الموضوع: تخطيط الرحلة من دراسة سياحة

السلام عليكم ورحمة الله وبركاته

انا اخطط لرحلة لمدة شهر و نصف لكندا منها دراسة ومنها سياحة ,
حابه ازور فانكوفر وهي اللي بتكون الدراسة فيها ولمدة شهر وحابه برضو ازور نيقارا فولز ولا ادري كيف ارتب الرحلة لبعد المسافات بينهم

اول مرحلة :

البحث عن معهد للحين ما استقريت على معهد معين بس اكثر شي ارشحه PLI Vancouver

ما ادري كيف مواعيد الدورات عندهم , على اساسه بيتحدد وقت السفره وانا محدودة بشهرين جولاي و اوقست فقط


ثاني مرحلة :

السكن حاليا ادور على سكن في فانكوفر قريب للمعهد شقه لـ 7 أشخاص .. ممكن ترشيحاتكم ؟

هذا عنوان المعهد

Suite 300, 755 Burrard St.
Vancouver, British Columbia
Canada V6Z 1X6

ثالث مرحلة :

الطيران .. اكثر شي احسه مناسب الخطوط البريطانية
اقتراحاتكم لخطة طيران وخطوط مناسبة لعائلة ماتكون متعبة خصوصا معنا صغار


رابع مرحلة :

الفيزا , هل ممكن يتكفل فيها احد مكاتب السياحة ويسويها لنا ويعبي الفورمز ولا لازم احنا ؟
السفاره تعطي الفيزا السياحية لمدة كم ؟ يعني متى الوقت المناسب اني اقدم عليها ؟

انا راسلتهم لاني سمعت ان الفيزا السياحية 3 شهور لو بقدم اللحين بتخلص قبل موعد السفر ! فقالوا قدمي اي وقت ولا عطوني خبر هل هي 3 شهور ولا لا ؟


خامس مرحلة :

بالنسبة للتنقلات داخل المدينة او خارجها , ماراح يكون معنا سيارة ولا نقدر ماعندنا احد يسوق
فكيف التنقلات بوسائل النقل هل هي سهله وآمنه ؟ هي فيه توصيات للحصول على تذاكر للعائلة بسعر مناسب مثل بطاقات الشهر لجميع وسائل المواصلات وكذا ؟
اسعار التاكسي كيف؟

نصائحكم لهالنقطة ؟


سادس مرحلة :

يمكن بدري عليها اللحين بس حابه اعرف لو بنجلس شهر بفانكوفر وش الاماكن اللي نقدر نروح لها حدائق اماكن مراكز وغيره ؟ كيف اروح لنياقرا ؟


اية اضافات , نصائح , اقتراحات . .. :114:

وشكرا

مواضيع عشوائيه ممكن تكون تعجبك اخترناها لك:

• سؤال بخصوص المطاارات ؟؟؟
• افضل المدن للدراسه في كندا
• اللي بيروحون تورونتو هالصيف يدخلوا
• من كندا الى امريكا
• هل يمكن العمل و الدراسة في كندا
• الدخول للبلد بـقبول معهد اشهر بفيزا طالب ودراسه الجامعه بعد سنه استفسار
• فانكوفر واشنطن نيويورك جده ؟ ارجو المعونه
• قيد الانشاء من فانكوفر
• لكل المسافرين الى كندا
• فيزا كندا وفرحة ماتمت
• اماكن السياحه في مدينة
• نصائحي وانا من تورونتو
• صور لكرت دخول مطارات كندا
• اسئلة عن كندا
• تحويل من استراليا الى كندا
• تقريري عن فانكوفر فارس
• ياليت إلي عنده خبره بدراسة اللغه يدخل واكون له من الشاكين
• طريقة دفع الرسوم الكنديه والتقديم على السفارة
• ممكن حد يسالي عن ساعة رولكس في كندا
• ساعدوني و ادعو لكم في صلاتي

اختي
انا بجاوبك على اللي اعرفه
الفيزا مادري يمكن فيه مكاتب تسويها لكن تعبئة الفورم لازم انتم تعبونه
قدمي على الفيزا من الان ( اصلا هم بيحطون لك تاريخ دخول كندا ويكون بين الفترة اللي تبدا دراستك
انا كانوا حاطين لي دخول كندا قبل بداية دراستي ب 4 ايام
وغير كذا عشان تلحقون تقلون حجز على شركات الطيران
اما الطيران الى لندن باي خطوط ومن لندن الى فامكوفر ب البريطانية
اما التنقلات بالباص او السب واي
وكلها امنة وسهلة
اما التكاسي غالييييييييييييييييييييييييييييية
وفيه تذكرة بالشهر مفتوحة وفيه تذاكر مجموعة اظن 30 تذكرة مع بعض وتكون رخيصة
الله يوفقك

السلام عليكم

بالنسبة للفيزا انا سال اليوم وقالوا لي مافي قدامك الا ارامكس

وللتاكيد بروح السبت اتاكد منهم واعرف ايش يبون واعطيك خبر

الله يوفقك وادعولي

المشاركة الأصلية كتبت بواسطة wooden
http://www.arabtravelersforum.com/tr...7/#post1883467

اختي
انا بجاوبك على اللي اعرفه
الفيزا مادري يمكن فيه مكاتب تسويها لكن تعبئة الفورم لازم انتم تعبونه
قدمي على الفيزا من الان ( اصلا هم بيحطون لك تاريخ دخول كندا ويكون بين الفترة اللي تبدا دراستك
انا كانوا حاطين لي دخول كندا قبل بداية دراستي ب 4 ايام
وغير كذا عشان تلحقون تقلون حجز على شركات الطيران
اما الطيران الى لندن باي خطوط ومن لندن الى فامكوفر ب البريطانية
اما التنقلات بالباص او السب واي
وكلها امنة وسهلة
اما التكاسي غالييييييييييييييييييييييييييييية
وفيه تذكرة بالشهر مفتوحة وفيه تذاكر مجموعة اظن 30 تذكرة مع بعض وتكون رخيصة
الله يوفقك




مشكور اخوي الله يعطيك العافية
بالنسبة للفيزا ان شاءالله بنبدا فيها بس مدري كيف يعرفون تاريخ دخولي انا احدد لهم اني رايحة من هالتاريخ لهالتاريخ ولا كيف ؟

والطيران ان شاءالله نحصل حجوزات زي مانبي

بالنسبة للتنقلات انا سمعت ان فيه تذكرة تاخذها مدة شهر مثلا وتستخدم فيها جميع الوسائل باص وصب وي وقطارات وغيره فاذا عندك اسم الشركة ممكن تعطينيي اياه اشوف موقعهم واخذ عنها فكرة وكيفية استخدامها ..




saad@






السلام عليكم

بالنسبة للفيزا انا سال اليوم وقالوا لي مافي قدامك الا ارامكس

وللتاكيد بروح السبت اتاكد منهم واعرف ايش يبون واعطيك خبر

الله يوفقك وادعولي



وعليكم السلام .. اذا رحت ياليت تعطينا التفاصيل و ان شاءالله تتيسر سفرتك , الف شكر

بالنسبه للتنقلات ياأختي في 3 انواع من البطاقات 1زوون و2 زوون و3 زوون هذي كلها بطاقات للمواصلات في فانكوفر
وانا انصحك ب 2 زوون ((الباصات في جميع انحاء فانكوفر وضواحيها و السي باص والسكاي ترين و غيره))

وذا تبي اي خدمه في فانكوفر....................

Ro0nY

سوووري واذا على المعهد هذا المعهد الي على شاارع بوورررد احسن شارع على حد علمي في فانكوووفر ولا تغيرييه
وذا على السكن في جرااانفل استيريت شقق بالاجار الشهري ممتازه بس اسعارها شوي غاليه
تحياتي

تاريخ دخولك بناء على بداية موعد الدراسة او موعد الحجز في الفندق
لانه اذا رايحة سياحة لازم ترسلون اوراق حجز الفندق

Ro0nY

مشكور اخوي ... ممكن موقع لشركة المواصلات عندهم اشوف اسعار التذاكر ومعلومات عنها ؟
واسم الشقق بالانجلش اذا ممكن عشان ابحث عنها


wooden

مشكور اخوي .. على كذا لازم نحجز سكن قبل نقدم على الفيزا ؟

السلام عليكم

الفيزا عن طريق ارامكس فقط

تأخذ الابليكيشن وتعبيه والشخص ب285

وكل اللي يطلبونه موجود في الاوارق

الله يوفقكم جميعا

الفيزا , هل ممكن يتكفل فيها احد مكاتب السياحة ويسويها لنا ويعبي الفورمز ولا لازم احنا ؟



فيه مكاتب سياحه كثيره تسويها لك







حابه ازور فانكوفر وهي اللي بتكون الدراسة فيها ولمدة شهر وحابه برضو ازور نيقارا فولز ولا ادري كيف ارتب الرحلة لبعد المسافات بينهم



كيوبك مونتريال اوتاوا نياجرا فولز كلها مدن قريبه من تورنتو وحلوه وتستاهل الزياره ... روحي لها افضل لك :d

saad@

مشكور , يعني نروح لمكتب ارامكس ونقولهم نبي اوراق الفيزا الكندية وهم يعرفون ؟


مجرم سفر

انا ودي بفانكوفر مره , على الكلام اللي اسمعه عنها ..
وبرضو ما احس اني بوصل كندا ولا اشوف نياقرا فولز

يعني فانكوفر + نياقرا لازم اشوفهم ان شاءالله وش الحل ؟

انا ودي بفانكوفر مره , على الكلام اللي اسمعه عنها ..
وبرضو ما احس اني بوصل كندا ولا اشوف نياقرا فولز



طيب خلاص بنوديك لفانكوفر

اي هم عارفين

والله يعينك على طلباتهم

استفسري من ارامكس عن اي شي في بالك

بالتوفيق

مجرم سفر

ألف شكر ماتقصر والله , يعطيك العافية

وشكلنا ماراح نروح نياقرا , لكن يسهل الله ..
بأجل الموضوع شوي لين نخلص من الحجوزات والفيزا وتتيسر السفره ان شاءالله و نشوف كيف نرتب الخطة بعدهم

saad@

مشكور اخوي , بمر ارامكس واشوف

يعطيك العافية

الله يعافيك

واننتظر الاخبارة الحلووووووة

اللحين احترنا بموضوع ثاني ..

تورنتو ولا فانكوفر ؟

ابي تعددون لي مزايا فانكوفر ومزايا تورنتو كسياحية ودراسة ..

اللي راحوا كنداا ولا يعرفون احد راح لها ياليت يشاركونا

BeeBoo

الله يعطيك العافية اخوي ماتقصر والله

شاكره لك جدا ..

اللحين احترنا بموضوع ثاني ..

تورنتو ولا فانكوفر ؟

ابي تعددون لي مزايا فانكوفر ومزايا تورنتو كسياحية ودراسة ..

اللي راحوا كنداا ولا يعرفون احد راح لها ياليت يشاركونا



قايل لك تورنتو من زمان :109:

فانكوفر مادري عنها ولكن بعدد لك بعض من مييزات تورنتو

اول ميزه واهم ميزه انها قريبه من مدن كثيره مثل مونتريال وكيوبك :36_3_3: قلووووب من هنا للكندا
وبرضو اوتاوا العاصمة بالاضافة لنياجرا فولز
كل وحده من هالمدن حرام تروحين كندا ولا تمرينها خاصه كيوبك ونياجرا فولز
نجي للميزه الثانيه الي هي الاماكن السياحه هناك كثيره وبإمكانك تدخلين على التقارير المصوره وراح تحصلين كل شئ موثق بالصور ..
نجي للي بعده الي هو المواصلات
المواصلات فيها مرررره سهله ومره واضحه ومني كلها يومين 3 ايام وتقولين ابي اشتغل بالصب وي :101: يعني مايبي لها شئ ولا راح تضيعين فيها ابد ... والكرت حق الصب وي شامل الباصات معاه وبرضو الـ street car
وقيمتها بالشهر 100 دولار ..
الميزة الرابعه

هههههههههههههههههههههههههههههههههههه

رجعنا لمشكلة السنه الماضيه ( فااانكوفر ولا توورنتو)
ونجد الي رااح فانكوفر ومااراح تورنتو حيقوول على طول فانكوفر احلى وتورنتوو وعععععععع والعكس صحيح مع اني زرت الاثنين حأنصحك بالتالي :

فاانكوفر ثم فانكوفر ثم فانكوفر ثم فانكوفر لعدة اسباب :
1. فانكوفر تقع في منطقة بريتش كولوبيا الراااااااااائعه
2.فانكوفر تحتوي على نظام مواصلات من الافضل في العالم مالم يكن الافضل(الاسكاي ترين الرائع .. الباصات في كل المدينه وعلى 24 ساعه)
3. في شهر جون و جولاي الاجواء في فانكوفر احلى من تورنتو تورنتو الجو مائل للحراره ومشمس وفانكوفر لا يتعدى ال20 في اقصى الايام
4. وجود الرحلات لما حول فانكوفر من مدن رائعه( ويسلر

1 : 1

للحين تعادل :d

طيب اللي راحوا فانكوفر ومدحوها هل رحتوا تورنتو ؟
واللي راحوا تورنتو ومدحوها هل رحتوا فانكوفر ؟

الاخت عضوة العرب المسافرون المميزة
انا رحت لهم جميعا وكلهم حلوات لكن اليك تقريري البعيد عن التعصب يا اختي وانت اختاري بعيد عن التحيز
نياقرا فولس قريبه من تورنتو واكثر الفعاليات في الصيف في تورنتو وبالنسبة لتورنتو المنطقه كلها سياحه وفعاليات في الصيف لا تقارن في اي مكان في العالم فرنش كندا (مونتريال و كيبك) 5 الى 7 ساعات واتاور على الطريق بعد 4 ساعات وكذلك منطقة الالف جزيره غير كذا المواصلات فيها افضل من فانكوفر لان فانكوفر لا يوجد فيها (صب واي) وتورنتو اكبر بكثير من فانكوفر وبعدين فانكوفر في الصيف المطر يزعجهم لكن في تورنتو الوضع مختلف تماماً امطار وغيوم وشمس يحبها قلبك وفعاليات وحركه دائمه وبعدين كرت واحد ب 109 دولار تركبين فيها في الصب واي والباصات والستريت كار) وبعدين بعدين بي ال اي له فرع في قلب الداون تاون في تورنتو ودرست فيه وبصراحه ممتااااااااااااااااااز مره ومديرته اسمها مارقريت ضابطه المعهد ومساعدتها اسمها اجري وممتازين .
فانكوفر مدينه ممتازه لكن مواصلات تورنتو افضل وفعاليات تورنتو في الصيف احلا ومدينه تورنتو اكبر من فانكوفر وتعتبر فانكوفر اصغر من نصف مدينه تورنتو وثالثا ارخص لك في التذاكر وان صممتي تروحين فانكوفر بعطيك خط سير حلو بعد ماتخلصين من تورنتو والدراسه انصحك تروحين طياره لان القطار غالي ويجلس 4 ايام وبعدين خلي فانكوفر تمشية ماهي دراسه والسلام ختام

اهلا حبايبي ، بصراحه انا عضـو جديد واحتجت للمنتدى ^_^
انا بعد ودي اروح شهر في فانكوفر او تورنتو ومتردد ؟
المشكلة ان اخوي roony يقول المواصلات افضل في فانكوفر ..
واخوي ammo يقول المواصلات أفضل في تورنتو ..
هههههههه ماعرفنا ^_^

---

بعيد عن المواصلات ممكن تذكروا لنا محلات سياحة مميزة في فانكوفر وتورنتو ..
ونبغى الأفضل طبعًا يكون السياحة في تورنتو او فانكوفر..
من حيث الدراسة ودي ادرس شهر بس تنصحوني باي معهد ممتاز بكندا ومافيه عرب كثير ..
انا سمعت عن معهد EF ومدري بصراحه ابغى رايكم ؟

ههههههههههههههههه ammo تحياتي لك وتحياتي للأزعاج المطر الرائع المتواجد في فانكوفر الحبيبه ......وبعد
اذا كنا نتكلم على الساب وي وعدم وجوده في فانكوفر لسبب وجود ماهوه افضل منه وهوه الاسكااااااي ترين الرائع الذي يغطي فانكوفر وماحولها .

بين قوسين(( انا رحت فااااااانكوفر و تورنتو ))

تورنتو اجمل في حياة الليل من سهرات (( نايتات و و و ))

السلام عليكم


الشباب ما قصروا في اعطائك المعلومات ..


لكن بالنسبة للمقارنة بين تورنتو و فانكوفر


الفرق شاسع مرة ولا استطيع حصره ... فانكوفر جميلة جداً وميزتها اتك تفري الداون تاون تبعها في ساعة وكل شئ قريب ..

اما الداون تاون تبع تورنتو مو معقوووول ولا يمديك تفريه كله الا يبي لك شهر ههههههه

يعني المسألة تعتمد عليك انتي وعائلتك .. تورنتو يسموها نيويورك كندا من كبرها وصجتها ...

الطقس في تورنتو يعتبر ابرد من فانكوفر وملئ بالثلوج والامطار قليلة ... واما فانكوفر قليل فيها الثلوج ولكن الامطار غزيرة ..


وبالنسبة للأمان .. مافيه شك فانكوفر افضل من تورنتو خصوصاً في اوقات اخر الليل والداون تاون .


انا حالياً في تورنتو لي شهر تقريباً ، مرتاح الحمد لله والمدينة عجبتني .. لكن افتقدت سرعة المواصلات في فانكوفر ..


ايضاً ، اذا انتي من اللي يحبون الطبيعة فلا تبعدي عن فانكوفر ، فيها البحار والجبال وجمال البنيان .. اما تورنتو تفتقد جمال الجبال والارض هنا مسطحة ..



يكثر الحكي والمقارنة بينهم .. لكن في اعتقادي ان الراحة تعتمد على الشخص نفسه ...



لك تحياتي

ammo

مشكور اخوي الله يعطيك العافية .. ممكن خط السير اللي تقول عنه من فانكوفر لتورنتو ؟


القيصر





ايضاً ، اذا انتي من اللي يحبون الطبيعة فلا تبعدي عن فانكوفر ، فيها البحار والجبال وجمال البنيان .. اما تورنتو تفتقد جمال الجبال والارض هنا مسطحة ..



ايه انا من محبين الطبيعة واتوقع من هالسطر فانكوفر انسب لنا

شكرا اخوي الله يعطيك العافية


شكلها فانكوفر خلاص
دعواتكم نحصل سكن مناسب وياليت تساعدونا فيه بعد

المشاركة الأصلية كتبت بواسطة mist
http://www.arabtravelersforum.com/tr...1/#post1896931

ammo

مشكور اخوي الله يعطيك العافية .. ممكن خط السير اللي تقول عنه من فانكوفر لتورنتو ؟


القيصر



ايه انا من محبين الطبيعة واتوقع من هالسطر فانكوفر انسب لنا

شكرا اخوي الله يعطيك العافية


شكلها فانكوفر خلاص
دعواتكم نحصل سكن مناسب وياليت تساعدونا فيه بعد





موفقه ان شاء الله وتاصلوا بالسلامة ..


كم غرفة محتاجين .؟ واي منطقة ترغبوا .. وكم الميزانية المرصودة للسكن ؟


انصحك انكم تأخذوا فيلا في بيرنبي ... ويكون التنقل عبر الباصات او الاسكاي ترين وذلك عن طريق شراء بطاقة شهرية شاملة للباصات والاسكاي ترين .

نبي 3 غرف احنا عددنا 7
وافضلها بالداون تاون .. اقرب للمعهد لان صعبه اتنقل لحالي مسافه بعيده

اولا انا اشكر الاخ روني وكذلك القيصر
وبزيدكم من الشعر بيت السكن بفانكوفر ارخص من تورنتو لان تورنتو تعتبر عاصمة اقتصادية لكندا وبصراحه انا جيت بفانكوفر وجلست شهرين وبعدين اتجهت لتورنتو وهذا رايي بصراحه
فانكوفر:
كثرة الاسيويين واحيانا تقول انك في الصين مو في كندا
صغر المدينه بالنسبة لتورنتو
بعد المسافة
رخص السكن مقارنة بتورنتو
جمال الطبيعه
المواصلات مقسمه الى 3 زون (خانات) ضعيف في الترجمه
تورنتو
المدينة كبيرة
غلا السكن
كثرة الفعاليات في الصيف
الثلوج والبروده في الشتاء
القرب من المتنزهات والاثار والفعاليات مثل شلالات نياقر فرنش كندا الف جزيرة واشياء كثيره
كثر المولات للتسوق مثل سكوير ون والايتن وغيرها
منطقة الداون تاون لا تقارن باي مدينه اخرى في كندا
المواصلات بكرت واحد فقط
وجود الاسيوين ولكن ليس بنفس الكم الموجود في فانكوفر

بالنسبة لخط السير
الخطوط الكندية من فانكوفر الى تورنتو او العكس
وافضل منه لكن لازم معك احد يسوق
طائرة من تورنتو الى كالجري وتستاجروا سيارة وتتجهون الى منتزه بانف وكذلك منتزه جاسبر وتنزلين على فانكوفر تقريبا المسافة بين كالجري وفانكوفر زي المسافه من الرياض الى جده ولكن تبون تنبسطون بالطبيعه في الصيف
واذا كنتي في فانكفوفر استاجروا سياره من فانكوفر وعلى نفس الطريق على نفس المنتزهين جاسبر وبانف وبعدين كالقري وبعدها طيران الى تورنتو
وشكرا لكم جميعا

ammo

مشكور اخوي على المعلومات ماتقصر والله ..
انا افضل فانكوفر لاني حسيتها اشرح واحس تورنتو زي نيويورك
ومدامكم حكيتو عن الامان ان فانكوفر أأمن من تورنتو والطبيعه فيها احلى فهالشي يكفي اني اختارها



وبالنسبة للرحلة من فانكوفر إلى تورنتو اتمناها والله وودي اشوف نياقرا فولز بس احسها صعبه شوي

الف شكر وماتقصر والله , الله ييسر هالسفره واجي اقولكم رايي عن فانكوفر

كل اللي شاركوا معي مشكورين وماتقصرون .. الله يجزاكم الف خير

انصحك تحجزين طيران وسكن قبل الفيزا انا حطيت صوره من التذاكر وحجز الفنادق مع اوراق الفيزا عن طريق ارامكس وانصحك بالخطوط الالمانيه خدمتها ممتاززززززززه

انا وعائلتي رحنا لتورنتو و فانكوفر وكلهم حلوين لكن فانكوفر احلى واحلى وارتحنا فيها اكثر

ممكن تروحين اماكن سياحيه كثيره وتروحين ويسلر وجزيرة فيكتوريا

اما نياجرا لاتفوتينها حرام توصلين كندا وماتروحين روووووووووووووعه 3 ايام واحسها قليله

خليها في العوده من فانكوفر تروحين تورنتو لو 5 ايام ومن تورنتو بباص او من مطارها شتل يوديك على نياجرا ويرجعك المطار

طبعا لو قدرتي تروحي رحله لروكي ماونتن وبحيرة لويس راح تكون رحله خياليه

وبالتوفيق

بالنسبة للفيزا أنا مجرب مكتب الفيفا على طريق مكة فقابل المستشفى التخصصي بعد العزيزية بندة اللي بشارع التخصصي هو اللي عبى الأبلكيشن ووعدني بعد 15 يوم وصدق معي .

سعر التذكرة 5800 اشتريتها من نفس الخطوط (البحرين -فرانكفورت- مونتريال ) العوده (فانكوفر-فرانكفورت-البحرين)

سكنت في Metropolitan Hotel Vancouver

مشكور اخوي ,, والله سعرها جدا حلو

انا جربت احجز من الموقع : الرياض - فرانكفورت - فانكوفر و العوده نفس الشي طلعت لي للشخص سياحية بـ 19 الف :|


Riyadh (RUH) to Vancouver (YVR): Departing: Tue 1 Jul - Returning: Sun 31 Aug
Date Departure Arrival Flight Duration Cabin
Tue 1 Jul 03:20Riyadh 08:20 Frankfurt LH653 21h00 Economy (Y)
Tue 1 Jul 13:10Frankfurt 14:20 Vancouver LH492 Economy (Y)
Sun 31 Aug 16:00Vancouver 10:50 +1 Frankfurt LH493 18h10 Economy (Y)
Mon 1 Sep 13:45Frankfurt 20:10 Riyadh LH652 Economy (Y)
Total Price
Price
(per person) Taxes, fees and charges
(per person) Passengers

Total

16805.00 + 2290.00 x 1 Adult = SAR 19095.00
Total Price for all passengers = SAR 19095.00

هل الموسم يغير التذكرة لهدرجة ؟ انا جربت احجز من 1 جولاي والعوده 30 اوقست هالشي يفرق بسعر التذكره ولا ماله دخل ؟


لو بروح على فانكوفر واخلي العوده من تورنتو يفرق بسعر التذكره ولا نفسه ؟

ماانصح بحجز التذاكر عن طريق النت لأنها اغلى

السعر المتوسط تقريبا 6000

احجزي التذاكر من نفس مكتب الخطوط او مكاتب السفر

بالنسبه لي حجزت قبل 3 شهور من الرحله

شكرا اخوي يعطيك العافيه



الله ييسر ان شاءالله

المشاركة الأصلية كتبت بواسطة mist
http://www.arabtravelersforum.com/tr...5/#post1916045





/



أحد يعرف منطقة الييل تاون ؟ هل هي آمنه وقريبة لوسط الداون تاون روبسون ستريت والمنطقة اللي حوله ؟

يقال ان السكن في الداون تاون ازعاج , ويفضل السكن في الييل تاون وانها اكثر من جزء فيه منها الامان والحلو وفيه منها عكس هذا ..

مازلت ابحث عن شقه او بيت ب 3 غرف نوم ولا حصلت المناسب

احد عنده خبره يفيدنا ؟
شكرا





بالنسبة للمنطقة هذي تعتبر من ارقى واغلى اماكن فانكوفر واذا حصلتي فيها سكن اخذيه وادعي لي :24:

وبالنسبة للأمان ... صدقيني فانكوفر كلها امان وعشت فيها فترة طويلة والحمد لله ماشفت اي مشكلة ...

وموقع الييل تاون اهو يعتبر من ضمن نطاق الداون تاون ... اتذكر اننا لما نتمشى في الداون تاون وبالتحديد روبسون ... نوصل الييل تاون بدون ما ندري ههههههه

ادخلي ذا الموقع وابحثي عن الشقق وبتلاقي اضافة شقق كل ساعة واغلبها مع الصور ...
http://vancouver.en.craigslist.ca/apa

على سبيل المثال ... بتلاقي موضوع بأسم:
$1550 1 bedroom, den and office - (Downtown)
اللي بين قوسين هذا موقع الشقة ..


موفقه ان شاء الله

القيصر ..

الف شكر اخوي , الله يعطيك العافيه

شكرا للجميع ..

عندي استفسار عن السكن الاغلبيه يكتبون مساحة الشقه وتختلف المساحات فودي اعرف المساحه المناسبه لعائلة 7 اشخاص , 3 غرف نوم يعني ماتكون ضيقه مره .. كم تكون تقريبا عشان انتبه لهالنقطة ؟

برضو بعض الشقق تكون غرفتين + den هل هالشقه تناسب للـ 7 اشخاص لاني اذا كتبت بالبحث 3 غرف يطلع لي اياها من الخيارات ..

مازلت ابحث عن سكن حصلت ريزورت عجبني شكله بس استغرب انهم يقولون ارجعي ارسلي لنا في جون , لأن ماعندنا الحجز المسبق مع ان الحجز عندهم يكون شهرين على الأقل ؟

احد عنده فكره عن هالريزورت وهل تنصحون فيه ؟ وسعره مناسب ولا لا ؟


http://www.mybcrental.com/listings/f...e1077_503.html


احد يعرف عمائر سكنية فيها تأجير شهري لشقق 3 غرف بالييل تاون او وسط الداون تاون .. ابيها شهرين

انا دورت كل الخطوط

ولقبت اقل شي الخطوط السعودية

بالنسبة للالمانية طلعت الشخص6800ريال

والاتحاد5800تقريبا والمبيت يوم في ابوظبي في الذهاب والعودة

والله يوفقكم

saad@

مشكور اخوي ..

الاتحاد على تورنتو ولا ؟

انا للحين ببالي الالمانيه اولا وبعدين اي خطوط على لندن ومنها على فانكوفر

الله ييسر ان شاءالله ..

ماشاء الله

اجل حددتي فانكوفر

يالله بالتوفيق

الاتحاد لتورنتو

وخليك على السعودية افضل وارخص

وعندك الbmiبس غالية واتوقع الاماراتية

وفي موضوع كامل عن التذاكر والطيران لفانكوفر

بالتوفيق

انا برضو بخطط للسفر دراسة و سياحة في نفس الوقت :24:

والصراحه كل اسئلتك نفسها كان بنفسي اسئلها لانها شاملة اي سؤال اي حد يسئلة عن هذا الموضوع:24:

مساء الخير يا جماعة ..

مشكورين على المعلومات القيمة . انا باذن الله رايح على فانكوفر .

mist انا مسجل في نفس المعهد pli دورتي تبدأ 7 جولاي . وحجزت على الالمانية في 5 جولاي . شكلنا بنفس الكلاس :icon_stud. عموما المعهد جيد . والله يختار مافيه الصالح .:24: