عزيزي .. Mr.Aziz ..

بداية أرحب فيك في موضوعي المتواضع ...

وسأحاول أن أغطي استفسارك بالشكل اللي تحب ...


بالنسبة لبرنامج الإنترنشب .. فهذا برنامج تدريبي تطبيقي .. وأفضل إني اسميه تدريبي على أن أسميه زماله ..

وفكرته إنه في نهاية الدورة تطبق في إحدى الشركات اللي تحب وفي التخصص اللي تحب .. طبعاً في الويب سايت حاطين 500 دولار للتدريب .. لكن لاتشيل هم في الغالب يكون البرنامج مجاني .. خصوصاً إذا كانت مدته ما تتجاوز الشهرين .. وهذا كله تمنح عليه شهادة وريكومنديشن إذا تحب ...

وطبعاً التدريب راح يفيدك كثير خصوصاً إذا تدربت في شركة لها نفس تخصصك ...


وأما بالنسبة لمعهد East Coast School of Languages .. فبرنامجه مشابه لبرنامج BEST .. بس الفارق بينهم إن معهد BEST ما يدرّس غير البزنس .. واللي يميزه عن أغلب المعاهد هناك إنه يلتزم بعدد الطلاب بحيث ما يزيد عن 10 في أي حال .. وفي الغالب يكون 5-7 .. ويتبع نظام الطاولة المستديرة في الكلاس ..

ويتميز معهد East Coast School of Languages بأنه أكبر من BEST لأن فيه البزنس وغير البزنس .. بس مشكلته عدد الطلاب في القاعة يكون أكبر .. ويتميز المعهد اللي عدد طلابه كثير بأنه يتيح لك خيارات أكثر لبناء العلاقات .. بس ياليت إن حبيت تلتحق بالمعهد إنك تتأكد من عدد الطلاب في القاعة ..


وأما بخصوص الوقت .. فالوقت الذهبي لمعظم المدن الكندية هو من آواخر 5 حتى بدايات 9 ... لأن الجو في الوقت هذا يكون روعة ولا أحلى ... والمهرجانات تكون كثييرة خلال المدة هذي ..


لكن إذا ما كان عندك خيارات متاحة بخصوص الوقت فشهر 8 أعتقد إنه أفضل .. وياليت تراجع فتوى الشيخ بن عثيمين - الله يرحمه - بالنسبة للمبتعثين والمسافرين ...


أتمنى إني أفدتك في استفساراتك .. وأنا على أتم استعداد لأي استفسار آخر ..


وتقبل فائق تقديري واحترامي ..

مواضيع عشوائيه ممكن تكون تعجبك اخترناها لك: