الموضوع: هل سيمنع أسامه من دخول امريكا؟؟؟

السلام عليكم ورحمه الله وبركاته

حبيت اطرح هذا الموضوع لاني خايف انه يصير مع احد الاصدقاء

اسمه اسامه

ادري مافيه عيب اسمه بتستغربو ليش قلت كذا؟؟

مو عيب ولاحرام انه يكون اسمه كذا

بس محتار ومتوجس وخايف من تعقيدات السفاره له لان اسمه اسامه محمد

ياريت السفاره بترفض دراسته بامريكا لمجرد الاسم

هل أصبح هذا الاسم لمجرد انه اسم يرعب امريكا؟؟

ياليت تفيدوني فيها لان الشخص محتار هل يذهب للسفاره او لا ويعمل المقابله او لا

وأنا بانتظار ردودكم النيــره والمفيده:101:

مواضيع عشوائيه ممكن تكون تعجبك اخترناها لك:

• الافضليه باالفنادق باورلاندو؟؟
• مارس أول رحلة من الرياض الى لوس انجليس على الخطوط السعودية معلومات و أسعار
• أفضل منطقه في ميامي لاختيار الهوتيل
• تفسار كدة على الماشى
• أول سفره لأمريكا ؟؟
• الفزعه يالربع ورطان
• جامعة فيندلي ما رأيكم فيها وهل يتأخر القبول فيها
• عائلتي لن ترافقني في نفس الوقت
• مساعدة في لوس انجلوس
• مساعده الله يجزاكم خير في مسألة فيزا الدراسه
• تكفون ساعدوني
• المساعدة يا خبراء نييورك واورلاندو وميامي يرحم والديكم
• خطوط هل من مجرب
• كيف تسيطر على اتزانك و تظهر ثقتك بنفسك يوم المقابلة؟؟
• طلب من خبراء لوس انجلس عااااااجل
• استفسار لم يطرح من قبل
• أول سفره لأمريكا للي عندهم خبره بأجمل مدنها
• خدمة عاجلة
• استخراج رخصة دولية من أمريكا
• ضروري وعاجل دنفر

وعليكم السلام ورحمه الله وبركاته
عزيزي لو إسمك أسامة محمد بن لادن
وصديقك إسمه صدام حسين
وراحوا يقدمون على فيزا لأمريكا هل تتوقع مثلا ً إنها ترفض عشان الإسم ؟
صراحة امريكا مهب غبية لهذي الدرجة تدري أنها تشابه أسماء
وعموما ً لا تتوقع إنك إذا جبت امريكا يبون يحسبون لك حساب المواطنين
ترى الأغلبية ما تدري وش السعودية لذا التفكير من وسيلة يقولون ما انصح به
قدم بإسمك ولا عليك من شيء ..

انا هنا ياستاذي الفاضل ماتكلم باسم السعوديه انا اتكلم باسم شخص ادري انهم مادرو عن السعوديه صح بس درو عن شخص اسمه اسامه ارعبهم هذا قصـدي يااستاذي اتمنى الموضوع ماياخذ اي اتجاه ثاني بس
وانا اقول الاسم ياثر او لا او يتاخر بصدور الفيزا يعني هذا المقصد

وشكرا على مرورك

انا مع الاخ ملك المشاعر اعرف لزمن قريب كانوا يعقدون من كان اسمه محمد فما بالك باسم رجل اسمه واسم ابيه مثل اسم الرجل الذي اشتهر اكثر من اقرب الدول الى امريكا وهي كندا ويمكن يكون مشهور اكثر من بوش نفسة ومع ذالك ان اقول لك دع صاحبك يروح ويتوكل على الله وبالتوفيق ياخوي

يا عزيزي وكالة يقولون وواحد صارت له وواحد يقول أنها تبي تصير له وواحد ما صارت له
هذا كله كلام مردود عليه مع إحترامي للجميع
السفارة الأمريكية في كل مدن العالم لا تهتم بالإسم مباشرة بدون مقدمات
ولكن بعد المقابلة توجد عملية معالجة للإسم في بياناتهم الموجودة في واشنطن دي سي وبعدها يتم القبول أو الرفض وليس لإسم أي دخل بالموضوع

الحين الكل يطبل على الجامعات الامريكية و على تقدم العلم في امريكا وانها متقدمة حتى بالسياسة.

تعقل انهم يفكرون بالعقلية الي تقول عليها!!!

خل اخونا اسامة يقدم وان شاء الله تطلع له الفيزة.

اولا اشكركم على ردودكم

ثانيا ياخوان مانبي نهوول امريكا لدرجه اننا ولاشي بدونها ومستحيل اننا نعيش الا ترضى علينا امريكا وبعدين انا اقرأ عن تطور امريكا وامريكا طيب مالمانع اذا كانت امريكا تتوجس وتتخوف من هذا الاسم لدرجه ان هذا الاسم دارج وبشكل كبير على السن الامريكيين وفيه ناس اعرفهم ردوهم السفاره والسبب اشتباه بالاسم كيف اشتباه ان اسمه محمد؟ والا اسامه؟

الاسم له تاثير اتوقع في السفاره صح كل شي بالاوراق ويدققون على الاسم بس هذا الاسم صنع لهم الرعب داخل امريكا وجعلهم يشكون في اقرب اصدقاء لهم في العالم من هالناحيه

ولكم مني جزيل الشكر

اخوي ملك المشاعر مساك الله بلخير

انا مع اخونا Merely تشابه الأسماء ماله اي ارتباط بقبول او عدم قبول طلبك على الفيزا وقدم وتوكل على الله وخلك واثق من نفسك .... لكن !

ترا السفارة الأمريكية عندها نظام البصمات والأدلة الجنائية وكونك تخضع لهذا الاجراء راجع اولا واخيرا للشخص الي يقابلك ولا له اي دخل باسمك عشان كذا لا تربط (في حالة طلبوا منك بصمات او سجل خلو السوابق) الشي هذا باسمك او تصير لك ردة فعل ....
ابقولك على موقف صار قدامي :

الصيف الماضي يوم رحت لموعدي في السفارة ونا واقف في الطابور تخبرون اللطعه برا السفارة بالساعه والساعتين فــ طبيعي انك تدردش مع الي حولك ويكون فيه تبادل معلومات وخبرات بينك وبينه ...
المهم يا طويل العمر تعرفت على شاب محترم شرواك اسمه احمد يبي الفيزا عشان يكمل ماستر بأمريكا...
دردشنا وسولفنا تحت درجات الحرارة اللطيفه (بس 49 درجة مئوية:1076: ) بعد كذا دخلنا السفارة وكان رقمه بعدي علطول .... يوم جا دوري رحت لشباك 8 على ما اذكر ونا واقف جا دور الرجال ... انا انشغلت مع نفسي ومع هالأصلع الأمريكي الي اقلقني بنفسيته الشينه وبعد فترة سمعت احمد يتكلم وهو يتكلم بعصبية شوي ... انا خلصت المقابلة واخذت الورقة الصفرا وقالولي انتظر اتصالنا ونا في الممر الي يطلع للبوابة لقيت احمد ينتظرني (بصراحه انا نسيته لكن يوم شفته قلت فرصه اسأله وش صار معه) ..
لسوء الحظ وبدون ذنب من احمد صادف ان اسم عائلته موجود لشخص من المطلوبين عشان كذا طلبوا منه البصمات لكن احمد كانت ردة فعله غير مناسبه وضرته في طلب الفيزا انا رحت لأمريكا ورجعت وما بعد طلعتله الفيزا !!!!!!!!!!!!!

اخوي ملك المشاعر عشان يطلع للكلام فائده :

-الأسم فقط للتعريف فيك اما قبول طلبك للفيزا فهذا شي خاضع لبحث وتحري السفارة عنك عشان كذا لا تعطي الموضوع اكبر من حجمه .
-للأسف بعض الشباب ياخذ موضوع البصمات وخلو السوابق بحساسية زايده عن حدها والمفروض الواحد يتفهم انه ببساطه محتاج للفيزا ويبيلها اجراءات لازم يلتزم فيها وفي النهاية -واثق الخطوة يمشي ملكا- ..
-اذا الواحد قدر اسباب طلبات السفارة المبالغ فيها واخذها من منطق حقهم في حماية بلدهم (بغض النظر عن كيف ومن مين وليش !!!!!) اكيد ما راح تشغل باله هالأشياء البسيطه ..
-اخذ البصمات اجراء قد يكون من صالح طالب الفيزا لأنه اذا صار اي شي لاقدرالله وكان فيه اشتباه اسامي اومواصفات تكون البصمات سلاح يقف للدفاع عنك ..(سلاح !! هيه mode في حرب انت :109: )

اتمنى يا ملك وصلت الرساله وآسف اني طلعت برا موضوع الاسم وتكلمت عن البصمات لكن بالفعل هذا موضوع ملاحظه على كثير من الشباب ويمكن الموقف الي حكيته ابلغ من التعبير ..

توكل على الله وقدم على السفارة وان شالله امورك ميه ميه ومنتظرين تعلمنا تجربتك ..
موفق ان شالله ..



mode

المشاركة الأصلية كتبت بواسطة ملك المشاعر


السلام عليكم ورحمه الله وبركاته
حبيت اطرح هذا الموضوع لاني خايف انه يصير مع احد الاصدقاء
اسمه اسامه
ادري مافيه عيب اسمه بتستغربو ليش قلت كذا؟؟
مو عيب ولاحرام انه يكون اسمه كذا
بس محتار ومتوجس وخايف من تعقيدات السفاره له لان اسمه اسامه محمد
ياريت السفاره بترفض دراسته بامريكا لمجرد الاسم
هل أصبح هذا الاسم لمجرد انه اسم يرعب امريكا؟؟
ياليت تفيدوني فيها لان الشخص محتار هل يذهب للسفاره او لا ويعمل المقابله او لا
وأنا بانتظار ردودكم النيــره والمفيده:101:




اخي الكريم ملك المشاعر ..
السلام علكيم ورحمة الله وبركاته ،،

لا تستبق الأحداث ولا يتوجس ولا يحتار ولا يخاف ..
يروح يقدم ويعمل المقابلة .. وما يكتبه الله سيناله في كل الأحوال .

إن قبل بها ونعمة ، وإن لم يقبل فالحمد لله والعوض عند ربك ، هناك عدة بلدان ، لم ولن يقف الأمر عند أمريكا .

مع مودتي ،،،

مُــكَـلــبَــش

هلا اخوي ملك المشاعر ,,, أعتقد أن الأسم حتى وصولة الى أمريكا مافية اي مشكلة أن شاء الله بس انصح صاحبك انه يتعامل بأسم ثاني مع الشعب عشان مايذكرهم بالمأساة اللي حصلت لهم , أسم اسامة اصبح جدا معروف ومقترن بالأرهاب في امريكا وغيرها وانا احب اقولك أنه في امريكا وفي دائرة أستخراج رخص القيادة أو مايعرف ب Dmv في مدينة ما وفي ولاية ما معلقين ستكر بحجم 20سم في 45 سم تقريبا , مكتوب علية لن ننسى 9/11 /2001 لذلك ماله داعي يقول اسم اسامة لاحد غير السكن والمدرسة والأمور الرسمية والباقي خلية يعملة كنية لائقة باسم احسن ومش الضواهري :109: وسلامتك .

ياشباب تراهم هم ماهم بزران ويدرون منهوا اسامه ووين ساكن وبعدين اصابع يدك ماهي سوا يعني اي واحد اسمه على سبيل المثال خالد عبدالرحمن خلاص يصير مغني مثل المغني اللي نعرفه فارجو ان تحكموا عقولكم قبل كتابه اي شئ وانا عاذركم ومن حقكم تتخوفون من اي شئ بس مو لهادرجه

الحقيقه الموضوع شيق وكثر فيه الكلام بس اعتقد ان مافي شي وصاحبك لو اسمه شنو اكيد يبي يقدم تقرير عن حالته وصور وشهادات يعني راح يعرفونه عدل

ثانيا لو اسامه بن لادن يبي يروح امريكا ماعندي شك ابد ان فيزته راح تقعد يوم او يومين بالسفاره بالعكس راح يرحبون فيه

قول لصاحبك يقدم على الفيزا ويتوكل على الله ارقد وامن

اشكركم على مروركم الكريم وردودكم اللتي رأت النور

طبعا انا مع عاشق الابتسامه لانه بصراحه الاسم يشكل هاجس كبير لدى الأمريكيين ومجرد لفط هذا الاسم ربما يروح بال اي اامريكي الى الحادثه او المصيبه اللي حلت بهم..

لانها صعبه تنسي والاسم هذا صار دارج على كل لسان وخاصه الامريكيين فأتوقع انهم ممكن ياخذو فكره عن العرب والمسلمين انهم يسمون هذا الاسم تيمنا بأن يطلع هذا الشخص بشجاعه وباسله ابن لادن فعلشان كذا عندهم هاجس وكره لهذا الاسم..

وانشالله مايصير الا مايكتبه ربي

والف شكر على مروركم..

واللي اسمه بـــــــن لادن

وشرايكم؟ يعطونه الفيزا

المشاركة الأصلية كتبت بواسطة المنتصر بالله


واللي اسمه بـــــــن لادن
وشرايكم؟ يعطونه الفيزا



هذي فيها قولان !
إذا كان إسمه الأول بن لادن يسمحون له
وإذا كان الـ nickname حقه بن لادن أيضا ً يصير فيها قولان !
صراحة أنا مدري وش فايدة الأسئلة الي مالها فايدة ؟
يا عزيزي لو إسمك أسامة محمد بن لادن عادي يعطونك فيزا لا تخاف
ولكن لو يجي بن لادن بنفسه من أفغانستان ويطلب فيزا يمكن يصير الوضع غير !
بالعقل بن لادن يبي يجي الرياض يطلع فيزا عشان يدخل امريكا ؟
أرجو أن لا يضيع الوقت في الكلام الي ماله نفع

المشاركة الأصلية كتبت بواسطة Merely

أرجو أن لا يضيع الوقت في الكلام الي ماله نفع

رمتني بدائها وانسلت,,,

ما دامكم فتحتو الموضوع ايش نضرت السفارة للملتحين وكذالك بالمطار :114:

المشاركة الأصلية كتبت بواسطة ابواس


ما دامكم فتحتو الموضوع ايش نضرت السفارة للملتحين وكذالك بالمطار :114:



عزيزي الكريم مشكلتنا وكالة يقولون والضربات الإستباقية في التوقعات الخيالية مسيطرة علينا !!
ترى وقسم بالله ما جابوا خبر لا للشخص ولا لحيته ولا لإسمه ولا شيء أبد ،
عندهم نظام يمشون عليه ويمشي على الجميع لحيه أو سكسوكه !
المطار أصلا ً ما يقول لك شيء دام معك فيزا المشكلة فقط تكمن في السفارة إذا كان هنالك مشكلة يعني
توكل على الله بس وخل عنك الوسوسه
بالتوفيق ..

ابواس مساك الله بلخير

انا مع صديقنا Merely اللحية مالها اي تأثير ولمعلوميتك اذا زرت مدينة نيويورك راح تنذهل لأن كثير من الأمريكان اليهود لحاهم واصله نصف بطونهم !!!!!

عشان كذا الشكليات آخر شي يفكرون فيه والأنطباع حق اللحية هذا الله يسلم وسائل اعلامنا المصونه !!!

جوابي هو الولد اتوقع انه انررررررررررررررفض من السفاره بس قالوله بنرسل اوراقك لواشنطن وبعد ثلاث اسابيع وبنتصل عليك وشهر ونص من الان لاحس ولاخبر وجلس يلعن بامريكا والدراسه فيها والله ههههههههههه

والسبب اتوقع الاسم اسامه بن محمد للتأخير

ومازل الانتظار جاري

والسبب اتوقع الاسم اسامه بن محمد للتأخير

ومازل الانتظار جاري
الله يكون بعونه

السلام عليكم

لن اضيف احسن من اخواني الذين سبقوني فهم اجادو وافادو

ولكن هناك نقطة لم يوردوها وهي يجب ان تجيب عن الاسئلة المطروحه

من قبل السفارة بكل [blink]جديه وصدق [/blink]وعدم التمويه او التضليل عليهم لان لديهم

علم مسبق او سوف يتحرون عنه مثل السفرات ارقام الهواتف .....

والله جاوبهم بكل شي والمصيبه من ظمن الاسئله اللي تظايق منها الولد لانه متوقع قبل لايدخل السفاره للمقابله راح يسألوه وسألوه كالتالي:

ليش بتروح امريكا؟؟
ليش اخترت الولايه هذي بالذات؟؟
وين بتسكن هناك؟؟
هل سفارت للعراق او سوريا او ايران؟؟
هل تعرف اسامه بن لادن؟؟================= انخرش الولد هههه

تتوقعو قال ايش؟؟
^
^
^
^
^
^
^
^
^
^
^
^
^
^
^
^
^
^
^
^
قال ايـــــــــــــــــــــــــه اعرفه...
^
^
^
^
^
^
^
^
^
^
^
^
^
^
^
^
^
^
^
بس اعلاميــــــــــــــــــــا
^
^
^
^
^
^
^
^
^
^
^
^
^
^
^
^
^
^
^
^
قالوله مد اصابعك ويشرحله الطريقه ههههههه علشان البصمات
وانشالله نتصل عليك من شهر ونص ذا الكلام

ومازل الانتظـــــــــــــار جاري..