الموضوع: اكسبوا فيني أجر

ياجماعه الخير انا راسبه بجداره هئ هئ هئ هئ

دخلت على مواقع اخوان وخوات افاضل مسوين تقارير عن امريكا وكل ماله الامور تتعقد معاي اكثر واكثر

السفره بصراحه صارت مفاجأه ومو بالحسبه والتخطيط السريع يربكني اكثر ويعفس الحسبه معاي ,,,,,وامريكا امرها مو هين الصراحه يعني اهي سفره العمر لانه تكاليف السفر مكلفه

الحين تعقدت وهذي هي الاسباب وياريت اللي عنده فكره ينصحني ويساعدني والله بدعيله من كل قلبي وان شاء الله تستجاب

المهم نجي للاستفسارات المعقده:
1- ماهي الاماكن اللي تنصحوني فيها واللي تعتبر الافضل وهل هي عباره عن ولايه ولا اسم المقاطعه ولا المدينه يعني نيويورك تفاجأت انه في اثنتين !!! والله العظيم ماجذبت

2- شنو اسماء المطارات لانها تفرق ووين تنصحوني انزل بالاول واي مطار ارجع منه؟؟

3- ماهو افضل طيران داخلي ؟؟؟ لانه الدولي امره هين

4- افضل الفنادق مواقع يعني تكون الخدمات قريبه منها ؟؟

واملي فيكم كبيييييييييييييييير ولو اني غاسله ايدي محد بيعبري اساسا

مواضيع عشوائيه ممكن تكون تعجبك اخترناها لك:

• بخصوص الفيزا
• نيويورك في اوقست ؟ مجموعة استفسارات
• لدي خمس أيام أورلاندو أو ميامي ؟؟ أو عطوني أي إقتراح
• تقرير بسيط و ملخص لـ رحلتي
• شكر للأعضاء الغاليين
• اتجاة القبلة
• خمس سنوات او سنتين
• توزيع المزارات والمعالم السياحية على الأيام ارجوا التفاعل لكي يستفيد الجميع
• عاجلأفضل خطوط الطيران إلى
• الهجرة إلى أمريكا إليكم الفكرة
• السيرك باورلاندو روعه بالداون تاون ديزني بأمريكا
• كيفية شحن الحقائب ؟
• سايت يا جماعه للجو
• لماذا أمريكا مو غيرها؟؟؟
• اتعس رحلة في حياتي
• مساعدة أنا بلوس انجلوس الحين
• استفســار عن ولايـة اورقن
• استفسارات متفرقة للوس انجلوس ولاس فيقاس
• الإخوة الأعزاء أضعت رخصة قيادتي الدوليةماذا أفعل؟
• سؤال عن مدين في أمريكا

خيتو بخصوص الولآيات فيه فلوريدا وكاليفورنيا ولآيات جميلة

نيويورك مو ثنتين .. فيه نيويورك وفيه نيو وارك

بخصوص الطيران الداخلي امم أشوفهم هنا يمدحون الجت بلو

وأما الفنادق على حسب ميزانيتكم لليلة الوحده .. شوفي اللي يناسبكم لآن فيه الغالي والرخيص

وليش تقولين محد بيعبرك .. هنا نعين ونعاون الحمدلله

اختي انصحك يتقرير الاخ امباكت الاخير وما راح تتوهين ..طبعا اعملو حسابكم انو التذاكر جدا غاليه حالياللصيف ...

موفقه

اختى ببساطة امريكا كبيرة جدا .. اهم المدن السياحية هم :-

فى الساحل الشرقى (مدينة نيويورك فى ولاية نيويورك....مدينتى اورلاندو وميامى فى ولاية فلوريدا.....بالاضافة الى مدن اخرى اقل اهمية سياحية مثل نياقرا فولز واتلانتك سيتى وهرشى وواشنطن دى سى وكلهم بالساحل الشرقى).

فى الساحل الغربى ( مدن لوس انجلس واورانج كاونتى وسان دييغو وسان فرانسيسكو فى ولاية كاليفورنيا .... ومدينة لاس فيقاس فى ولاية نيفادا).

لان المسافة بين مدن الغرب ومدن الشرق حوالى 6 ساعات طيران فينصح باختيار زيارة مدن الشرق او الغرب

اول شى علشان تخططين صح ..تقرين تقارير الاعضاء و تختارين مدن الغرب او الشرق

انا اشوف أهم شي تحددين وقت السفر ومدة الاقامة

لان فيه ولايات تنفع الصيف وتختلف عن ولايات الشتاء والربيع

- ماهي الاماكن اللي تنصحوني فيها واللي تعتبر الافضل وهل هي عباره عن ولايه ولا اسم المقاطعه ولا المدينه

اذا كانت سفرتك لاول مره انصحك تروحي لنيويورك وفلوريدا " اورلاندوا + ميامي "

2- شنو اسماء المطارات لانها تفرق ووين تنصحوني انزل بالاول واي مطار ارجع منه؟؟

ماقلتي لنا اسم المدينة عشان نعلمك اسم مطارها ؟

فيه مطار جي اف كي بنيويورك وهذا دولي وتنزل منه كل الخطوط العربية ومن ضمنها السعودية

وفيه مطار لوس انجلوس وهذا تنزل فيه الاماراتية ، وفيه مطار اورلاندو الدولي وهذا تنزل منه البريطانية

3- ماهو افضل طيران داخلي ؟؟؟ لانه الدولي امره هين

كلها واحد وكلها اقتصادية

عندك الدلتا والجت بلو والفيرجن

4- افضل الفنادق مواقع يعني تكون الخدمات قريبه منها ؟؟

حددي اسماء المدن وان شاء الله الاعضاء مابيقصرون معك

وبالتوفيق لك يارب

شكر خاااص وموصول للاعضاء
بو رمث
travel addict
aziz20012001
وسيم

والله انكم وفرتو علي وقت كثير للبحث ونورتوني باشياء كثيره راح تسهل علي عمليه البحث والتخطيط اشياء ممكن تكون بسيطه لكن مهمه جدا بالنسبه لي

انا بروح بأخر شهر يونيو يعني بعطله الصيف وملاحظه انه الاغلب ينزلون بمطار نيويورك jfk بس مو متأكده هل اطلع منها لميامي بطيران داخلي ولا بسياره افضل
وشنو افضل فنادق نيويورك وفلوريدا ؟؟؟ انا مستغربه الناس تقول رخيصه وانا شايفه انها اسعارها غاليه اقصد السكن

ومشكورررررررررررررررررين والله دعيتلكم دعاء واسئل الله الاستجابه

اختي فرحة عمر
الطريق بين ميامي و نيويورك من شمال امريكا لجنوبها يعني مستحيل بسياره بطياره اكيد
و نعم اذا بتنزلين بمطار فانصحك بمطار جون كيندي بنيويورك

hazcarlo
الكل يقول انزل في مطار جون اف كينيدي هذا اذا رايحه على نيويورك بس انا ناويه اروح كاليفورنيا يعني من هالمطار اخذ طيران داخلي ولا نفس الطيران الدولي واحدد اسم مطار كاليفورنيا لاني ماعرفه

ليه غاسله يدك وش دعوى حنا نساعد باللي نقدر عليه

أنت اول مره بتروحين امريكا صح
حددي وش تبغين بالظبط ووش يهمك في رحلتك وعدد الايام والافضل انها ماتقل عن 3 اسابيع او 4 اسابيع
تبين شرق او غرب

راح اقترح عليك برنامج وان شاء الله يناسبك
برنامج لشرق امريكا
خلي خط رحلتك يبدء من نيويورك 3 ليال ومنها الى بافلوا ليلتين عشان تشووفون نياجرا ومنها الى شيكاغو 3 ليال
وبعدها الى اورلاندو أسبوع ومن اورلاندو الى ميامي وماجاورها 4 ليال واخر شي ترجعون لنيويورك ليلتين او ليله استعداد للرجوع

برنامج لغرب أمريكا

الوصول الى نيويورك وبعدها الى بافلوا نفس عدد الايام
وبعدا الى سان دييغو وتستئجرون سياره وتروحون الى لوس انجلوس ومنها الى لاس فيجاس وترجعو الى لوس انجلوس وتمشون الى سان فرانسيسكو واخر شي ترجعون الى نيويورك

بالنسبه لي اشوف البر نامج الاول عندي افضل اني اروح فلوريدا ( اورلاندو ) على كاليفورنيا ( لوس انجلوس) بس عيب فلوريدا حر ورطوبه كاليفورنيا جوها افضل بالصيف معتدل وحلو
فلوريدا ارخص من كاليفورنيا
قرري وش وجهتك وبنساعدك اكثر

انصحك بطيران الامارات لانها مباشرة من دبي الى لوس انجلوس

وانصحك اكثر بالسفر الى هذه الولاية وهي ولاية كاليفورنيا والتي من مدنها هذه المدينة (لوس انجلوس )

لانها هي امريكا الحقيقية ومنها زيارة مدنها مثل (سان ديغو و سان فرانسسكو)


بالتوفيق

مشكووووورين اخواني وخواتي
وفعلا اختي امونه هذي سفرتي الاولي وابيها تكون بيرفكت

اختي امونه شنو افضل فندق في نيويورك ؟؟
ومنطقه بافلو شكثر تبعد عن نيويورك ؟؟ وشنو افضل فندق فيها ؟؟ واقدر اروح لها بسيارتي مستأجره او اطلع رحله مدفوعه من نيويورك ياريت توضحين؟

انا مفكره انزل نيويورك 3 ليال ومنها لاس فيجاس 4 ليال بعدها لوس انجلوس 5 ليال بس محتاره فيها وين اسكن وهل الوقت مناسب يعني ازيد او انقص واخر محطه اولارندو 11 ليله وهل يفضل اني اسكن باورلاندو كل هالوقت ولا اطلع كذا ليله بمناطق ميامي؟

وتحياتي للكل وبخصوص الطيران الاخ الجنبلاطي والله طيران الامارات لا يعلي عليه لكن حاليا الاسعار ناااااار واحتمال على الخطوط البريطانيه