الموضوع: جديد في دولة اندونيسيا

السلام عليكم.. الله يمسيكم بالخير ان شاء الله وكل عام وانتو بالف خير وصحه

حبيت اطرح هذا الموضوع اليوم بخصوص سفرتي الى دولة اندونيسيا وانا جديد بدولة اندونيسيا ...

وعندي كم من استفسار وبعض الاسئله اللازمه ومنها ...: الرحله شخصين
فقط...:

1_ افضل طيران بخصوص الاسعار والراحه الداخليه.

2_افضل المناطق وبالأخص الطبيعه الخلابه وجمالها.

3_بخصوص استخدام الجوال اي شريحه تفضل .. والنت .

4_طريقة صرف الفلوس من اي مكان تفضلون. بالدولار ام بالروبيه.

5_اهم الاغراض للسفر بها للاحتياط.

6_وبعض المعلومات الأهم بالسفر التي تنصحون فيها ..

7_ الاقامه لمدة 15 يوم ولكل شخص 8000 ريال شامله التذاكر هل تكفي ان نزود

للي سبق له الرحله ارجو الافاده واسفين على الاطاله ...

اخوكم بالعربي اول مره بيطلع خارج السعوديه

والله يعطيكم العافيه طبعا ان شاء الله الرحله بتكون في شهر 12 اذا شاء الله

مواضيع عشوائيه ممكن تكون تعجبك اخترناها لك:

• البحث عن فندق في جاكرتا
• من فرج كربه مسلم فرج الله له كربه من كرب يوم القيامه
• استفسار عن رحلات المواصله
• ماخاب من أستشار
• ايهما افضل بالسكن او
• ارخص شركة طيران
• استفسااااااار
• مجموعة استفسارات لشهر العسل بارك الله فيكم
• فلل في بونشاك بصورة عاجله
• فندق سوروني و
• هذه البرنامج لرحلتي وأبشاوركم في أماكن الترفيه والتمشية
• استفسار بخصوص التذاكر ارجو المساعدة
• شهر عسل في اندونيسيا
• استفسارات متعددةللعضو رمان الطائفبوتسنيم
• تم بحمد الله الحجز في تاريخ
• ابغى فله في بونشاك
• فزعتكم ابي استانس برحلتي
• افضل سكن في بالي وبونشاك وباندونج
• استفسار بخصوص العائلة
• ارجوا المشاركة والتعاون

الظاهر اني كثرت الاسئله عليكم ومافيه احد رد

اخوي هاوي مرحبا

شكلك مالفيت المنتدى وماشفت التقارير ولاشيء

اسألتك كلها موجوده بالمنتدى بس خل بالك وسيع

موفق

المشاركة الأصلية كتبت بواسطة هاوي اندنونيسيا
http://www.arabtravelersforum.com/tr...0/#post6131106

السلام عليكم.. الله يمسيكم بالخير ان شاء الله وكل عام وانتو بالف خير وصحه
وعليكم السلام ورحمة الله
حياك اخوي
حبيت اطرح هذا الموضوع اليوم بخصوص سفرتي الى دولة اندونيسيا وانا جديد بدولة اندونيسيا ...

وعندي كم من استفسار وبعض الاسئله اللازمه ومنها ...: الرحله شخصين
فقط...:

1_ افضل طيران بخصوص الاسعار والراحه الداخليه.

الطيران الحكومي اغلى من الطيران التجاري

2_افضل المناطق وبالأخص الطبيعه الخلابه وجمالها.

أفضلها ... وجهة نظري بونجاك وبالي

3_بخصوص استخدام الجوال اي شريحه تفضل .. والنت .

الشركات كثيره ولكن انا استخدمت في سفراتي الاخيره أكسس لان الاتصالات

السعوديه تملك فيها

4_طريقة صرف الفلوس من اي مكان تفضلون. بالدولار ام بالروبيه.

خذ معك دولار وهناك اصرف من الصرافين الموجودين في الاسواق

اومن بنك vip والمطار لاتصرف منه خذ معك من السعوديه روبيات

تكفيك يومين ومن هناك اصرف حسب احتياجك

5_اهم الاغراض للسفر بها للاحتياط.

اذا انت من اصحاب الطبخ خذ عزبه معك وبعض الملابس الثقيله لبونجاك

في الليل

6_وبعض المعلومات الأهم بالسفر التي تنصحون فيها ..

التاشيره من هنا او من المطار

كرت الدخول عباره عن جزئين جزء ياخذونه عند الدخول والجزء الاخر

احتفظ به حتى المغادره

ضريبة الخروج للشخص 150 الف روبيه

كن حريص واهتم بالمحافظه على الجواز والاشياء الثمينه

انتبه من زيادة الوزن عند المغادره

7_ الاقامه لمدة 15 يوم ولكل شخص 8000 ريال شامله التذاكر هل تكفي ان نزود
معدل مصروفكم في المتوسط لليوم 250 دولار للشخصين والاحتياط واجب

للي سبق له الرحله ارجو الافاده واسفين على الاطاله ...

اخوكم بالعربي اول مره بيطلع خارج السعوديه
موفق .... البلد امن ورائع وسهل

والله يعطيكم العافيه طبعا ان شاء الله الرحله بتكون في شهر 12 اذا شاء الله




في حفظ الله

الله يعطيك العافيه يالبحر الاحمر

وماقصرت

ننتظر بعض اراء الأعضاء

ارجو الردو

1_ افضل طيران بخصوص الاسعار والراحه الداخليه.

بخصوص الرحلات الداخلية من جاكرتا الى بالي الافضل اير اسيا والليون اير وتاتي بعدهم خطوط باتفيا


2_افضل المناطق وبالأخص الطبيعه الخلابه وجمالها.

الجبل - باندونغ - جزيرة بالي

3_بخصوص استخدام الجوال اي شريحه تفضل .. والنت .

الافضل تستخدم شريحة سمباتي واذا جوالك على التجوال لشركة الاتصالات سو بحث يديوي بتلقى شبكة اكسيس اختارها بكذه راح تستقبل اي اتصال مجانا لكن لاتتصل بأحد واستخدم الشريحة الاندونيسية في الاتصال 00
اما بخصوص النت هناك خيارات كثيرة على حسب الخدمة اللي تبيها

4_طريقة صرف الفلوس من اي مكان تفضلون. بالدولار ام بالروبيه.

الافضل تصرف دولارت وريالات وقبل السفر مر اماكن الصرافة واصرف لك الف ريال روبيات تمشيك اول يومين ومن ناحية الصرف هناك تقدر تصرف من سوق اتريوم الدور الرابع او مصرف ال في اي بي

5_اهم الاغراض للسفر بها للاحتياط.

خذ معك علاجات وادوية ومضادات تحسبا لتغير الجو عليكم وهاند باق بتكون مريحة لكم في التنقل اثناء زيارات الاماكن السياحية تحط فيها غيار او الكاميرات او المشروبات 00

6_وبعض المعلومات الأهم بالسفر التي تنصحون فيها ..

يا غريب خلك اديب والشعب الاندونيسي شعب لطيف وذو ابتسامة لكن لايرضى احد يغلط عليه او يحتقره 00 ولاتنسى مراجعة موضوع الأخت ام عزيز بخصوص كرت الدخول وكيفية تعبئة البيانات علشان تسهل عليكم الامور 00 كذلك لاتنسى وضع 50 دولار قيمة الفيزا لك ولخويك لدخول اندونيسيا واحتفظ بالجزء الثاني من الكرت فسوف يتم طلبه منكم عند المغادرة وستكون هناك ايضا ضريبة مغادره قدرها 150 الف روبية للشخص الواحد كذلك عند توجهكم لبالي هناك ضريبة قدرها 40 الف روبية للشخص الواحد00 وتجنب الاماكان المشبوهه وخل امورك تمام 00

7_ الاقامه لمدة 15 يوم ولكل شخص 8000 ريال شامله التذاكر هل تكفي ان نزود

هل المبلغ 8000 ريال للشخص الواحد وياليت تعطينا سعر التذكرة علشان نقدر نفيدك ولو اني اقول لك المبلغ غير كافي جدا اذا كانت هناك رغبة في زيارة جزيرة بالي حيث ان اسعار التذاكر الداخلية تتحاوز ال 500 ريال وتزود للشخص الواحد 00


اخوك
ابو راكان

هو يقصد الطيران لاندونيسيا

اعتقد اتحاد الامارات والامارتية

اذا 8000 شامله التذاكر اشوف تزودونها افضل

12 الف مع جزيرة بالي والديرة غالية مو مثل اول

بيض الله وجيهكم جميع

ننتظر بعض الاخوه

ماشاء الله الأخوان ماتركوا لنا شئ نضيفه

ونتمنى الرد عليهم بخصوص المبلغ لتكن على

علم تأم عن كفاية المبلغ لكم من عدمه

الله يعطيكم العافيه وبصراحه ماتركتو شي

بالتوفيق

8000 ريال بدون تذاكر للشخص الواحد

الظاهر الاخوان ماقصروا ابدا وخذ لفه في المنتدى وتجد مايسرك اخي

المشاركة الأصلية كتبت بواسطة هاوي اندنونيسيا
http://www.arabtravelersforum.com/tr...0/#post6131106

السلام عليكم.. الله يمسيكم بالخير ان شاء الله وكل عام وانتو بالف خير وصحه

حياك الله اخوي شرفت ونورت بين اخوانك ..

حبيت اطرح هذا الموضوع اليوم بخصوص سفرتي الى دولة اندونيسيا وانا جديد بدولة اندونيسيا ...

اخوي خير مااخترت بلد جميل ورائع ويستحق الذهاب له ..

وعندي كم من استفسار وبعض الاسئله اللازمه ومنها ...: الرحله شخصين
فقط...:

تروحوا وترجعوا بالسلامه ..

1_ افضل طيران بخصوص الاسعار والراحه الداخليه.

خذها من مجررررب طيران ليون اكثر من مرررره ..

2_افضل المناطق وبالأخص الطبيعه الخلابه وجمالها.

جزيرة الروعه والجمال الخلاب (( جزيرة بالي )) ..
الجبل (البونشاك) .. باندونق ..

3_بخصوص استخدام الجوال اي شريحه تفضل .. والنت .

شريحة سيمباتي SIMPATI والشبكه اكسس ..

4_طريقة صرف الفلوس من اي مكان تفضلون. بالدولار ام بالروبيه.

ريح رااااسك واصرفها كلها روبيات بالي الجبل كله بالروبيات ..
إلا اذا حبيت تقلل فلوسكم اصرف مثلا دولار 5000 ريال تطلع تقرييا 1400 $ وهكذا ..
وبعدين راح ترجع في اندونيسيا تصرفها روبيات ..
شخصيا لا استخدم سوى الروبيه بسبب فرق الدولار ..
اما السحب لا تنسى انت في خارج المملكه
اكيد راح يآخذوا فوائد في كل
عملية سحب منكم ..

5_اهم الاغراض للسفر بها للاحتياط.

العزززززززبه اهم شئ .. الرز قدر ضغط السكر الشاهي
معلبات اجبان تونه الخخخ والباقي تكملوا من سوبرماكت
كارفور موجود له فرع في جاكرتا وبالي ..

6_وبعض المعلومات الأهم بالسفر التي تنصحون فيها ..

افادوك الاخوان ..
وهذا ملخص لجاكرتا والجبل وبالي

اهم اماكن جاكرتا .. مدينة وشاطئ انشول الترفيهيه موجود فيها (مدينة السباحه اتلاتنيس ومدينة الملاهي دنيا فنتازي) ومطعم السمك بندر جاكرتا باانشول.. حديقة برج موناس التاريخيه .. تمان ميني .. اهم المطاعم العربيه الموجوده في جاكرتا .. مطعم ابو نواس (رائع جداً) .. مطعم الجزيرة .. مطعم الباشا (الاثنين كلها في شارع رادان صالح بمنطقة شكيني) ..اهم اماكن الجبل .. تمان سفاري .. تمان مطهري .. بحيرة الليدو ..البراشوت .. مطعم رندو علم ومطله الساحر .. مصنع الشاي ..حديقة الزهور .. الشلالات السبعه ((شملبير)) .. اشهر اماكن الموجوده في جزيرة الخيال والاحلام ((بالي)) ..شاطئ الالعاب البحريه المتنوعه نوسا دوا .. بحيرة براتان وبحيرة البودقول .. شلالات جتحت .. بحيرة وشلال موندوك .. منطقة جاتي لوي ..مدرجات الارز .. منطقة انغولكنغ الساحره .. الوتر بوم (مكان لابد من زيارته) ..مزارع القهوه .. مزارع الفرواله .. تاناه لوت .. شاطئ كوتا .. شاطئ الدريم لاند الساحر .. منطقة تبنان (مدرجات الارز) ..

7_ الاقامه لمدة 15 يوم ولكل شخص 8000 ريال شامله التذاكر هل تكفي ان نزود

ان شاء الله راح تكفي ..
بدون هدايا طبعاًً ..
وخلي مبلغ احتياطي معاكم .. ع الاقل (2000ريال ) للطوارئ فقط ..

للي سبق له الرحله ارجو الافاده واسفين على الاطاله ...

في جاكرتا استخدم التكسي بالعداد ..
في الجبل لازم سواق ويوميتهم من 400 الف روبيه الى 450 روبيه ..
في بالي لازم سواق وتقريبا بنفس المبلغ ..

اخوكم بالعربي اول مره بيطلع خارج السعوديه
اخوي انا طلعت اندونيسيا مرتين وكانت تقريبا اول
خرجاتي بره السعوديه ..
اندونيسيا بلد لن تشعر بالغربه ..
ورحلتي الثانيه كنت لوحدي ..
وجلست في اندونيسيا 15 يوم ..
كانت اجمل ايام عمري ..
بالي 7 ايام (السكن بشقق سارا رزورت)
الجبل 3 ايام (السكن بشقق شكرو)
جاكرتا 5 ايام (السكن في شقق الاستون راسيونا سعيد)

والله يعطيكم العافيه طبعا ان شاء الله الرحله بتكون في شهر 12 اذا شاء الله

اخوي العزيز .. هاوي اندونيسيا ..
اندونيسيا بلد جميل جداً ..
وصدقني راح تكون اجمل ايام عمرك ..
المهم ترتب لك برنامج سياحي متكامل ..
واي سؤال ثاني اسدحه وابشررر الجواب الكافي والشافي ..
ورحله سعيده وموفقه في ربوع عمتنا الحبيبه ..
اخوك .. عاشق الشلالات ..

بيض الله وجه ياعاشق الشلالات وماقصرت والله

انا احب اوضح سوال للأخوان انا اقصد طيران من السعوديه الى جاكرتا وليس من داخل اندونيسا

والله يعطيكم العافيه جميعا

محبتي