[SIZE="4"][COLOR="Blue"]المكان ولايه فلوريدا بالتحديد اكثر اورلاندو سنه 2004 شهر 8 طبعا كل يوم اتريق الصبح واشوف التلفزيون وخصوصا عن نشره الاخبار اللوكال او المحليه واشوف النشرة الجويه متعود اوشفها ليمن العيال وامهم يخلصون من الريوق ويلبسون ونطلع على طول لان اورلاندو غير المدن اللي في العالم كلها تلقا منطقه فيها
عاصفه (طبعا عاصفه مطريه مو مثلنا غبار الله يخلف علينا ) ومنطقه الجو فيها بديع
المهم ذاك اليوم خبصه بالاخبار وبريك نيوز(خبر عاجل) شالسالفه ياولد ولا شافوا ولاده اعصار سبحان الله في كوبا وراح يوصل فلوريدا ويضرب اول شي كلير ووتر في الساحل الغربي للولايه وبعدين يمر في اورلاندو ويروح الى ديتونا بيش ومنها الى نيويورك طبعا هذا قبل اسبوع من مرور الاعصار (شنو متقدمين مو مثل ربعنا يقولون باجر مطر ولا غبار )
المهم سمو الاعصار تشارلي ومن كثر الاعاصير يسمونها الله يستر علينا
انا عاد توني مسوي رحله كاليفورنيا وفيغاس وتوني راد اورلاندو قلت هالمرة بقعد شنو يبي يصير يعني
لان كل سنه يحوشني اعصار وانحاش (حظي وايد حلو ) هين
قلت للمرة في اعصار بس ماني رايح بقاوم قالت على بركه الله وخصوصا ان اورلاندو اخر محطه لنا ومن بعدها نيويورك والكويت قالت يالله بتسوق هني ومنها نروح الكويت (حريم ياحبهم للسوق والموت على الابواب)
سالت المانجر للفندق شنو راح يصير قاللي لاتخاف الفندق قوي ومن الاسمنت المسلح الخوف على البيوت اللي من خشب وخاصه السقف بسرعه يطير ولاتخاف راح نسوي غرفه طواريء ومستعدين لكل شي
انا تطمنت وخصوصا في قروب توة وصل من البرازيل واليابان وترسوا الفندق قلت يا رجال ماكو شي توكل على الله واقعد
الامور عادي والوظع عادي ولا اكو شي
بس يوم قالوا باجر الاعصار راح يمر في منطقتنا الله لا يوريكم
زحمه على محطات البنزين
وزحمه في الوال مارت[COLOR="Blue"]والناس طق عصي على الماي والاكل السريع (الي يسوونه في الميكروويف )
المهم الفندق سووا خطه طوارئ ومنها اذا انقطعت الكهربا عادي في مولد راح يشتغل بعد دقيقه لازم تترس البانيو ماي مو للشرب طبعا بس لزوم الحمام وانتو بكرامه راح يكون في وجبات على مدار الساعه للكبار والصغار وراح يسوون ملتقى وقت الاعصار للناس اللي خايفه وراح يكون في دكتور نفسي للحالات هذي وياكثرهم هناك وعطونا قراش ماي وليت ( لمبه ) فسفوري يشتغل اذا كسرته( شلون ما ادري)
المهم حانت ساعه الصفر والله لايرويكم اول شي مطر من الصبح والاعصار المفروض الساعه 9 بالليل
واشتغل الهوا والريح سريعه جداااااااااا
انا قعدت ويا العيال ودعينا دعاء الريح والمكان اكل دعاء اعرفه دعيته
والتفزيون هذا الجهاز الجميل اللي ينقل كل شي بوقتها يقولنا عن الاعصار ووين قاعد يمشي ليمن وصل منطقتنا وخصوصا انترناشيونال درايف سبحان الله لف لفه بسيطه وراح الداون تاون والله فكنا من شره وهذا بفضل الدعاء الحمدلله على كل حال
مر الاعصار ودمر كل شي وراه وخلف بلاوي الله لايوريكم
بس بصراحه عجبني تلاحم السكان والامداد اللي سووة للبيوت المتضررة وقدروا الاضرار 20 مليار دولار وسواا الاخيام (صاروا بدوا مثلنا ) وفيها الاكل والشراب وخصوصا الثلج اللي تلقاه بكل مكان
طبعا في بعض المولات تدمرت مثل فلوريدا مول
نصيحه اذا سمعتوا في اعصار رجلك ياولد ولا تعاند مثلي
ودمتم سالمين
OLOR]مواضيع عشوائيه ممكن تكون تعجبك اخترناها لك:
- استفسار سريع جدا بليييييز عن شيكاغو
- كشف الحساب والتذكره
- افيدوني بسرعه مابقى على سفرتي شي
- سؤال بعد الرفض
- وش سالفة الاعصار اللي جا بنيويورك ؟؟؟
- استفسار عن الفيزا بدعوة
- نموذج الدخول لأمريكا المقابله الشخصيه
- تكفون ساعدوني تعبت والله تعبت
- سبيكتروم ايرفاين صور
- لاس فيجاس الماضي والحاضر
- شهر العسل بامريكا مساااعدة
- تاخر الجواز ايش الحل ؟؟؟؟؟؟؟؟؟؟؟؟؟
- رأيكم بمخططي لكاليفورنيا
- استفسار عن المقابلة في السفاره الامريكية في الرياض
- الله يجزاكم خير هنا بعض الاسئلة ارجو الاجابة عليها رحم الله والديكم
- خبراء بوسطن تعالو هنا الله يعافيكم
- رحلتي للسعودية عذااااب
- هل زوجتي مقدم الطلب الرئيسي ولا لا
- هل اقدر استغل التور باص واروح قراوند زيرو ومتحف الشمع وتشاينا تاون وبيليف اور نوت
- احتاج خط سير رحلتي لكاليفورنيا بليييييييييييييز
رد مع اقتباس
المفضلات