الموضوع: يابعدي انتو تكفون الفزعه بسافر بعد العيد ابي معلومات مااستغني عنكم فديتكم

السلام عليكم ورحمة الله وبركاته
اخواني اخواتي
انا بسافر بإذن الله بتاريخ 19 - 10 - 1432 هـ
مدة السفرية تسع ايام
عدد المسافرين اثنين بس
بصراحه اول مره اروح لأندونيسيا
بالبداية ابي اعرف كم درجة الحراره هناك بشهر شوال وما هي افضل الأشهر بالنسبه للأجواء بأندونيسيا
وبعد ابي اعرف هل شريحة الاتصالات سوا تشتغل هناك وخدمة البلاك بيري بعد مانقدر نستغني
وكم تساوي عملتهم في مقابل عملتنا علشان مايلعبون علينا
وماهي ارقام السواقين الأفضل والثقه
وماهي افضل الفلل سعرا وراحة
مثل ماقلت لكم اخواني الرحلة تسعة ايام بس ماادري وين اروح اكيد الجبل بيكون له نصيب الاسد بس ماادري بالي كم ممكن تكلف لو رحنا يومين بس
انا حاط في بالي اروح باندوق وجاكرتا والجبل ابي توزيع للأيام على هالمدن الله يعطيكم العافية
وماهي افضل مكاتب الصرافه هناك وتأمين الجوازات اذا موجود
وهل يوجد بالجبل مدينة العاب كهربائيه
وافضل السوبر ماركت هناك
واهم شي ابي اعرف افضل الاماكن السياحيه في الجبل وجاكرتا وباندوق وبالي واذا فيه مدن غير اللي انا ذكرت لا تبخلون علينا
اخواني انا رايح على الخطوط القطريه ماادري وش رايكم بخدماتها وهل هي ممتازه ابي تقييمكم وشكرا
انتظر ردودكم الله يعطيكم العافية
وآسف على الإطاله
اخوكم . اهوى المستحيل
في امان الله

مواضيع عشوائيه ممكن تكون تعجبك اخترناها لك:

• مين من الاخوة اللي جري فندق في بوقور
• المسافه بين الجبل وباندونق ؟
• تكفون الفزعه ابي ارقام سواقين مضمونين
• ياايها العرب المسافرون اختكم تبي شوركم
• استفسار
• هل بسهولة سأجد سكن مناسب في الجبل في جاكرتا
• سائقين في اندونيسيا
• جدول رحلتي لشهر العسل يحتاج منكم تكملته
• طيران اير اسيا من يعرفه؟
• ســــــــــــــوامـــــــــــري في مــعــشـوقـتـي إنـدونـيــسـيــا 2010م (تقرير عاشق
• طلب مشورة عائلة مكونة من كبار صغار تم حجز الطيران وبعض الفنادق
• استفسار
• استفسار عن عدد الشنط
• كيفية استرجاع تذاكر جارودا
• جاكرتا وموعد الوصول
• هل سعر السيارة هذا معقول أيام العيد
• استفسار عن بالي فنادق وفيلل وسواحل
• كيف الجو في شهر فبراير
• برنامج لثلاث ايام في بالي
• عابر سبيل وباكر الصبح ماشي

انا وراك ان شاء الله 22/10/1432
انتظر الخبراء يجاوبون اسئلتك

أولاً مدة الرحلة قليلة بالنسبة لإندونيسيا للأسف
ثانياً ما دام أن الرحله تسعة أيام فهي يوم رايح ويوم راجعي الصافي 7 أيام وما دام أن الرحلة يوم سبت فأنصح لك أن تجلس يوم الأحد في جاكرتا وذلك بسبب الإبتعاد عن الجبل بنشاك في اجازة الإندونيسيين والتوجه يوم الأثنين الجبل والجلوس مدة 4 أيام أو 5 أيام ثم الرجوع إلى جاكرتا للمغادرة
ثالثاً الجو في الجبال أعتقد أنه معتدل في شهر سبتمبر مع قلة في الأمطار والجو بارد ليلاً
رابعاً الريال أعتقد بأنه ما بين 2400 - 2500 على حسب الصرف يعني 100000ربيه بتساوي 40 أو 45 ريال سعودي
خامساً أرقام السواقين تجده على هذا الرابط

http://www.arabtravelersforum.com/travel389407/

سادساً لا يوجد على ما أعتقد العاب كهربائيه كبيره توجد شي بسيط

سابعاً الصرف في الجبل مكتب فقيه
ثامناً الخطوط القطريه مع عليها كلام رائعه بس غاليه

تاسعاً رحلتي إن شاء الله يوم 16/10/1432هـ لمدة 17 يوم إن شاء الله

بالتوفيق للجميع

مشكور يابو ميرا
دونت اغلب ردك بدفتر الملاحظات

حيالله اخونا اهوى المستحيل.....الحقيقة مدة الرحلة قصيرة جدا على بلد مثل اندونيسيا ...بصراحة ماعندك الوقت الكافي تروح لاماكن كثيرة ...بتتشتت وبتتعب تنقلب السفرة الى تعب وارهاق...هذي اقدر اعتبرها سفرة خاصة للجبل بونشاك ((حيث المتعة والاسترخاء والطبيعة)) ....سفرك يوافق يوم السبت...وهذا يوافق الاجازة الاسبوعية في اندونيسيا....توصل بحوالله تعالى في الغالب يوم الاحد....اذا وصلت ريح يوم الاحد كاملا في جاكرتا وما انصحك تسافر للجبل ((بونشاك)) يوم السبت او الاحد لان الطريق يكون مزدحم جدا جدا ....اطلع من جاكرتا ييوم الاثنين ظهرا...وتوجه الى الجبل مباشرة ب400الف روبية الى 500 الف روبية وكاسرهم وبامكانك تطلع بتكاسي البلو بيرد الزرقاء ب300 الف الى 350 الف ........وتوجه الى احضان الطبيعة في بونشاك ((الجبل))



وهناك امضي بقية الايام وقبل السفر بيومين ارجع الى جاكرتا ((ان رغبت)) وان ناسبكم الجبل اجلسو فيه الى نهاية السفرة بحيث تتوجهون من الجبل مباشرة الى المطار....مع الاخذ في الاعتبار التحرك بوقت كافي.



بالنسبة للصرف ((هذه الايام)) الريال يساوي يتراوح مابين 2240 الى 2270..........والافضل ان تصرفو من جاكرتا في اول يوم لوصولكم من سوق الاتيريوم او من مصرف في آي بي .....افضل في الصرف من الجبل




وبما انكم ((عزابية)) وينحصر سفركم بين جاكرتا والجبل ((بونشاك)) فانتم لاتحتاجون الى سيارة ((نهائيا))....عبيء مادي ماله داعي....في الجبل الدبابات بكثرة...توديكم للمكان اللي تبون.....واذا بغيتم التسوق ((اسألو الشغالة عن المكان)) اسمه تشي تشروا....اركبو الدباب الين الطريق العام ومن ثم اركبو الباصات الصغيرة ((الكيري كيري)) بريال او ريالين للشخص...واذا وصلتم للسوق وعلامته مسجد اخضر كبير قولو لراعي الباص كلمة ((كيري)) بيوقف من على طول وانزلو هناك واشترو اغراضكم...والرجعة بنفس الطريقة اذا وصلتم الى مدخل طريق الفلل اركبو الدباب بيوصلكم بخمسة آلاف.



وابتعدو عن الشراء مما يسمى ب((البقالة السعودية)) غالية في كل شيء....اللا في الشي الضروري الغير موجودفي البقالات الاخرى مثل الرز والبهارات.....وغيرها انحاشو من هذه البقالة .





وآخيرا دورو لكم على الفلل المستقله وابتعدو عن المجمعات ومشاكلها...هذا لمن يبحث عن الاسترخاء والاستقلاليه......بتحصلون فلل جيده ونظيفة غرفتين.....بحيث تكون آمن مع وجود الحارس وقريبة من احدى البقالات.





واسترخو في احضان الطبيعة في بونشاك....وحاولو تنسون جاكرتا وزحمتها وحرها وغثاها.





مع تمنياتي لكم بسفرة ممتعة....في احضان العملاق الساحر ((بونشاك))

مشكورين اخواني والله لا يحرمنا من معلوماتكم
بس انا رحلتي اكثر من ثمانية ايام
انا رحلتي يوم الأحد الساعة اربع الفجر يعني مصبحين على الاثنين ورجعتنا يوم الأربعاء بتوقيت جاكرتا الساعة وحدة بالليل
بس انا ماادري جاكرتا بعدنا بكم ساعة يعني اذا اقلعنا الساعة اربع الفجر مصبحين على الاثنين كم يكون الوقت في جاكرتا هل هم متأخرين عنا او متقدمين علينا يعني وقت اقلاعنا كم يكون الوقت بجاكرتا
والله يعطيكم العافية
انتظركم

المشاركة الأصلية كتبت بواسطة اهوى المستحيل
http://www.arabtravelersforum.com/tr...8/#post5981548

مشكورين اخواني والله لا يحرمنا من معلوماتكم
بس انا رحلتي اكثر من ثمانية ايام
انا رحلتي يوم الأحد الساعة اربع الفجر يعني مصبحين على الاثنين ورجعتنا يوم الأربعاء بتوقيت جاكرتا الساعة وحدة بالليل
بس انا ماادري جاكرتا بعدنا بكم ساعة يعني اذا اقلعنا الساعة اربع الفجر مصبحين على الاثنين كم يكون الوقت في جاكرتا هل هم متأخرين عنا او متقدمين علينا يعني وقت اقلاعنا كم يكون الوقت بجاكرتا
والله يعطيكم العافية
انتظركم










تقلع بمشيئة الله الساعة الثامنة صباحا بتوقيت جاكرتا لانهم متقدمين عنا باربع ساعات...يعني بتوصلون بحول الله بعد الرابعة عصرا بتوقيت جاكرتا....ريحو يومكم هذا...واليوم الثاني اذا بغيتو روحو للجبل ماعندكم مشكلة...طبعا اذا ما كنتم حاجزين عن طريق الانتر نت خذو الفندق من المطار من مكتب كاها



والتيوس والكبسات والشوي ينتظركم في الجبل....والسعر المعتاد ((للتيوس)) بين اربعمائة الى خمسمائة الف كاسرهم.....المكاسر ضروري بهالديرة...لاتدفع على طول

فديتك يالغالي
معناته بنوصل يوم الاثنين بجاكرتا وبيكون الطريق مو مزحوم لانه مو السبت او الاحد
يعني على طول على الجبل وناسه
طيب ماقلت لي اخوي شريحة الاتصالات سوا تشتغل هنا وخدمة البلاك بيري
اتمنى تردون علي
تحياتي

اخوي مغرم يعطيك العافيه

وين احصل التيوس فيه مكان مخصص لبيعها
واهم شي الصلخ لاني من جنبها
طبخ خذ ولد لكن صلخ ماديرها

هههههههههه 9 ايام وتبي تروح الجبل وجاكرتا وباندوق وبالي مافي وقت ابد اصلا احسب حساب الروحة والرجعة يوميين يعني يصفى لك 7 ايام زين اذا رحت فيها الجبل وجاكرتا
نصيحة يأنك تأجل الرحلة او تغير الوجه ماله داعي تروح وتقهر نفسك وترجع تحياتي

9 ايام خلها على جاكرتا والجبل
او جاكرتا وبالي
لانها قليلة جدا جدا

المشاركة الأصلية كتبت بواسطة عبدالله البحار
http://www.arabtravelersforum.com/tr...2/#post5981982

اخوي مغرم يعطيك العافيه

وين احصل التيوس فيه مكان مخصص لبيعها
واهم شي الصلخ لاني من جنبها
طبخ خذ ولد لكن صلخ ماديرها






حيالله اخوي عبدالله.....في الجبل ((بونشاك)) الامر ابسط مما تتخيل...اذا وصلت هناك راح تعرف معنى كلامي.



ماعندك مشكلة ابد ابدا...وهذا مايميز الجبل.



مالك اللا ((ولديقرا))....في بونشاك لاتشيل هم لشي...أبدا......بالنسبة ((للتيوس)) راح تلقى مكتوب بالعربي على الحيشان الصغيرة كلمة ((خروف تيس))....وبعدين قول لاي دباب ابغى تيس راح يدبرك....او بالاندونيسي ((كامبنق)) خلاص بيوديك وما اكثر من حيشان الغنم عندهم ورخص غير طبيعي للغنم مقارنة باسعار الغنم عندنا ....اضافة الى ان الغنم عندهم مرعاها طبيعي ماتاكل شعير ولاكيماوي ...وراح تشوف الفرق.....وتاخذ التيس باربع مائة الف تقريبا مذبوح ومصلوخ ومقطع ((قدامك)).



في بونشاك ...فقط استرخي واستمتع بالجو....وانسى همومك في احضان الطبيعة الخلابة وانسى جاكرتا وحرها وزحمتها.



فقط حاول ان تفهم طبيعة الاندونيسيين ومزاجهم....ولاتعاملهم على اساس انهم سواقين وخدم ((الكلام للجميع))....افهمهم وافهم طبيعتهم واحترم عاداتهم وتقاليدهم ...وراح تنبسط....بسط ماله مثيل.





هذا الجبل ((بونشاك)) العملاق الساحر الفاتن الانيق

يالربع محد رد علي بالنسبه لشريحة الاتصالات هل تعمل في اندونيسيا ( سوا شحن )
وبعد خدمة البلاك بيري تشتغل هناك او لا
ارجو الرد

بخصوص البلاك بيري تقدر تاخذ شريحة سمباتي من عندهم وتطلب منهم يفعلون لك خدمة البلاك بيري لمدة اسبوعين
الموضوع سهل وبخصوص السوا اذا فيها ميزة التجوال ادولي ومشحونة هنا من السعودية راح تشتغل معك اتوقع واذا معك شريحة اتصالات متوفرة حاول تسوي بحث يديوي للشبكة بتلاقي شبكة اسمها (Axis) راح تستقبل جميع الاتصالات مجانا

مودتي