الموضوع: استفسار للخبراء

1 كم المبلغ المفروض صرفه قبل السفر ريالات ودولارات وكذلك روبيات والافضل منها
حاول تصرف الف ريال
ولو تاخذ معك دولارت وريالات يكون احسن وانتبه من سفط الدولار او عفطه ترى بيقل سعر صرفه
بعكس الريال لو كان معفوط عادي

2 كم سعر التكسي البلوبيرد او غيره من المطار الى استون مارينا
من 100 الف إلى 150 الف روبية ان ضربته الحمى

3 كم سعر التكاسي من استون مارينا الى وسط جاكرتا ( الاتريوم _ سارينا _ تمان انجريك بلازا اندونيسيا الخ من الاسواق
التاكسي داخل جاكرتا بالعداد وانا اخوك او حسب اتفاقك انت وياه

4 من استون مارينا الى تمان ميني وكذلك سعر تذكرة الدخول
بما انك رايح لحالك ما انصحك تزورها بس مشوار على غير سنع غير الحر اللي بتواجه وانصحك اختيار بديل

5 هل تنصحون اشتري شريحة سمباتي من المطار وهل ايضا تستخدم للبلاك بيري وكم سعرها
انصحك تاخذها من سوق الاتريوم وقسم الاتصالات في الدور السفلي واطلب منهم تفعيل خدمة البلاك وهم يزينون لك كل شئ وسعر الاسبوعين ان ماخاب ظني 70 الف روبية

6 هل بالامكان الان استخراج فيزة من جدة من القنصلية او من المطار هناك
يمكن استخراجها من جدة بعد اكمال شروط القنصلية والافضل تسويها اذا وصلت مطار جاكرتا وقيمة الفيزا 25$

7 هل هناك سوبرماركت قريب من استون مارينا يقدر الواحد ياخذ احتياجاته البسيطة منه
نعم

8 انشول يحتاج الواحد ياخذ لها تاكسي او الفندق فيه مواصلات لها او مشي اتمنى التوضيح
اتوقع شقق استون عندها هالخدمة باص يمر وينقل النزلاء الى دنيا فنتاسي

9 النت في الاستون هل فيه وايرلس في الشقق او اللوبي
فيه انترنت وخدمة الوايرلس لكن الخدمة لك عليها مرة تحسها زينة ومرة تكرهك عمرك


10 برج موناس متى تنصحون بالذهاب اليه الايام وايضا الوقت قصدي متى يكون من كم الى كم
بخصوص برج موناس افضل وقت للذهاب اليه الساعة الحادية عشر لان البرج يقفل الساعة 3 فلازم تروح بدري علشان تغتنم فرصة الصعود للاعلى ومشاهدة جاكرتا من اعلى البرج

مودتي

يعطيك العافيه ابو راكان ..
اجابات وافيه ..

جعلها الله في ميزان حسناتك ..

.

.

.

الفيزا تستخرجها من مطار جاكرتا اريح لك

ابوراكان الله يعطيك العافية على ردودك اخي الكريم

ام عزيز شكرا لتواجدك

جاكرتاوي شكرا لك

استفسار اخر يااخوان جواز السفر عندي يتبقى من تاريخ العودة بعد السفر 7 اشهر وعشرون يوم نصيحتكم نجدد او مافيه اي مشاكل

تمان ميني الاخ ابوراكان ماينصح فيها فيه اماكن اخرى غير انشول ويمكن زيارتها

تحيتي للجميع

دام باقي لك 7 اشهر تقدر تسافر وماعندك اي مشكلة

واذا عندك قسايم وخايف تجدد لا تجدد واذا امورك تمام جدد جوازك كلها 4 ساعات ويكون معك

بخصوص الخيارات تقدر تروح للجزر القريبة من جاكرتا وفيه مكاتب سياحية في الانشول تنظم رحلات يومية

مودتي

جزاك الله كل خير يا ابوراكان