الموضوع: اورلاندوالميزانيه

يعطيكم العافيه : )

سوال واحد اذا ممكن احنا رايحين اورلاندو 15 يوم بس اورلاندو ماراح نطلع
هل مبلغ 700 دينار كويتي = 10000 ريال (عشر آلاف ريال) (((يكفي لكل شخص فينا مده 15 يوم)))
خاصه احنا شباب ماراح نتسوق نفس العوايل هذا المبلغ كافي للسكن وطلعات وانشطه (بستثناء التسوق)
((المبلغ من غير التذاكر))
وشكرا : )

مواضيع عشوائيه ممكن تكون تعجبك اخترناها لك:

• كالفونيا
• استفسار هام بخصوص الفيزا ارجوو الرد ضروري
• فندق في نيويورك؟؟؟
• بلييييز ساعدوني
• اريد السفر لامريكا لاكن
• يجب علينا مقاطعة طيران دلتا
• اتمنى تفيدوني قصة لواحد صاحبي
• اماكن السياحة في نيويورك؟؟ لو سمحتوا
• اخووي امباكت ممكن مساعدة؟
• تأمين السفر استفسار
• سؤال بخصوص فيزا المرافق ضروري يا اخوان
• عندي مشكلة ياجماعة أرجو المساعدة عاااااجل
• موعد المقابلة
• أسئلة أورلاندية
• بنت الصقور
• استفسااار بسييييط عن نيوورك
• سبيكتروم ايرفاين صور
• استفسارات هامة
• استفسار ضروري مره عن
• عاااااااااجل للمبتعثين

انتوا جم واحد؟؟ بس اورلاندو. ما راح تروحون ميامي؟؟ شنو نوع السكن غرفة او ثنتين؟؟ شلون علي السيارة جم عمر اكبر واحد فيكم؟احد منكم عندة كرت فيزا او ماستر( علشان حجز الفندق والسيارة)؟؟

كم عددكم ؟

إذا الميزانية تشمل السكن فالمبلغ مايكفي

وتذاكر ديزني واليونفيرسال تعتبر غالية ولازم يكون لها جزء كبير من الميزانية

وأنا برأيي 200 إلى 250 دولار باليوم كمصروف تعتبر ممتازة ومريحة وممكن حتى توفر

وبالتوفيق لكم

المشاركة الأصلية كتبت بواسطة aziz20012001
http://www.arabtravelersforum.com/tr...8/#post5245268

انتوا جم واحد؟؟ بس اورلاندو. ما راح تروحون ميامي؟؟ شنو نوع السكن غرفة او ثنتين؟؟ شلون علي السيارة جم عمر اكبر واحد فيكم؟احد منكم عندة كرت فيزا او ماستر( علشان حجز الفندق والسيارة)؟؟



احنا 3 ..اي بس اورلاندو...غرفه كافي حق ثلاثه...اكبر واحد 22 سنه..اي انا عندي فيزا وبس
الحين قولي شرايك كافي ولا لأ؟؟

شوف اكو فنادق 3 نجوم زينة وتكون نظام اجنحة او شقق ( غرفة نوم او ثنتين وصالة ومطبخ كامل )وممتازة لكم كشباب واسعارها معقولة حوالى 130 دولار لليلة ( يعتى 35 دينار) مثل beuna vista suite ....او homewood suite by hilton lake beuna vista وغيرهم وايد.....واكو نفس الشى فنادق نجمتين وطبعا ارخص...
التكاليف للسكن خل نقول 130 دولار فى 15 ليلة تساوى 1950 دولار
..........................................
السيارة طبعا لانكم صغار شوى راح تكون اغلى وممكن ما تقدرون تاجرون لان العمر اقل من 25 سنة واذا حصلتوا ممكن توصل تقريبا 50 دولار باليوم ( يعنى 15 دينار) وهذا للسيارة الصغيرة وديربالكم علشان جناطكم ماتكون كبيرة وما يكون لها مكان بالدبة ...شوف شركات ايجار السيارات اللى بالكويت يمكن تحصل سعر زين وتكلمهم بخصوص العمر اقل من 25 سنة
التكاليف للسيارة 50 دولار فى 15 يوم تساوى 750 دولار
..................................................
يعنى سكن وسيارة 2700 دولار ( حوالى 770 دينار ) يعنى كل واحد منكم يحط حوالى 260 دينار
........................................
المصروف اليومى للشخص الواحد ( للاكل وتذاكر دخول للملاهى ) بحدود 120 دولار ( حوالى 35 دينار ) فى 15 يوم يعنى 525 دينار
.......................................
السكن والسيارة 260 دينار والاكل والتذاكر للملاهى 525 يساوى 785 دينار للشخص الواحد
......................................

خلها كل واحد 900 دينار للاحتياط

قسم بالله ابداع والله...خوش حسبه بو سعيد
وهذا الي ابالي قلت نحاول نوصل المبلغ 900 او 850 عشاان يكون وضعنا بالسليم
بس بالنسبه للفندق حصلنا فنادق ارخص ...بس حسبتك مضبوطه..
والله يكتب الي في الخير

اتعب علي موضوع السيارة لان في شركات وايد مايرضون ياجرون لأقل من 25 سنة.....شوف هذا الرابط

http://www.arabtravelersforum.com/travel520044/

عزيز انا الي فهمته من الموضوع ان في تأجير حق سن 22 سنه بس بتكلفه تختلف عن 25 وفوق

اي.. لاكن فية شركات قليلة جدا اللي ترضي تاجر لأقل من 25. حاول تأكد عن طريق إرسال ايميل وقولهم عمرك وحاول تحجز سيارة. .... او روح مطار الكويت.. فية حوالي 7 شركات اغلبها لهم افرع في امريكا. وضبط معاهم احسن .. لان لمة تنزل بالمطار في امريكا تبي السيارة تكون جاهزة !

اممم خلاص ان شالله اليوم بمر على شركات التأجير بالمطار وسالهم
تعرف اسامي اي شركه من هل شركات الي عندنا بالمطار؟
والله يا عزيز انت الله جابك لي من السما لول..
مشكور خيو

Avis , Budget , Hertz , National , Thrifty هذى بعض الشركات اللى بالمطار