الموضوع: تذكرة الى تورنتو من ابوظبي دايركت بس مشكله ؟

هلااا واللهـ أخوووي أمير بكلمتي..



اللهـ يعطيكـ، العافيهـ جبلتي أسعااار التذااكر لأني ودي أعرف أسعارهااا..


واللهـ بالنسبهـ لأي خياار اقولكـ لهـ فهوو اتحاد الامارات إذا كنت مساافر قبل الدراسهـ بفترهـ..


سعرهاا خياالي صراحةَ رخيصهـ..



بالتوفيق يالغلااا..

إذا تبي نصيحتي تروح على الإتحاد

لأن سعرها الصراحة حلو وتروح دايركت وفي العوده إسكن على حسابك ليله مافيه مشكله إحسب السكن في العودة من ضمن سعر التذكره وماراح تتعدى 300 ريال يعني راح يصير سعر التذكره 4893 يابلاش

اخوي روح على الاتحاد خطوط ممتازة
ودعسة وحدة الى كندا
الله يوفقك

السلام عليكم

اخوي انا حبيت اضيف على كلام الاخوان

اعتقد انه طيران الاتحاد انسب طيران بالنسبة للسعر من اللي ذكرتهم بس الرحلة متعبة انا جيت ع طيران الاتحاد في شهر فبراير - ومع انهم اعطوني مقعدين مع بعض - حظي كان حلو معاهم - بس السفرة بحد ذاتها تعب ومتعبة وانا بصراحة ماقدرت انام وصرت اتقلب على الجنبين - بس طيران الاتحاد وحسب تجربتي الخدمة ليست جيدة بس لاباس بها

انا حبيت اعطيك اختيار ثاني اللي هو طيران اوليمبك حاول تتصل عليهم لانه سعرهم ارخص من طيران الاتحاد

اخوي والله كتبت لك رد طويل وعريض وفيه تشويق وارقام تلفون وكيل اوليمبك بابوظبي بس الموقع ماطلع الرد كامل :112::110:

شوف لو تبي نصيحتي ولا وحده من هذول..
اختار الهولنديه احسن وارخص وخدمه عاااليه وممتازه.. بس اللهم انك تنزل ترانزيت بهولندا
4 ساعات وبعدين دايركت على كندا.. الاسعار ماعندي فكره, بس اسالهم وسعرهم بيرضيك اكيد.

مشكوووورين حبايبي والله على الرد وايضا الشكر موصول للأخوان اللي اعطوني خيارات اضافيه

اوليمبك و الطيران الهولندي

نسأل ونشوف :

شكرا لكم وننتظر ردود زياده

انا سافرت على الاتحاد من ابوظبي لتورونتو 15 ساعة ماحسيت فيها

لكن 5 ساعات في Air Canada كرهتني الطيران كله :112:

اهم شي ابعد عن اللي ما تتسماش دي Air Canada

مشكووور على تعليقك اخوي نيد

وزدتني معلومه وطمأنينه ايضا

شاكر لك وفي انتظار ردود البقيه

ممكن تسأل على Air France أو Alitalia أو الملكية الأردنية
سعرهم مناسب الى حد ما .

الأخ أمير بكلمتي..

ممكن ولا عليك امر ..بعد ما تسأل تحط الأسعار هنا لتعم الفائدة..

وبالتوفيق

إحسب السكن في العودة من ضمن سعر التذكره وماراح تتعدى 300 ريال



ما اعتقد راح تحصل فندق ارخص من 700 ريال بأبو ظبي والتوصيل من والي المطار 50 و 50 صارو 800 ريال هذا غير بعض التكاليف في ابو ظبي ممكن تطلع لك اكثر من الف ريال

يعني ما راح تستفيد غير انك تجلس يومين تنتظر

فيه اكثر من خيار برضه غير الهولندية .. عندك الخطوط الالمانية

المهم اسأل عنها وان شاء الله تحصل

المشاركة الأصلية كتبت بواسطة سيد المدينة
http://www.arabtravelersforum.com/tr...2/#post1904252

ما اعتقد راح تحصل فندق ارخص من 700 ريال بأبو ظبي والتوصيل من والي المطار 50 و 50 صارو 800 ريال هذا غير بعض التكاليف في ابو ظبي ممكن تطلع لك اكثر من الف ريال

يعني ما راح تستفيد غير انك تجلس يومين تنتظر



اخوي الغالي
انا كنت ساكن ابوظبي قبل ما انتقل للعيش في كندا
وكان فيه فندق اسمه الجزيرة رزيدانس وحجزت فيه لصديقي الليلة كانت 250 او 300 درهم اماراتي
فندق متواضع ولاباس به للمبيت يعني الغرفة كانت سريرين بس حجزت لشخص واحد فقط نعم وكانت 300 درهم الان تذكرت

والتاكسي من المطار الى مدينة ابوظبي يكلف 70 درهم واذا حبيت تروح المطار مع اي تاكسي عادي ياخذون عليك اقل من هاي المبلغ - بس للامانة تكسي المطار احسن وانظف

بالنسبة للاكل والشرب في ابوظبي ما اعتقد راح تكون اغلى من الرياض فالاسعار بالخليج متقاربة

وان شا الله بالتوفيق

اخوكم

مشكورين على تعليقكم

انا اقولكم بصراحه الى الأن لم اجد ارخص من اتحاد الامارات

وللعلم موقعهم على طريق الملك عبدالعزيز بجانب اكسترا وسعرهم مخفض 4595 ريال ومميز صراحه عرضهم

تجلس في ابوظبي يوم وبعدين دايركت تورنتو بس في العوده تجلس يومين

انا جربت عدة خطوط ووجهات مختلفه فيه فرق في الاسعار لكن بتفاوت بسيط احياننا يغريك السعر لكن تكتشف انهم حاسبينها صح وانك بتدفع نفس السعر على طيران اخر بفرق بسيط بمعني اختار الطيران الامن بعد حفظ الله والى سمعته ممتازه من ناحية الخدمه والمواعيد ولا تفكر في الباقي والتجربه خير برهان

بالنسبه لي حتى لو اتحاد الامارات الاغلى راح اخذها .

على فكره عندي استفسار لو تتكرم اخوي امير والاخوان المشاركين معنا في الموضوع بالنسبه للوقوف في لندن لما تطلع على السعوديه او البريطانيه وانت متجه الى تورينتو هل تحتاج فيزا لبريطانيا للوقوف الخمس ساعات هذي او تكفي فيزا كندا فقط .

لا ماتحتاج فيزا

الله يوفقكم جميعا

المشاركة الأصلية كتبت بواسطة saad@
http://www.arabtravelersforum.com/tr...7/#post1912157

لا ماتحتاج فيزا

الله يوفقكم جميعا

اشكرك على الرد والتجاوب ، اسأل الله ان يجعلها في موازين حسناتك .

لاشكر على واجب واحنا بالخدمة

طيب الفال مشكور على النصيييحه خيوو وفعلا كلامك عين الصواب

واهلا فيكم اخوي وطبعا ماتحتاج فيزا لانك تنزل بالمطار ويختمون جوازك انك رايح لكندا

تحياتي لكم

أنصح الشباب اللي معاهم عوائل يختارون الاتحاد , لأن المباشر أنسب 100 %

mr7ba shbab ana aklmkm alan mn mtar abou dabe ...
bsra7h aklt mglb lool ana jaee 3la ktwt alit7ad 7lo walmktm altheeb fee alriyadh 7at lee alfndg fee alrg3h wna mfhmh million mrrh abee alfndg fee althhab lkn ma7wlk a7d .... almhm alantdar twell r7t alfndg tb3hm fee almtar wtlbo mnee 140$ for one day
7beet anbh algmee3 lazm takd alfndg ok
d3watkm lee shbab

^
^
^
^
^
^
^
الترجمة لكلامي اللي فوق لووول


السلام عليكم ورحمة الله وبركاته
انا ياشباب الان مراسلكم من مطار أبو ظبي هههه مشيت على الخطوط الاماراتية ــ الأتحاد ــ هالشهر كان فل على كلام الهندي صاحب المكتب لقيت حجز بـ 4700 ريال مع الفندق ... مع العلم ان زميلي كان مسافر قبل شهر ونصف تقريبا بمبلغ 4400 ريال بالفندق لكن هالشهر زحمة يقول ماعلينا
المهم ياشباب نصيحة اذا بتحجز حاول تأكد الفندق اذا تبيه في الذهاب أو الأياب تكلم المكتب اللي تحجز فيه وتأكد من رقمهم المجاني ايضا .. لاني بصراحة أكلت هالمقلب مكلم الهندي حق المكتب ابي فندق اهم شي مابي اجلس في المطار قالي اوكيه وواضح من كلامي اني ابيه في الذهاب لكن محسوبنا يمشي الظاهر وحط لي الفندق في الرجعه ونا بصراحة مابيه في الرجعه لاني احتمال اطول هناك ...
فالحاصل اني رحت لم مكتبهم في المطار وحاولت افهمهم يمين يسار ياهو ابي اغير الفندق الان مابيها ذهاب ابيه اياب مارضوا فاضطريت اروح للامر الواقع وصلت لمطار ابو ظبي الساعه سبع تقريبا صباحا فصعبة بصراحة اجلس في المطار من الساعه سبع صباحا إلى اليوم الثاني الساعه 1 صباحا تقريبا 18 ساعه وخاصتا ان مطار ابو ظبي صغير . رحت للفندق تبعهم في نفس المطار واستاجرت غرفة بـ 140 $ وكنت والله ناوي اطلع لداخل أبو ظبي منها اتمشى ومنها استاجر فندق هناك لكن تكاسلت ونا تعبان وماكتب الله .. علعموم فقط حبيت انبهكم تأكدو من الحجز ذهاب أم اياب ولاتعتمد على صاحب المكتب اتصل على الرقم المجاني تبعهم والله يوفق الجميع أن شاء الله .
علفكرة على خطوط الاتحاد لك الحق تأخذ شنطتين فقط كل شنطة لاتتجاوز 32 كيلو يعني المجموع لك حق تشيل تحت 64 كيلو بس بشرط تكون شنطتين وتحياتي للجميع ودعواتكم مانستغنى والله الله في مطار تورنتو لووول

الله يوفقك يارب يارشوودي فعلا نبهتني

بتصل عليهم ان شاء الله واتأكد من الحجز للفندق على كلامك

شاكر لك ياطويل العمر واسأل الله التوفيق لك وتحياتي لك

انا حجزت على خطوط اتحاد الامارات على تاريخ 9/5 من الرياض الى ابو ظبي وفي تاريخ 10/5 من ابو ظبي الى تورنتو علما ان التذكره كانت سعرها 5530 وماقالو لي انه فيه فندق على حسابهم ارجو اخباري مايمكن عمله وسعر التذكره اشوفها اغلى من الي قاله اخونا امير بكلمتي

انا 4595 بالضبط بس برضو ماقالو لي انه فيه سكن

وكلمتهم قالو فيه بس رد غطا يعني ماتأكد لي الموظف ولا عطيته اسمي للحجز او غيره

المراد اني بتابع معهم الى اوصل للعلم

وانت حاول تتصل عليهم واتوقع فيه سكن

وبالنسبه لسعر تذكرتك غريبه والله مع ان الفرق اسبوع تماما

انا في تاريخ 2-5
والى تورنتو 3-5

تحياتي لك

امير انا ماحجزت عن طريق نفس الخطوط انا حجزت عن طريق وكاله # الحين اسئل منو الوكاله ولا نفس الخطوط او اذا رحت هناك ان شاء الله واتمنى لك التوفيق في دراستك

انا بعد عن طريق وكاله

وسألت الوكاله وقالو لي ماندري

وسألت الخطوط نفسه وقالو فيه بس بـتأكد زياده

وتمنياتي لك برحله موفقه ان شاء الله

يا شباب الي نبي اخبار اكيده عشان مانتوهق نبي التفاصيل ولكم الشكر
** عزيزي يمنع منعآ باتآ نشر وكتابة اسماء المكاتب السياحة **
الإدارة

اذا كان خطوط اتحاد الامارات تؤمن لك السكن في الذهاب شي حلو في الاياب ان شاء الله على قوله اخونا امير نحجز على طيران سما او ناس اذا كان فيه كذا نوفر قعده يوم كامل في الامارات.
قبل شهر جاء واحد من الشباب من كندا وكان رايح عن طريق الخطوط السعوديه عن طريق الرياض لندن تورنتو يقول تبهذلت في لندن يقول حققوا معي وقال لي ادفع اكثر اهم شي انك تروح لكندا ترانزيت اريح لك وكان مايمدح الخطوط الكنديه من لندن الى تورنتو وزياده على ذلك يقول في الذهاب قعدت ثلاث ساعه وفي الرجعه سبع ساعات كثيره واتمنى التوفيق للجميع

وانا واعوذ بالله من كلمة انا اوريك في راعي المكتب الي حجزت عن طريقه معطيني التذكره اغلى علشاني كاش هههههههههههه امزح بس قهر وربي فرق 1000 ريال الله يعين واتمنى للجميع التوفيق


اخوكم سلمت يمناك يابو متعب]

الله يعافيكم ياشباب
طيب الحين اذا فرضنا بتطلع من الرياض بتروح ابو ظبي (متجه شرق ) بعدين تطلع تورنتو مباشره (متجه غرب ) يعني تمر الرياض من جديد وتروح من فوق اوروبا او
او تطلع من ابو ظبي على الصين ( يعني شرق شرق الى مايجيك الغرب اللي هو كندا يعني من ورا ههههههههه


وتوقعون بعد شهرين ببداية الصيف كم راح يكون سعره وهل فيه مجال تاصل فانكوفر



ومشكوووووووووووووووووووووووووووووووووووووووووورين

وانت صادق والله فرق كبير

شكرا على التوضيح الجيد والوافي ورافقتكم السلامه جميعا اينما كانت وجهتكم

ابو خالد هي مسأله تنظيم الخطوط وليس الوجهه

يعني تنزل ناس في الرياض وبعدين تأخذ ناس في ابوظبي وبعدين تطلع تورنتو وهي اصلا خطوط امارتيه يعني اكيد الاقلاع لكندا بيكون من العاصمه الاماراتيه

بالنسبه لتسأولاك اهي توصل لفانكوفر بس مدري عن الاسعاار ومشكور على مرورك وتعليقك

هلا بك طيب الفاااااااااال ومشكور وربي يوفقك وتحياتي لك

مرحبا شباب اخباركم ..

شوفوا شباب الشهر هذا امره غريب لان خطوط الاتحادية الامراتية فيها زحمة غير طبيعية حتى انا كانت بتروح علي التذكرة لان فيها زحمة شديدة وتأخرت في تأكيد الحجز فأنتم ياشباب أسالوا صاحب المكتب اذا بحجز الشهر الجاي هل هي نفس الاسعار او اخفض للي مو مستعجل طبعا .. ولاتعتمد على صاحب المكتب اتصل على رقمهم المجاني رقم الأتحاد وكلمهم وعطهم رقمك أو اسمك وقوله ابي أتاكد عن الفندق لان بصراحة ياشباب فترة طويلة راح تجلسها في أبو ظبي من الساعه سبعه صباحا تقريبا إلى اليوم الثاني الواحده صباحا يعني تقريبا 18 ساعه وخاصتا ان المطار صغير وممل .... وللي مستعجل ياشباب يعقلها ويتوكل ويحجز بسعرهم اللي بـ 4500 حولها واذا حاب يحجز غرفة في الفندق بـ 139 $ . هذا المستعجل وباستطاعتك تطلع خارج أبو ظبي تتمشى وتهجول لمواطني دول الخليج .

بالنسبة ياشباب للطيران فالاقلاع من الرياض إلى أبو ظبي تجمع ناس فيها وتمتلي الطيارة عكس الرحلة من الرياض لأبو ظبي تكون شبه فاضية ثم أقلاع إلى تورنتو .

وبيني وبينكم ياشباب صراحة من جمال التعامل وسرعة التعامل ماحسيت بالأرهاق حتى ان الشنط حقتي شاك هل فيه احد فتشها أو لا ... لان بصراحة ماحد فتشها قدامي ابد ولا دخلناها في أجهزة ولا غيرها .. وبخصوص اللابتوب وغيره لاحد يشيل هم ابد سواء سيديات منسوخه او برامج او وندز نسخة مافيه خوف ابد ان شا ءالله .

المهم ياشباب انا اتوقع ان هالشهر التذاكر مرتفعه في هالخطوط ليه مدري يعني يمكن تجي بـ 4700 وحولها لكن كلم المكتب وقوله متى تنخفض اسعارها ولزم عليه بخصوص السكن وأذا مستعجل يارجال توكل على الله واحجز في فندق واذا براحتك انتظر للشهر الجاي اعتقد راح تنزل الثلاث مية ريال اللي مزودينها لووووول
لكن بصراحة ياشباب الجو هنا ممتاز وبداية نزوح الثلوج والله يوفق الجميع ان شاء الله .. تحياتي وأي سؤال اقدر عليه ان شاء الله مأبخل .

اخ رشودي الله يعطيك العافيه بس حبيت اسئل هل رحت ع خطوط الاتحاد وكيف شفتها وانت في اي مدينه اذا كنت في كندا واتمنى لك التوفيق وتزويدنا في شهر مايو ناخذ ان شاء الله ملابس شتويه ولا مايحتاج وشكرا

يعطيكم العافيه ياشباب

امير مشكوووووووووور على تجاوبك تسلم ياغالي

بس ياشباب اذا طلعت الطياره من ابوظبي مو يكون اقرب لو يكون سير الرحله من فوق الصين يعني هل سير الرحله مثل الكاثي باسيفيك اللي تطلع الهونغ كونج ومن هونك كونج تمغط الى فانكوفر او مثل اللوفتهانزا تمغط من المانيا الى فانكوووور


ملاحظه تمغط يعني تدز يعني تحلق على ارتفاع وقدره خمسة عشر الف قدم بقيادة الكابتن ابو طلق نرجو من جميع المسافرين التوجه الى مقاعدهم وربط احزمتهم وشكرااااااا ههههههه مسكة خط

الاخوة الاعزاء ..
اتصلت بطيران الاتحاد ولم اجد حجز لتورنتو خلال شهر يوليو الا بسعر اكثر من 7000 درهم . هل يوجد شركات اخري تطير بدون توقف من اي مدينة عربية الى تورنتو وسعرهم مقبول ..
الشكر مسبوق لمن تكرم بالمساعدة

أخوي سلمت يمناك بصراحة الجو ولا اروع هالحين في نهاية الشتاء تقريبا وداخلين على السبرنج وبعده الصيف ولكن مثل ماذكرو الاخوان شنطة للشتوي وشنطة للصيفي ...... حتى ياخوي لو تلبس صيفي وفوقه كووت او جاكيت بس الجو ممتاز الأن وفي شهر مايو يعني مافيه برد وداخلين على الربيع الان شهرين ثم بعده الصيف .. انا في مدينة تورنتو والخطوط الأتحادية بصراحة جيده ومافيها شي ولو أن القلق في الرحلة من ابو ظبي لتورنتو لان فيها زحمة شوي لكن طبيعي وحاول تبعد عند الصفوف الاولى عند حمالات والاسره حقت الاطفال لانهم بيزعجونك لوول .. والله يوفق الجميع ..

يبو خالد احس انك تبي تدرس الطيارن ههههه يارجال راحو منا او مناك اهم شي توصل سالم ان شا ءالله ولا شرايك يالغالي لوول ..

اخوي اميرالي هالشهر الخطوط الاتحادية فيها زحمة غير طبيعية ليه مدري أنتظر الشهر القادم وشوف والله يوفق الجميع ان شاء الله .

انا رحلتي في تاريخ 2 - 5 -2008 الى ابوظبي

وفي تاريخ 3-5-2008 الى تورنتو

والله يعين يارب على الزحمه اللي تقول

بس اهم الخدمه تكون ممتازه

وبيني وبينك افضل زحمه لاني رايح لحالي خلني اتعرف على فلان وعلان يسليني في الرحله خخخخخخخخخخ

وبروح لهم اتأكد من السكن لاني بصراحه ساكن بعيد عنهم وكل يوم بكره

بس كلمتهم ويقولون اكيد لك سكن بس رد علي كذا ولا خذ اسمي ولا رقم الحجز فقط رد على سؤال بس قلبي ناغزني الين اشوفه يأخذ اسمي ورقم حجزي عشان يأكد لي حجز السكن

تحياتي لك رشودي ومعلوماتك قيمه بارك الله فيك اخوي

وننتظر جديدك ومعلوماتك دوما وعلى فكره اول مره اسافر برى الخليج والانجليزي عندي صفر يعني التوتر واصل حده بس ربك يعين هههه

تحياتي لكم

الله يوفق الجميع لما فيه خير واخ رشودي يعطيك العافيه ع المعلومات ان شاء الله نستفيد منها واليوم اخ امير بكلمتي رحت للمكتب قالي بدق على خطوط الاتحاد واتاكد لك ان فيه حجز فندق ولا لا وان شاء الله يكون فيه واتمنى للجميع التوفيق واخ امير الحين الحجز قالك لازم تاكده متى وشكرا

اخوي امير بكلمتي لاتشيل هم بما انك رايح شهر خمسة فأن شاء الله راح تلاقي حجز فندق ولكن لازم تأخذ اوكيه منهم ولا تعتمد على كلام صاحب المكتب وتأكد أهي في الذهاب او الأياب وبخصوص الزحمة راح تلاقي ثلاث ارباعها هنود على باكستانية على اسيويين ههههه لكن نصهم جوازات كندية لكن يارجال عندك في الطائرة افلام وكل اللي تبيه واذا لقيت لك واحد فاضي ادخل معه سولف ... لكن صدقني بما ان لغتك الانجليزية صفر على كلامك راح تحس ببعض الخوف لكن صدقني راح تلاقي احترام وارتياح كبير في مطار تورنتو تعامل راقي وسهولة وشيل الخوف من الغربة لاني اضمن لك انك راح تتأقلم مع البلد خلال اسبوع والله يوفق الجميع .. ولاتنسى تترس الشنطيتن لك 64 كيلو اترسها اكل واللي تبي وبعدين حاب اذكرك يالغالي ... اذا وصلت لابو ظبي راح تلاقي تعامل وتعاون راقي من رجال الامن لاي سؤال فمجرد انك تدخل وسط المطار روح استقبال الاتحاد وخذ ورقة الفندق منهم عشان تروح للفندق وتعطيهم بس راح تكلمهم بالانجليزي واذا ماعرفت ابد ابد كلم اي رجل امن او رجلة امن

مشكووووووووور وبارك الله فيك اخوي رشودي وجعله الله في ميزان حسناتك
وربي كلامك يريح الخاطر ويطمئن عسى الله يطمئنك بااسمه
حتى مطار ابوظبي هههه من اولها انجليزي ربك يعين بس
بالنسبه للشنطتين الكبار اللي تقول عنهن آكل ؟؟ هههه وشدعوه رايح البر انا ... تبي الجد عاد مااخذت الا تمر
والاستماره اللي تقول عنها انا سمعت ان به سؤال يقول هل معك طعام واحط نعم ولا شرايك
وعندي لك سؤال ... انا اخذت معي تقريبا 15000 ألف ريال لمده 5 شهور.... وشرايك تكفي.. يعني تقريبا 4000 دولار كندي.. ومحتار اشيلها معي او احطها في فيزا او شيكات سياحيه
ناس تقول خذها معك واذا رحت عناك افتح حساب في كندا وحطهن فيه
وناس تقول خذ شيكات سياحيه
وانت شرايك رشودي
تحياتي لك

زين التمر كثر منه لان هنا ماراح يعجبك ابد ،،،،
وبخصوص سؤال الاستمارة شوف راح يجيك يمكن سبع او ثمان اسالة الجواب عليها بالتحديد على نعم او لا اختار كلها لا ماعليك اساسا ماحد راح يفتش شنطتك مجرد انك تنزل من الطيارة وتروح الامجريشن فهمهم كم شهر تبي انت بعضهم يعطييك على مدة دراستك فقط واول ماتطلع من الامجريشن انزل وخذ شناطك من السير واطلع خارج المطار ماحد يفتش الشناط .
وبخصوص الدراهم تعتمد على صرفية الانسان انا ماقدر افتيلك بهالشي والله لكن شوف يالغالي المبلغ اللي معاك تقريبا راح يجيب لك اربعة الالاف بس الافضل انك تحولها من السعودية لدولارات كندية وليس امريكية لان هنا الان لمن تصرف مية دولار امريكي يعطيك تقريبا 96 دولار كندي يعني افضل انك تاخذ دولارات كندية . واما المبلغ فاذا كان هالمبلغ للمعيشة فقط يعني السكن والدراسة مو داخله فيه فان شاء الله يكفيك اذا ماكنت من النوع المبذر يعني احسبها مية دولار كندي حق الباص شهريا ووجبات الفاست فوود اذا كنت تحبها تلاقيها بسبعه دولار حولها واذا كان معاك بطاقة الاستيودنت يخصمون لك بس يالغالي حاول تشتري كل اللي تحتاجه من ملابس وغيرها من السعودية عشان ماتشتري شي هنا لانها غالية نوعا ماء بسبب الضرائب وأي شي تشتريه من كندا بس بشرط سعره فوق الخمسين دولار احفظ السند حقه عشان وانت راجع تعطيهم يعطونك فلوسك اللي دفعتها ضرائب .
وبخصوص الفلوس سو مثل طريقتي خذ معاك كاش مثلا الف دولار وطبعا لاتحطها في مكان واحد نص هنا ونص هناك وفرقها عشان ماتضيع وخل الباقي في حسابك اللي في السعودية طبعا تكون بطاقة الصراف معاك وتشتغل دوليا اهم شي تأكد من البنك وبعدها افتح لك حساب هنا وحول فلوسك عليه وطبعا الشباب مايقصرون بيفيدونك اكثر مني والله يوفق الجميع ان شاء الله تحياتي

شباب اليوم رحت للمكتب حق الحجوزات قال لي ان خطوط الاتحاد كانت تكفل بالسكن في الامارات بس بدايه شهر ابريل ماعد تكفل بإي شي هل سألتوا عن صحه الخبر واتمنى للجميع التوفيق

الجوازات ؟؟

وش دخلها انا رحت لمكتب الخطوط نفسها اللي بطريق الملك عبدالعزيز بجانب اكسترا وقالي فيه بس اهو شيك على تذكرتي

مشكوووور رشودي على معلوماتك وطبعا المبلغ اللي معي اهو معيشه بس اكيد
وش رايك سكن ودراسه 15 الف هههههه
معيشه 15 الف ريال سعودي لمده 5 شهور
مشكور وماقصرت ياطويل العمر والله يوفقك في رحلتك ودراستك
تحياتي لك

اخ امير انا قلت الحجوزات مو الجوزات الظاهر خايف تضيع جوازك وانا ابي اروح لهم اسئلهم وابي اسئلك جاتك التاشيره ولا لا وكم خذت ورحله موفقه بس اتوقع صعبه 15 الف بس لخمسه شهور الظاهر من المعهد للبيت هههههههههه والتوفيق حليفك وللجميع ان شاء الله

ههههههههه واللي اني حول يارجال خلها على ربك انتظر التأشيره ويدي على قلبي

15 ألف ريال بس ترى اشتريت كل شي من هنا من والى ولا لي نيه اشتري شي هناك ابد

معي شنطه كبيره ملييييييييييييانه ملابس اشكال والوان

4000 دولار كندي تكفيني تمشيه ومعي بطاقه فيزا فيها تقريبا 2000 دولار كندي المجموع 20 ألف ريال

تكفي حسب كلام الاخوان والكثير منهم اللي راح

مواصلات وبطاقه اتصال وترفيه وتمشيه

المواصلات 600 دولار تقريبا لاني بأخذ بالشهري وانا جالس 5 شهور وكل شهر 100 بس حطيه 100 زياده احتياط

الترفيه بشكل اسبوعي بيأخذ مني 100 دولار تقريبا 100 دولار كندي في 22 اسبوع = 2200 دولار كندي

بطاقه الاتصال 100 شهريا ... يعني قل 600 دولار كل الرحله على بطاقه الاتصال

الأكل بالبيت واذا بأاكل برى حطيت احتياطي 500 دولار آكل

والهدايا والخرابيط ماني اشتري شي ابد يعني الله يخلي ديرتنا فيها كل شي خخخخخخ

احسبها معي 600 دولار موصلاات + 2200 ترفيه وتمشيات + 600 اتصالات + 500 دولار مطاعم وعشاء وسنيما+ 100 دولار احتياط= 4000 دولار كندي

بما يعادل 15000 الف ريال ... شرايك في حسبتي ههههه

تحياتي لك

ماشاء الله على حسبتك والله انا ماحسبت شي مدرعم على قولتهم ولا شريت شي انتظر التاشيره تطلع وانا بشري كل شي من هناك مسوي كاش قصدي الله يخلي البطحاء لا وش دعوا بس ان شاء الله نستفيد متى قدمت التاشيره وتحياتي لك

لي عشر ايام الحين

وقالو شيك معنا بتاريخ 16 - 4- 2008

وننتظر ونشيك ونشوف

تحياتي لك

الله يوفقكم جميع ياشباب

رشودي انا اسأل عن خط السير لانها لوطلعت من الشرق الظاهر يكون تطول الرحله زود على ماهي طويله اصلا هههههه

امير ربي يوفقك يالغالي ...... انت طلعت الفيزه وقبول المعهد او عن طريق مكتب والا انت مبتعث
طيب انت بتدرس يفانكوفر او تورنتو وربي يبارك لنا ولك بالدراهم مع انه مااسرع ماتطير بس المفروض الواحد يخطط لكل دولار يصرفه








________

اوف الحين الدولار الكندي مو 3.7 والامريكي 3.75 مو المفروض يكون اعلى تقييمه

مرحبا شباب
اخوي أمير بكلمتي اذا قصدك 4000 الالاف دولار كندي بتكفيك دراسة وسكن لمدة خمس شهور فأعتقد انها صعبة جدا لكن اذا قصدك 4000 الالاف دولار كندي للمعيشة والصرفية اليومية وفوقها الفين في الفيزا فأن شاء الله راح تكفيك وزود والله يوفق الجميع .
بس عندي تعليق بسيط بخصوص بطاقات الأتصال وشبلاك شطحت بعيد ههههه ليه مية دولار شهريا لها ؟
شوف فيه بطايق هنا تشتريها 2،5 بدولارين ونصف تكلم لهاتف ثابت في السعودية تقريبا حول الساعتين اوفر لك وأريح لك ولا تطلع لا شريحة جوال ولا غيرها ، يارجال اساسا انت ماراح تحتاج شرائح الاتصال فالافضل يالغالي تشتري لك البطاقات اللي قلت لك عنها ووفر على نفسك وتحياتي للجميع .

علفكرة اذا بغيت زود توفير خل اهلك يتصلون عليك مجانا من الانترنت عن طريق برنامج اسمه oovoo
ورابطه http://www.oovoo.com خلهم يدخلون ويثبتون البرنامج على الجهاز ويسجلون ويتصلون عليك سواء كنت في كندا او امريكا مجانا ولو تبي عشرين ساعة وتحياتي مره اخرى .

هلا ابوخالد ماقصرت ياغالي وبارك الله فيك وطبعا الدولار نسجله وين يروح

لا ياطويل العمر انا عن طريق مكتب اهوه ضبط كلش بس الحين انتظر الفيزا

رشووووودي وربي انك فله طمنتي بصراحه شايل هم الاتصال مره مره

وحلوه البطاقه هذي اللي تقول يعني عادي اشتريها واكلم مثلا ساعه واخلي ساعه مره ثانيه ؟؟ ولا لازم دفعه وحده

وبالنسبه لشريحه الجوال انا احتاجه للإتصال الداخلي بكندا يعني ضعت لاقدر الله ولا شي واو الاتصال بالاصحاب اللي بتعرف عليهم وكذا فهمتني ؟

بس الاتصال بالسعودييييييييييه مناسبه جدا البطاقه اللي تقول واصلا انا مابي اكلم جوال احد هناك بس ابي الثابت اكلم الوالدين الله يحفظهم وبس

كيف طريقتها اخوي وهل احصلها واستخدمها بجوالي ولا استخدمها بالثابت اللي بالشوارع ؟؟

اعذرني رشودي ابي تفصيل اكثر وربي اني ناوي اشتري شريحه واكلم فيها للسعوديه بس طمنتني انت

بالنسبه للبرنامج اللي تقول ينفع مع الشباب بس الوالد والوالده مااظن هههه

تحياتي لك

البطاقة هذي يالغالي تحصلها في السوبرماركات او البقالات وأسمها ــ فيزا كارد ــ ابد اشتر لك ثنتين ثلاث اربع والواحدة بدولارين ونصف تتصل من هاتف ثابت مو من الشارع إلى السعودية مثل بطاقات زجول وغيرها اللي كنا نستخدمها في السعودية بس الأفضل تتصل على هاتف ثابت في السعودية أوفر من الاتصال على جوال في السعودية وطريقتها عادي مثلا كلمة أهلك ساعة هالحين وقفلت تجي المره الثانية تكمل الساعة الثانية يعني مو لازم دفعه وحده .
وبخصوص شرايح الجوال فيه شركات تدفع لهم رسوم شهرية تقريبا اربعين دولار ويعطونك دقائق مجانية ممكن مية دقيقة او حولها يوميا اذا خلصتها يبدا الحساب عليك ولك من الساعه سبع مساء لسبع صباح مكالمات مجانية يعني باختصار لاتشيل هم الاتصالات ابد .
وتحياتي لك

السلام عليكم

من وين قدمتوا على الفيزا؟؟؟؟؟؟

وان شاء الله تجيكم التأشيرات وتدعولي

اخ سعد انا قدمتها من نفس المكتب اهو الي قدمها لي وانا اعرف انها تقدم عن طريق ارامكس يقولون اذا كنت انت الرياض اهم في مخرج 5 واتمنى انك تجيب لهم اوراق القبول من المعهد مع التمنيات للجميع بالتوفيق وان شاء الله يقبلون التاشيره

مرحبااااااا

ا(مير بكلمتي .......) ربي يوفقك ممكن اعرف اسم المكتب ورايك فيه اذا كان بالرياض ومشكووووووووور ياغالي

والله يابو خالد فيه مكتب ممتاز صراحة في شارع الثلاثين في الرياض اسمه #### واستفسر منه واساله وبيساعدك اذا تبي تسجل في معهد وسكن أو تبي الفيزا فقط وقوله أنا من طرف عمر وماعليك .... ولاتجبر نفسك على شي اذا ماعجبك شوف غيره والله يوفق الجميع .
** الرجاء يمنع ذكر ونشر اسماء المكاتب السياحية **
الإدارة

انا خلاص قدمت من ارامكس السبت الماضي

والله يسهل وتجي

وجبت قبول معهد ودفعت الرسوم ورسوم المعهد

وان شاء الله خير