الموضوع: سفاري للأسف

تونا جايين من سفاري وماكملنا الرحلة اصلا.......... ؟؟؟؟ تدرون ليه
صراحة كأن الواحد في اوروبا شراب ورقص وعري
والله خفنا ربي يسخطنا وزود على ذلك كان الجو موت برد وهوا
بس اكثر شي قرفنا التعري والجو الأوربي الخالص
كان نفسي اشوف العادات العربية الأصيلة ...أشوف بدو ....أشوف ناس محتشمة محترمة
بس صراحة الي استفدناها التجوال بسيارات الدفع الرباعي وكان مغامرة لسرعتها وخوفنا من التصادم لعلو الكثبان الرملية او الانقلاب بس ربي ستر

الزبدة ماأنصح بسفاري مع الأجانب ابدا خصوصا اذا كنتوا محافظين

مواضيع عشوائيه ممكن تكون تعجبك اخترناها لك:

• اول مره اسافر للامارات ومحتاج مساعدتكم
• استفسار تكفووون لا تردووني
• مكاتب الحجز في مطار الشارقه
• كم سؤال للي يحبون الخير والمساعده
• تدشين منتجع فيرومنت ميناء الفجر بالفجيرة نهاية
• استفسار بخصوص السفر بالخادمه
• بنزل ترانزيت دبي الساعه في الليل وين اروح ؟
• ساعدونيولكم الاجر؟؟؟؟
• بغيت تقييمكم الله لا يهينكم
• محلات التسوق
• ممكن مساعدة
• تتوقعووووووووون صدق ولا اشاعة
• بليززززز ابي رد سريع
• أرجوكم فنادق ممتازة بحدود ريال
• شقه لعائله كبيره
• البوابه الإلكترونيه مطاري دبي وأبو ظبي
• شباب فندق من جربه او يعرف عنه شيء
• فنادق او شقق اقتصادية
• عرض رائع لمن يٌريد الذهاب للإمارات
• حجزي في روز قاردن البرشا

وعليكم السلام اخوي

صح كلامك بس شركة السياحه اللي سرتوا وياها ما خبروكم شو هو جدول السفاري؟؟
كل القروب اجانب واوربين
والمخيم جذي فيه دق ورقص

سفاري ما تصلح للعوائل المحافظة واللي معاهم اطفال ايضا

ولكني ذهبت معهم ولم الاحظ التعري بمعناه لأن الجو كان باااارد ؟؟


ولكن يوجد رقص وطبل وعروض مصرية بالتنور


وبصراحة ماتستاهل انك تعطيها اكبر من حجمها افضل شئ كان التطعيس والعروض المصرية والجو البري




تحياتي

مرحبا اخواني
بغيت أسأل هل لي حق استرداد جزء من المبلغ لأني لم اكمل برنامج السفاري
كما ان السائق طلب مني 100 درهم لكي يرجعني للفندق ( لم تعجبني السفاري ورجعت قبل ان تنتهي)

upupupupupupupupup

هذي مشكلة الي مايسأل قبل مايروح

االخمر والرقص ممنوع في المخيمات

لازم تشتكون عليهم

ياخوي المفروض أنك شفت حد سواق عربي تفاهمت معاه من بره لبره
أنا عندي شخص يمني قديم جداً
إنسان خلوق جداً و يوديك وين ماتريد و الجو اللي بتحبه

انا لي بقريري رحلتي الي دبي
سفاري مع العائلة و لي تعقيب على كلامكم
انا والعائلة رحنااا للرحلة و اشوفها حلوووم و فترة الرقاصة 15 دقيقة و يوم بدا العرض طلعت خارج المخية
تمشيت انا و المدام و الاولاد و يوم خلصة رجعت للمخيم و الوضع حلووووو و طبيعي
و اذا تبي السايق يردك لازم تكووون حاجز الجيب لوحدك فقط و يردك على طووول بدون اي مبلغ

السلام عليكم بصراحة ما أدري ليش السعوديين يرحوا سفاري دبي و لا أبو ظبي ؟؟؟ و الأجانب الأوربيين هم ما يجوا دبي إلا عشان السفاري إلي موجود عندهم و أكيد هناك شركات خاصة للعائلات المحافظة بس أقلية ؟ مثل فندق أتلانتس إلي كان كامل عروض للعائلات السعودية لاحظ مو الخليجية و عندنا الثمامة في الرياض و لا البوابة و في مخيمات عادية و مخيمات
???vip ???
يمكن إستأجر يخت و لا تسوق و لا القفز بالمظلات و أخذ جولة بالهيلكوبتر
بس الله يعوضك خير

شركات السفاري كثيرة جدا

وككل شركة لها سياستها

وللأسف أغلبيتها برامجها للأجانب

ولا تناسبنا نحن الخليجيين

أحلى ما فيها روح المغامرة اما غير ذلك للأسف مخذله

اذا تعرفق تسوق في الرمل عدل عدل استأجر سيارة فورويل وإلحقهم

وأنصحك في حالة تستأجر فور ويل لا تستأجرها الا من المكاتب العالمية المشهورة

مثل افيست أو بدجت لأنه المكاتب الصغيرة بتنصب عليك وقت ما تردها بإختلاق الأعطال

من يتكرم علينا باسم شركه محترمه لاننا كعائله نود الذهاب فى احدى الرحلات الليليه بدون مبيت كما اكون شاكرا اذا اعلمتمونا بالاسعار للكبار و الصغار..و شكرا جزيلا.

هو الحل انك تاخذ سيارة كاملة نفس ما قالو الاخوه تقدر ترجع في اي وقت

لازم يورونهم الرقص الشرقي العربي في البر ويسوون اكشن لهم الاجانب


بالنسبة لنا البر والخلا متعودين عليه مافيه داعي نروح