو وفيقاس وتطيرون بالعودة من لوس انجلس الى لندن ترانزيت ومنها للبحرين

مافى داعى لندن ونيويورك

الشقق الفندقية اغلبها لمدة شهر !! ممكن فنادق نظام اجنحة او فنادق عادية

http://www.arabtravelersforum.com/travel456214/

http://www.arabtravelersforum.com/travel539602/

اهلين اخوي aziz 20012001 حنا الفيزا مطلعينها من السنه اللي راحت والحين قاعدين نرتب الحجز اول شي 3ايام لندن وبعدها الى نيورك 3ايام وبعدين الى لوس انجلوس والرجعه من لوس الى لندن ترانزيت بعدين بحرين ثم دمام
لان حنا ودنا نزور نيورك مره وحده بس مشكلتنا انو شهر شوي مانقدر اكثر عشان دوامات بس السنه اللي فاتت كان ترتيبنا شهر ونص بس الله ماكتب لنا صارت ظروف عندنا منعتنا وانشاء الله ربي يسهل هالسنه
بعدين ودي الله يعافيك سكن بنيورك ولك مني جزيل الشكر والتقدير

http://www.arabtravelersforum.com/travel545328/

لندن 3 نيويورك3 فيقاس 5 لوس انجلس 19 ......فنادق نيويورك غالية في التايم سكويير....جم غرفة وشنو المستوي المطلوب ..؟. فيقاس ماكو إشكالية والفنادق رخيصة وحلوة.....لوس انجلس. كل الخيارات متاحة وكل المستويات ولكن شوي صعبة تلاقون شقة مفروشة لأقل من شهر من شركة..الا عن طريق المالك مباشرة....

نبي نظام سويتات 3 غرف او سويت وغرفه ماادري على حسب الاوتيل وكيف تبدا الاسعار ماعندي خلفيه عن اسعار امريكا بس اتوقع اسعارهم ارخص من اوروبا ،في نيورك نبي في التايم سكوير يعني اسعار شوي معقوله ولوس انجلوس نفس الشي بس انا في لوس ابي في الشمال عند بيفرلي او سانتا مونيكا يعني ياليت تنصحوني

بعد سمعت عن شركه اسمها ابلتري في امريكا نظام سويتات ماادري اذا عندك خلفيه عنها ياليت تفيدوني

اسمة الدبل تري......علي العموم.....في نيويورك في التايم سكوييرفنادق 3 نجوم سعر الغرفة باخر شهر يونيو حوالي 300 دولار بالليلة!!!!!! فنادق الاربع نجوم والخمس نجوم. طبعا اغلي .....

لازم تدورون في.Expedia او. Booking وتشوفون شنو اللي يناسبكم

تسلم تعبتك معي اخويaziz20012001 يعطيك العافيه

اخويه عزيز بغيت استفسر بخصوص الفنادق في شهر سيبتمبر هل بتكون غالبه وبغيت اعرف اسامي الفنادق في التايمز سكوير في نييويورك وفي لوس انجلوس لو تكرمت وهل الجو ليكون امطار

لا اعتقد الأسعار في سبتمبر ستختلف...اتوقع نفس اسعار الصيف....التايم سكووير متروس فنادق بكل المستويات. شوف في اكسبيديا او بوكنق واختار المناسب لميزانيتك.......الجو في سبتمبر حلو وماكو مطر واذا جا ماراح يكون وايد