الموضوع: ياشباب تعبت من البنك اللي يصدر لي شيك مصرفي وين

السلام عليكم اخواني

بقي من اوراقي اللي ارسلها للسفار الكندية بخصوص استخراج الفيزا ( سياحة).. الشيك المصرفي ب 75 دولار كندي

تحويل الراجحي كان يسويها يقولي الحين ماعد عندنا بنك بكندا ةبكذا ما اقدر اصرف لك شيك

وانجاز ماعندهم .. وسسبيد كاش بعد ...

اول مرة استخرج فيزا

ممكن تفيدوني بالبنك وطريقه اصدر الشيك المصرفي ... تعبني والله

الاهلي والرياض كانو بيصدرو لي بس قالوا لازم يكون عندك حساب بالبنك ويصدرلصاحب الحساب فقط !!


الحل عاجلا اخواني

شكرا لكم وتحياتي لكم

مواضيع عشوائيه ممكن تكون تعجبك اخترناها لك:

• كيف استخرج فيزا سياحة الى كندا؟
• الى كندا بإذن الله يهمني اسمع اجابتكم
• سانت جون
• كم مدة الفيزا الكندية لغرض السياحة
• في مطار تورونتو
• واخيرأًً باركولي رايح لكندا
• المرجو المساعدة الدراسة في كندا
• معلومات عن هاليفاكس
• سوا ولا موبايلي بـ كندا ؟
• كيف الجو في كندا شهر ؟
• عاجل و مهم يا اخوان تكفون لا تخلوني طالبكم
• معلومات بسيطة تفيد اي سعودي قادم الى كندا
• كم رسوم فيزا كندا في حالة عائلة لزوجين فقط
• تحذير يمنع وضع الإيميل الشخصي
• اسنفسار بسيط
• السفر إلى كندا لمدة اسبوعين
• وش رايكم في هالفندق ؟ بليييييييز
• مطلوب معلومات عن ولاية كوبيك بمعاهدها وجامعاتها
• أحدثكم من أوتاوا
• ايش احسن بلدة لدراسة اللغة ؟

وعليكم السلام انا عن نفسي قدمتها عن طريق نفس المكتب بس اذا قالو لك بنك الرياض لازم تفتح حساب ترانا حاضرين انا موظف في بنك الرياض اذا كنت في اي مدينه ان شاء الله نكلمهم يفتحون لك حساب وان شاء الله يفيدونك الشباب في المنتدى مع تمنياتي للجميع بالتوفيق

البنك الاهلي و الرياض والبريطاني كلهم متعاملين مع بنوك في كندا وكلهم يصدرون شيكات

واذا ما عندك حساب بسيطه افتح لك حساب في اي بنك منهم ولو بمبلغ بسيط (فتح الحساب مايخذ منك ولا 10 دقايق)

ان شاء الله اكون جاوبتك واي اسأله اخرى انا جاهز

هلا حبيبي ..

مايبغالها شي وآنآ آخوك آنآ قبل اسبوع مسوي شيك لي ولواحد من آخوياي ..

يعني ماهي صعبة شوف لك آحد عندة حساب في آي بنك ..وعطة الفلوس كاش وخلة يسويلك الشيك ..

مايبغالها شي يعني خويك راح ياخذ الشيك وماراح ياخذ منة وقت ..


اتمنى اني أفدتك ..

تحياتي ..

مشكوووورين يالغاليين والله كفيتو ووفيتو .. فعلا فتحت حساب في ساب ووقتها اودعت وطلعت الشيك

الاخ الغالي : سلمت يمناك .. والله انك نشمي كفووووو .. ماتقصر ومانستغنى عنك

الاخ عمر : مشكور وعملت باللي قولت عليه ماقصرت

الاخ الغلا كله : مرورك شرفني كثير .. وتراني رحت مع واحد من خوياني للبنك الاهلي وجبته مسكين من العمل وبالاخير يقولي الموظف لازم الشيك باسم صاحب الحساب !!! اخخ يالقهر ( متى تيجي البنوك الاجنبية )
والرياض نفس الشئ

وماتعبت حالي على طول رحت لساب ( البريطاني) وفتحت حساب واصدرت الشيك

دعواتكم لي برحلة جميلة وان شاء الله الفيزا تطلع بدري بروح الللللللللللللللححححححححححححق

الله يوفقك ان شاء الله

الحمد لله انها تيسرت وحق وواجب وماعليك زود واتمنى لك التوفيق

س سؤال الشيك لازم يكون باسم اللي بيسافر او يكون باسم اي شخص ثاني ؟

ياجماعه الشيك يصير بااسم السفاره الكنديه لا الشخص ولا غيره

وهو رسوم اصدار التأشيره فقط لاغير

وانا عن نفسي اصدرت شيك عن طريق بنك سامبا ( البنك الامريكي ) ومااخذ مني ثواني


تحياتي لكم

المشاركة الأصلية كتبت بواسطة *أمير بكلمتي*
http://www.arabtravelersforum.com/tr...3/#post1964473

ياجماعه الشيك يصير بااسم السفاره الكنديه لا الشخص ولا غيره

وهو رسوم اصدار التأشيره فقط لاغير

وانا عن نفسي اصدرت شيك عن طريق بنك سامبا ( البنك الامريكي ) ومااخذ مني ثواني


تحياتي لكم




صحيح الشيك مافيه اي اسم لشخص ...
فقط اسم المستفيد (The Receiver General For Canada)

الحمدلله اني قدرت افيدك

وعملت باللي قلت لك عليه

بالتوفيق لك اخوي/ makkahlove

وتمنياتي لك بسفره موفقه

اخوك/omar998