السلام عليكم

احذرو ثم احذرو من هؤلاء النصابين

بدات قصتنا معاهم قبل 4 سنوات في البحرين سوولنا نفس الحركة جاوبنا على سؤال على اساس نربح رحلة لمدة اسبوع و بعدين خدونا مكان و جلسو يقنعونا نوقع العقد معاهم
انا ما اذكر ايش كان بالضبط بس كان على اساس تشتري شقة في القاهرة او دمشق و الله مو ذاكرة بس كنا تونا متزوجين و صغار و مع اني كنت مو مقتنعة بس زوجي وقع معاهم
و دخلنا في دوامة طويييلة معاهم المهم ان فلوسنا لين الحين ما رجعت و تسبب لنا هالشي بمشاكل مادية و غير كذا ما حصلنا منهم شي و لا سافرنا لا معاهم و لا مع غيرهم
شهر 1 كنا في دبي مول و عند مدخل الفود كورت شافنا واحد مصري و انعادت نفس القصة و هالمرة كملنا معاهم عشان زوجي كان يبغى يطلع حرته من الشركة الاولى و نفس الشي وعدونا بسحب و حفل و مشروبات و بعدين اخدونا الشارقة على مول خايس و غرفة مافي الا احنا و عايلتين و لا حفل و لا سحب طبعا و قهوة خايسة و نفس المسلسل جلسو يقنعونا بنفس القصة
المصادفة ان و احنا جالسين شفنا الرجال الي كان في البحرين و فهمنا السالفة و رجع زوجي يلاحقهم عشان الفلوس و طبعا بدون اي فائدة و انا اقوله لا تخسر عليهم مكالمات بس ايش يسوي
الله يعوضنا خييير و حبيت انبهكم و اتمنى ماحد يغلط نفس غلطتنا

و السلام

مواضيع عشوائيه ممكن تكون تعجبك اخترناها لك: