السلام عليكم ورحمة الله وبركاته
أولا اود اشكر كل من في هذا المنتدى الطيب ، لأني الصراحة من يوم ما قررت اروح ادرس اللغة في كندا ، إلين ما وصلت ، وأنا كل معلوماتي جالس آخذها من هذا المنتدى الخطير ، وكل ما جاتني مشكلة ، لقيت الرد منكم يا حلويين ، فلكم مني جزيل الشكر والتقدير
المهم : ندخل في الموضوع
أنا ألحين في فانكوفر تقريبا لي أسبوعين ، والصراحة ما أدري أغير المعهد إلي أنا فيه ولا لا ؟؟
طبعا لأسباب عدة :
1 - طلع المعهد ما يدرس المستوى الاول ، أقل مستوى هو المستوى الثالث ( وحطوني فيه )
2 - أنا الصراحة مالي خبرة في مدارس اللغة ، وما أدري هو برنامجهم زين ولا شين ؟ بس ما أشوفهم يعطونا حصة قراءة أو حصة كتابة ( إملاء ) أغلب شي قواعد ومحادثة ، وما أدري هل هذا البرنامج زين ولا لا ،والمشكلة إني ما عندي كلمات ، يعني ما أفهم عليهم دايما ( بس الصراحة أحس إني بديت أفهم أحسن شوي )
الصراحة انا محتار أغير ولا لا ، فريت ودرت على كم مدرسة ، بس ما أدري وش أسوي ،والمشكلة إن فترة الدراسة قصيرة ، بس 3 شهور ، وودي أستفيد .
3 - كلمت المعهد اللي أنا فيه ، وقلت لهم المشكلة ، قالو لي توك في البداية وبعد 3 شهور رح تطلع ما يحتاج ، قلت لهم :طيب بس المشكلة انا ما أعرف أقرأ وأنتو ما عندكم حصص قراءة ، قالو نوصي عليك المدرسين ، وصار كل واحد يعطيني قطعة ، علشان أقرأها في البيت وأعرف معانيها .
أنا مرة محتار يا جماعة ، وصراحة تعاملهم معي جدا ممتاز ، وما قصروا معي في شي ، بس هذي دراسة ، والواحد تارك أهله وربعه علشان يستفيد.
4 - في ناس امدحولي كم معهد ، بس المشكلة فيه عرب ، وأنا الصراحة لو شفت واحد من نفس عجينتي ، بأنسىنفسي ، وهاتك سوالف وضحك وسلام يا انجليزي .
5 - نسيت اقولكم انا أعيش لحالي ،ماخذلي غرفة ، يعني طقني الوسواس ، انقل من المعهد ولا ما أنقل .
أرجو المعذرةعلى هذه الإطالة ، بس أتمنى أن أجد مشورة من أصحاب الخبرة ، لأني الصراحة جدا محتار وودي اتعلم وأرجع إلى ديرتي ، وبسررررعة
لكم مني فائق الشكر والاحترام
واللي يبغى شي أو فزعة من فانكوفر تراني حاضر !!!!!!:36_11_6:مواضيع عشوائيه ممكن تكون تعجبك اخترناها لك:
- احتاج رقم سواق عربي في لوس انجلوس ضروري
- طلب مساعدة
- حجـــز طيران مباشر للغــــرب الأمريكي إسم شركة طيران
- يا الحقني الله يسامحك
- استشاره في معاهد لغه
- المساعدة في رحلتي الى ولاية كالفورنيا
- كروز من لوس انجلوس
- استفسار من الاخ وليد
- اول مره بامريكا ساعدوني
- ياشباب ايش احسن المدن في كاليفوريا ورخيصة
- جديد الحجز من موقع البوكنق واكسبيديا بالصور لعيونكم
- كاليفورنيا لوس انجلوس اورلاندو
- ساعدوني بالتخطيط لرحلتي
- استفسار عن نموذج الفيزا
- هكذا إستخرجت جوازي الأمريكي
- الى بنت الصقور و امباكت و جميع الاخوان ارجو المساعدة
- طلب صغير
- المدينه المائية في تقرير صور
- كيف يعني فيزا خمس سنوات ؟؟
- بخصوص فنادق لاس فيقاس
رد مع اقتباس
المفضلات