الموضوع: غرموووووونا ريال في دبي والسبب ؟؟؟؟؟؟؟؟؟

السلام عليكم

بالأمس قلنا نجرب مترو الانفاق بعد مالزمت على زوجي الا نركب فيه

طبعااا محطة المترو قريبة من الاوتيل اللي حنا فيه

( راديسون رويال )
شارع الشيخ زايد

رحنا وقطعنا 3 تذاكر بقيمة 28 درهم تقريبا رايح جاي

وكنا متوجهين لدبي موول

ركبنا على بركة الله ومالقينا مقاعد نجلس عليهاا

بس جلست انا وبقية العائلة الكريمة وقوفا رغم قطعنا جميعا للتذاكر

يعني مو شرط اللي يقطع تذكرة انه يلقى كرسي

بعد وصولنا لمحطة دي مول وجدنا الباص ركبنا فيه مثل الجميع

ووصلنا لدبي مول

ورجع زوجي ببياض ثاني للمحطة بس مادرى الا بالامن يمسكه

والسبب كما ذكر انك راكب باص بدون ماتدفع تذكرة للباص

حاول يفهمه انه سايح واول مرة يركب بهالوسيلة مافهم الامن

وغرموه 210 دراااهم

دفعهاا وهو معصب

_____________

انا حسب اللي فهمته من الاخوة هنا ان المترو بعدين الباص يوصلك بنفس التكت

مادرينا ان الباص لازم ندفع له مبلغ جديد

ومكتب التذاكر لم يذكر لنا شيء مثل كذا عندنا طلبنا تذاكر لمول دبي

فانتبهووا

مواضيع عشوائيه ممكن تكون تعجبك اخترناها لك:

• ساعدوني
• مؤتمر إدارة المعرفة أبو ظبي
• عندي استفسار بخصوص المبالغ النقدية
• فندقاً أخر لأنانتارا في جميرا دبي
• ابي مساعدتكم ايش افضل فندق من الفنادق المذكورة
• عزوبي في دبي
• استفسارات بخصوص رحلة قصيرة لدبي
• التاكسي في دبي ؟؟
• اخوكم من الكويت طالب مساعدتكم
• الشقق الجديدة التي عند منفذ البطحاء
• استفسار للخبراء كم سعر صرف الدولا بالدرهم الاماراتي؟
• آرجو منكم المساعده والاهتمام
• سكن أقتصادي بالشارقة أودبي
• سؤال عن أماكن السهر للعائلات في دبي؟
• لو سمحتوا ابي تفيدوني ولكم جزيل الشكر
• سـؤال عاجـل الى عيال زايد أرجو الرد
• سؤال اهل دبي ؟؟؟؟؟؟؟؟؟؟؟؟؟
• حسايف قريبا في دبي
• استفسار عن عبارة بين قطر و دبي
• السفر الى دبي بالاب توب هل فيه مشكله

الحمدلله عالسلامه ...
و زين جات على هالمبلغ مو اكثر ..
بصراحه لو انتي بدوله ثانيه ، كان يمكن قلنا الموضوع فيه استغلال ،
لكن طالما هذي تعليمات البلد ما يخالف ، حلال عليهم ، و الله يعوض عليكم ...



و جزاك الله خير عالتنبيه ..


.
.
.

هلا وغلا ام عزيز

مااختلفناا على نظااااااام البلد

بس الغلطة غلطة الموظفة الي تقص التذاكر المفروض نبهتنا لاننا وحنا نسالهاا واضح جدا اننا اول مرة نركب المتروو

هذا من وجهة نظري

حتى الامن ....

المفروض يكون انذار او لفت نظر كجذب سياحي لهم وغير كذا واضح ان الغلط ماكان مقصود

حتى نظاام سالك مايخالف ولا يدقق على السعوديين كثيرر باعتبارهم سياح عكس اهل البلد

لكن على قولهم كل دقة بتعليمة

كل دقة بتعليمه ..

مشي حالك ، مثل هذه الامور ما احب اركز عليها كثير في سفري
حتى ما اعكر مزاجي .

الله يعوض عليكم .

كان معي بطاقه ولا حصل لي هالشيء
بس للأمانه كنت بالمترو وكان معي فصفص ما دريت الا الأمن جاني وقال أول مره قلت لا مش أول مره علشان أكون صادق معك قال ممنوع أخوي فيها غرامه قلت أبشر ولا يهمك

السلام عليكم ورحمه الله وبركاته

اولا اقول الله يعوض عليكم ومثل هالامور تحصل ، بعض الموظفين قد لا يعطون الشخص شرح وافي وكافي لعدة اسباب منها ان الموظفة قد تكون لا تعلم انكم ستقومون باستخدام الباص، بطاقة النول يمكن استخدامها في جميع مواصلات دبي تقريبا ولكن لكل وسيلة نقل رسومها الخاصة بالطبع، بمعنى ان البطاقة يمكن شحنها ومن ثم استخدامها في المترو والباصات والتاكسي المائي واعتقد التاكسي كذلك وهكذا

عموما شكرا لتنبيه الاخوه

واتمنى ان لا يصادفكم شيء كهذا في رحلاتكم القادمة

وشكرا

انا رحت لدبي مول عن طريق المترو وركبت الباص بدون رسوم تذكرة في الذهاب و العودة .. عادي ولا أحد قال شي

قد يكون السبب لأنكم لم تضعوا البطاقة على قارئ البطاقات في الحافلة ,,,

المشاركة الأصلية كتبت بواسطة [email protected]
http://www.arabtravelersforum.com/tr...1/#post7060831

انا رحت لدبي مول عن طريق المترو وركبت الباص بدون رسوم تذكرة في الذهاب و العودة .. عادي ولا أحد قال شي



واحنا بعد
وشفت موضوعك قبلها وقلت لللاهل ورحنا نسال قالوا بدون رسوم وأهلي اشتغلوا علي كل شي بالنت تصدقينه هههه >>وهقتيني معهم الله يهديك
..............:.......
لا اله الا الله محمد رسول الله من الموبايل

المشاركة الأصلية كتبت بواسطة ريــــوف
http://www.arabtravelersforum.com/tr...1/#post7059361

هلا وغلا ام عزيز

مااختلفناا على نظااااااام البلد

بس الغلطة غلطة الموظفة الي تقص التذاكر المفروض نبهتنا لاننا وحنا نسالهاا واضح جدا اننا اول مرة نركب المتروو

هذا من وجهة نظري

حتى الامن ....

المفروض يكون انذار او لفت نظر كجذب سياحي لهم وغير كذا واضح ان الغلط ماكان مقصود

حتى نظاام سالك مايخالف ولا يدقق على السعوديين كثيرر باعتبارهم سياح عكس اهل البلد

لكن على قولهم كل دقة بتعليمة



هذا هو الغلط النظام نظام والمفروض يسري عله الكل مواطن او سائح
هندي او خليجي

غريبه باص دبي مول .. زحمه موت كيف دققوا انكم مادفعتوا .كيف يعني هل احد علم عليكم والا شلون
حنا رحنا مرتين المره الاولى مررت كرتي والباص كان زحمه مره
وزوجي مرره مقلوب وماولع تركه وومشى لان في ناس ورانا
والمره الثانيه ماقدرنا نمرر من الزحمه فزوجي لما جلس مرر ببطاقته
وانا لا ..
لان الباص غير منظم بصراحه
اما بقية الباصات نعم تدفع حاله حال المترو
بصراحه يعجبني البلد اللي مثل دبي
لوماالنظام ماشفتيها بهالرقي
واعتقد هالشيء من غير ماتعلمكم الموظفه معروف بلعالم
المواصلات العامه عليها دفع

اهلا بالجميع ...

انا جاي قبل اسبوع من دبي , وحسب معلوماتي ان الركوب المجاني لباصات المترو من محطة مول دبي الى

المول خاص فقط لمن يحمل تذكره درجه اول في المترو .. وحاليا فيه جسر يبنى يربط محطة مول دبي

بالمول مباشره ولو ان المسافه طويله لكن افضل من الباص او المشي في الاجواء الحاره .


تحياتي ,,,

فعلآ لاحظت الجسر في اخر زياره لنا لدبي مول

انا شفت نفس الموقف والله كان رعب كانه فلم هع
انا كنت مضيعه الكرت بس الحمدلله ماقالو لي شي

وش السالفه يعني المترو يودينا للمول والباص نرجع به

ليش مانرجع بالمترو

اذا كان هذا المبلغ غرامه محدده روتينيه من الدوله لكل من يخالف لاباس الغلطان يتحمل ويجب الأحترام

بس اذا كان فرض الغرامه وتقدير المبلغ من الموظف نفسه هني فيها شك

هل فيها وصل او سند غرمه؟ او ادفع وروح؟

الله يستر عطيتني ردت فعل وانا بروح ثاني ايام العيد (اول مره ازور الامارات)
لايكون بكل خطأ عشوائي وغير مقصود ندفع راح تقزر علينا نمشي وندفع

نظااااااااام صارم مو زي عندنا حوسة وواسطات وفساد

المشاركة الأصلية كتبت بواسطة صقر دبي
http://www.arabtravelersforum.com/tr...5/#post7061235

قد يكون السبب لأنكم لم تضعوا البطاقة على قارئ البطاقات في الحافلة ,,,



فعلا هذا السبب
حيث ان البطاقة المستخدمه في المترو نفسها تستخدم لكل المواصلات العامه بشرط تمرر على القارى عند باب الدخول للباص

يمكن مامررتوا الكرت

الله يصلحكم بس ، معروفه بكل مكان بالعالم المترو له تكت والباص حسابه لحاله وبعض الدول يكون لك بطاقه تشمل وسائل النقل مترو وباص وقطار بس لازم تستخدمها بكل ما تدخل وتطلع
يلله كل دقه بتعليمه والنظام دامه يمشي على الكل مايزعل الواحد وللامانه نظامهم واضح وكل شي مكتوب على البطاقه والبروشورات واللافتات عند شباك التذاكر ، ولايعفى الجاهل بالنظام من التقيد فيه لان لازم تعرف نظام كل مكان قبل تروح له
ودائما اذا ما تعرف او شكيت تاكد من اقرب شخص مسؤول وكان بامكانكم تسالون سائق الباص او اي شخص ينظم بالخارج هل في رسوم وهكذا تجنبا للاحراج لاحقا

لا مهي مشكلة فببطاقة نول دبي تسطيع صعود المترو والقوارب التاكسي المائي والباصات الا في حالات معينة وهي :
1- عندك مثلا قارب فيري دبي لنفس rta لكنك تدفع 50 درهم كاش للرحلة .
2- باص دبي ابوظبي تدفع من دبي 25 درهم كاش .
3- باص ابوظبي دبي تدفع 15 درهم كاش .
4- جميع باصات القرية العالمية تدفع كاش حتى لو انت مشترك بنول يعطوك بطاقة حمراء كرتونة بـ 12 درهم الى محطة الغبيبية .
5- جميع الباصات في دبي ببطاقة نول وماعليك سوى شحنها باي مبلغ .
اما ابوظبي تدفع 3 درهم ويعطيك السائق تكت .
الي في دبي لانه مافيه احد غير السائق يشيك على الاجرة هناك امن يصعد في حالة اشتباة السائق انه احد ما دفع يصعد رجل امن بجهاز ويشيك على من لم يدفع بمنتهى الذوق شفناة يتعامل مع الجمهور وبمنتهى الابتسامة كانت معي اسرة من السعودية تحدث معهم وافهمهم بلباقة واعطاهم تذاكر مؤقتة هذا واحنا في ابن بطوطة

لازم يمرر البطاقة على الجاز بالباص وهو ما مررها
بطاقة الباص في دبي نفس بطاقة المترو
انا جربتها ايضا لازم التمرير
حتى المترو يجون يشيكون على الاشخاص احيانا ويشيكون على البطاقات لازم التمرير

والله أنا مع النظام لكن لابد من تنبيه السياح عبر الموظفين والبروشرات واللوحات الإرشاديه

غريب
انا استخدمت المترو مرتين من سنة تقريبا ومنه الباص الي يوصل لمول دبي وما كان في اي تذكرة تندفع؟؟
هل كل ركاب الباص دفعوا مثلكم ولا انتو بس؟وهل شافوا تذكرة المترو وطلبوا تذكرة للباص؟
الي اعرفه والي انا مجرباه انه الباص مجانا
الله يعوض عليكم بكل الاحوال بس اتوقع انه في سوء فهم صار معكم

تحصل احياناً اخطاء من الموظفين لكن هذا مايمنع من ان نسأل ايضاً الحمدالله على السلامه.

يالبـــا مترو ميونخ بس

الله يعوض عليكم احنا بدبي دفعنا مخالفات سرعة 2000 ريال ما يقوللي من وين طلعو لما صار عنا فوبيا اسمها دبي وشوارعها

كان بالامكان انج تتصلين بشركة الار تي ايه التابعه لهم واتقدمين شكوه وهم ما بيقصرون ان شاء الله

الحمد لله على السلامه الفلوس ماعليكي منها اهم شي مافي سجن هههههههههههه لاكن حلو تنبيه الاخوان عشان الي يروح ينتبه

ما قد استخدمت الباص بعد المترو لدبي مول من زحمته امشيها كعابي

ننتظر مشروع اعمار ينتهي بسرعه ويريحنا

المشاركة الأصلية كتبت بواسطة فييراري
http://www.arabtravelersforum.com/tr...5/#post7076245

هذا هو الغلط النظام نظام والمفروض يسري عله الكل مواطن او سائح
هندي او خليجي




صح مااختلفنا في ذلك

لكن لو يشرح النظام لكان افضل

المشاركة الأصلية كتبت بواسطة وليد عنبه
http://www.arabtravelersforum.com/tr...5/#post7347115

لا مهي مشكلة فببطاقة نول دبي تسطيع صعود المترو والقوارب التاكسي المائي والباصات الا في حالات معينة وهي :
1- عندك مثلا قارب فيري دبي لنفس rta لكنك تدفع 50 درهم كاش للرحلة .
2- باص دبي ابوظبي تدفع من دبي 25 درهم كاش .
3- باص ابوظبي دبي تدفع 15 درهم كاش .
4- جميع باصات القرية العالمية تدفع كاش حتى لو انت مشترك بنول يعطوك بطاقة حمراء كرتونة بـ 12 درهم الى محطة الغبيبية .
5- جميع الباصات في دبي ببطاقة نول وماعليك سوى شحنها باي مبلغ .
اما ابوظبي تدفع 3 درهم ويعطيك السائق تكت .
الي في دبي لانه مافيه احد غير السائق يشيك على الاجرة هناك امن يصعد في حالة اشتباة السائق انه احد ما دفع يصعد رجل امن بجهاز ويشيك على من لم يدفع بمنتهى الذوق شفناة يتعامل مع الجمهور وبمنتهى الابتسامة كانت معي اسرة من السعودية تحدث معهم وافهمهم بلباقة واعطاهم تذاكر مؤقتة هذا واحنا في ابن بطوطة





شكرا اخوي على التوضيح وكل دقة بتعليمة

المشاركة الأصلية كتبت بواسطة فلوته
http://www.arabtravelersforum.com/tr...7/#post7351457

والله أنا مع النظام لكن لابد من تنبيه السياح عبر الموظفين والبروشرات واللوحات الإرشاديه




هذا القصد التوضيح والبروووشورات

الله يجزاك خير على هالتنبيه اللي يغفل عنه البعض