الموضوع: تورنتوفانكوفرالافضل شباب

السلام عليكم
انا بصراحه بروح ادرس بعد 10 شهور وابي اشوف المعاهد وكل شي من الان
فيه ناس قالوا لي رح قولد كوست
وناس دبلن
وناس فانكوفر
وناس تورنتو

انا ابي مدينه مهيب غاليه مرره يعني مو مبالغ فيها مثل لندن وكذا
وابي مدينه في اماكن تسوق وكافيهات شيشه وكذا:8888:
وانا ابي سكن خاص
كم تتوقعون يكلفني سكن خاص لمدة 3 شهور:114:؟؟
وبدرس بالمعهد 12 اسبوع
فيه موضوع حق رجل اعمال اخت منه رابط لكن ما ادري

كم المده اللازمه قبل ما اروح للمعهد
مثلا قبل ما اروح ب 3 شهور كذا
والفيزا كم تنصحوني اقدمها قبل السفره
وهل لازم اسجل بالمعهد وبعدين اقدم عالفيزا؟؟
وانا ما عندي حساب ما فتحت وش اسوي عشان تقديم الفيزا؟؟
وبعدين وشراايكم اي مدينه تتوفر فيها الشروط التاليه!!!!

وانا لغتي ضعيفه وبدخل معهد هنا بالرياض لمدة 3 شهور وبعدين بطلع برا

وش رايكم اي مدينه؟
والاسئله الي فوق جاوبوني تكفون؟ :110:

مواضيع عشوائيه ممكن تكون تعجبك اخترناها لك:

• فزعتكمضروري واللهالليلة تكفوون
• الهزبر يسأل
• ٍسؤال عن تخصص دراسي وعند كندا والدراسه فيها
• طريقة دفع الرسوم الكنديه والتقديم على السفارة
• ماهي أفضل شبكة اتصالات؟
• افـــيــدونــي الله لا يهينكم بأسرع وقت؟؟؟
• سؤال بخصوص التنقالات
• سؤال لأي واحد راح لكندا
• تذاكر وسائل النقل الشهريه تورنتو
• واخيرا رجعنا للمملكة بسلام
• ما خاب من استخار ولا ندم من استشار ارجوووو الدخول واهداء النصح لتعم الفائده
• مين عنده فكره عن ذا المعهد
• الطيران
• أخيراً استلمت الفيزا و تم حجز الطيران ولكن لن أسافر
• أفضل مكتب لاصدار التأشيرة الكندية بالرياض
• لكل المسافرين الى كندا
• تورنتو
• ابي رايكم والحل تكفون
• المجموع المطلوب فى جامعات كندا
• وش افضل معهد لغه بفكترويا

طبعا من المدن الموجوده
يعني مو بس تورنتو وفانكوفر
وجولد كوست و دبلن
وش افضل؟؟
مع الاجوبه الي فوووق
وارجو اني ما طولت عليكم

هلا اخوي فانكوفر غاليه
انصحك باي مدينه كندية اخرى

هلا اخوي انا انصحك في تورنتو انا فيها الان والله مدينه خيال وحلوه مره وفيها اسواق وفيها شيشه

اتوقع سكن خاص لمدة 3 شهور تقريباً 3400دولار مبالغ فيها بعد

المعهد على حسب المعهد كل واحد وسعره

انا في معهد شهريا 950 دولار

انصحك تقدم فيزا مدتها 6 شهور يمكن تجلس يمكن تروح لسعوديه وترجع

انا قدمت على 6 شهور يوم وصلت مطار تورنتو عطوني زياده شهرين كلها 8 شهور

احلى شئ انك تخطط
اول شئ قدم على فيزا

تورونتو حلوه شويه غالي لو تروح المعهد يكلف 1000 في شهر كليه قول 1600


السكن اول شئ اسكن مع العائله او مع حد يعرف المنطقه بعد شهر تقدر تسكن لحالك

يعني ارائكم اروح تورنتو
واخطط من بدري
واروح اسكن شهر مع عائله
وبعدين سكن خاص؟؟
انا رايح 12 اسبوع
وبروح بعد 10 شهور باذن الله
لكن هل تنصحوني ادرس هناك برمضان ولا بيكون متعب؟

تنصحوني ببرامج الي عند المكاتب
حقت الطيار ولالا؟؟
واتمنى تجاوبوني
انا بدخل دوره شهرين
وبروح هناك ناوي 12 اسبوع
لكن اخاف رمضان يكون تعب
ولا وش رايكم؟؟ الي مجرب؟

ارشح لك عزيزي ولا تورنتوا وبعدها فانكوفر ...دبلن جيده بس غاليه و كذلك بلد هادي جدا ..
يمكن اتطق كبدك

انت بس من توصلك كندا كل الي تتبغيه بتعينه سواء طيران ولا طريق بر

والله انا اقنعوني الشباب بتورنتو
وهل تنصحوني بالبرامج الي عند مكتب الطيار؟

ولا وشرايكم بهالمعهد بفانكوفر
http://www.vec.ca/arabic/1/
انا ما يهمني غاليه يعني اذا مو مبالغ فيها ما تفرق
لكن فيها شيش واسواق وكذا ولالا؟

يقولون مقاهيهم مافيها عنب توت وباشا وبحريني وتفاحتين ... الخ
افيه الا كاكاو وفانيليا وطقتها ... عوّد نفسك على هذولي ههههههههههههههه
وراس الشيشه ببريطانيا تقريبا 30 ريال سعودي ههههههههه لا والله الي دجينا هههههه


اسأل عن الجو بتورينتو وغيرها ... ترانا ضبان ما ينفع لنا البرد

ا
نصحك بفانكوفر جوها حلو ومدينه مليئه بكل مايخطر على بالك .

والشيشه تراها غاليه هنا وجب معك عدك اذا تقدر

واذا بغيت محل شيشه تلقها فى المحلات الايرانيه فى النورث بس ملاعين غاليه مره بشكل ماتصور .

انا انصحك بفانكوفر لاني درست فيها اربع شهور كنها يوم حلوة مرة واسعارها كويسة فيها مطاعم ارانية يسون رز ولاحسن شي فيها ان جوها مرة مناسب لنا كخلجيين لانة ماجيها ثلج الا خفيف عكس ترنتو مرة باردة وبيزهقك البر وبنسبة للشيشة موجودة قهوة ويبعون شيش الارانين والمعاهد فية معهد مرة ممتاز في وسط المدينة

الف شكررررررررر لكم
لكن انا وقت السفر بيكون عمري 14 و 5 شهور
وسن القبول بالمعهد 15؟؟؟
تتوقعون يقبلوني؟؟
وبالنسبه للشيشه ما تفرق كلها مره مرتين بالاسبوع

شر البليه ما يضحك يعني بعدك ما كملت 14 و تسال عن الشيشه و كل شخص يدلك على المكان ياثم

والله ناس عجيبين

الغامض
انت رايح تلعب ولى رايح تدرس !!!!! وبعدين انت عمرك 14 وتبي شيش!!!!!

((والله قهر مثلك يطلع برا السعودية ))

هههههههههههههههههه

شي يقهررر ويبط الكبد

خلك بالسعودية أفضل

لاتروح تشوهـ السمعه

انا أتوقع انك يالغامض ماراح ترجع الا وأنت بلبل_ شيشة_

وش هالتفكير الله يهديك

نعيب زماننا والعيب فينا وما لزماننا عيب سوانا

بصراحة مو معقولة 14 سنة ويشيش اجل اذا كبرت شوي وش بتسوي الله يستر من الي جاااااااااي

اخوي انصحك بشارع هيستنق في فانكوفر بيصلح لك خخخخخخخخخ

youme

ولد خالتي بيروح معاي ولا تخاف عمره 18 وانا ابي اسوي اني خبير بالمنطقه عنده بس
__________________________________________________ ___________
ابن البيطار نفس الكلام الي فوق
فصوووووووولي نفس الشي
الغريب2 نفس الكلام بعد
abowleed حتى انت نفسهم
abu_faisal1 مشكور

ويا شباب ولد خالتي بيروح معي وعمره 18 وعاد بكيفه هو يسوي الي يبي

ههههههههههههههههههههههههه
لا تعليق

هههههههههههههههههه

تبي تشييش ... وراك تعلم بعمرك على فكره لا انت ولا ولد خالك تقدرون تشيشون
لان نظامها نفس نظام البارات والمطاعم الي فيها بارات ... تحت الـ19 يحشون رجلينك ان دخلت

يابوي قبل لاتروح راجع نفسك انت رايح تدرس ولا رايح تلعب

الغامض
عاش مصرررف

il Bambini
ههههههههههههه

مجرم سفر
مشكور


استغرب من حرب الاعضاء يا ناس بكيفي انا وولد خالتي
مالكم شغل
انا اقول فانكوفر ولا تورنتو والناس يدخلون يضحكون
ياخوي روحوا شوفوا ناس مثلكم تلبعبون معاهم
فاضين ياخوي سوا اي شي
وبعدين يا مجرم سفر ادرس العب بتخسر من فلوسك شي انت؟؟؟
والله اضع اكثر من علامة تعجب

ابن البيطار
سقها بس

الغريب 2
وعليك مبارك

السلام عليكم ..... والشهر عليكم مبارك ...... يا شباب هدو العب شوي انتو عليكم النصيحه وجزاكم الله خير بدون تجريح ..... اخوي الغامض .. انصحك بكندى بشكل عام واذا روحتك بالصيف بتكون فانكوفر احلا خيار الجو حلو ومهرجانات واهي مدينه سياحية من الدرجه الاولى:surf ,,,,,, بنسبه لسكن اذا تبي شقق فيه بحوالي 900 دولار شي مرتب ونضيف بالداون تاون ,,,,,,,, اما اذا بغيت العوايل ف يا كثرهم طبعا العايلة اذا صرت اقل من 18 يسوون عليك كنترول نجي للمعاهد كثير واسعارهم غريبة جداا يعني عندك من 400 الى2000 دولار انا جربت معهد اسمه علا ما اعتقد lsi ماني متأكد بضبط بس كويس والمعلمات تعاملهم جداا كويس كان الفل تايم 780 دولار وانشالله رحلة موفقة ..

الجناح الأيمن
الله يوفقك
ويا ليت الاعضاء مثلك
وكل عام وانت بخير

شكلك من الشرقية

abu abdullah

لالالالا
الريااااااض

المشاركة الأصلية كتبت بواسطة abu_faisal1
http://www.arabtravelersforum.com/tr...4/#post1571904

اخوي انصحك بشارع هيستنق في فانكوفر بيصلح لك خخخخخخخخخ

ابو فيصل شدني تعقيبك.. وتوقفت صامتاً امامها:109:.. عطنا وش فيه هالشارع ولا عليك أمر يابو فيصل:114:

لاتخاف ترا عمري فوق الثلاثين خريفاً:24: