الموضوع: للاسف تم رفص طلبي للحصول على الفيزا بقنصلية جدة

السلام عليكم
الحمد لله على كل حال لا اخفي عليكم حزني على عدم قبولي انا والاهل
دخلت القنصلية وسلمت اوراقي وبصمنا
وقال لي الموظف انتظر لحين المقابلة
كان في شخص واحد فقط امريكي
وعلى حظي جاء واحد هندي و اول واحد جاء عنده انا
الامريكي كان سريع في مقابلته مع الناس
الهندي طلب مني كشف الحساب وافاده العمل
وكان عندي ملبغ وقدره 30000 حولته على حسابي
قال من اين لك هذا المبلغ قلت له مبلغ جمعته من راتبي
وقال اين سوف تذهب قلت سياحة والي قريبي وهو عديلي طبعاً
هل سبق وان سافرت امريكا قلت له لا اين سافرت قلت له لبنان كم المده التي سوف تقضيها في امريكا
قلت له من ثلاث اسابيع الي شهر
المهم سأل الامريكي عن موضوع المبلغ اللي في الحساب
وسألني وين بتروح في امريكا قلت له ولاية بنسلفينيا
متى تاريخ زواج ما ادري ايش يبي بالسؤال هذا المهم جاوبته
راح عند الاهل وقال لهم بصمي في بصمه اخرى لونها احمر ولم يسألهم
وعطاني ورقه واشر على سبب عدم اعطائي الفيزا
وكان مكتوب
لم يتبين بأن لديك روابط عائلية
واجتماعية او اقتصادية قوية
خارج الولايات المتحدة الامريكية
قد تشمل هده الروابط الوضع المهني او الوظيفي او التعليمي او الاجتماعي*
لم تثبت بأنه يوجد ما يقتضي عودتك الي وطنك الام او الي المملكة العربية السعودية بعد سفرك الي امريكا


هذه سالفتي

للامانه محطم والاهل ايضاً

الحل برايكم لاني مصر احاول

مواضيع عشوائيه ممكن تكون تعجبك اخترناها لك:

• عااااجل
• خطوط لوفتهانزا وش صاااااير ؟؟
• تأشيرتي الأمريكية تأخرت ما الحل ؟
• كلمة حق عن السفارة الأمريكية بالرياض
• مساعده سواح كويتي
• سكن في شيكاغو لأهل الخبره
• اخوي امباكت ياليت تفيدني لو سمحت
• واشنطن صور
• للمساعده يا النشاما
• استفسار
• وردة الكويت تبي فزعتكم
• ما رأيكم في ولاية هارتفورد في ولاية كونيتيكت ضروري إذا سمحتم
• جوازي معلق بين الفيديكس والسفارة الامريكية
• نصائح إلى أبناء الوطن الغالي في الخارج
• ارجو الاجابة
• احتفال العيد في امريكا
• الله يستركم الفزعه في حاجتكم
• اشلون اكنسل التذاكر أو أغير المواعيد
• استفسارالى مشرف الولايات المتحدة الامريكية
• استفسار عن الاجراءات الاداريه فى السفاره الامريكيه

ويوم سألته وضح مافهمت منه زين
بس كأنه يقول ماعندك قدره مادية او عشان الفلوس
الله لايبارك فيه


ابيكم تنوروني على الحلول

واو والله شي غريب .. يعني يحسبون انك ما تبي ترجع .. خليهم يضف وجيهم .. ورحو لبنان احسلك .

وقال اين سوف تذهب قلت سياحة والي قريبي وهو عديلي طبعاً




أتوقع أي واحد يقول بزور قريبي على طول يرفضونه
يحسبون انك بتهاجر عنده وبيأمن لك شغل هناك و و
بس غريبة ماسألوا اهلك ولاسؤال !
وبالعادة كشف الحساب يطلبوه للتاكد أن لك راتب شهري ينزل من وظيفتك
بدليل انهم يقرأون على السريع كل الصفحات مو فقط الصفحة الأولى
نصيحتي لك قدم مره ثانية ولاتيأس أو تحبط
ترى كل الفيزا تعتمد على مزاجية الموظف او المقابل اذا كان وضعك سليم
ولاتقول لهم انك تعرف احد هناك احسن لك
انت جاي سياحة وبس
وبالتوفيق لك يارب

عليكم السلام

اخوي برمجي شوفـ زي ماقال الاخ وسيم الشغله تعتمد على مزاج الموظف

عشان كذه انت بعد مده قدم من الرياض او الظهران ولو سألوك قلهم ماعندي احد هناك وبس

وحاول تخلي العمليات على حسبك كثيرة يعني لا تخليه على حاله بالمبلغ الي انت حاطيه فيه حاول تسحب وتودع يعني

تخلي حسابك متحرك اتمنى انك تكون فهمت قصدي

وان شاء الله يقبلوها

طيب اقدر اروح السفارة بالرياض
واحجر على اقرب موعد
ولا يبان عندهم انه تم رفضنا افيدوني!
الله لايوفق ذا الهندي قاعد يقرا اوراقي بتمعن ويبي يطلع لي اي حاجه
من شفته ما ارتحت له
لدرجه اني طلعت من المكتب ووصلت لمكتب الامن الخارجي وانا مصدوم وناسي الجوازات عنده
ولا نبهني واتصلوا على مكتب الامن وقالوا لي انتظر حتى جاء مسؤال الامن وعطاني الجوازات
مصدوم جداً يا اخوان حتى النوم ما جاني

اخوي احمد كشف حسابي متحرك
وينزل عليه الراتب الغريب وعلى حسب كلام الكثير كشف الحساب نادراً مايطلبوه الاغلب يطلبون تعريف الراتب مع الافاده لكن هذا حظي

عموماً اعمل نموذج جديد واحط المده 10 ايام ومالي اقرباء واقدم بالرياض ولا الظهران
كذا يا اخوي احمد مضبوط لانه خوفي يبان عندهم انه تم رفضي وليش تقدم مره اخرى

وعليكم السلام ورحمة لله وبركاته

بالنسبة للتقديم الآن غير مناسب ( حسب كلام Impact والاخوان )، الأفضل الانتظار 3 شهور ، أما بالنسبة للتقديم في الرياض فلا أنصح شخصيا بذلك لأنني سبق وأن قدمت بالظهران ورفضت وذهبت بعد شهر ونص للرياض فقالبلني القنصل وقال رفضت في الظهران فلابد أن ترجع إلى الظهران ولا أدري إن كان هذا نظامهم أم من عنده ، وصدقني راح تعيدها ثانية وتقبل إن شاء الله .

ان شاء الله يااخوي تتوفق امورك وامور اهلك ويكتب لكم ربي الذهاب الى امريكا

اخواني هل هناك فتره معينه للتقديم مره اخري
لاني ارغب بالسفر في نصف شهر 4 او 5

امااا لوكان لابد من الانتظار 3 شهور كثيرة جداً

افيدونا يا اصحاب الخبره

الاخ برمجي ما تدري يمكن خيره لك سبحان الله

انا قبل سنتين كانت ناوي اسافر بالعائله لاورلاندو في الصيف تصدق اعطوني موعد مقابله بعد 4 شهور يعني بعد ما ينتهي الصيف المهم غيرت الوجهه على طول على استراليا مدينه جولد كوست والحمد لله انبسطنا فيها آخر انبساط لوجود مدن ملاهي والعاب وعالم البحار واماكن تمشيه كثيره

السنه هذي قررنا نعيد الكره ونسافر اورلاندو وزي ما نت شايف اقرب موعد اخذته في قنصلية جده يوم 27 مارس والله يستر بس حتى لو رفض طلبي ماعندي مشكله برضه خيره لي من الله

تحياتي

روح لأستراليا القولد كوست وخلي امريكا لسفره أخرى

عادة من يرفض الفيزا هم الأجانب وانت حظك سيء طحت باجنبي مو امريكي
عالعموم قدم بالرياض وانت اخطأت خطئين بالمقابلة
1- حسابك لم يكن كافي
2- لاتجيب لهم طاري انك تعرف احد بامريكا
وبالتوفيق لك

والله يا اخوي عاشق صادق
بس انا مخطط وكل شي جاهز
ويجي الهندي هذا يخرب كل شي لاحول ولا قوه الا بالله

للامانة ابي احاول بالرياض وبأسرع وقت اقدر لانه احس الهندي ظلمني يارجل حتى اهلي ما سألهم

عاشق هو سألني من وين لك هذا المبلغ
وقلت له مجمعه للسفر وكان يقول ليش بتجلس شهر
قلت له ممكن اقل من شهر

طيب احط مبلغ 50 الف في الحساب
واحط المده اني بحلس اسبوعين اشرايك

^^^

حاول انك تختار في النوذج ولاية رخيصة زي فلوريدا ولا تجيب سيرة انك تعرف واحد في امريكا

معاك انا يا احمد سؤالي المهم
يسمح الوضع اروح الرياض بعد رفضي في جدة
في وقت قصير ولا لابد فتره مع العلم اني مستعجل و كم المبلغ المناسب اللي احطه في الحساب
واذا ما جات الرياض خلاص اشيل فكره امريكا

ايه الامور طيبة ان شاء الله
50 الف اسبوعين تكفي
وقلهم بروح فلوريدا
وعلى فكرة كم فرد انتم ؟

^^^

الوضع يسمح انك تروح بكره الرياض وتسوي مقابله بس انت انتظر شوية و روح الرياض وسوي المقابله

شوف الفيزا مو من شروطها يكون فيه مبلغ معين انا اتذكر كان في حساب الوالد 20 الف ريال وقبلوها

اهم شي المبلغ يكفي للرحله !!

وانت قلت حطيت 30 الف اذا انت تشوف انها تكفي خليها زي ما هي او زيد عادي !!

وان شاء الله يقبلوك

المشاركة الأصلية كتبت بواسطة عاشق اللوفثانزا
http://www.arabtravelersforum.com/tr...0/#post4941430

ايه الامور طيبة ان شاء الله
50 الف اسبوعين تكفي
وقلهم بروح فلوريدا
وعلى فكرة كم فرد انتم ؟



انا وزوجتي فقط
لاهنت اذا عندك عنوان لفنادق فلوريدا عطني
عشان اسجلها بالابلكيشن الجديد

المشاركة الأصلية كتبت بواسطة ahmad059
http://www.arabtravelersforum.com/tr...2/#post4941432

^^^

الوضع يسمح انك تروح بكره الرياض وتسوي مقابله بس انت انتظر شوية و روح الرياض وسوي المقابله

شوف الفيزا مو من شروطها يكون فيه مبلغ معين انا اتذكر كان في حساب الوالد 20 الف ريال وقبلوها

اهم شي المبلغ يكفي للرحله !!

وانت قلت حطيت 30 الف اذا انت تشوف انها تكفي خليها زي ما هي او زيد عادي !!

وان شاء الله يقبلوك



الله يسمع منك يا احمد
انا باخذ موعد من بكره وخليه بعد اسبوعين اذا كان فيه امكانيه

اعتقد ان الموضوع له علاقه
اولا بأنك قلت لك قريب
ثانيا
ان المبلغ تم تحويله الى الحساب مباشره اي لم يكن مجمع في الحساب من الراتب
ثالثا والله اعلم
ان الولايه ليست من الولايات السياحيه
رابعا انك طحت في الهندي وهو معروف بكثرة الرفض


انا كان لي مقابله في جده يوم الثلاثاء الي فات
وجيت عند الخواجه في المقابله
كان اسألته فين رايح قلت ميامي واورلاندو ولوس انجلس
طبعا فين درست فين سافرت ومين رايح معاك ومين راح يدفع التكاليف
علما اني ما قدمت كشف حساب فقط تعريف من العمل
قال لي فيزتك مقبوله واعطاني الوقه الصفراء

الله يستر انا موعدي بعد بكرة السبت والله ييسر الامور
بس حكاية اني اقول اني مااعرف احد هناك انا عبيت الابليكيشن وكتبت فيه اني اعرف احد هناك وهو اخو زوجتي يدرس هناك وحطيت عنوانه في كانساس فهل لو سالني اقول لا مااعرف احد ؟؟ وفي الابليكيشن عكس ذلك ؟؟
والله مدري وش اقلهم ؟؟ وان شاء مانجي عند الهندي والخيرة في مااختاره الله

المشاركة الأصلية كتبت بواسطة ابو نواف القرشي
http://www.arabtravelersforum.com/tr...0/#post4942700

اعتقد ان الموضوع له علاقه
اولا بأنك قلت لك قريب
ثانيا
ان المبلغ تم تحويله الى الحساب مباشره اي لم يكن مجمع في الحساب من الراتب
ثالثا والله اعلم
ان الولايه ليست من الولايات السياحيه
رابعا انك طحت في الهندي وهو معروف بكثرة الرفض


انا كان لي مقابله في جده يوم الثلاثاء الي فات
وجيت عند الخواجه في المقابله
كان اسألته فين رايح قلت ميامي واورلاندو ولوس انجلس
طبعا فين درست فين سافرت ومين رايح معاك ومين راح يدفع التكاليف
علما اني ما قدمت كشف حساب فقط تعريف من العمل
قال لي فيزتك مقبوله واعطاني الوقه الصفراء



كلامك واقعي 100٪
وهذا اللي استنتجته انا
الحين هل هناك إشكالية لو اودعت مبلغ كبير في الحساب وليس مجمع من حساب الراتب
طيب اقول له قرض اقترضته من البنك وراح احط مبلغ 50 الف ريال
يا اخي هم ايش يبون بالضبط
راتبي 5800 موظف حكومي
اوراقي سليمه
الله لايبارك في هذا الهندي اللي سبب لي ازمه نفسية
يارجل اول واحد جاء عنده انا وكان توه صاحي من النوم وقافله اخلاقه الله يقفل عليه دروبه

يا رجل الامريكي قاعد يقابل الناس بأبتسامه وسريع
عائلة كاملة مكونه من 6 اشخاص جلس معهم اقل من 5 دقايق

عموماً انا رايح الرياض واذا لي نصيب اخذته
عموماً

المشاركة الأصلية كتبت بواسطة albader
http://www.arabtravelersforum.com/tr...6/#post4943786

الله يستر انا موعدي بعد بكرة السبت والله ييسر الامور
بس حكاية اني اقول اني مااعرف احد هناك انا عبيت الابليكيشن وكتبت فيه اني اعرف احد هناك وهو اخو زوجتي يدرس هناك وحطيت عنوانه في كانساس فهل لو سالني اقول لا مااعرف احد ؟؟ وفي الابليكيشن عكس ذلك ؟؟
والله مدري وش اقلهم ؟؟ وان شاء مانجي عند الهندي والخيرة في مااختاره الله



قول الحقيقة عشان انت خلاص كتبتها في الابليكيشن

لعلها خيرة لك أخوي

لكن أختلف مع الأخوان الي قالو قول ما تعرف أحد

هذا بيضرك في المقابلة .. لأن المقابلة الماضية تم إدخال إجاباتك في نظامهم
لأنة ممكن يسألك إذا تعرف أحد وتقول لا مثل ماقالولك بعض الأخوان
و لحظتها بيقولك إنك ذكرت في مقابلتك السابقة عديلك .. إلخ الكلام الي قلتة
وهنا راح تتسجل ضدك في النظام حقهم .. ويظهر في الرياض و جدة والظهران

إنت قدم مرة ثانية بس الأهم يكون فية أكثر من ثلاث شهور على الأقل بين المقابلتين
لو أنت مصمم على الموعد الثاني يكون في الرياض .. لازم يكون عندك سبب مقنع
في حال سألك ليش قدمت في الرياض إذا كان عنوان سكنك في جدة و إن مقابلتك السابقة في جدة الي تم
رفض طلبك فيها

في مثل هذي الحالة ممكن تقول إنك حاولت تعمل موعد في جدة و إتضح لك إن الوقت الي فية إمكانية للموعد
يصادف وجودك في الرياض بحجة إنك منتدب للرياض من قبل جهة عملك في نفس الفترة وعشان كذا حددت
موعدك في الرياض أو أي سبب أخر يكون أقوى ويتناسب مع ظروفك

والفيزة مدتها راح تكون خمس سنوات .. يعني لاتشيل هم الحصول عليها بعد الوقت الي إنت
مخطط لة .. تقدر تخطط لها السنة الجاية إن الله أراد .. المهم تحصل عليها الحين

لكن المهم جدا جدا لا تختلف إجاباتك عن الي قلتة في المقابلة السابقة بالنسبة لمعرفتك أحد هناك
لكن ممكن في المقابلة الجاية إنك ما تقول إنك رايح لزيارتهم .. قول إنك رايح سياحة إنت وزوجتك وبس

يعني بإختصار .. خل الي يعمل لك المقابلة يفهم إن السبب الأول و الأخير
هو إنك رايح سياحة إنت وزجتك وليس للزيارة


ومهما كانت الأسئلة جاوب بإختصار شديد و لا تضيف أو تحاول تبرر شي لم تسئل عنة
خلك هادئ ومبتسم و بإذن الله بتكون الأمور مثل ماتتمنى

^^^
هلا يا غالي
انا اجازتي محدده تكون في شهر 4 او 5 او 6
ميلادي طبعاً يعني وقتي ضيق واذا ما سافرت امريكا ما راح اخذ اجازه بالاساس.

الاخوان يقولوا تقدر تروح سفارة الرياض حتى لو بعد اسبوعين
وبخصوص المبلغ ناوي احط 50 الف و اقول لهم قرض من البنك عشان السفر
لانهم يسألون من وين لك المبلغ

وكل الشكر على إفادتي لاني فعلاً كنت اسئل نفسي هل راح يبان لهم سبب رفضي
والله هي على حسب الشخص اللي يسوي لك المقابلة
صاحبي راح الرياض فيزا سياحية لا طلبوا منه لا كشف حساب ولا تعريف راتب
وتم قبوله سبحان الله
وانا طاب في هندي ملعون جدف توه صاحي من النوم وصاك علي

من ناحية أنها تعود على مزاجية الي يعمل المقابلة
فهذا الأمر صحيح .. لكن هذا لا يعني إن الي بيعمل معك المقابلة في الرياض
ما راح يطلب كشف الحساب .. ممكن يطلبة و ممكن لا

ولا تقول قرض ولا شي .. لا تذكر شي أو تبرر شي لم تسئل عنة
خلك طبيعي وجاوب فقط على الي يسألك عنة بإختصار شديد و إبتسامة صغيره

لكن ما دامك معزم إنك تقدم خلال الفترة الجاية حاول تكون في أخر شهر 5
و الوضع في الرياض سلسل كثير

بس مثل ما قلت لك أول .. خلة يفهم إنك رايح للسياحة وليس للزيارة
قول إن لك معارف هناك لو سألك .. بس لاتذكر إنك رايح تزورهم

خلك صريح في هذي النقطة ولا تختلف إجاباتك عن المقابلة الأولى
لو تقدر تتحصل على خطاب من جهة عملك ولو بشكل ودي بينك وبين
رئيسك المباشر بأنك متواجد في الرياض لنفس الفترة الي فيها موعد المقابلة
بأنك منتدب لحظور إجتماع أو أي مهمة تخص جهة عملك راح يفيدك كثير
في تبرير تغيير مكان المقابلة
( وللمعلومية و للإطمئنان الخطاب ماراح يقدم ولا يؤخر بالنسبة لرئيسك المباشر - يعني لايتردد ويقول مسؤلية ومن هالكلام خلة يكون مطمئن لأن الخطاب ما راح ياخذونة ويمكن مايطلب يشوفة حتى) لأن فية بعض الناس الله يهديهم يرفضون يساعدون


بالتوفيق

فكره انتداب من العمل حلوة وراح اضبطها
ان شاء الله
وفعلاً لازم اقول له اني رايح سياحة وليس زيارة وراح اذكر اسم صديق وليس قريب
بخصوص المبلغ لو سألني عنه زي ما الهندي لابارك الله فيه ايش الافضل اقول له!!

وكل الشكر والود لك

واذا الله كاتب لنا فيها خير راح نأخذه بأذن لله

بخصوص المبلغ لو سألك عنة ممكن تقول مدخرات بينك إنت وزوجتك
عشان كنتوا تخططون لرحلة سياحة لأمريكا .. وإذا زوجتك موظفة
راح تكون إجابتك مقنعة .. لو مو موظفة فالأمر سهل بإذن الله تكون من مصاريفها

عموما وبإذن الله ممكن جدا جدا جدا ما يطلب كشف الحساب لكن لو حصل وطلبة
لا تشيل هم .. لأن أبوهنود مؤكد جدا إنة لم يضع سبب الرفض أمور مالية هذا أكيد

ابوهنود قال سبب الرفض لايوجد لديك صله قرابه قويه لابارك الله فيه والله اني ادعي عليه
كل المؤهلات قدمتها بس نصيبي في ذا الشخص

إتطمن و توكل على الله .. ولو ممكن تواصلني عالخاص

راح أسويلك مقابلة تجريبية

المشاركة الأصلية كتبت بواسطة برمجي
http://www.arabtravelersforum.com/tr...4/#post4947124

ابوهنود قال سبب الرفض لايوجد لديك صله قرابه قويه لابارك الله فيه والله اني ادعي عليه
كل المؤهلات قدمتها بس نصيبي في ذا الشخص



إذاً فهو فهم انك ستذهب لزيارة هذا القريب وليس للسياحة !!!
اذا سألوك لماذا ستذهب لامريكا قل لهم باختصار للسياحة ولاتزيد على هالكلمة
اذا سألك تعرف احد قلهم اعرف هذا الشخص "هذا في حال كنت تعتقد ان عندهم هذه المعلومة"
تلقائياً هو سيسألك هل ستزورة ام لا ؟ قل لا اعتقد لاني سأذهب لفلوريدا وهو باوريجن مثلاً
فالامور ستكون طبيعة جداً هكذا
يعني خل ايجاباتك صريحة ومختصرة ولاتجيب طاري هذا الشخص اذا ماحد سألك
وبالتوفيق لك عزيزي

بارك الله فيكم
والله يكتب لكم الاجر

بس لاهنتم اذا احد عنده عناوين

فنادق بفلوريدا واسم الشارع وتلفون وزي كذا عشان اعبيها بالابلكيش
وسامحوني على ازعاجكم

يوسف خليني اضبط كل شي وراح انسق معك وتسوي لي مقابله
بس ما ادري بلاش ولابفلوس ههه

تفضل عزيزي
هذه قائمة بالفنادق وعناوينها
http://hotels.orlandohotels.com/
وبالتوفيق لك

حجزت موعد يوم الاربعاء 23 مارس

اشرايكم شباب يعني بعد موعدي اللي في جدة بـ 21 يوم

إذا تبي رأيي .. أجلة

خلي موعدك على الأقل شهر 5

المشكلة انا مربوط بإجازه محدده وعامل حساب الموعد ومده استخراج الفيزا اذا ربك يسرها
عموماً يوسف بخليه بنص شهر اربعه افضل وقتها يكون مر شهر ونص على المقابله اللي بجده

الله يكتب لنا و لك الي فية خير

أخوي برمجي أعلم والله مامريت به من إحباط لأني سبق ومريت فيه ولكن لعلها خيرة وأسال الله العظيم أن ييسرها لك وينور دريك ..

ولا تنسى تبشرنا يغالي عن الي يصير معك .... مع خالص الشكر والتقدير

حاول انك تختار في النوذج ولاية رخيصة زي فلوريدا ولا تجيب سيرة انك تعرف واحد في امريكا

المشاركة الأصلية كتبت بواسطة lover usa
http://www.arabtravelersforum.com/tr...6/#post4951936

أخوي برمجي أعلم والله مامريت به من إحباط لأني سبق ومريت فيه ولكن لعلها خيرة وأسال الله العظيم أن ييسرها لك وينور دريك ..

ولا تنسى تبشرنا يغالي عن الي يصير معك .... مع خالص الشكر والتقدير



الله يسعدك ياغالي وإن شاء الله تفرج

واحد من اصحابي يعرف شخص يعمل بالقنصلية بجده
ما ادري ينفع الواسطات معاهم ولاالطريق مسدود..؟

اليوم راح يكون بيننا اتصال عن كيفيه الوضع...،*

الواسطات عندهم شبة معدومة ... لكن هذا لايعني إنها غير ممكنة

ولكنها تعتمد على الشخص نفسة ومكانتة وصلاحياتة في القنصلية

اخوي وسع صدرك وقدم مره ثانيه انا مقدمه عام 2004 وكمان عام 2006 ولم تصدر لي الفيزه انا وزوجي وابنائي الا عام 2009 شفت صبر زي كذا والمشكله مو فيني ولا في ابنائي المشكله كانت في زوجي وكان غرض الرحله كمان علاج لاحد ابنائي عليك بالدعاء وان الله يكتب لك الخيره لاتقنط من رحمة الله الله يفرج لك ولي ولجميع المسلمين موفق

المشاركة الأصلية كتبت بواسطة yusif
http://www.arabtravelersforum.com/tr...8/#post4964998

الواسطات عندهم شبة معدومة ... لكن هذا لايعني إنها غير ممكنة

ولكنها تعتمد على الشخص نفسة ومكانتة وصلاحياتة في القنصلية




الرجال واعدني الاسبوع الجاي ونشوف ايش عنده ولو اني ما اؤمن بالواسطات في هذه الامور

بس ما ندري كل شي جايز...!

المشاركة الأصلية كتبت بواسطة وارثة الطيب
http://www.arabtravelersforum.com/tr...6/#post4965436

اخوي وسع صدرك وقدم مره ثانيه انا مقدمه عام 2004 وكمان عام 2006 ولم تصدر لي الفيزه انا وزوجي وابنائي الا عام 2009 شفت صبر زي كذا والمشكله مو فيني ولا في ابنائي المشكله كانت في زوجي وكان غرض الرحله كمان علاج لاحد ابنائي عليك بالدعاء وان الله يكتب لك الخيره لاتقنط من رحمة الله الله يفرج لك ولي ولجميع المسلمين موفق

يا هلا والله اخي وارثه

والله يعطيكي العافية على مواساتي والله يكتب لنا اللي فيه الخير

موعدي الشهر الجاي في الرياض بأذن الله تتيسر الأمور



...!

جاوب على قد الاسئله ... وكن مستعد لإي سؤال ما يطري على بالك ,,, يعني يمكن يسألونك ليش رفضو فيزتك في القنصليه اللي في جده,,, أنا ما ودي احبطك ,, بس يمكن يسألك تعرف احد في امريكا وبتقول لا ,, وهم يعرفون المره الاولى قلت انك تعرف . ,,, على العموم انا طلعت من قبل فتره الفيزا والحمد لله جلست اسبوعين وطلعت الفيزا ,,,, وسألني تعرف احد في امريكا قلت له هيه اعرف صديق لي في امريكا ,,, طبعا هو زميل عمل وفي نفس الوقت صديق ,,, ومشت الامور تمام