الموضوع: ماعندنا سفاره كنديه في قطر شسوي بليز مساعده

السلام عليكم ورحمة الله وبركاته

انا معجب بمنتداكم وايد لحد الجنون

الاخوه من السعوديه ودول الخليج

لان ملاحظ هالمنتدى ماشاء الله كلهم من السعوديه :m9:

احب اسالكم احنا في قطر ماعندنا سفاره كنديه وفي كندا كذالك مافي سفاره قطريه :110:

وعلى قرائتي لازم نطلع فيزا
فمادري شنو الاجراءات الي اسويها :101:

مواضيع عشوائيه ممكن تكون تعجبك اخترناها لك:

• صور من فانكوفر كراوس ماونتن
• استفسسسارات
• ياليت إلي عنده خبره بدراسة اللغه يدخل واكون له من الشاكين
• يا خبراء كندا ارجو الرد
• فانكوفر وكندا
• إجراءات استخراج التأشيرة الكندية تستغرق أكثر من شهر
• خاص بالشباب فقط من أهل الخبره في كندا
• بليز المساعده للاخوي
• مطاعم الاكل الحلال في كندا
• اسعار التذاكر إلى فانكوفر
• السياحه بكندا
• بالنسبة لفانكوفر وجمالها الطبيعي ثاني اجمل مدينة باالعالم
• الرجاء المساعده منكم أعزائي
• في احد حصل فيزا كندا من امريكا؟
• استفسار عن الدراسة في فانكوفر
• افضل خطوط جوية إلى كندا
• للدراسة بتورنتو
• افيدوني
• تفضلوا صورة من خطاب طلب تذكرة صدقوني تحتاجونه مره
• أرجو إفادتي عن تسجيل الجواز بالسفارة ؟؟

اخوي من قطر حياك الله في المنتدي

لو تتصل بالسفارة الكندية في دول الخليج

في السعودية او الكويت او الامارات

لان اعرف كندا بس لهم سفارات في هذة الدول الخليجية

وان شاءالله راح اعطيك رقمهم بالكويت تتصل فيهم ويخبرونكم شوف شنو يقوولون


انتظري اخوي

سفارة كندا بالكويت تقدر تتصل فيهم لا تنسى فتح الخط 00965
2563025

يعطيك العافيه اخوي ياولد الكويت الغاليه

المشاركة الأصلية كتبت بواسطة قطري88
http://www.arabtravelersforum.com/tr...3/#post1725723

يعطيك العافيه اخوي ياولد الكويت الغاليه

الشكر موصول للأخ فارس-الكويت

احسن شئ تتصل سفارة كندا بالكويت ماعندهم زحمه
عمري ماشفت كويتي او قطري في كندا وإن شاء الله بتحصل تأشيرة

لا تشيل هم عدم وجود سفارة قطرية في كندا

لان السفارات الخليجية في كندا مثل السعوديه راح تكون تهتم بمواطنين مجلس التعاون وليسى السعوديه فقط وانما جميع السفارات الخليجية تقدم الرعاية لمواطنين مجلس التعاون في حالة عدم وجود سفارة للدولة او في حالة كون سفارة المواطن بعيده وتوجد سفارة لدولة خليجية قريبة والامر لا يحتمل التاخير او التاجيل


بالاخير

هذه اتفاقية بين دول مجلس التعاون في مابينها لرعاية المواطنين


وقد تجد هذا مكتوب في الجواز

تسلمون حبايبي ماقصرتو
اخوي فارس الكويت ربي يطول بعمرك فديتك وماقصرت واتصلت بالسفاره الكنديه بالكويت وقالت لي اتصل بو ظبي كون انها اقرب لكم في قطر

اخوي omarmukhtar
ماقصرت اخوي اما من ناحيه عدم تواجد القطريين في كندا اعتقد ان السبب السفاره الكنديه وعدم تواجدها في الدوحه


اخوي اخلاق عاليه
بالفعل انت اخلاقك عاليه وماقصرت فديتك وان شاء الله يارب ان يتم اعتبار مواطني دول مجلس التعاون مثل المواطن


اتصلت حاليا في سفاره ابو ظبي وحصلتهم مسكرين وان شاء الله بتصلهم باجر

تسلمون فديتكم ولي عوده

يعطيكم العافيه اخواني
خلاص بروح بريطانيا

تسلمون فديتكم

اخوي قطري 88 أنا زرت كندا الصيف الي راح شهر 8 ، وطلعنا الفيزا عن طريق السفارة الكندية بأبوظبي،

والحمد لله الأمور مشت بشكل عادي بس شوي طولت يمكن خذوا منا شهر ونص الشهر لين عطونا الفيز.

بالتوفيق.

تسلمين اختي عضوه وماقصرتي
المشكله شنو قالو لي جماعتي ان انت ماراح ترتاح بكندا خصوصا انك بتروح بشهر يناير يعني درجه الحراره تحت الصفر
وانت تمرض بسرعه وماراح تتحمل هالبروده ومستحيل تتعود عليها بسرعه

قالو لي مالك الا بريطانيا قدم وخلص اوراقك مع اني والله خاطري في كندا صحيح مارحت لها لكن على كلام الدكتور بالجامعه عنها حبيتها وسبحان الله ياني احساس غريب اني برتاح هناك ومتخوف لدرجه قصوى من بريطانيا

وتسلمين اختي

قطري درب السلامة ما تشوف شر