الموضوع: استفسار عن الحجااب

السلااام عليــــكم...

عندي استفساااراات عن الولاياات

انا راح اسافر شهر العسل ان شاءالله في يناير او فبراير للحين ماحددنه
وووللحين ماحددنه وين نسافر كل يوم نفكر في مكان
وهالايام قاعدين نفكر في الولايات
بس فيي سؤااال وااايد محيرني
انا متحجبه وحبيت اسال هل بكون مرتاحه في امريكا في كل البرامج ام راح اواجه صعوبات وعدم الراحه في سفرتي
على عكس الدول الآسويه بما ان فيها مسلمين كثيير

وشنو رايكم في اذا رحنه كروووز؟
وهل الاجواء في يناير مناسبه للسفر الى امريكا؟
وماهي افضل الولايات الي لازم ماافوتها اذا رحنا
وهل 20 يوم تكفي للسفر الى امريكا؟
واستفساري عن الشوبنق هل الاسعار مناسبه؟ وجم تقريبا اخلي ميزانية حق الشوبنق بسسس( بما اني بنت ودووم افكر في الشوبنق .. لازم افكر في مستقبلي ههههه )

وتقريبا حاطين في بالنه مدة 20 يوم بتكون كافيه؟



محتاجه حق خبرتكم وتجربتكم..

مواضيع عشوائيه ممكن تكون تعجبك اخترناها لك:

• صفحات في منهاتن بعد القضاء على شارع الجريمة وقبل التفجير
• سؤال بخصوص مطارات امريكا و مخطط رحلتي ممكن مساعده
• ايش رايكم اطلع على طيران والا على
• المقابله اليوم
• وش الحل خطأ في كتابة الاسم
• رآيكمم اجاباتكم على كم استفسار
• استفساري لكم يالغالين
• بخصوص النظارة الطبيه وصور الفيزا والاخوه الاعزاء اعضاء المنتدى
• استفسار هام وعااااااجل يا خبراااااااااء
• ما هي افخم فنادق نيويورك
• استفسار عن المبلغ المسموح لي بحمله في المطار
• سؤال عن افضل سكن في مدينة لوس انجلوس وضواحيها
• وش ارخص تذكره من امريكا الى السعوديه ؟
• ابي الفزعه منكم تكفووووون بأسرع وقت
• فـي نيويورك و كاليفورنيا الأن مـع الصـور
• القنصلية الأمريكية و النقاب
• ايهم افضل دايركت والا ترانزيت لامريكا
• ودي اروح امريكا للدراسهابي نصائحكم
• سؤال مهم جدا ارجو سرعة الرد
• ماهو أفضل فندق في لوس انجلوس ولاس فيجاس

اختي الحجاب طبيعي في امريكا

اووكي شلون عتن البرامج المائيه ؟؟؟

وعليكم السلام ورحمة الله وبركاته

الحجاب بامريكا من اسهل مايكون
انا عشت فيها خمس سنوات وكنت متنقبه ولابسه
عبايه سوداء وعندي عبايه بيج
وماشفت اي مضايقات ورحت دزني بفلوريدا
ونيويورك وشلالات كندا وكانت اموري جدا طبيعية
ولا يخلو من بعض الناس اللي تناظرني باستغراب
لكن كانو محترمين

ثنكسسس اختيي ام عبدالله ماقصرتيييي ريحتيينيي

الحجاب جدا مريح حتى النظرات ما اشوفها

العاب المائيه انا بصراحه ما جربتها عموما انتي بتسافرين في الشتاء اتوقع بيكون برد وقتها

يناير بيكون برد مرره للاسف خصوصا في نيويورك والمدن الشماليه غيري التوقيت افضل

افضل الاماكن كالفورنيا , فيقاس , نيويورك , فلوريدا

الشوبيق في كل مدينه فيها اوت لت , ارخص وبصراحه البضاعه ممتازة خصوصا في المدن السياحيه

الله يوفقك حبيبتي

اهااااا
مشكوووووره اختي ماقصرتيي فدتينييي

التسوق بامريكا ارخص من اوروبا والخليج والبضائع اجمل واحلي بكثير , , ,

امريكا جميله جداً وهي افضل من اوربا وشرق اسيا بمراحل. 20 يوم مناسبه جداً وانصح بالطيران القطري الي نيويورك ثم حجز طيران بلوجت او جت بلو والله ماني متذكر الاسم والذهاب الي اورلاندو والجلوس بها حدود 15 ليله والسكن بشقق فهي اجمل وافضل ثم الذهاب الي نيويورك والجلوس بها بقيه المده وسوف اكتب برنامج لكم لاورلاندو
الجو خيالي بشهر فبراير باورلاندو وبارددا بنيويورك

المده طويله بس مو مشكله، اعتقد ان اورلاند فيها السكن افضل وارخص اذا كان السكن زين وسعره مناسب ما أنصحكم تغيرونه
دزني اربع مدن ملاهي هذي4 ايام
يونيفرسال مدينتين هذي 2 ايومين
وبالنسبة للصيف محتاجين لبعض المدن اكثر من يوم والسبب الزحمه واليوم يكلف مبلغ زهيد اذا شريتوهم مع بعض
عندكم عالم البحار اذا شريت تذكره اليوم الثاني مجانا ( خلال 7 ايام) وهذي 2 يوم
مدينه ملاهي بوش جاردن 1 يوم
عندكم بعد داون تاون دزني مع سيركس دي سوليه 1 يوم
يونيفرسال سيتي ووك وعرض يلومان شو 1 يوم
ولاتنسون جون كندي سبيس سنتر 1 يوم
مدينه التماسيح ( إليجيتر لاند) 1 يوم
عرض أريبيان نايت ( ليالي العرب) 1
عرض القراصنة ( بايرتس) 1
عرض العصور الوسطي ( مد ايفل) 1
عرض سفينه التايتانك 1
فيه مجمعات
فلوردا مول. 1
مول اوف ميلنيا 1
فستيفول بي1
أوت ليت
فيه 2
وعندكم عرض بعالم البحار مع عشاء
Makahiki ً 1
Airboat ride لمده نصف ساعه
وفيه دزني بورد ووك التمشي والتسوق
واذا عندكم وقت فيه مطعم الأميرات ( باركوا سنتر دزني لاند ) يصلح حيل اذا كانت لديكم بنات صغيرا فيه سندرلا وسنو وايت وحوريت البحر وغيرهم
وايضا يوجد بفندق بجانب ماجك كنج دوم مطعم ميكي وهو أيضاً جميل للأطفال ولكن يجب الحجز لأي من المطعمين مسبقا
وهنالك أيضاً بليف ات اور نت ( تصدق او لا تصدق)
ويوجد الكثير من محلات التسوق الجميله وسعرها مناسب مثل
Wall mart
Target
ولاتنسون المطاعم
شيز كيك فاكتوري تقريبا كل شئ حلو
والافطار بمطعم I hope وهو يقدم الإفطار 24 ساعه كل يوم ( البانكيك يجنن)

لا تنسون الرخصه الدوليه
بدون سياره ما تسوي
افضل السكن بالفلل او الشقق وخرو عن الفنادق
واذا عندكم اي استفسار ثاني اسئلوا ولاتترددون

ارجو المعذره أنا مع زوجتي كنا بأمريكا بشهر 2/2011 وزوجتي متحجبه ولم تجد اي مضايقات بالبلعكس كانت تقول ان المضايقات بأوربا كانت موجوده علي عكس امريكا التي لم تجد بها اي مضايقات. المعامله بأمريكا افضل بكثير وهذي عن خبره بأوربا اكثر من سبع سفرات ما بين المانيا والنمسا وسويسرا وإيطاليا ولوكسمبورج وبلجيكا وكل واحده عده مناطق. ولقد سالت اختي وهي منقبه الوجه ولها عده سفرات لأميركا 4 او 5 وكانت تسوق سياره وتخرج بها لوحدها وكانت تقول ان المعامله جيده ولكن بعض الناس كانوا يستغربون من النقاب ولكن بالنظرات فقط ولا تعليق
يعني بالعربي لا تفكرين ان الحجاب مشكله. واذكر ان موظفه فندق هوم وود( هلتون) كانت مغربيه وكانت محجبه وكانت تقول لزوجتي ان الشعب الامريكي افضل من الشعوب العربيه فهم لا ينظرون الي المراه ( اقصد انهم ما يخزون) علي عكس الدول العربيه واتمني ان المسلمين يطبقون الحديث الذي قاله الرسول قبل 1400 سنه والكل يعرفه عن النظره الاولي وغض البصر وأعطوا الطريق حقه
*